razaafaizu

[razaafaizu]

Title: Hasile Naubahar Firte Hain

Poet: Unknown

Genre: Naat

Naat Script:

Hasile naubahar firte hain,

Jan-e-lutf-o-anam firte hain.

Kis qadar roshni hai rahon mein,

Noor ke aashnam firte hain.

Kaun kehta hai hum akelay hain,

Saath Mustafa kaam firte hain.

Aankh bhar kar Madina dekho tum,

Yun nahi aam aam firte hain.

Lab pe har dam hai zikr-e-Sarkar,

Hum bhi kuch shaad kaam firte hain.

[razaafaizu]

Hai sarapa ujala hamara Nabi

Rahmat-e-Haq Ta'ala hamara Nabi

Jinka kaunain mein koi sani nahi

Woh sab se nirala hamara Nabi

Jis ke talwon ka dhowan hai aab-e-hayat

Hain woh jaane-Masihah hamara Nabi

Khalq se Auliya, Auliya se Rasool

Aur Rasoolon se a'ala hamara Nabi

Husn khaata hai jinke namak ki qasam

Woh maleeh-e-dilara hamara Nabi

Zikr sab pheeke jab tak na mazkur ho

Namkeen husn wala hamara Nabi

Jiski do boond hain kausar o salsabeel

Hain woh rehmat ka dariya hamara Nabi

Jaise sab ka Khuda aik hai waise hi

Inka unka tumhara hamara Nabi

Karno badli Rasoolo ki hoti rahi

Chaand badli ka nikla hamara Nabi

Kaun deta hai dene ko muh chahiye

Dene wala hai sachha hamara Nabi

Saare achhon mein achha samajhiye jise

Hain us achhe se achha hamara Nabi

Kya khabar kitne taare khile chup gaye

Par na doobe na dooba hamara Nabi

Mulke kaunain mein Ambiya tajdaar

Tajdaro ka aaqa hamara Nabi

La makaa tak ujala hai jisko woh hain

Har makaa ka ujala hamara Nabi

Saare uncho mein uncha samajhiye jise

Hai us unche se uncha hamara Nabi

Sab chamak waale ujhlo mein chamka kiye

Andhe sheesho mein chamka hamara Nabi

Gamzado ko Raza mushda di je ke hain

Be kasoon ka sahara hamara Nabi

[razaafaizu]

Haal-e-dil kis ko sunaaen, aap ke hote hue

Kyun kisi ke dar pe jaaen, aap ke hote hue

Main ghulaam-e-Mustafa hoon, ye meri pehchaan hai

Gham mujhe kyun-kar sataaein, aap ke hote hue

Apna jeena, apna marna ab isi chaukhat pe hai

Hum kahaan, Sarkaar! jaaen, aap ke hote hue

Keh raha hai aap ka Rab 'ant fee-him' aap se

Kyun inhein main doon sazaaen, aap ke hote hue

Saamne hai, ae 'Ali ke laal! uswa aap ka

Kyun kisi ka khauf khaaein, aap ke hote hue

Main ye kaise maan jaaun! Shaam ke darbaar mein

Cheen le koi ridaaen, aap ke hote hue

Ye to ho sakta nahin! ye baat mumkin hi nahin!

Mere ghar aalaam aaein, aap ke hote hue

Kaun hai, Altaaf! apna haal-e-dil jis se kahen

Zakhm-e-dil kis ko dikhaaein, aap ke hote hue

[razaafaizu]

Ham garibo ke aaqa kaha jaaye ham Written by:GULAM HAFEEZ CHISHTI

Ya nabi muhtasham lillah kardo karam

Ham garibo ke aaqa kaha jaaye ham

Rakhna dono jaha mai hamara bharam

Ham garibo ke aaqa kaha jaaye ham

Ghera daale huwe hai ye duniya ke gam

Ghut raha hai yaha mera aaqa ye dam

Lillah kardo karam aaqa kardo karam

Ham garibo ke aaqa kaha jaaye ham

Tere dar ki ziyarat chahte hai ham

Khaak dar ki tere aaqa chahte hai ham

Or madine mai nikle hamara ye dam

Ham garibo ke aaqa kaha jaaye ham

Khali jholi hai aaqa phaylaye ham

Ham faqiro pe aaqa nigahe karam

Sadqa hasnain-o-zehra ka chahte hai ham

Ham garibo ke aaqa kaha jaaye ham

Ho zuban mai wo taasir aaqa mere

Ke jab mai naate phadu to ho aankhe ye nam

Raazi hojaay isse ha shaahe umam

Ham garibo ke aaqa kaha jaaye ham

Hazri ho tere dar pe HAFEEZ ki

Jald isko bhi dikhlade tera haram

Or banade ise to gadaye haram

Ham garibo ke aaqa kaha jaaye ham

Written by:GULAM HAFEEZ CHISHTI

[razaafaizu]

Tu kuja man kuja, Tu kuja man kuja

Tu ameer e Haram, Main faqeer e Ajam

Tere gun aur ye lab Main talab hi talab

Tu ata hi ataa, Tu kuja man kuja

Tu kuja man kuja, Tu kuja man kuja

Ilhaam hai jaama tera

Quran imama hai tera

Mimbar tera Arsh e Baree(n)

Ya Rehmatul Lil Alameen

Tu kuja man kuja, Tu kuja man kuja

Tu haqeeqat hai main sirf Ehsaas hoon

Tu samandar main bhatki hui pyaas hoon

Mera ghar khaak par aur teri rah guzar

Sidratul Muntaha Tu kuja man kuja

Tu kuja man kuja, Tu kuja man kuja

Ae farishto wo Sultan e Meraj hain

Tum jo dekhogy heraan hojaogy

Zulf tafseer e wal Lail ban jaegi

Chehra Quran saara nazar aayega

Meray Aaqa Imam e Saf e Ambiya

Naam pe jinke laazim hai Salle Ala

Tu kuja man kuja, Mustafa Mujtaba

Khatimul Mursalee(n) Ya Rehmat ul Lil Alameen

Tu kuja man kuja, Tu kuja man kuja

Khair ul Bashar rutba tera

Awaaz e Haq khutba tera

Aafaq tere sama’ee(n)

Saais Jibreel e Amee(n)

Ya Rehmat ul Lil Alameen

Tu kuja man kuja, Tu kuja man kuja

Tu hai Ihram e anwaar bandhe huway

Main durudoo(n) ki dastaar bandhay huway

Kaaba e ishq tu main tere chaar su

Tu asar main Dua, Tu kuja man kuja

Tu kuja man kuja, Tu kuja man kuja

[razaafaizu]

Hum Sar Pe Kafan Bandhe Maidan Mein Nikle Hain

Batil Ke Mehlon Ko Hum Daahne Nikle Hain

Himmat Hai Hume Toke Dam Hai To Hume Roko

Hum Naara-e-Risalat Ko Pehlane Nikle Hain

Har Desh Mein Gunjega Ab Ya Rasool Allah

Har Shakhs Pukarega Ab Ya Rasool Allah

Hum Saari Duniya Mein Halchal Si Macha denge

Sarkar Ke Aashiq Hai Rang Apna Jamaa denge

Milad-E-Nabi Karna Ye Khoon Mein Shamil Hai

Is Mission Ki Khatir Hum Din Raat Lagaa denge

Sarkar Ki Naaton Se Pur Josh Hai Deewane

Milad Ki Mehfil Mein Maahol Bana denge

Kyun Kar Na Manayen Hum Ye Sunni Saqhafat hai

Milad Manane Par Sarkar Jagaa denge

Sauda Na Karenge Hum Imaan Na Bechenge

Naamus-e-Risalat Par Duniya Ko Hilaa denge

Har Nasl Ka Naara Hai Har Qaum Ka Naara Hai

Is Naare Se Logon Ko Aapas Me Milaa denge

Islam Jo Mazahab Hai Paigham-e-Mohabbat Hai

Is Aman Ke Parcham Ko Har Ghar Main Jagaa denge

Sarkar Ki Izzat Par Marna Hai Hume Logon

Ye Wada Hamara Hai Sab Kuch Hi Lutaa denge

Hum Ne Yehi Thani Hai Mannat Yehi Maani Hai

Is Des Ki Matti Par Khoon Apna Bahaa denge

Hai Aal-E-Nabi Piyare Ashaab Sitaren Hain

Dono Ki Mohabbat Ko Hum Dil Main Basaa denge

Aaye Hain Ujaagar Sang Amjad-O-Tahir Bhi

Paigham-E-Nabi Denge Ahkaam-E-Khuda denge