randellmorillo525

[randellmorillo525]

[randellmorillo525]

[randellmorillo525]

OFFICIAL AUDIO NG MARIKIT AT MABANGIS!!

[randellmorillo525]

MARIKIT AT MABANGIS(OFFICIAL)(MV)

[randellmorillo525]

SALING AWIT- PROYEKTO SA FILIPINO(UNANG MARKAHAN)

[randellmorillo525]

[randellmorillo525]

"PATAWAD INA"

Nariyan ka aking ina, Sa paggabay nung ako’y musmos pa. Una mo kong tinuran, Hinango upang mas mahusay ninuman.

Ako’y bata pa, minulat mo na, Pag-aaral ay napakahalaga. Tinatak sa puso’t isip ko, Ako’y nararapat na matuto.

Mga libro ang laging kasama, Sa aking pagtanda. Wag mag-alala ako’y masaya naman, Dahil ayaw kong kayo’y masaktan.

Laking tuwa mo nang umakyat sa entablado, Mga medalya’y nakasukbit sa leeg ko. Kitang-kita sa mga mata mo, Galak sa mga nakamit ko.

Ngunit sa paglipas ng mga araw, Kasiyaha’y tila di ko matanaw. Pag-aaral ay pawang humihirap, Kulang yata aking pagsisikap.

Nabalot ka ng lungkot, Na nagbigay sa’kin ng takot. Sa isip ko ako’y nagkulang, Kapalpakan di na mabilang.

Unti-unting lumabo sa paningin, Mga pangarap mo para sa akin. Pinipilit ko namang abutin, Dahil biguin ka’y masakit isipin.

Ako naman ay natuto, Ngunit hindi sa lahat ng paraang gusto mo. Hindi lang sa parangal at mataas na grado, Nasusukat ang kakayahan ko.

Mga medalya ay alay sa’yo, Sertipikong ito tanda ng pagsisikap ko. Ngunit di yata sapat para sa’yo, Patawad kung hanggang dito lang ang kaya ko.

-Ginawa ni: Pathrisha Toque, 10-Volta

[randellmorillo525]

"MGA PILOTO"

Mga pilotong matatalino

Naghahanap ng katoto

Buhay na malungkot

Libro lagi ang kabuntot

Akala niyo walang hilig sa pag-ibig

Dahil mga napakalamig

Seryosong seryoso

Nasa pag-aaral ang puso

Kayo'y nagkakamali

Kami din ay nahihirapan

Sakit at hapdi

Aming nararanasan

Lahat kayo'y ayaw saamin

Iba lagi ang inyong mga tingin

Tayo'y pareparehas na estudyante

Ngunit bakit...bakit parang kami'y mali

Malaki ang ekspektasyon

ng aming mga magulang

Walang magawang paraan

Upang ito'y matakasan

Lungkot at pangungulila

Ang bumabalot sa amin

Idagdag pa ang bigat

Ng responsibilidad namin

Ngayon, saya naman ang gusto maranasan

Imbis na libro ang hawakan

Tatambay naman sa gimikan

Gusto din namin maranasan

Ang pagmamahalan

Tanging pagmamahal ninyo

Ang sasaklolo sa amin

Kaya huwag ng matakot

At kami'y mas kilalanin

-Ginawa ni: Ian Manalili, 10-Volta

[randellmorillo525]

"NAGHIHINTAY NA MAHALIN"

Hindi ko alam kung paano nagsimula

Pero sa bawat oras na nakikita ka

Parang ang mundo ko ay magugunaw na

Dahil sa sobrang kilig na nadarama

Araw-araw kitang nakikita

Nakikita na kasama mo siya

Na masaya kayong dalawa

Na parang hindi na kayo maghihiwalay pa

Minsan pumapasok na lang sa isip ko

Bakit pa siya ang minahal mo, andito naman ako

Ako na matagal ng nagmamahal at naghihintay sayo

Naghihintay na mahalin mo rin ang isang tulad ko

Sabihin man ng iba na wag ka ng umasa

Sabihin man ng iba na magmumukha ka lang tanga

Sabihin man ng iba na pipili ka na nga lang, bakit siya pa?

Bakit siya na may mahal ng iba

Simple lang ang maisasagot ko

Lahat gagawin mo para sa taong mahal mo

Kahit na sabihin ng iba na napakamanhid mo

Ipinagpapatuloy mo pa din ang ginagawa mo kahit na ayaw niya talaga sayo

Pero dumating sa punto na

Napagtanto ko na, tama na, ayoko na

Ayoko ng maging tanga sa pagmamahal ko para sa kanya

Ititigil ko na ang mga kahibangan na aking ginagawa

Dapat ng sukuan ang mga bagay na hindi na kaya

Hindi na kaya kasi pagod na pagod ng magmahal ng sobra sobra

Kalimutan at pabayaan na siyang maging masaya sa iba

Kalimutan na ang masasaya at masasamang idinulot niya

-Ginawa ni: Bea Andrade, 10-Volta

[randellmorillo525]

"LABAN"

mahal ko, hindi ka ba nagsasawa?

Sa pagkapit sa isang relasyong

ikaw nalang ang may sandata?

At ang tanging kalaban

ay ang taong ipinaglalaban;

kung saan hindi ka na nga mahal pero nagpupumilit ka paring lumaban

sana'y itaas mo na ang puting bandila sa kanya

biglang simbolo na sumusuko ka na

bilang simbolo na sawa ka na at ayaw mo na

dahil ikaw nalang ang kumakapit sa relasyon niyo at wala nang iba

sana matuto kang mag-isip at huwag magpaka tanga(sana huwag ka magpaloko sa bibig niyang)

pero mukhang hindi mo siya susukuan

mukhang masaya kana,masayang nasasaktan

ayan ka na naman at nagmamaangmaangan

kawawa ka naman at hindi mo siya magawang iwan

pero,masaya ka na sa buhay mo may karapatan ba akong manggulo?

ano ba namang magagawa ko kung siya ang laman ng puso mo?

naguguluhan na ako di ko na alam ang gagawin ko

mga magulong damdamin,ako'y natutuliro

alam mo,salamat nalang,salamat nalang sa iniwan mong mga ala-ala

pasensya na,di na ako mangungulit pa

pasensya na sa oras na ginugol mo na nasayang lang

dahil sa isang taong tulad ko na wala namang halaga

magpapaalam na ba ako?

sa sobrang kirot na nararamdaman ng aking puso

pero sana kahit sa huling pagkakataon

makita ko at marinig ko ang bibig mong naglalayong

magsabi ng "oo,mahal kita di na ako magkakaila pa,na ibigin ka"

sa tingin ko ito na ang huli

paalam na sa mga gabing panay ang aking hikbi

lalaban narin ako sa aking buhay

maraming salamat sa inspirasyon na iyong binigay

-Ginawa ni: Jasper Guzman, 10-Volta

[randellmorillo525]

"WIKANG FILIPINO, WIKANG MAPAGBAGO"

ang ating wika , dapat ipagmalaki.

hindi lang dito,kahit san ka man magawi

Sa panahon natin ngayon

marami ng nagbago sa ating wika

may nadagdag at nabawas na salita

ngunit ang ating wika ay nananatiling buo

parang puso ng bawat pilipino

hindi nyo ba alam na may sarili tayong alpabeto.

nagmula pa sa ating mga ninuno,

hindi Hangul ng Koreano,

o nihongo sa hapon,

walng iba kundi baybayin sa pilipino.

Nais ko lang iparating sa inyo na mahalin natin ang ating wika

dahil pamana ito sa atin ng Iang bansa.

-Ginawa ni: Lhorenz Mazo, 10-Volta

[randellmorillo525]

"ANG BANSA"

Sa hitik na yaman nitong kalikasan,

Hindi magugutom, hindi magkukulang,

Pilipino na lang ng mamamayan,

Kumakandili nga sa buting kandungan.

Ang mga dagat at kailaliman,

Saganang pagkai't mga pangisdaan,

Ang lalim ng tubig na asul sa kulay,

Ay siyang panlinis sa lupa

Ang mga gubat na hitik sa bunga,

At pati hayop sa dulong kabila

Nabubusog din at nagpapakasawa

Ito ay lupang maganda't mayaman.

Taong masipag ang nananahanan

Di takot masunog sa sikat ng araw;

Handa ring gumawa kahit umuulan

Nang taos puso't laging nasa dibdib.

-Ginawa ni: Isabella Biaco, 10-Volta

[randellmorillo525]

"KARAMDAMAN"

hindi ko alam kung bakit

Di ko magawang ngumiti ng tunay,

Makisama sa iba,

At lubusin ang buhay,

Meron akong pamilya

At Mga kaibigan

Wala namang problema

Pero bakit ganito ang nararamdaman

Minsan napapaisip

Kung ano ang nararamdaman na ito,

Kaba,nerbyos,at hiya

Ang bumabagabag sa puso

Ang dilim sa aking isip na kung saan gustong makalaya

Mga imahinasyon at sariling kahibangan

Ang matagal ko ng kalaban

dilim at lungkot

Ang tanging nakikita

Hindi magawang sumaya

Kahit wala namang problema

-Ginawa ni: Allison Arturo, 10-Volta

[randellmorillo525]

"DATING TAYO"

Masakit isipin na wala ng tayo.

Ang tayo na dating kay sayang nagtatawanan at nagmamahalan ay bigla na lang nauwi sa hiwalayan.

Hiwalayan na hindi ko inaasahan.

Ang sabi mo saakin hindi mo ko iiwan, pero bakit bigla kang lumisan?

"Mahal kita, hindi kita iiwan, hindi kita sasaktan" mga katagang binanggit mo nung nag-uumpisa pa lang tayo.

At eto namang si ako, naniwala at umasa sayo.

Unti-unting nagbago ang pagmamahal mo.

Parang hangin na bigla ko na lang naramdaman, ngunit bigla rin namang lilisan.

Hayaan mong balikan ko kung paano nagkaroon ng ikaw at ako.

Para kang ulan na lagi kong hinihintay.

Panahon na siyang lagi kong inaabangan.

Sabay sa pagdating ng ulan, ika'y biglang napadaan.

Kay saya ko tuwing nandyaan na ang ulan. Sing saya din ng pagdating mo sa buhay ko.

Pagbuhos nito'y parang walang katapusan tulad ng pag-ibig natin sa isa't-isa na walang hangganan.

Ang pagbuhos nito'y kay sarap pagmasdan. Kay sarap ding damhin ang malamig na simo'y na hangin. Ngunit, kagaya din ng ulan, ikaw ay naging malamig. Pag-ibig mo'y tila'y unti-unting nanlamig.

Pabugso-bugso kung minsan bumuhos ang ulan. Bubuhos ng malakas subalit titila rin ito ng biglaan. Parang pag-ibig mong pinadama. Sa una'y kay saya natin na tila ba hindi na ito matatapos. Pagmamahalan natin na akala ko'y walang hanggan, ito na pala ang magiging katapusan.

Kasabay nga ng paghinto ng ulan, pag-ibig mo rin ay huminto at naglaho.

Ngunit hindi ko pa rin maalis sa isipan ko ang mga ngiti mo, ang pagsuyo ng labi ko sa mga labi mo, ang paghawak ko sa kamay mo at sa hindi ko pagbitaw nito. Ang mahigpit mong yakap na siyang aking hinahanap-hanap. At hindi ko pa rin maalis sa isipan ko kung bakit mo ako nagawang saktan. Mahal, alam kong pinalaya na kita. Pero bakit nandito pa rin ang sakit at alaala nating dalawa? Nagtatanong ako sa sarili ko kung bakit di mo pa sinama ang sakit at alaala noong lumisan ka. Ito ba? Ito ba ang sinasabi mong "Di kita iiwan." O baka naman ika'y nagkamali lang at dapat na iyong sinabi na "ako'y mag-iiwan lang ng sakit at kalungkutan".

Ang daya mo. Bakit ako? Bakit ako pa? Bakit ako pa ang nagawa mong saktan. Sa pagkakaalam ko ay inibig lang kita ng tapat at totoo. Mali na ba ang umibig ngayon? Siguro nga kailangan na lang natin tanggapin na kung minsan ang pag-ibig ay mapaglaro. Na pati si tadhana'y nakikisali pa sa laro. Sa laro ng pag-ibig na sa umpisa pa lang wala ng kasiguraduhan pero pipilitin ko pa ring tapusin kahit ako'y talunan.

Ayoko na. Tama na. Ititigil ko na to. Kabaliwan na dulot mo buhat ng paglisan mo.

Sakit na gustong gusto ng kumawala pero nandito pa rin ang pag-ibig ko sayong ayaw pa ring mawala.

Siguro, kailangan ko na lang tanggapin na sa pagitan ng ikaw at ako ay bigla na lang nagkaroon ng dating tayo.

-Ginawa ni: Krizia Parreño, 10-Volta

[randellmorillo525]

"INANG KALIKASAN"

Oh Kalikasan, Paano ang bukas kung wala ka na? Lupa, Hangin, Tubig ay puro polusyon na. Ang mundo ay ang pinakamagandang regalo, Ngunit nagkaroon ng negatibong pagbabago.

Walang permiso sa pagputol ng punong kahoy, Nais mo pa bang maranasan ang isa pang Ondoy? Kung saan sa baha ka lumalangoy? Haggang kailan magpapatuloy.

Malaking Pinsala sa kagubatan, pati sa buong kaligiran. Paano na inang kalikasan? Patuloy na pinapabayaan. Labis labis na ang polusyon, Dapat tayo'y mag-isip ng solusyon.

Dapat magkaroon tayo ng bokasyon, Upang ang mundo'y masilayan pa ng susunod na henerasyon.

Bakit nga ba kailangang mangyari ito? Dahil ba walang disiplina ang mga tao? Sana mabalik ang dating paraiso na ngayon ay pirapiraso. Kanino natin isisisi sa kanya? sa kanila? o sa iyong sarili?

Oh kaibigan kailan natin sisimulan? mamaya, bukas, o sa makalawa? Ating bilisan, tumatakbo ang orasan.

Habang may buhay, may pag-asa, Oh kay daming umaasang maibabalik pa ang ating mundong kay ganda. Oh Kalikasan, Paano ang bukas kung wala ka?

-Ginawa ni: Randell Morillo, 10-Volta

[randellmorillo525]