Dreqin, le të qajnë. Të qajnë retë nga pesha e pluhurit. Të qajnë mëngjeset nga malli për Hënën. Të qajë buzëqeshurazi vesa për të pastruar lulet. Të qajë e djeshmja për kohën e humbur. Le të apokalipsohen përjetimet me mall e me pritje, Për pritjen humbamene, që ka harruar të vdesë, të fiket. Të përgatisim një arkivol të errët buzëqeshjesh Që jeta, prej vdekjes më të mos qurravitet. Le të qajnë, të qajnë e të ngopen E më pas të mbyten, në turbullimën e miletit Ndërkohë unë po përgatis ca çaj e biskota Po blej verë, vodka dhe po arnoj qenien time E po vë kasetën e vjetër.
2 notes
·
View notes
Të pres
Pres, përgjoj symbyllur
mes mijëra hapave
kur do ta ndjej tëndin,
mes mijërave kur do ta njoh
frymëmarrjen tënde.
Gjithkah të kërkoj
nëpër të gjitha udhëkryqet,
nëpër të gjitha rrugët,
në vijat e fytyrave t'atyre që shkojnë e vijnë,
në lojën e reve
në lëvizjen e hijeve para mbrëmjes…
O, vite e vite
të kerkoj.
Një herë do të vish.
Me flokun që bie erë puhie
dhe lirie t'pakufi
e llahtarshme e pashmangshme
me sy vrasës si vrobull i heshtur,
që në vete fsheh
sa vdekjen sa jetën…
Një here do të vish…se s'bën.
120 notes
·
View notes