soleyyloaa

[soleyyloaa]

Vika 11 - 17

Við höfum verið að bralla ýmislegt síðustu vikurnar. En við höfum verið að framkalla og síðan eru komnar lokaverkefnispælingar í fólkið. siggi kenndi okkur hvernig er best fyrir okkur að vinna í kringum hugmyndirnar okkar og að gera þær að raunveruleika. Ég fór strax í þeim tíma að skissa upp hvernig verkefnið mætt ætti að vera. Fyrst ætlaði ég að gera samfélagsmiðlaverkefni þar sem ég myndi sýna muninn á glansmyndum og raunveruleikanum, en vegna lítillrar þátttöku ákvað ég að gera hitt verkefnið sem ég var með í huga. Það er að fara út um alla Skaftafellssýslu og taka myndir af þekktum ferðamannastöðum bæði á glænýja flotta digital myndavél og síðan eld gamla (60-70ára) filmuvél sem amma mín gaf mér. Kannski breyti ég einu sinni í viðbót en það kemur allt í ljós seinna meir ;)

[soleyyloaa]

Vika 10 - Lettland

Í þessari viku féllu tímarnir niður vegna þess að við vorum úti í Lettlandi. Það var frábær ferð og henni verður seint gleymt.

[soleyyloaa]

[soleyyloaa]

Vika 7-9

Höfum verið að vinna síðustu vikur að því að taka myndir á filmuvélar og framkalla síðan. Filman mín fór öll til fjandans en það kom ein mynd á hana. Það var allt í lagi samt af því að þetta er (fullkomin) mynd af hundinum mínum honum Móra. Ég gerði nokkrar útgáfur af henni og er ég mjög ánægð með hana.

[soleyyloaa]

Vika 6

Báðir tímarnir í vikunni féllu niður vegna veikinda hjá kennaranum.

Keypti mér nýja myndavél loksins, litla Canon vél (Canon EOS M3) hlakka mjög mikið til að byrja að nota hana!

Kennslustundir: 0

Heima: 2

[soleyyloaa]

Vika 5

Mánudagurinn 29.janúar

Tíminn átti að falla niður vegna menningarferðar til Reykjavíkur (þriðjudaginn) en kom síðan í ljós að menntamálaráðherra var að koma í heimsókn út í vöruhús og vildi Eyjólfur fá nemendur þangað. Ég sat þar í einn og hálfan tíma að spjalla við Sigga Mar.

Þriðjudagurinn 30.janúar 2018

Lagt af stað var frá FAS rúmlega 8 leitið. Annar bíllinn var með eitthvað vesen hurðin vildi ekki opnast en loksins opnaðist hún. Ekkert var stoppað fyrr en á Vík og þar fengum við okkur að borða í nýrri og risastórri verslun. Næsta stopp var í bílakjallara rétt hjá Þjóðleikhúsinu. Þórhallur Sigurðsson tók á móti okkur í leikhúsinu. Þar fórum við í svona “house tour” og skoðuðum allt leikhúsið. Sáum leikara vera æfa sig og alveg upp í það að sjá konur vera að sauma hárkollur. Eftir það fórum við og bókuðum okkur inn á gistiheimilið í Laugardalnum. Fólk var mishamingjusamt með herbergin sín enda mjög mismunandi herbergi (verðmunur). Síðan var haldið í Skeifuna og þar fundu allir sér eitthvað að borða hvort sem það var djúpsteiktur kjúklingur á kfc eða salat á fresco. Það var komið að hápunkti dagsins, lokaæfing á sýningu Verzló á “Framleiðendurnir” í Háskólabíói. Nemendur vissu ekki hverju þau áttu von á en þessi sýning var eitthvað það frábærasta sem ég hef séð á ævinni, þetta var auðvitað ekki fullkomið en þetta var svo frábært. Nemendur héldu þreyttir aftur á gistiheimilið þar sem haldin var smá fundur um hvernig morgundagurinn myndi haga sér.

Miðvikudagurinn 31.janúar

Lögðum af stað frá gistiheimilinu með allan farangur um rúmlega 8 leytið. Dagurinn byrjaði vel, en hann byrjaði þannig að við þurftum að klifra í gegnum skottið og í sætin okkar í bílinn. Fyrsta stopp var kvikmyndaskólinn, þar var kynnt fyrir okkur allskonar kúrsar sem þau eru með, allt frá markaðssetingu og upp í leiklistartíma. Áður en heimsókn okkar í kvikmyndaskólann lauk fengum við að sjá nokkrar stuttmyndir eftir nemendur. Síðan kom upp enn eitt vesenið með bílinn hja okkur stelpunum og þá skaust Stefán með hann og fékk að skipta. Við fengum algjöran drottningarbíl (Benz) og strákarnir alveg þvílíkt abbó. Út af þessu veseni komum við aðeins of seint í Listaháskólan en ekkert alvarlegt. Í listaháskólanum fengum við allskonar kynningar og leiklistarsviðinu þeirra og meira tengt því. Við fengum að sjá húsið sem þau eru í og öll helstu herbergi. Eftir listaháskólann fórum við og fengum okkur að borða en þar fengum við alveg langan tíma til að sitja, spjalla og borða. Síðan var það ljósmyndaskólinn, mögulega fallegasti skólin landsins. Þessi skóli er svo heimilislegur og fallegur og með því að vera þarna inni fékk maður svo mikinn innblástur. Eftir að Sissa (eigandi skólans) talaði við okkur fórum við í Lækningaminjasafnið og sáum útskriftarsýningu hjá nemendum, öll verkin þar voru ótrúleg, öll svo mismunandi en samt öll svo ótrúlega fín! Næsta stopp var Selfoss og síðan brunuðum við beinustu leið heim.

Kennslustundir: 2 klst + 2 daga menningarferð til Reykjavíkur

Heima: 2 klst

( fleiri myndir koma inn seinna, á eftir að senda í framköllun)

[soleyyloaa]

Vika 4

22.janúar 2018

Tíminn fór í það að búa til positívur úr Pinhole myndunum okkar.

24.janúar 2018

Í dag voru filmuvélarnar teknar fyrir, allir þeir sem gátu ekki reddað sér að heiman fengu lánað hjá kennaranum. Ég kom með litla Samsung filmuvél sem mamma mín átti fyrir þó nokkuð mörgum árum síðan. Canon EOS 500 vélin sem pabbi á er eitthvað smá biluð en hún fór í hreinsun og kemur vonandi hrein og 100% til baka.

Nýjasta viðbótin er Polaroid Supercolor 635 sem ég hlakka mjög mikið til að prófa!

27.janúar 2018

Fór með ömmu niður í kjallara og reyndum að finna gamlar myndavélar. Við fundum ekkert þar og fórum upp á loft. Þar fundum við tvær vélar. Vredebox Standard Menis vél sem afi minn fékk í fermingargjöf í kringum 1954. Síðan var Welta Reflekta ii vél sem hún fékk í kringum 1955-60. Báðar vélarnar ættu að vera í lagi, allavega Reflekta vélin en það er ekki víst að Vredebox vélin virki.

Kennslustundir: 3 klst

Heima: 5 klst

[soleyyloaa]

Vika 3

15. Janúar 2018

Byrjuðum á því að ljúka við Pinhole vélarnar okkar og settum pappír í þær. Siggi Mar sýndi okkur hvernig við eigum að framkalla, bæði það sem við megum alls ekki gera og það sem við eigum að gera. Hann tók myndir af okkur á sína vél en þegar við vorum að framkalla myndirnar úr henni komumst við að því að það lak birta inn með fram. Þannig að á einni myndinni var einn stór svartur/hvítur blettur.

17. Janúar 2018

Í þessum tíma fengum við að vera frekar frjáls, við máttum fara út og taka myndir, framkalla og taka fleiri myndir. Það mistókst hjá einhverjum og tókst líka hjá einhverjum. Það virðist sem að það sé auðveldast með Quality street dósirnar, það er erfiðara með þessar minni, þar sem að þá þarf að lýsa lengur en það er erfitt að átta sig á hversu mikið lengur.

Kennslustundir = 4 klst

Heima = 2 klst

[soleyyloaa]

°Vika 2

8. Janúar 2018

Fyrsti tíminn fór í það að farið var yfir skipulag annarinnar í stórum dráttum. Síðan byrjaði fjörið - Pinhole. Siggi Mar fór yfir það hvernig Pinhole myndavélar myndu virka og hvernig við gætum búið til þannig.

10. Janúar 2018

Annar tíminn. Nemendur áttu að koma með dósir, Quality Street eða bara einhverjar, sumir gátu ekki komið með en því var reddað.

Þegar allir voru búnir að gera gat með títuprjón á lítinn álbút og bora gat í botnin á dollunum þá var komið að því að mála þær svartar að innan, bæði lokið og dolluna sjálfa.

Á meðan við vorum að bíða eftir að aðrir myndu klára að mála dollurnar sínar þá fundum við (ég og Arndís) hálfgerðan fjársjóð. Við fundum box með negatívum í. Myndirnar voru teknar á árunum 1922-23 á Grænlandi. Þær voru framkallaðar í Kaupmannahöfn árið 1990. Ef einhver veit eitthvað meira um þetta má sá sami senda mér skilaboð á facebook (Sóley Lóa Eymundsdóttir)

Kennslustundir = 2 klst

Heima = 2 klst