sh3r-fkr
شعر 📜
"انسني وقت الرخا و الّيا بلشت اذكرني"
46 posts
Don't wanna be here? Send us removal request.
Last Seen Blogs
perttiriipinen1-blog
Foreclosure Attorney - James Anthony Bonfiglio
cowboyskeletons
drawing moment
hotmouthofgod
Sul sul!
mayerology
a simple little kind of free
fenixdelrato
MENTE DISPERSA
Text
" البارحه " وين ودتني عليك الظنون ؟
و انا احسبنّي تجاوزت الهوى من سنة .
ٰ
يغلبني الشوق وتفضفض عليه العيون
و انا بشر و الأوادم .. " ماهي محصّنة "
ٰ
الذاكرة عيّت تخونك .. انا كيف اخون ؟
فالعمر حاجات واجد ماهيب مُمكنة (:
2 notes
·
View notes
Text
لو لويت العنق عيّا ولو عقلت القلب عيّـا
وأعرف إنّي رُغم هذا الميل كلّه مستقيمة .
0 notes
Text
بعدك أنا المشهد اللي صعب تصويره
وتمر الأيام وأوضاعي هي أوضاعي
مشتاق ل الليل والشرهات والغيره
ومشتاق ل أسئلتك اللي مالها داعي
0 notes
Text
وقفّت دونك رغم قل الحيل والظروف ،
تلوي ذراعي ورا متني ظروفي لوي ،
استاهلك غصب وعيون الاوادم تشوف ،
انا الجدير ب سماك ونجم نجمٍ يهوي .
ظروف الايام مهما كان ، وقت وتطوف ،
يسقط معاها الضعيف و يستمر القوي .
0 notes
Text
خذتك الأيام بس الصدق يالغالي
انا لهالحين وعلومي على خبرك
جالس مع الهم والغربال بالحالي
واتذكر ... ايامنا واطالع .. اصورك
هذا مكانك على حطت يدك خالي
وهذا انا في غيابك جالس انتظرك
0 notes
Text
بقى ذنب واحد من ذنوبي عجزت انساه
بعد ما هداك الله يا قلبي على التوبه
لك الشوق يا ذنبٍ تركته لوجه الله
عسى سيئات الشوق ماهيب محسوبه
0 notes
Text
غبتي و بعدك كل شيٍ غاب
ي سالفة عجزت اخبيها
عندي كلام و دمعتين عتاب
مدري على منهو ابشكيها
قلبي رحوم و مايسكر باب
والناس ماترضى لو اراضيها
اليا متى و انا حبيس كتاب
و كلمة (احبك) ما قريتيها
تبيّن بوجهي قبل تنساب
ابيات شعري لك واغنيها
ياغايبة تبت يد الاسباب
وتبت يد الذكرى و طاريها
و تبت يد الشعار و الكتّاب
الا جروحك طابت ايديها
تبدين حب و تغرسين إحراب
ياوين ابلقا من يداويها
غريب .. لكن ما اشبه الاغراب
لو اسكن الديره و اراضيها
تباعدوا عني كثير اصحاب
واسماء لازالت .. اساميها
مثل ماجف دمعي السكاب
لـ عيني .. يوم انك جفيتيها
مايملي عيون العباد تراب
وشلووون انتي اللي مليتيها ؟
الابتسامة تخفي الانياب
والبسمتين اللي ابتسمتيها!
فيها من رسوم الهوا الغلاب
وفيها وفيها.. كثر ما فيها
وشلون تهويني .. وانا منصاب
اصابتي يعني ماشفتيها!
وش ردك ان عالو عليك اقراب؟
عاداتنا .. وشلون نلغيها؟
لاتجاوبين اجابة الاستغراب
الاسباب توجع قبل نبديها
الجرح .. ماحبه ليا من طاب
جروحنا احيان .. نغليها !
نخبي الدمعه عشان نهاب
مدري على وشهو نخبييييها !؟
1 note
·
View note
Text
لا رجع الدمع ذكرى عابره من سنين
دمعاتك اهمال .. لكن دمعتيني عتب
وانا ليا من بكيتك في كل الحالتين
هدوئي اليا بكيتك يتحول صخب
عطرة في غيبتك سيرة اولى العاشقين
يلين قلبي تحول في غيابك خشب
ماني مع الحاضرين انا مع الغايبين
ملامح الشوق فغيابك ملامح عتب
مشاعرك صادقة لكنك ابتكذبين
والوجه هذا اعرفه ان صدق وان كذب
انا ادري انك تحبين وبعد تعشقين
انتي عشقتي الجروح .. وانا عشقت السبب
2 notes
·
View notes
Text
هل دمعي و هل الشعر وسط الكتاب
وقامت الذكريات ترجّع ايامها
مابقى لي مع الايام دمع العتاب
كيف بصبر ؟ .. وكيف الليله انامها؟
وكيف ابسأل سؤال وكيف ابلقى جواب؟
والعيون ان بكتها ماحدٍ لامَها
لاتلوموني ان شفتوني اطرد سراب
كل نسمه تمر البال .. انسامها
من بعدها تفاصيل الحنين اغتراب
كم حبيت وحده ؟ من مضى عامها
لجل ابسلى و لجل اقول هالجرح طاب
رحت كذبت كذبه وتهت بأوهامها
ماعلى العين شرهه دام للحزن باب
ودام للنوم نقطة وصل لأحلامها
مادرت بأني المجروح و انها الصواب
كل ماشفت بالقمرا .. تبسامها
ليت منهو يغيب مانفقده يوم غاب
كان ما شلت دبلتها مع ارقامها
وكان ماشفت دمعي يوم شفت العذاب
يوم هي تبسم / و هو قدامها
0 notes
Text
يموت الكلام وينبت من الكلام شعور
ويموت الضمير وينبت من الضمير احزان
انا اللي حياته واقفه في ثمان شهور
عرفت الحياه ايمان وانها وبدون ايمان
تبينا انتعاتب وانتحاسب وانا مكسور؟
من يترجم الكلمات من دون نطق لسان؟
من يقول كلمة حق من بعد فم الزور
من اللي بيحسب شي ماكان بالحسبان؟
انا باخر المشوار لو الحياه تدور
بطلبلي الرحمه و بطلبلك السلوان
وامااانه لا تنسيني و خليني المذكور
بالاحسان يوم ان حبنا انتهى باحسان
واذا مر طاري .. اشكري سعيّه المشكور
و خبي دموعك لاسمعتيه مهما كان
انا الراضي الزعلان وانا الضايق المسرور
وانا اللي ربح لكن طلع منها الخسران
0 notes
Text
ذكرتك تحت قمرا في ديارٍ . . مابها طرياك
ولمح بالذاكره وجهك عسى الأيام تاتي به.
1 note
·
View note
Text
بين فجر المواصل و ( الكبر ) والغروب
ليه اسامحْك وانت المخطي وماحكيت ؟
ٰ
كان عندك عيوب وكان عندي عيوب
عيبك انك سكتّ / وعيبي اني مشيت
0 notes
Text
الضيقة اللي وافقت / يوم فرقاك
منها دريت اني ما عمري تضايقت
حفظت اماناتك ، و طيفك ، و ذكراك
اللي تسليني / ليامني . .اشتقت
إن كنت مستغرب عشان اتحراك ؟
حتى انا مستغرب وشلون فارقت !
وكانك تحس اني "مع الوقت" بنساك
انا احس انك بترجع " مع الوقت
0 notes
Text
رفيقي بعد ماقفت بك اقدار الزمن وانزحت
ترافقك السلامه في طريقك روح مابي شي
تحرّيت وعرفت انك بخير ومهتني وارتحت
وعلقت الاماني في مصير الحيّ يلقى الحي
0 notes
Text
من مغريات الناس و الوقت مليت
الضيق غمضة عين و العمر ساعه
و ان شفتني عن امنياتي تخليت
إعرف .. ترى خليتها عن قناعه 👌🏻
0 notes
Text
و انت ياللي سبب طيبي تمادى رداك
قلتلك خايف ان بعتك ماعاد اشتريك
رح و الايام تثبت وين يوصل مـداك
وان عصت خطوتك رجليك / جرب يديك
وان تردى مدى صوتك وخالط صداك
شفني بنظرة المدرك بـ عين الدريك
مثل ماكنت تدري وقتها عن غلاك
والله لـ تدري اني كنت / واجد عليك
0 notes