samy443 - Tumblr blog

[samy443]

[samy443]

https://fb.watch/nRxqdSLxhO/?mibextid=RUbZ1f

[samy443]

دى الغواصه (تيتان )...

والصوت اللى حضرتك هتسمعه فى الفيديو تحت ده هو صوت صادر عنها رصدته اجهزة الانقاذ بيسمعوه حوالى كل ٣٠ دقيقه فى رحلتهم للبحث عن الغواصه بعد اختفائها باكثر من ٣ ايام من رحلتها ...

الغواصه على متنها ٤ رجال أعمال مصنفين من أغنى رجال العالم منهم راجل اعمال من اصل باكستانى وابنه بالاضافه الى السواق وسعر تذكرة الفرد الواحد عليها ٢٥٠ الف دولار ...

الرحله كان مخطط ليها انها تستغرق ساعتين فقط للنزول اسفل الماء فى المحيط الاطلنطى بعمق ٤٠٠٠ متر وده عشان يزوروا حطام السفينه الغارقه تايتنك ...والرحله دى مش اول رحله للغواصه تيتان ومش اول مره تشوف حطام السفينه ...

اعلن عن اختفاء الغواصه فى ظروف غامضه جدا واسباب غير معلومه ...البعض قال انه بسبب ماس كهربائى والبعض قال انه بسبب تيارات المياه الشديده وفى ناس تانيه رجحت وقود قوى طبيعيه خارقه غير معلومه ادت لاختفائها وخصوصا مع ضعف السببين الاوائل نظرا لتجهيز الغواصه وقوتها ووجود تاريخ مرضى لعملها من قبل ...

رحلة البحث عن الغواصه وطاقمها دخلت فى اليوم الرابع وهى مجهزه للبقاء ٩٦ ساعه تحت الماء وبعدها الاكسجين ينتهى وده هيحصل صباح يوم الخميس ٢٢ /٦ يعنى كمان كام ساعه ...ورغم كم المجهودات الجباره اللى بيحاول فيها غفر السواحل الامريكى ودول كامله بغواصتها وطيارتها زى امريكا وكندا الا ان الموضوع صعب جدا ...كانك بتدور على ابره فى كوم قش حرفيا ...

للاسف لو انتهى الاكسجين قبل انقاذهم هيواجه الطاقم اصعب واقسى موته ممكن تحصل لبشر ...اقسى حتى من اللى حصل فى السفينه الغارقه تيتانك نفسها ...ولو متعرفش ايه ممكن يحصل للانسان فى ضغط زى ده بعد انتهاء الاكسجين فده حاجه ابشع من كل التصورات ...

بعض المحللين على القنوات بيقولوا إن الرحلات اللى زى دى بتبقى مجهزه بسلاح نارى (مسدس) عشان لو الطاقم حصله ظروف زى دى يتخلصوا من حياتهم قبل انتهاء الاكسجين وانفجارهم من الضغط ...

للاسف احنا دخلنا فى الساعات الأخيره من المحاولات المستميته لانقاذهم وصباح بكره على حد اقصى السلطات هتعلن وفاتهم بعد انتهاء الاكسجين .....

الصوت اللى واصل تحت ده للاجهزه فوق مميت بحد ذاته ...انتظار الموت فى الظلام وقلة المساحه وعلى العمق ده والبروده دى شىء صعب فعلا ...

على ما يبدو ان الأمر قد ينتهى بقصه مؤلمه جديده مخيفه حد الرعب ...

وعلى ما يبدو أن لعنة التايتانك

لم تنتهى بعد ........

#samy443

[samy443]

‏حتى لو لم تعجبك الآن ، تذكر دائمًا نصيحة الشخص الذي يحبك ."

- مثل أكادي

[samy443]

Karl Schweninger - Moon and the Morning Star, 1903.

[samy443]

#الروشته (١)

#التعليم

اعذرونى أولا لطول البوست ده ....بس أنا واثق إن أهميته تستدعى ...وكل مره هكتب فيها بوست باسم الهاشتاج ده (الروشته) هقدم مفهومى ورؤيتى المتواضعين للارتقاء ببلدى ونظرا لان المجالات والافكار كتير فهخصص بوست لكل مجال بعينه ونشوف ممكن نعمل فيه ايه ...

بالمناسبه اللى انا كاتبه مش تفضلا منى على بلدى ...ده واجبى تجاهها ودى مجرد وجهة نظرى المتواضعه فى الطريق لبناء مصرنا العظيمه....

اولا :- فى مجال التعليم ...

وطبيعى أبدأ بالملف الاكثر خطوره وتأثير فى المجتمع ودى بعض النصائح المتواضعه للارتقاء بالمؤسسه التعليميه من وجهة نظرى :

١-وزارة التربيه والتعليم لازم تحتضن الدروس الخصوصيه مش تحاربها ..لانها مش بديل قوى ليها للاسف ..والحل بسيط ..خلى المدرسين بعد انتهاء اليوم الدراسى ياخدوا المدرسه كسنتر كبير تحت اشراف الوزاره وبدون أى عراقيل ..كل مدرس بطلابه اللى بياخدوا عنده بره يبقوا بياخدوا الدرس عنده فى المدرسه فى الوقت اللى يحدده كمان مع المدرسه ..ايجار السنتر اللى بره يدفعه المدرس للمدرسه ان شاء الله يأجر الحوش نفسه ويدى فيه درس..براحته ..ويدى الدرس بالتمن اللى بيديه برا كمان وكل طالب حر ياخد عند المدرس اللى يريحه وبالتمن المعروض المناسب ليه ...الفرق ان هنا المدرسه والوزاره استفادوا بتمن الانتفاع بالمبانى وكمان الضرائب المجمعه الحقيقيه على المدرسين وعدد الطلاب والفلوس اللى بيدفعوها بدون ادنى تهرب ضريبى ...ده هيوفر فلوس وهيمنع تهرب ضريبى وهيحط الوزاره قدام كل حاجه بتحصل فى العمليه التعليميه ويقدر يسيطر عليها ...

٢-بالنسبه للطلاب الغير قادرين فبالفلوس اللى بتجمعها المدرسه من القادرين تدى راتب اضافى محترم لمدرسين معندهمش سناتر وما بينتفعوش بيها وتخليهم يدرسوا للطلبه دول فى المدرسه بنفس النظام ...

٣-عاوز اقول ان لو النظام التعليمى كله اتحول لكدا برده مفيش مشكله ..يعنى لو عاوزين نخلى وقت الحصص نفسها مقسم ما بين المدرسين اللى عندهم طلبه والطلبه اللى بنعينلهم مدرسين فالناتج واحد ..لان اللى معاه دفع فلوس كان كده كده هيدفعها بره لمدرس كان كده كده هيلم الفلوس دى واللى ممعهوش خد ببلاش التعليم اللى كان كده كده بيحصل عليه مجانا من مدرس مكنش بيتحصل على اى شىء من بره بس الفرق المره دى ان الطالب اللى معهوش خد جودة تعليم احلى ببلاش والمدرس اللى معهوش خد راتب اضافى ساعده على المعيشه فى ظروفه الصعبه ...

٤-فى الحاله دى طبعا يعتبر أى مدرس بيدى دروس بره مفصول من الوزاره وكمان يبقى مارس مهنه بدون تصريح وياخد جزائه وبكده يبقى ريحنا الجميع:

..ولى أمر الطالب اللى معهوش فلوس دروس ابنه هياخد كل اللى بيتاخد بره وجوه مدرسته ببلاش ..

..المدرس اللى مش بيدى دروس بره ويمكن يكون اشطر بكتير من اللى بيدى هياخد راتب اضافى محترم يعوضه عن سوء مرتبه ..

..المدرس اللى كان بيدى دروس بره بدل ما يأجر شقق وسناتر هيأجر مكان مجهز من الوزاره وتحت اشرافها بدون خوف او قلق ..

..المدرسه اللى كانت بتهوى وفاضيه هتبقى طول اليوم مزحومه بالطلاب اللى جايين من اجل العلم وبس وهتحصل عائد مكنش فى جيبها والفائض منه يروح للوزاره وتطوير العمليه التعليميه كلها

..الطالب هيبقى فى جو من التنافسيه بينه وبين زمايله وكمان المدرسين عشان يقدموا افضل ما عندهم ده غير الهويه التعليميه اللى هترجع ليه لحصوله على العلم من المكان المظبوط ..

..المجتمع نفسه هيبقى افضل لان مفيش هروب من الدرس اللى فى المدرسه وكل طالب هيبقى مسجل فى حصته مع المدرس بتاعه اللى اختاره وغيابه هيبقى باخطار من المدرسه نفسها لولى امره ..الشوارع زحمتها هتقل من السناتر وقرفها ..الانتاج هيزيد والتعليم هيتحسن ..

٥-الزام المدرسين بالبدله الكامله والزى الرسمى وليكن لون بدله لكل مرحله تعليميه ووضع المعلم فى مكانته الطبيعيه فى عيون طلابه والمجتمع ...المدرس مش اقل من أى مسئول مهم عشان يبان فى وضع مزرى او لبس لا يليق بمكانته ..

٦-انشاء صندوق خاص بوزارة التربيه والتعليم زى الصناديق الكتير اللى بنسمع عنها دى عشان تكون وزاره منتجه مش بتاخد من موارد الدوله وبس ..الصندوق ده فلوسه هتييجى من فائض ما تم جمعه من اللى قولته بالاضافه الى ١% من دخل كل وزاره وهيئه فى الدوله باكملها على حده بالاضافه الى التبرعات وخلافه ...وتخصص كل الميزانيه دى لتطوير المدارس وانشاء الجديد منها والادوات والتكنولجيا وتطوير الطالب نفسه والارتقاء بالعمليه التعليميه ككل وخصوصا رواتب المدرسين وكل من يشاركهم فى مهمتهم ...

٧-انشأوا يا جماعه مدارس للكوره ولكل الرياضات والانشطه المختلفه من مسرح وموسيقى وزراعه وخلافه يشارك فيها كل طلاب مصر ويتأهل ليها كل اللى ينفع من كل الطبقات ...عندنا طاقات رياضيه وثقافيه جباره محتاجه تشوف النور ..مش هيبانوا ولا يتعرفوا الا بالطريقه دى ..مدارس كبيره رياضيه لكل الانشطه يقدم كل الطلاب فيها باختبارات واللى يتأهل يتاخد ويتصرف عليه وممكن عادى والله يجمع بين مدرستين واحده للتعليم الاساسى ووقت تانى فى مدرسه تانيه لنشاطه ..لو منجحش فى رياضه نختبره فى غيرها ولو منفعش فى نشاط نشوفه فى غيره مش نقوله شكرا ...ممكن يكون مش عارف موهبته ...اعتبروه نادى كبير من غير مصاريف هيجيب للدوله اضعاف مضاعفه لو تم استثماره صح ...

٨-مفيش حاجه اسمها تنسيق وكل واحد مجموعه يجيب له جامعه بالبركه ...مفيش حاجه اسمها كليه تاخد ٩٠٠٠ الاف طالب فى الدفعه وميبقاش فى حاجه لسوق العمل ليهم ومعظمهم يبقى عواطليه فرده لما يتخرجوا ...فى حاجه اسمها دكاترة الجامعات تتحرك وتقابل الطلبه فى المرحله الاخيره للتعليم ما قبل الجامعى وتعملهم مقابلات بناء على تقيماتهم ودرجاتهم العلميه ورغبات الطلاب نفسها ..انترفيوهات للطلاب وكل جامعه تاخد اللى يكفيها من عدد الطلاب ..بس هتاخد الاصح والاصلح واللى ليه رغبه حقيقيه فيها ....الطلاب هتتوزع على جميع الجامعات بعداله وب��غبه حقيقيه فى تكوين نموذج ناجح للمجتمع ...ونفس القصه فى الجامعه يكون العام الاخير للطالب هو السنه اللى كل الشركات والمصانع والبنوك ومجالات العمل المختلفه الحكوميه والخاصه بتروح للطلاب الجامعه وتعمل معاهم انترفيوهات وتاخدهم مباشرة للعمل معاها بدل التنطيط على الناس وتضييع وقتهم وسنوات الخبره الزائفه وهيتم اختيار افضل العناصر للاماكن اللى تناسبهم والاقل كفائه للشركات والمؤسسات الاقل جوده وهكذا ...

** انا عارف ان العمليه التعليميه فى مصر بتواجهها مشاكل كتير ومش منحصره على اللى قولته فقط بس لو مفكرناش بره الصندوق واخترعنا نظام خاص بينا ويناسب ظروفنا ومجتمعنا زى ده مش هنتحرك خطوه لقدام وهننحسر ما بين تعليم مزرى قديم ومحاوله تقليد نظام اجنبى مش نافع معانا ...

**بالمناسبه كمان حتى كل المدارس الناشونال والانترناشونيال ولادهم بياخدوا دروس بره ...النظام اللى اقترحته على حضراتكم ده هو اللى هيقضى على كل الهرج والمرج وعدم السيطره على المدارس دى واستغلالها ..لان ساعتها مش هيبقى عند حد احراج لا مؤاخذه لو ابنه ذهب للمدرسه العاديه مع مدرس كل المدارس بره بتاخد عنده ...✌️✌️

************************************************************

أرجوكم ما تبخلوش بأى فكره تييجى فى دماغكم ...واكتبوها فورا فى التعليقات وهيتم اضافة الصالح والمتوافق عليه منها للبوست باسم صاحبها ...

ولو عجبك اى من الافكار المطروحه ما تبخلش بالشير لعل صوتنا يصل ولعل فى حد يسمع ونلاقى الكلام ده او جزء منه فى يوم متطبق ...وما تستهونش بقوة تأثيرك ...

#samy443

[samy443]

‏محدش فاهم يعني ايه حد يجاهد نفسه عشان يتعايش مع وضع مختارش أي تفصيلة فيه

[samy443]

#الخروج

إهداء،،

إلى هؤلاء الذين فارقت أرواحهم أجسادهم قبلنا

إذا كنتم ترونا الآن وتستمعون إلى تلك الكلمات

فاعلموا أننا نشعر بكم ونراكم فى كل أفعالنا

ليس صحيحا أنكم متم وإن فارقتنا أجسادكم

بل الحقيقه أنكم تحررتم منها

وإلى أن نخرج منها إليكم

فلترسلوا سلامنا

لجميعكم ،،،

#TheEXIT coming soon ❤

[samy443]

❤❤

[samy443]

‏‎#فيسبوك

تخيلوا للحظه فقط أن الموضوع استمر للابد او انه لم يكن موجودا من الاساس ..ما حدث يجعلنا ندرك كيف اصبحنا عبيدا لمواقع التواصل وكيف ان لها القدره للتحكم فى مزاجنا العام ؟

[samy443]

ليا قصه جميله جدا مع موضوع التنمر كنت حابب احكيهالكوا عشان الموعظه وكده يعنى ..فاهمين ؟

لما كنت فى ابتدائى انا واختى الكبيره كنا بنتمرن كارتيه فى الاستاد وكنا متحمسين جدا للموضوع لدرجة اننا لما اخدنا الحزام الاصفر اللى هو اول حزام اصلا وبيتاخد بعد تمرينتين قررنا نشكل فريق زى باور رنجرز كده ونجيب للناس المظلومه حقها

المهم فى طريقنا العظيم لتطبيق المهمه الجليله دى اول مره وبعد ما خلصنا تمرينتنا فى يوم ومروحين بلبس الكارتيه فى الشارع للبيت قابلنا مجموعه من الاطفال المتنمرين وقعدوا يتريقوا على لبسنا ويشتمونا ويشبهوا الحزام اللى لابسينه بالبيضه على اساس اصفر واصفر وها ها ها وكده ..

فقررت ان دى تكون أول مهمه ليا عشان احارب التنمر اللى حصل علينا ووقفتلهم وبعلو صوتى :

لو انتوا رجاله تعالوا ورونى نفسكم بس واحد واحد يدخلى اشتباك

ورغم ان مفيش حد فيهم فهم كلمة اشتباك الا انهم وافقوا يتخانقوا معايا واحد بعد واحد

المهم انى وقفت فى نص الشارع واخدت وقفة الكارتيه المعروفه دى لا وبعملها بالتصوير البطىء على اساس انى فى بطوله وكده وروحت جاى رازع بصوتى واحده ياااااااه من بتاعة الكوتش دى قبل الاشتباك والحمد لله جابت صريخ ضحك من الشارع كله ..

كل ده مكنش هاممنى ..كل اللى كان هاممنى انى اعلم العيال دى درس يفتكروه طول حياتهم ويبطلوا تريقه على الناس ...

خمس عيال اتخانقوا معايا ...واحد بعد واحد ...ما فى حد منهم اتلمس منى لمسه ...كلهم ضربونى وعملوا عليا حفلة شاورما ..اختى طلعت تجرى تقريبا ...والعيال استلمونى زى عادل امام لما العصابه مسكته فى جزيرة الشيطان كده ..عملوا منى بطاطس محمره يا باشا ..لا وايه يضربونى ويقولوا ياااااه بتريقه وبصوت بناتى ..والشارع كله فطسان من الضحك 🤣

وفعلا الدرس ده مش هنساه طول عمرى

قال اديهم درس قال

الله يخرب بيت الباور رنجرز على سلاحف الزفت النينجا اللى لحست مخى

انا كان مالى ومال العك ده كله

اى نعم ما بطلتش تمرين كارتيه واستمريت غصب عنى لحد ما اخدت الحزام البنى ..بس عمرى ما مشيت ببدلة الكارتيه تانى فى الشارع ..وكان كل ما حد فى التمرين يقول يااااه اضحك ولسان حالى يقول بطل كدب بقى ..

ايه المشكله لما نبقى مجتمع جميل ونقبل التنمر يعنى

هيحصل حاجه ؟

والنبى ما هيحصل حاجه

#دعوه_للتنمر

[samy443]

[samy443]

[samy443]

[samy443]

Dramatoxin...(مجموعة قصصية)

First trailer ❤❤ first book

Edited by: Saad Atta

Sound by : Ahmed Samy Elgaml

Publisher: Menna Mostafa

Listen to the end and wait for it very soon.....

#samy443 #dramatoxin ✌

Dream Pen - دريم بن للترجمة والنشر والتوزيع

[samy443]

[samy443]

Egypt history ❤❤❤