s32s - Tumblr blog

[s32s]

نسمع للمطرب ونسمع للمطوع

ونتبع الدنيا ونجهّل ما وراها

ماضيٍ مزعج و مستقبل يروّع

يالله انك تهدي النفس وتقاها ..

[s32s]

ماعاد ترجع قلبي ولا عاد يمديك انك ترجع يقلبي في مكانه

هات يداي شيلها من يدايك ماعاد تلزمني ياخاين الامانه

والله والرحمان وبارييييك عطيتك حنان ماتستاهل حنانه

اختبرتك بالوفاء واثر تاليييك خاين ومن فنونك الخييانه

كنت تقولي تخيل اغدر بمعاليك وانا احسبها مزح ومن باب الميانه

اثرها فكره عندك من أول لييياليك تغدر بالي عطيته قلبك وصاننننه

[s32s]

اذكرك ياخاطري قبل عدّة سنين

تعشق تفاصيل الحياه وصخبها

عايش بدون قيود وبدون روتين

تمشي ورا احلامك وتنسى تعبها

هذا وتوك .. ماوصلت الثلاثين

موتت شغفك الغامضه وش سببها

قم دندن وانسئ الهم والدرب بيزين

[s32s]

ماني ضعيف ايمان لكني انسان

تجرحني الكلمة ويقتلني الظن

قصة مشاعر خلفها الف خذلان

عاشت وكبرت مثل مايكبر الانسان

انا ضحيه صمت في ظلم الازمان 

واثق وصابر واقول الجاي يارب احسن

ياكثر شرهاتي علئ ماضي كان

وياكبر هقواتي علئ احلام ماجن

[s32s]

ذنبك عظيم وحالف اليوم لأنساك

‏وش لي بحبً دوم يجرح ضميري 

‏شرعت لك بابً عن الكل يهواك 

‏وأثرك فاتح باب قلبك لغيري 

‏خنت الذي ياما وياما تمناك 

كسرت قلبي ليه تخلف مسيري 

‏وفيت لك انا رغم قسوة سواياك

واليوم انا بكفيك شري وخيري

‏صدقني قلبي ماهو لايق لشرواك 

‏قلبي ثمين وانت غلطة مصيري

[s32s]

لاتسالني وشفيك عفت وتغيّرت

وقطعت مع بعض الوجيه العلاقه

ياما على أصحاب اللاش تصبرت

وتعبت من راعي النفاق ونفاقه

واليوم انا عن صحبة اللاش تدبرت

ماعاد ابي لأهل المصالح صداقه

واجلس لحالي لو تعبت وتكدّرت

ماعاد لي بمجاهد الخلق طاقة

[s32s]

خلوني اوصف لكم حالتي في كذا بيت

لعل منكم احد يقدر يداوي 

في داخلي فوضى وزحمه توابيت 

موتئ وجرحى وناس تبكي وتداوي 

مشغول فاضي م احترم اي وقت 

كل البشر في نظري بالتساوي 

عايش على الدنيا على كف عفريت

لكن بفضل الله صابر وقاوي 

احيان من المسجد للبيت

واحيان لا والله راعي بلاوي

[s32s]

اضحك مع العرب واقول ناسيه

وانا اتعذب كل مامر طرياه

ياشيب عيني اليا تذكرت ماضيه

واليا طرا لي حاضره عفت دنياه

مهوب جافيني ولاني جافيه

مير الاقدار مره تصيب ومره تخيب

خذوه مني وراح جعل ربي يهنيه

حالي طواه الهم من عقب فرقاه

ماعاد باقي غير ذكرى لياليه

مير البلا الحين كيف بنساه

[s32s]

ياقلبي الممتلي حب و رشاد

لو اعطي الناس فرصه تقتلك تقتلك

حقك علي مايجيك الغش ولا السواد

وتعيش عيشة ملك وتموت موتة ملك

وليا اخذلوك العباد أو خذلتك البلاد

لك رب ياقلبي المكسور مايخذلك

ارم الهموم القديمة ورحب بسعة الصدر

[s32s]

ماهو بكفو الوقت حبك يمحيه

ياللي تخاف ظروف الايام تمحاه

ارتاح مادام حبل المواصل يشدّه

انت انت .. وانا انا .. وقلبي هو اياه

حتئ ولو بتغيب طاريك تكفيه

ياواحدٍ يكفي عن الناس طاريك

حبك على رملة خفوقي مواطيه

مخفيك ومعتني بك وحاميك

من كل عينٍ ودها تنزل حماك

[s32s]

ترا خاطري منك طاب

يشهد الله اني تعنيت لجلك كثير

وانكسر خاطري منك الف مره

لاتظن اني على افعالك بعاتبك

بعد مابعتني لجل ناسً تسليك

محبتك عمرها ماترجع مثل م كانت

ان كان قدري في عينك المخذوله قليل

ترا غيرك لاسمع طاريي تبسّم

[s32s]

نويت انساك …واشوفك مثل الغريب

وكنت اضن بعدك بيساعدني على المغيب

ليتنا انتهينا بدون نكران وكره ومعيب

بس خطاك بصدري مشتعل مثل اللهيب

حاولت اسامحك لاكن جرحك عيى يطيب

الله يعين جديدك الي ضنه منك بيخيب

[s32s]

تمردت ليله البارح على الساهرين

وضاقت علي البسيطه باربع جهاتها

ي ليل لاتعتذر لو ان عذرك سمين

سلامتك بس و جروحي .. سلامتها

وكل حاجه تضيق خاطري هاتها

ضحكت وضحكت علي الايام ضحكتين

واثر الليالي …..ماتترك حركاتها

[s32s]

وش حيلة الي شاف في عيونك بلد

ولو غابت عيونك يحس انه غريب

مافوق قدرك يابعد عمري احد

ومابعد حبك ياضيا عيني حبيب

[s32s]

انتهى طيش المحبه وترويض الجنون

وابتدا قطع المواصل واعلان الفراق

الحب لو تحميه بسيوف ورماح

لابد تال الوقت ينهد بيتك