rvkmenning-blog

[rvkmenning-blog]

// Leiðari

Reykjavík er samansafn ólíkra menningarheima Íslands. Þar kemur saman gömul og ný menning og skapar hina lifandi menningu Reykjavíkur sem er eftirsótt af fjölmörgum, innfæddum sem og ferðamönnum. Hið fjölbreytta menningarlíf Reykjavíkurborgar dregur að sér ferðamenn hvaðan af úr heiminum og hefur túrismi í Reyjavík margfaldast síðastliðin ár. En hvað er það sem er svona eftirsóknarvert við Reykjavík?

Reykjavík hefur uppá margt að bjóða og getur hver sem er fundið sér eitthvað við hæfi. Hægt er að rölta Laugarveginn með kaffibolla í hendi og kíkja í hinar mörgu búðir, þar finnast flíkur og munir eftir íslenska hönnuði sem þjóðin heldur mikið uppá. Kaffihúsin eru á hverju horni þar sem hver kaffibollinn er betri en annar. Vinalega andrúmsloftið tekur vel á móti þér og býður þig velkomin í hina frábæru íslensku menningu. Hallgrímskirkjan stendur með pr��ði eftst á Skólavörðustígnum í allri sinni dýrð.

Andrúmsloftið í Reykjavík hefur breyst þónokkuð síðustu árin og er miðbærinn tilvalinn staður ef þú ert í leit að innblæstri fyrir tísku, tónlist eða mat. Götustíllinn setur mikinn svip á miðbæinn með fjölbreytileika sínum þar sem allir tjá sig á mismunandi hátt. Þar reyna tónlistarmenn að koma sér á framfæri, ýmist með því að spila ‘live’ á pöbbum eða á götum fyrir alla til að heyra. Maturinn er alls ekki á verri nótunum og geturðu fundið mat frá öllum heimshornum.

Reykjavík er staðurinn til að vera á nú til dags og mun hún eflaust halda þeirri stöðu um komandi tíma.

- Hafdís Jóna Þórarinsdóttir

[rvkmenning-blog]

// Bæjarins beztu í augum Maríu

Við vorum svo heppnar að ná tali af Maríu Einarsdóttir sem hefur starfað í Bæjarins Beztu í að verða 40 ár. Hún sagði okkur frá því hvernig er að starfa þar auk þess nokkrar skemmtilegar sögur!

Hvenær byrjaðir þú að vinna á bæjarins beztu?

Í kringum 1976

Hefur einhver frægur kíkt í heimsókn á pulsubarnum?

Já, Bill Clinton til dæmis, og svo kom Metallica hljómsveitin og var hún á landinu í eina viku, þeir kíktu oft í vagninn til að gæða sér á pylsum.

Metallica kom í eitt skiptið og pöntuðu sjö pylsur svo ég bjóst bara við því að þeir væru allir þarna en þeir voru bara 2 sem ætluðu að borða allar þessar pylsur því þeim finnst þær svo góðar.

Jónsi í svörtum fötum kom einu sinni og ég grínaðist með honum að hann ætti að koma eitthvern tímann með gítarinn og spila fyrir viðskiptavinina. Jónsi kom svo með gítarinn og spilaði, það sló vel í gegn.

Páll óskar kemur líka oft og við erum góðir vinir núna en ég hef enn ekki fengið hann til að taka lagið fyrir okkur.

Hvernig var að hitta þetta fólk?

Bara skemmtileg ekkert annað. Bill Clinton var mjög notalegur maður og fannst pulsurnar rosalega góðar.

Ég var svo í sjónvarpinu þegar ég kom í Kastljósi eftir að Clinton kom til okkar og fékk sér pylsu og einnig gerði Spaugstofan þátt um það þegar hann kom og ég var með í honum.

Hraðfréttir komu líka og fengu að taka upp þátt og viðtal við mig.

Strákarnir í Metallica voru mjög hressir og vingjarnlegir þó að tónlistin þeirra sé dökk og drungaleg.

Hefur þú séð menningu Reykjavíkur þróast á einhvern hátt í gegnum gluggann á pulsuvagninum og ef já, hvernig?

Ekki nema það að útlendingum og ferðamönnum hefur fjölgað mikið síðustu ár.

Hvort eru fleiri Íslendingar eða ferðamenn sem koma?

Nú í dag eru fleiri ferðamenn sem koma og fá pylsu og þá sérstaklega frá Asíu. Þeir eru mjög gjarnir á það að vilja mynd og sumir segjast meira segja hafa komið bara fyrir pylsurnar.

Finnst þér skemmtilegt að vinna á pylsuvagninum?

Mjööög skemmtilegt. Annars væri ég ekki búin að vinna þarna í að verða 40 ár.

Hvað finnst þér skemmtilegast við að vinna á pylsuvagninum?

Hitta allt fólkið sem kemur hvaðan af úr heiminum til að smakka pylsur. Gaman að kynnast þeirra menningu. Í desember í fyrra opnaði ég líka nýjan stað á Stjörnutorginu í Kringlunni.

Tíminn líður mjög fljótt þegar ég er að vinna því það er alltaf mikið að gera og skemmtilegt. Það kom alltaf ‘hádegistörn’ í gamla daga og þá var alltaf bara mikið að gera og nokkuð rólegt restina af deginum en núna í dag er brjálað að gera allan daginn því það er svo mikill fjöldi af ferðamönnum sem vilja smakka íslensku pylsurnar.

Það er gaman að hitta fjölbreytta fólkið sem kemur og spjallar og ferðamennirnir hafa alltaf gaman að því að spjalla.

Hvað vakti áhuga þinn á pylsum?

Var spurð hvort ég vildi vinna í pylsuvagninum og hef unnið þar síðan.

Vagninn var helmingi minni þegar ég byrjaði og hann var líka á hjólum en núna er búið að smíða nýjan vagn og hann er ekki á hjólum.

Hversu margar pulsur helduru að þú hafir selt um ævina?

Trilljón, varla hægt að svara því þær eru svo margar. Ég sel ábyggilega rúmlega 400 pylsur á góðum degi.

Ferðamennirnir eru mikið í því að biðja um að pakka inn pulsunum til að njóta þeirra seinna og nokkrir hafa líka beðið um hnífapör með þeim.

Hvort segiru pulsur eða pylsur?

Pylsa er rétta orðið og ég segi það. Þegar ég var ung og var að rúlla upp hárið á mömmu þá var það kallað pulsa, fyrir mér er það pulsa og hitt pylsa. Stofnandi pylsuvagnsins sagði alltaf pylsa og ég hef tekið það upp og kallað alltaf pylsa.

Hvernig finnst þér pulsur?

Mér finnst þær góðar, ég hef borðað þær í að verða 40 ár og finnst þær enn góðar. Ferðamönnum finnst oft skrýtið að ég skuli ennþá getað borðað þær.

Hvað finnst þér gott að fá þér á pulsu?

Hráan, tómatsósu og sinnep

Hvað er vinsælast?

Ferðamennirnir vilja yfirleitt prufa ‘eina með öllu’ en unga íslenska kynslóðin er aðeins matvandari.

Áttu einhverjar skemmtilegar sögur frá starfi þínu?

Hef einu sinni lent í því að róni reyndi að gefa mér á kjammann því ég vildi ekki gefa honum fría pylsu

Og einu sinni var frekar mikið fuglavandamál og einn viðskiptavinurinn var ný kominn með pulsu í hendina og aðra sem stóð á borðinu þegar einn fuglinn skítur á pylsuna sem hann hélt ekki á. Við hlægjum auðvitað bara að þessu og ég gef honum nýja.

Einnig eru mörg skemmtileg mismæli sem ég hef lent í eins og þegar einn maður kom með konunni sinni og bað um ‘sex með öllu’ en því ég er orðin svo gömul þá fannst mér þetta ekki alveg passa og konan skildi hvað mér fannst bogið við þetta en maðurinn ekki en svo við hlógum að þessu bara þegar hann áttaði sig á því hvað hann hafði sagt.

Stundum hafa komið það stórir ferðamannahópar að ég hef þurft að láta leiðsögumanninn afgreiða kókið á meðan ég græja pylsurnar

Maður lærir nokkra frasa á erlendum tungumálum eins og til dæmis kann ég að segja ‘eina með öllu?’ á þýsku og eitt skiptið þegar tveir Þjóðverjar komu, ákvað ég að spreyta mig á þýskunni og þeir héldu að ég kynni þýsku og fóru að spjalla og spjalla en ég skildi ekkert í þeim, ég hef aldrei áður verið jafn fljót að afgreiða. Ég mun ekki koma til með að spurja á þýsku aftur.

Við þökkum Maríu fyrir að gefa okkur þann tíma í að taka þetta skemmtilega viðtal við hana og einnig frábæra ferð á vinnustaðinn þar sem okkur var boðið í pylsuveislu.

- Hafdís Jóna, Sandra Magný og Sara Arndís

[rvkmenning-blog]

// TÍSKAN

Tíska hefur ávallt sett mikinn svip á Reykjavík, þá allra helst Laugarveginn. Þar koma stelpur ásamt strákum og skarta öllu því nýjasta sem er í tísku í dag. Tíska snýst um tjáningu og sköpunarlist og er Laugarvegurinn eins og tískupallur raunveruleikans.

Hugtakið “street style” gefur til kynna að þar er verið að sýna persónulegan stíl sem er á sama tíma “trendy” og flottur. Allir hafa ólíkan smekk og vilja setja sinn persónulegan stíl á föt sem eru í tísku þá stundir.

Alltaf er hægt að fá innblástur í sinn eigin stíl á Laugarveginum.

Íslensk hönnun er að koma sterk inn núna og höfum við marga flotta stílista og hönnuði eins og JÖR, RYK og fleiri.

JÖR er hönnunarlína frá Guðmunds Jörundssonar. Búðin er staðsett á Laugarveginum og er hún að koma virkilega sterk inn í íslenskri tísku. Bæði eru kvenmanns- og karlaföt. JÖR hefur sýnt línurnar sínar á Reykjavík Fashion Festival núna síðastliðin tvö ár og hefur alltaf staðið upp úr.

Guðmundur stefnir nú á það að opna JÖR í pakkhúsinu á Akureyri en það eru einmitt heimaslóðir hans.

HÚRRA REYKJAVÍK er herrafataverslun í sögufræga húsinu á Hverfisgötu 50. Verslunin opnaði þann 5. September árið 2014 með því markmiði í huga að bjóða karlmönnum uppá það besta sem er í tísku í dag. Húrra Reykjavík heldur mikið uppá evrópska hönnun og þá sérstaklega danska. Íslensku hönnunarmerkin Reykjavik Harbour og BoB Reykjavik má einnig finna í versluninni. Húrra Reykjavík er þekkt fyrir að bjóða uppá besta úrval af skóm á landinu en hún er eina verslunin sem hefur boðið uppá frægu strigaskóna Yeezy sem Kanye West hannar en erfitt er að nálgast þá þar sem það þarf að fá sér samning frá Adidas til að selja skóna.

GK REYKJAVÍK er verslun sem er svo sannarlega á uppleið! Tískubúð sem leggur mikla áherslu á nútímaleg föt í ‘minimalískum’ stíl. Búðin býður einnig uppá fallegt úrval af skóm og húðvörur, til dæmis frá íslensku línunni Skyn Iceland sem er að koma sterk inn. Verlunin er stödd á Skólavörðustígnum og þetta er verslun sem má ekki fram hjá þér fara!

Það er augljóst að íslensk hönnun er í fullum blóma og er á hraðri uppleið. Verður gaman að fylgjast með upprennandi hönnuðum.

- Hafdís Jóna Þórarinsdóttir

[rvkmenning-blog]

// List í Reykjavík

Á höfuðborgarsvæðinu er bæði að finna söfn og listagallerí bæði fyrir myndlist og önnur form listar og eru söfnin miklir túristaseglar. Af stærstu söfnunum má nefna Listasafn Íslands og Listasafn Reykjavíkur en þau eru bæði staðsett í miðbæ Reykjavíkur þó að Listasafn Reykjavíkur hafi nokkrar staðsetningar, en stærsti hlutinn er Hafnarhúsið í Miðbænum. Einnig má nefna Kjarvalsstaði og Ásmundarsafn. Eins og segir á heimasíðu safnsins býður það uppá fjölbreyttar innlendar og alþjóðlegar sýningar á nútíma- og samtímalist, málverkum og skúlptúrum eftir virta íslenska og erlenda listamenn og reglulega eru sýningar eftir nokkra frægustu listamenn íslensku þjóðarinnar: Erró, Kjarval og Ásmund Sveinsson.

Sýningar

Á listasafni Reykjavíkur eru í gangi a.m.k. 5 sýningar um þessar mundir og 4 þeirra eru í Hafnarhúsi, en það eru þær Tilurð Errós 1955-1964, Monika Grzymala: Hugboð, Aftur í sandkassann – listir og róttækar kennsluaðferðir og Berglind Jóna Hlynsdóttir: Class Divider en á Kjarvalsstöðum er aðeins ein sýning; Jóhannes S. Kjarval: Hugur og Heimur en þar eru mörg sjaldséð verk eftir listamanninn, þar á meðal verkið Lífshlaupið en það er stór veggmynd frá vinnustofu hans í Austurstræti. Lokað er á Ásmundarsafni til 16. apríl en þá mun sýningin uppbrot með verkum eftir Ásmund Sveinsson og Elínu Hansdóttur hefjast.

Á listasafni Íslands eru nokkrar sýningar í gangi núna eins og udstilling af islandsk kunst – upphaf kynningar á íslenskri list í kaupmannahöfn, Kvartett Chantal Jotte Gauthier Hubert Jockum Nordström Tumi Magnsússon og Jacqueline með gulan borða eftir Pablo Picasso.

Ljósmyndasafn Reykjavíkur

Í sama húsi og Borgarbókasafnið er einnig að finna ljósmyndasafn þar sem er hægt að skoða ótal margar og fjölbreyttar myndir teknar á milli 1870 og 2002 bæði af ljósmyndurum og áhugamönnum af öllu mögulegu og hægt er að fara þangað og skoða og er það reglulega gaman og áhugavert.

Fótógrafí

Ofarlega á skólavörðustíg fyrir neðan hallgrímskirkju getur fólk stoppað í fótógrafí, sem er lítil búð þar sem hægt er að skoða eða kaupa svarthvítar ljósmyndir teknar af Ara Sigvaldssyni og öðrum íslenskum ljósmyndurum. Margar myndanna sýna Reykjavík á síðustu 20 árum og ég mæli eindregið með því að líta inn ef þú átt leið hjá.

Nýlistasafnið

The Living Art Museum/Nýlistasafnið, stofnað árið 1978 af listamönnunum Níels Hafstein og Magnúsi Pálssyni, er stofnun í Reykjavík rekin af listamönnum. Frá stofnun þess hefur Nýlistasafnið eða „Nýló“ verið mikilvægur hluti í íslenska myndlistasamfélaginu til að kynna og endurspegla hlutverk samtímalistar. Nýló hefur verkað sem vettvangur möguleika fyrir hugleiðingar um samfélagið, menningu og stjórnmál. Á síðustu 35 árum hefur Nýló boðið upp á fjölbreytta dagskrá sem inniheldur meðal annars kvikmyndasýningar, tónleika, myndlistasýningar, málþing og ljóðaupplestra. Markmið safnsins eru m.a. að efla umræðu um störf á sviði myndlistar, varðveita bæði verk og skjöl sögu safnsins og styðja vaxandi listamenn. Nýleg dagská safnsins inniheldur sýninguna „Double Bind“ sem er samansafn nýrra verka og þar endurvekja listamennirnir meðvitund um pólitísk áhrif á sálfræðimeðferðir o.fl. Samsýningin hóst þann 5. mars og verður í gangi til 17. apríl.

Höggmyndagarðurinn

Höggmyndagarðurinn sjálfur er hluti af Listasafni Einars Jónssonar og var hann opnaður 8. júní árið 1984. Í garðinum eru 26 eirafsteypur af verkum Einars.

Nökkvi Elíasson

Nökkvi Elíasson eða Erlendur Nökkvi Elíasson er ljósmyndari sem focusar aðallega á svarthvítar ljósmyndir af eyðibýlum og yfirgefnum byggingum/mannvirkjum. Nökkvi hóf feril sinn í kringum 1980 og verk hans hafa komið fram í bókumm sem list fyrir geisladiska og í íslenskum blöðum. Nökkvi hefur haldið sýningu í Ljósmyndasafni Reykjavíkur en upplýsingar um safnið er hægt að finna ofar í greininni. Hann gaf út bók með ýmsum verkum sýnum sem nefnist Eyðibíli og hún kom út árið 2005.

Sara Riel

Sara er íslensk myndlistakona fædd árið 1980 og útskrifaðist hún úr listaháskólanum í Berlín árið 2006. Sara einbeitir sér að graffiti listaverkum og er hún í alþjóðlegu graffiti listagengi sem heitir Big Geezers en hún er einnig í Mynhöggvara félagi Reykjavíkur. Sara hefur hlotið þó nokkrar viðurkenningar fyrir verk sín og hún hefur haldið sýningar víðsvegar um heiminn eins og í Kína, Japan, Kanada og Íran. Markmiðið mitt er að endurspegla, endursegja og endurraða þáttum úr nátturunni og sögusögnum. Útkoman úr rannsóknum mínum færi ég í stílinn. Stíllinn á sinn uppruna í grafískri hönnun, teiknimyndum/myndskreytingum og strætislist/graffiti. Ég reyni að dansa á ósýnilegri línu á milli myndlistar og hönnunar segir Sara.

Stíll Söru er svolítið í áttina að grafískri hönnun og teiknimyndum og hún vinnur með ýmsa mismunandi miðla.

Aðrir áhugaverðir listamenn

Meðal annara áhugaverðra íslenskra listamannna má nefna Úlf Karlsson, Ástu Ólafsdóttur, Rannveigu Tryggvadóttur og Alfreð Flóka Nielssen.

- Sara Arndís Thorarensen

[rvkmenning-blog]

// 10 hlutir til að gera í Reykjavík

Nú þegar það byrjar að hlýja í veðri og löngunin að vera úti í menningunni verður meiri er gott að geta valið um eina af fjölmörgum afþreyingum sem Reykjavík hefur uppá að bjóða og höfum við því ákveðið að taka saman lista af 10 hlutum sem hægt er að gera í Reykjavík.

1.Tónleikar í Hörpunni. Harpa er fallegt og menningarlegt tónleikahús staðsett í hjarta Reykjavíkur. Þar bjóða þau uppá fjölmargar sýningar en eru tónleikarnir það allra vinsælasta sem hún hefur uppá að bjóða. Hvort það séu  klassískir eða rokktónleikar þá hefur hún eitthvað fyrir alla.

2.Borgarleikhúsið. Hvað er skemmtilegara en að skella sér á leiksýningu eða söngleik? Í Borgarleikhúsinu eru margar skemmtilegar sýningar sem bæði krakkar og fullorðnir geta notið og hlegið af. Kynnið ykkur sýningarnar á http://www.borgarleikhus.is/.

3.Húsdýra og Fjölskildugarðurinn. Ef að þið eruð að leita af einhverju skemmtilegu til að gera með fjölskilduni er húsdýra og fjölskildugarðurinn fullkominn staður. Börnin geta bæði lært um húsdýrin og fjölskildan skemmt sér saman í fjölmörgu tækjunum sem garðurinn hefur uppá að bjóða.

4.Laugarvegurinn. Ef þið viljið upplifa smá af miðbæjarmenningu er laugarvegurinn góður staður fyrir það. Hægt er að skoða búðirnar, virða fyrir sér götulistarverkin sem eru dreifð um götuna, skellt sér á kaffihús eða borðar á fjölmörgum veitingarstöðum.

5.Kringlan eða Smáralindin. Ef þú villt kaupa nýt dress fyrir kvöldið eða finna eitthvað í húsið eru Kringlan og Smáralindin bestu staðirnir í það. Þær eru báðar fullar af öllum vinsælustu búðunum sem Reykjavík hefur uppá að bjóða ásamt bíó húsum og fjölmörgum matsölustöðum.

6.Valdís. Skellið ykkur niður á bryggju og fáið ykkur heimatilbúin ekta íslenskan ís í litlu ísbúðinni Valdís. Þar er boðið uppá margar mismunandi tegundir af kúluís en þau bjóða líka uppá ekta íslenskan rjómaís, enda er hún ein vinsælasta ísbúð landsins.

7.Keiluhöllin í Egilshöll. Safnaðu hópnum saman og skellið ykkur í keilu. Í keiluhöllini í Egilshöll bjóða þau uppá fjölmörg hóptilboð og veitingar og geta allir skemmt sér saman hvort sem það er verið að tala um reynda keiluspilara eða byrjendur.

8.Laugardalurinn. Ertu kominn með ógeð af borgarlífinu og villt komast út í náttúruna? Nennirðu ekki að keyra langt? Skelltu þér þá í Göngutúr í laugardalnum. Hann er fullur af fallegum gönguleiðum þakin trjám og plöntum. Fullkominn staður fyrir fjölskilduna líka.

9.Hvalaskoðun. Ísland er vel þekkt fyrir hvalaskoðunarferðirnar sem það býður uppá og eru margir staðir í Reykjavík sem bjóða uppá það. Skelltu þér um borð og undirbúðu þig undir lífsreynslu sem þú munt aldrei gleyma, það er að segja ef þú ert nógu heppin að sjá hval!

10.Miðbærinn. Hvað er íslenskara en að skella sér niður í bæ? Miðbærinn hefur um fjölmarga skemmtistaði að bjóða uppá og er íslenska djamm stemmingin alveg einstök og skemmtileg, fullkomin afþreying fyrir helgarkvöldin.

- Alda Björk Arnardóttir

[rvkmenning-blog]

// Matur í hjarta Reyjavíkur

Dunkin’ Donuts

Það fór ekki framhjá neinum þegar Dunkin Donuts opnaði síðasta sumar á Laugarveginum, einum af sextán plönuðum staðsetningum. 50 fyrstu viðskiptavinir Dunkin Donuts hlutu ársbirgðir af kleinuhringjum sem olli því að margmenni safnaðist fyrir utan staðinn nóttina fyrir opnun. Snilldar staður ef þú ert í leit að góðum kleinuhringjum og kaffibolla.

Dunkin Donuts hefur nú einnig opnað stað í Kringlunni.

Ítalía

Um leið og þú labbar að byggingunni þar sem veitingastaðurinn Ítalía er staðsettur í hjarta Reykjavíkurborgar líður þér strax eins og þú sért í raun og veru kominn til Ítalíu, bleika byggingin með litla gosbrunninum gefur frá sér skemmtilegt andrúmsloft og ekki versnar það þegar þú kemur inn. Inni er hlýlegt og notalegt ítalskt andrúmsloft og heyra má ítalska hljóma úr eldhúsinu. Maturinn er dýrðlegur og nota þau alltaf fersk hráefni. Matseðillinn einkennist af ítölskum pizzum og pastaréttum en einnig geturðu snætt á fisk- og kjötréttum.

Hamborgarabúlla Tómasar.

Hamborgarabúllan við Geirsgötu var opnuð árið 2004 af Tómasi Tómassyni og tveimur sonum hans og síðan hafa tveir aðrir staðir opnað. Matseðillinn er virkilega einfaldur og boðið er upp á þrjár stærðir af hamborgurum. Borgararnir eru glóðarsteiktir á amerísku gasgrilli og lögð er áhersla á að ekta grillbragð finnist af borgurunum. Hráefnið er alltaf ferskt og með borgurunum fylgja franskar með kokteil- eða bernaisesósu.

Reykjavík Chips

“Where fries are twice as nice” er slagorð Reykjavík Chips og ekki að ástæðulausu! Tónlistarmaðurinn Friðrik Dór opnaði staðinn á síðasta ári og hefur hann svo sannarlega slegið í gegn. Hann hefur nú þegar hlotið mikila athygli meðal ungra sem aldra. Þrátt fyrir að matseðillinn sé ekki fjölbreyttur þá finna flestir sér eitthvað við hæfi. Þú færð ‘chips’, velur þér sósu og drykk af eigin vali – bjór, vatn eða gos.

Mokka

Mokka hefur verið starfandi lengi eða alveg frá árinu 1958. Hjónin Guðný Guðjóns og Guðmundur Baldvinsson stofnuðu litla kaffihúsið og er það eitt af helstu kaffihúsum í Reyjavík. Mokka var fyrsta kaffihúsið á Íslandi til að kynna ítalska kaffigerð, þar sem hver bolli er lagaður sérstaklega. Boðið er uppá heitt ítalskt kaffi, heitt súkkulaði og einar af bestu vöfflum bæjarins. Ekki láta þennan stað framhjá þér fara!

Apotek

Apotek er nýr og spennandi veitingastaður staðsettur á Austurstræti. Fullkominn staður fyrir fínu tilefnin. Matseðillinn samanstendur af íslenskri og evrópskri matargerð sem er algjört lostæti! Réttirnir eru gerðir til að deila og njóta með góðum vinskap. Ef þú ert í leit að smá stuði þá geturu kíkt við á kokteilbarnum þar sem drykkirnir eru kallaðir eftir verkjatöflum.

Tapas barinn

Skelltu þér á tapas barinn í góðra vina hópi ef þig langar í gott rauðvínsglas og spænska stemningu. Þú getur valið þér um yfir 70 tapasrétti sem er hver betri en annar. Staðurinn stendur á Vesturgötunni. Frábær staður fyrir hópinn til að koma saman og fara í smá bragðlauka óvissuferð!

- Sandra Magný Hafsteinsdóttir og Hafdís Jóna Þórarinsdóttir

[rvkmenning-blog]

// Tónlist

Tónlist íslenskra listamanna felur í sér hljóma allt frá popptónlist til rokks, indí og svo margt fleira. Hér hafa alist upp fjölmargir hæfileikaríkir tónlistarmenn þó svo að Ísland sé fremur fámennt. Hljómsveitir eins og Sigur Rós, Of Monsters and Men og söngkonan Björk hafa svo sannarlega slegið í gegn utanlands síðan þau komu inn í heim tónlistar og ættum við Íslendingar að vera stolt af þessum listamönnum sem náðu að koma sér á framfæri erlendis.

Nýir íslenskir listamenn hafa nýlega fengið gríðarlega athygli í heimi tónlistar og er það ekki útaf engu. Hér er listi af 10 frábærum íslenskum tónlistarmönnum og hljómsveitum sem allir ættu að gefa sér færi á að kynnast og hlusta á.

1.       Kaleo er hljómsveit fjórmenninga úr Mosfellsbæ sem hóf störf sín árið 2012. Tónlist þeirra samanstendur af folk/rokk lögum, þeir fluttu lagið „Vor í Vaglaskógi“ og sló það í gegn hjá íslensku þjóðinni sem og utanlands. Árið 2015 lenti Kaleo á samning hjá Atlantic Records, eitt stærsta plötufyrirtæki undir Warner Music Group. Listamenn hjá þeim eru m.a. Bruno Mars, Ed Sheeran, Jason Derulo og Phil Collins svo eitthvað sé nefnt. Kaleo fór á tónleikaferð með Vance Joy og hélt einnig sina eigin. Kaleo kom fram á Conan í mars á þessu ári.

2.       Ólafur Arnalds, fæddur í Mosfellsbæ, hefur unnið BAFTA verðlaun fyrir frumlega tónlist og hefur tónlist hans verið í myndum eins og The Hunger Games og Gimme Shelter. Tónlistin sem Ólafur býr til er blanda af strengjum, píanói með lykkjum og töktum sem búa til rafrænt andrúmsloft með umlykjandi hljómum.

3.       Mugison þekkja flestir Íslendingar fyrir lögin Stingum Af og Kleturrin og er tónlist hans með indí/rokk fíling. Mugison eða Örn Elías Guðmundsson var fæddur í Reykjavík, hann fór í Middlesex háskólann í London og lærði þar hljóð verkfræði.

4.       Borko er frábær íslenskur listamaður sem ekki margir vita af. Hann semur tónlist sem samanstendur af gítarspili og fallegum textum. Árið 2008 gaf hann út sitt fyrsta albúm og hefur hann síðan farið á tónleikaferðir með öðrum íslenskum hljómsveitum eins og Múm og Seabear.

5.       Seabear er sjö manna hljómsveit sem hóf feril sinn í Reykjavík árið 2003 og var hún stofnuð af Sindra Má Sigfússyni og hefur síðan gefið út tvö albúm. Hljómsveitin hefur farið á tónleikaferðir um Evrópu og einnig Bandaríkin. Þeirra „sound“ er eins og blanda af Sufjan Stevens og Arcade Fire samkvæmt tímaritinu Clash og Rolling Stone tímaritið kallaði Sindra Má hinn íslenska Beck. Nokkur lög hljómsveitarinnar hafa birst í sjónvarpsþáttum eins og Grey‘s Anatomy og Gossip Girl.

6.       Retro Stefson er þekkt hljómsveit úr Reykjavík og vakti lagið þeirra Kimba mikla athygli hér á landi. Flest lög hljómsveitarinnar hafa einhverskonar alternative/indí hljóm og koma þau manni í stuð. Retro Stefson hefur gefið út 3 albúm síðan 2006.

7.       For a Minor Reflection er „post-rock“ hljómsveit og kemur hún frá Reykjavík (post-rock er gerð af rokki sem einkennist af notkun hljóðfæra í tengslum við rokk en sumir taktar sem notaðir eru, eru ekki almennt notaðir í rokki. Tónlist Sigur Rósar einkennist m.a. af „post-rock“) Hljómsveitinni var boðið á tónleikaferð um Evrópu með Sigur Rós árið 2008.

8.       Hljóð hljómsveitarinnar múm einkennist af ljúfum söng, rafmögnuðum hljómum með ýmsum hefðbundnum en einnig óhefbundnum hljóðfærum. Múm hóf störf sín árið 1997.

9.       FM Belfast hefur fjóra hljómsveitarmeðlimi og var hljómsveitin stonfuð árið 2005 en var þá aðeins tvíeyki. Electro/indí hljómsveitin

10. Ásgeir Trausti Einarsson er vel þekktur fyrir sína fjölbreyttu tónlist. Dýrð í dauðaþögn, fyrsta albúmið hans, kom út árið 2012 og einkenndist af rólegum tónum. Lagið Sumargestur komst í 2. sæti á vinsældarlista Íslands, lagið Leyndarmál toppaði það og fór alla leið í 1. sæti á vinsældarlistanum og var þar í sex vikur. Ásgeir Trausti þýddi plötuna Dýrð í dauðaþögn yfir á ensku, með hjálp John Grant, undir titlinum In the Silence árið 2014. Ásgeir fór í tónleikaferð í Norður-Ameríku árið 2014 þar sem hann söng á bæði ensku og íslensku.

- Sandra Magný Hafsteinsdóttir

[rvkmenning-blog]

// Kennileiti Reykjavíkur

HARPAN

Bygging og saga Hörpunnar

Talið er að um 1880 hafi fyrsta áskorun um byggingu tónlistarhús komið og voru samtök um tónlistarhús stofnuð árið 1983. Árið 1999 var tilkynnt áætlun um byggingu tónlistar- og ráðstefnuhús í Reykjavík og 2007 hófst framkvæmd Hörpunnar. Fyrstu tónleikar Hörpunnar voru haldnir á 4. maí en 20. ágúst var byggingin vígð og glerhjúpurinn tendraður í allri sinni dýrð.

Um Hörpuna

Harpan er eitt af þekktasta kennileiti Íslands sem opnaði 4. maí 2011 og hefur síðan laðað að sér yfir 5 milljónir manna. Harpan er menningar- og mannlífsmiðstöð í hjarta Reykjavíkurborgar og er heillandi áfangastaður fyrir áhugasama ferðamenn um íslenska menningu.

Í Hörpunni eru haldnir tónleikar og ráðstefnur og hefur Harpan unnið fjölmörg verðlaun. Tónleikar í Hörpunni eru fjölbreytilegir og haldnar hafa verið fjölmargar tónlistahátíðir í byggingunni eins og Iceland Airwaves, Jazzhátíð Reykjavíkur, Sónar Reykjavík og margar fleiri. Íslenska óperan, Sinfóníuhljómsveitin og Stórsveit Reykjavíkur halda árlega tónleika og eru þeir vel sóttir af landsmönnum.

HALLGRÍMSKIRKJA

Bygging og saga Hallgrímskirkjunnar

Hallgrímskirkja er stærsta kirkja Íslands, og stendur í 73 metra hæð. Kirkjan er nefnd eftir skáldinu Hallgrími Péturssyni, höfundi Passíusálmanna. Bygging kirkjunnar hófst árið 1945 undir leiðsögn Guðjóns Samúelssonar og lauk henni árið 1986. Innblástur að byggingu kirkjunnar er íslenskt berg.

Um Hallgrímskirkju

Hallgrímskirkja er staðsett í miðju Reykjavíkurborgar. Hægt er að taka lyftu upp kirkjuna þar sem hægt er að dást að útsýninu. Daglega fara fram margar athafnir svo sem skírnir, brúðkaup og jarðarfarir. Kirkjan er eitt helsta kennileiti Reykjavíkur vegna fegurðar sinnar, bæði að utan og innan. Inni í kirkjunni eru tvö falleg orgel, konsertorgel og kórorgel sem margir njóta að hlusta á.

ÞJÓÐLEIKHÚSIÐ

Bygging og saga Þjóðleikhússins

Þjóðleikhúsið var vígt árið 1950 og hefur það starfað nú í meira en hálfa öld. Guðjón Samúelsson hannaði bygginuna. Húsið var hernumið af breska hernum um 1940 og voru þeir þar í tæp 10 ár eða þangað til starf leikfélagsins hófst þar árið 1950.

Um Þjóðleikhúsið

Í turni Þjóðleikhússins eru göngubrýr til að auðvelda starfsmönnum vinnu, á þeim brúm er talið að breskur hermaður hafi látið lífið og er talið að hann gangi eftir og geri ríkisstarfsmönnum lífið leitt. 

Um 4 milljónir áhorfenda hafa farið á þær fjölmörgu sýningar sem leikhúsið hefur sýnt.

ÁRBÆJARSAFNIÐ

Um Árbæjarsafnið

Árbæjarsafn er safn í Reykjavík sem gefur fólki innsýn í líf fólks sem bjó og vann hér á landi á landmannaárunum. Á miðri 20. öld hafði fólk áhyggjur á því að "gamla" Reykjavík var að hverfa og um 1942 komu hugmyndir um að byggja safn  sem er Árbæjarsafn núna, hófust þá leitir að gögnum frá gömlu tímunum. Gamall yfirgefinn bær að nafni 'Árbær' í Reykjavík var tilvalinn staður fyrir "open-air" safnið og andrúmsloftið þarna líktist mjög gömlum tímum. Safnið sjálft opnaði árið 1957 og var það þá utan höfuðborgarinnar en nú nær borgin yfir mörk safnsins. Árið 2006 opnaði safnið einhverskonar sýningu í miðbænum sem kallast Reykjavík 872+/-2 og byggist sýningin á fornminjum. Sama ár var Árbæjarsafn verðlaunað fyrir að vera frábært íslenskt safn.

SÓLFAR (THE SUN VOYAGER)

Um Sólfarið

Sólfar er skúlptúr sem Jón gunnar Árnason hannaði. Sólfar er “draumabátur”, eiður til sólarinnar. Hann táknar loforð um óuppgötvað svæði, draum um von, árangur og frelsi. Skúlptúrinn er staðsettur við sjóinn í miðri Reykjavík og var afhjúpaður á afmæli Reykjavíkur þann 18. ágúst árið 1990.

PERLAN

Bygging og saga Perlunnar

Perlan var hönnuð af arkitektinum Ingimundi Sveinssyni. Upphaflega var þetta ekki bygging heldur hitaveitutankar frá Öskjuhlíðinni en árið 1991 var byggingin uppfærð og hálfkúlulaga byggingu var komið ofan á tankana sex og úr því varð Perlan sem starfar nú sem veitingastaður, útsýnispallur, safn og fleira.

- Sandra Magný Hafsteinsdóttir og Hafdís Jóna Þórarinsdóttir

[rvkmenning-blog]

// Túristar á Íslandi

Eins og hver getur séð hefur aðsókn ferðamanna til Íslands og þá sérstaklega Reykjavíkur fjölgað mjög mikið síðustu árin. Aldrei er það að hægt er að fara í bæinn án þess að rekast á nokkra ferðamenn á sveimi um eitt af kennileitum Íslands. Þessi fjölgun hefur bæði sína kosti og galla fyrir samfélagið en hvað leiðir þessi traffík með sér?

Of margir ferðamenn?

Fjölgun ferðamanna á höfuðborgasvæðinu er afleiðing þess að ferðafyrirtæki selja mörgum útlendingum miða en fræða þá ekki um alla þá möguleika sem búa í landinu þegar þeir eru komnir. Þetta leiðir oft til þess að túristar halda sig frekar á höfuðborgarsvæðinu og þá sérstaklega miðbæ Reykjavíkur heldur en að ferðast um landið okkar og skoða hvað það hefur uppá að bjóða. Það leiðir að miklu flóði ferðamanna hér í bænum, þá sérstaklega á veturnar, þar sem meira er um túrista á þeim tíma.

Hvernig græðum við á þeim?

Þessi túristabúbbla hefur þó sína kosti og eru peningar svo sannarlega einn af þeim. Margar túristabúðir hafa opnað víðsvegar í Reykjavík og flestar þeirra á Laugarveginum, sem er einn vinsælasti staður borgarinnar meðal túristanna. Þar geta ferðamennirnir kynnst menningu okkar og fengið að upplifa “alvöru” íslenskt samfélag, vinsælt er að kaupa minjagripi eða gömlu góðu lopapeysuna.

Kaffihús og veitingarstaðir eru líka vinsæl meðal túrista og eru þau staðsett á víð og dreif um höfuðborgina.

Hvaða áhrif hefur þetta á okkur?

Það er ekkert leyndarmál að þessi fjölgun á túristum hefur fjárhagslega góð áhrif á samfélagið, en hverjar eru slæmu hliðar þessarar auknu traffíkar á miðborgarsvæðinu?

“Þetta hefur náttúrulega áhrif á okkur sem eru í skóla hér í bænum" sagði Hjálmfríður Bríet Rúnarsdóttir, nemandi við Menntaskólann í Reykjavík. “ Bílastæðin okkar eru rifin upp fyrir byggingu á hótelum, matsölustaðir eru troðfullir og maður getur ekki stigið út án þess að sjá hóp af túristum”.

“auk þess er svo haldnar ferðir innan skólans þrisvar í viku þar sem túristar skoða skólann og getur það verið svolítið truflandi” sagði Líney Ragna Ólafsdóttir, nemandi við Menntaskólann í Reykjavík. 

Er túristamenningin orðin of mikil í Reykjavík? Eigum við að hvetja túrista í að ferðast utan bæjarins og kynna sér fegurð landsins í stað þess að halda sig innanbæjar? Þetta eru allt spurningar sem við þurfum að vinna í og finna svörin.

Hvað getum við gert til að bæta stöðuna?

Hótelum fer sífjölgandi og þá sérstaklega á höfuðborgarsvæðinu, sem er mögulega ein af þeim ástæðum af hverju ferðamenn kjósa að hýsa í borginni. Hvernig getum við breytt því? Með auknum hótelum og betri þjónustu utanbæjar gæti ferðamannabrasinn í borginni minnkað og aukist á landsbyggðinni. Ef boðið væri uppá innanlandsflug beint frá Keflavíkurflugvelli væri þá mögulega meiri eftirsókn í það að fara út á landið?

Yfir vetratímann eru margir ferðamenn sem leitast eftir því að sjá norðurljósin sem lýsa upp himininn á dimmum vetrarnóttum, margir þeirra verða þó fyrir vonbrigðum þegar þeir sjá ekki alla þessa ljósadýrð eins vel og myndirnar sýna. Ljósamengunin frá borginni gerir það að verkum að hún deyfir birtu norðurljósanna, túristarnir þurfa einfaldlega bara að sjá þessa náttúruperlu fyrir utan borgina. Þetta er massatúrismi af verstu gerð.

Hvaða afþreyingar hafa túristar í bænum?

Reykjavík hefur uppá mikið að bjóða og er það kannski ástæðan fyrir því að hún laðar að sér svo marga ferðamenn. Eitt það helsta sem dregur ferðamenn að Reykjavík er rafmagnaða andrúmsloftið, blandað af gamalli og nýrri menningu. Alltaf sést hópur af ferðamönnum fyrir utan Hallgrímskirkjuna frægu, Hörpuna eða röltandi um Laugarveginn í von um að finna heitan kaffibolla í kalda veðrinu.

Þótt meira sé að sjá en höfuðborgina okkar þá er þetta vinsæll aðkomustaður túrista á ferð um Ísland.

Hvað hefur miðbærinn uppá að bjóða?

Reykjavík hefur upp á margar afþreyingar að bjóða. Hægt er að kynna sér íslenska menningu með því að skella sér á sýningu í Þjóðleikhúsi Íslands, eða kíkja í kaffibolla á Bíó paradís.

Harpan hefur mikið upp á að bjóða bæði tónlist og menningu ásamt því að vera falleg bygging sem margir dást af.

Ef þú vilt komast aðeins út fyrir miðbæinn getur þú skellt þér niður á bryggju og borðað ekta íslenska fiskrétti, eða kíkt í skemmtilega hvalaskoðun sem er ekki á boðstólnum í mörgum löndum.

Endaðu svo daginn á  einum af mörgum góðu veitingarstöðum miðbæjarins og hver veit, kannski einn drykk á einum af fjölmörgu skemmtistöðum og börum sem miðbærinn bíður uppá.

Hvað dregur ferðamenn til Íslands?

Hvað er það sem fær ferðamenn til að ferðast til Íslands og þá sérstaklega Reykjavíkur?

Allir ferðamenn hafa heyrt um græðandi jarðhitavatnið í Bláa Lóninu og þá upplifun sem er að koma þangað og er algjört ‘möst’ að heimsækja þetta litla lón sem er staðsett rétt fyrir utan höfuðborgarsvæðið.

Yoko Ono hefur gert litlu eyjuna Viðey sem stendur úti á hafi fyrir utan Reykjavíkurborg víðsþekkta. Friðarsúlan stendur þar til minningar manns hennar John Lennon, en þótti þeim gott að komast í friðinn á Íslandi. Kveikt var á friðarsúlunni í fyrsta skipti þann 9. október 2007 og hefur hún síðan logað frá 9. október, sem er afmælisdagur Lennon þar til 8. desember, dánardags hans.

Margir ferðamenn eru undrandi þegar þeir upplifa miðnætursólina á Íslandi, þar sem sólin er uppi nánast allan sólarhringinn á sumrin enda ekki oft sem hægt er að upplifa það.

Ósvikin upplifun að ferðast til Íslands

Þeir túristar sem ferðast hingað ættu að fara héðan með þá tilfinningu að vilja koma aftur til Íslands. En hvernig getum við stuðlað að þeirri líðan?

Ísland ætti að reyna að laða til sín gesti sem eru að leita eftir ósvikinni upplifun, til að mynda norðuljósaferðir í náttúrunni víða fjarri ljósamenguninni og gullhringinn þar sem býðst upp á að sjá Gullfoss, Geysi og Þingvelli, þjóðgarðinn okkar. Við ættum að einblína á það að reyna að sýna eins stóran hluta af fjölbreyttri menningu og náttúru Íslands og hægt er.

Ísland hefur svo sannarlega verið einn vinsælasti ferðamannastaður heimsins undanfarin ár og það heldur áreiðanlega áfram að vera eftirsóttur staður, enda einstök upplifun að sjá náttúruperlurnar og kennileitin sem Ísland hefur uppá að bjóða þó að við Íslendingarnir erum orðin vön því.

- Alda Björk Arnardóttir