qzozpoet

[qzozpoet]

ياليت من قلبي بداية شروقك

ويطلع شعاع الصبح من جوف مغليك

ويبدا مسانا مع بدايات شوقك

وتطلع عروقي يا ملاكي تحيّيك

نصف القمر فوقي وباقيه فوقك

يالله عسى بدر العمر يكتمل فيك

[qzozpoet]

قمت اشتكي للشمس من طول الغياب

وطاحت دموعٍ من سنين مجمعة

وجتني الغيوم و حوطتني بالضباب

كانت على بوح العنا متسمعة

اثر المسافر دمعته تبكي السحاب

وتمطر دموعٍ بالمسرة مقنعة

كني على حزني احارب لي سراب

لاني بقادر اوصله ولّا امنعه

[qzozpoet]

يا حلوها وهي غافلة عني بحزن

ثم لمحتني واعتلى البدر ابتسامة

كن لي قصيدة ما كان ينظمها وزن

وبشوفها قلبي وزن شعره وكلامه

[qzozpoet]

مهما تغيب الشمس عن عيني وتروح

يبقى شعاع البدر ماليني ضيا

يا بنت من عقبك وصبحي ما يزوح

كن الليالي توها تحس بحيا

[qzozpoet]

ما للزعل في حضرتك ذرة حضور

كن الرضا طبعٍ يجي من مبسمك

يا وردةٍ تضوي حسن بين الزهور

قلبي على شتى الخلايق قدمك

[qzozpoet]

في عالم الانسان لا ترجي الكمال

اقبل نواقيص البشر صبح و عشية

ما كمل الناقص ولا اسمى الفعال

لازم ورا طيبه تلاقي لك خفية

خل السماحة واقعك وانسى الخيال

واقبل خطايا صاحبك مثل الهدية

دام الغلط ما ينلمح فوق الجبال

لا تنفخ الزلة تخليها قضية

[qzozpoet]

هاتي كلامك ما ابي غيره سطر

ولا تساليني وش كثر تبغى اقول

خايف اقول اني ابي كثر المطر

ويموت قلبي ما مشت فيه السيول

[qzozpoet]

مهما تعالى منزلك داخل القلب

والشعر من نفسه يجي منكتب فيك

لا يغفلك كونك على مقعدٍ صلب

بعض الفعايل ما لها درع يحميك

[qzozpoet]

مالي رجا في ميّت القلب احييه

كانه تخلّى للمواشي رميته

ماني من اللي طاري البعد يكويه

اجفى ! ولو قلبي عصاني شويته

[qzozpoet]

كيف السما تظلم ومبسمك باين؟

وكيف السما تضوي ومبسمك زعلان

يا سيّدة هالحسن وما فيه داين

انسي تغيب الشمس وخاطرك فرحان

[qzozpoet]

خلنا نْتواعد نلتفي لياة خميس

ونكون أحلى ثنين في ليلة عمر

عل الليالي تلمحك وانا عريس

ويكون خاتم خطبتك ذاك القمر

[qzozpoet]

ليت اللقى صدفة ولا كان ميعاد

وآطالعك وامشي مثل لقيا غريب

اللي حصل لي من بعد عيشة اعياد

اني قبل اصحى احس يومي كئيب

[qzozpoet]

طبعي عزيزٍ عالمعزّة تربّى

وفيني كمالٍ يعجزه كلّ مخلوق

ما هو كلامٍ اكتبه وآتخبّى

هذا اتحدّى ينكره ايّ مطفوق

[qzozpoet]

دام الرمل لا من جرحته ما يزين

ومهما تعذّر ما تشوفه ينشفي

وش رايك برقة صدر مخلوق طين

ظنّك بعدْ عذرك جروحه تختفي ؟

[qzozpoet]

اشرق ضيا يا من طغى عالكون

واغربْ بحسنٍ منطقه منفي

واظهر بليلة شاعرٍ مسجون

جرمه عجز يكتب غزل يكفي

[qzozpoet]

لولا الحيا جيتك وانا كلّي عتاب

ليه البعاد اللي كسر ظهري وظهرك

لا تدّعين الارتوا فطاري الغياب

تدرين وادري ان العطش قدري وقدرك

لو فوقنا كمٍ كبير من السحاب

يلحق ورانا لين ما تلقين عذرك

ما نرتوي كن المطر اصله سراب

وكن الفراق اول خطى لقبري وقبرك

[qzozpoet]

لا قلت لك اسكت ترا ليتك تزيد

لا تعتبر قولي مثل حكي النبي

طبع البن آدم من قديم وللجديد

لا حب له شيٍ جحد مثل الغبي