suminisworld

[suminisworld]

മോഹം........

നിൻ മനസ്സിൻ

തളിർച്ചില്ലയിൽ

ഞാനന്നു കുറിച്ചിട്ട

ഒരായിരം മോഹങ്ങൾ

നാമൊരുമിച്ചു നെയ്തെടുത്ത

സ്വപ്നങ്ങൾ .........

ഓർത്തെടുക്കാനൊന്നുമില്ലേല്ലും ------

പറയട്ടെ ഞാൻ......

[suminisworld]

പശ്ചിമഘട്ട മല നിരകളിലൂടെ തഴുകി തലോടിയെത്തുന്ന പാലക്കാടൻ കാറ്റിന്റെ ചൂടിൽ അവൻ നിന്നു ......

മാസ്ക് ധരിച്ച്, ഗ്ലൗസണിഞ്ഞ് .......

പരാജിതന്റെ മൂടുപടമണിഞ്ഞ്.....

അകത്തും പുറത്തും

ദാഹിക്കുന്ന മനസ്സുമായി......

പരാജിതന്റെ തീക്കനലുകൾ

കോരിയിട്ടവർക്കെതിരെ

പോരാടാൻ...........

വറ്റാത്ത പ്രതീക്ഷയുമായി .......

[suminisworld]

🦶🦶🦶🦶🦶🦶

പലായനം

സൗഹൃദത്തിന്റെ

തണൽ വഴികളിൽ

പാതി മയങ്ങിയ

മനസ്സുമായി

അവന്റെ പലായനം.....

പരാജിതന്റെ

ആലയിൽ നിന്നും

കടഞ്ഞെടുത്ത

ആയുധവുമായി

ലോകം കീഴടക്കാൻ .......

🦶🦶🦶🦶🦶🦶

[suminisworld]

ഗൗളി

കാലത്ത് വാഷ്ബേസിനിൽ വഴി തെറ്റി വീണ ഗൗളിയോടാണവൾ ചിലച്ചത് ....

"നീ എന്തിനാ ഇവിടെ വന്നു വീണത്? " അവൾ കെറുവിച്ചു.

രക്ഷപ്പെടാൻ ഗൗളിയും രക്ഷപ്പെടുത്താനവളും പരിശ്രമിച്ചു. ഒടുവിൽ ....... അവളുടെ ഔദാര്യം അവനെ കാത്തു.

ജന്മാന്തരങ്ങളുടെ കഥ പറയുന്ന ഗൗളിയ്ക്ക് അപകടം പറ്റിയതെങ്ങനെ? ആ ചിന്തയിലവളന്ന് പാത്രങ്ങളോട് കലഹിച്ചു...

[suminisworld]

പ്രണയം ......

ഒരു മഞ്ഞു മഴ പോലെ .......

ഒരു കൊടുങ്കാറ്റു പോലെ .......

ഒരു തളിർക്കാറ്റു പോലെ ......

കലപില കൂട്ടുന്ന നഗരത്തിരക്കു പോലെ ......

ആർക്കോ എന്തിനോ വേണ്ടി ഒരുങ്ങുന്ന

വസന്ത കാലം പോലെ .......

നിർവൃതിയടയുന്ന

മനസ്സിന്റെ

ആശ്വാസം .....

സ്വകാര്യമായ പിടച്ചിൽ

അഹങ്കാരം....

ആശ്വാസം.....

ആനന്ദം....

സുരക്ഷിതത്വം.....

വിശ്വാസം .....

പ്രണയം .......

[suminisworld]

വേനൽ മഴ....

ധരണി തൻ താപത്തെ അണയ്ക്കുവാനെത്തിയ

കാർമേഘമെ...... നീ വിട പറയുകയാണോ?

നാളേറെയായി കാത്തിരിപ്പൂ.....

നിന്നിലണയാൻ കൊതിപൂണ്ടതല്ലേ ഞാൻ?

എൻ മനമറിയാതെ പോകുവതെന്തേ ......?

ആഹാ... എൻ ഖേദമറിഞ്ഞു

പെയ്തു തുടങ്ങിയോ വീണ്ടും .....?

ആത്മാവിലൊളിപ്പിച്ചൊരെൻ പ്രണയാർത്ഥന

നീ കൈകുമ്പിളിലെടുത്തതറിഞ്ഞു ഞാൻ

സംഹാരതാണ്ഡവമാടല്ലേ നീ.... ഈ

പ്രണയിനിയുടെ നോവ് നീയറിയുക.......

നിൻ കരവലയത്തിൽ ഭയമേതുമില്ലാതെ .......

നിൻ മാറിൽ തലചായ്ക്കുവാൻ

കാത്തിരിപ്പൂ ഞാൻ ......

സുമിനി ഉണ്ണി

[suminisworld]

2020 June 1

ഹൊ.... എന്തൊക്കെയായിരുന്നു ........ മലപ്പുറം കത്തി...... കൊണ്ടോട്ടി മൂസ..... അങ്ങനങ്ങനെ..... ഇനി പറഞ്ഞാൽ തീരാത്തതായിട്ടൊന്നുല്ല്യ .....

ഇപ്പൊ എന്തായീ..... എല്ലാം അവസാനിച്ചില്ലേ...... എന്നാലും എന്റെ കൊറോണേ...... നിനക്ക് സ്തോത്രം .....

School ൽ മൊബൈൽ , പെൻഡ്രൈവ് ഒന്നും കൊണ്ടുവരാൻ പാടില്ല. അമ്പമ്പോ എന്തൊരു നിയമങ്ങളാണപ്പാ .......

അധ്യാപകരുടെ കയ്യിൽ കിട്ടിയിൽ പിന്നെ രക്ഷിതാക്കൾ വരാതെ തിരികെ തരില്ല....

വന്നാലോ ..... എന്റമ്മോ... School ലെ സകല കുറ്റങ്ങൾക്കും കാരണം ഞാനാണെന്നു തോന്നും.

Parents meeting ന് ചെറിയ ക്ലാസ്സു മുതൽ കേൾക്കുന്ന ചോദ്യാണ് ...... വീട്ടിൽ ഒരുപാട് സമയം TV കാണാറുണ്ടോ ? ഇപ്പൊ അതു Mobile ആയി.

" ഇവൻ രാത്രി ഒരു പാട് സമയം online ഉണ്ടാവാറുണ്ട്. പഠിത്തത്തിൽ ഉഴപ്പി തുടങ്ങിയിരിക്കുന്നു .... ഒന്ന് ശ്രദ്ധിച്ചോളൂ..''

കാലം എത്ര മാറിയാലും ഇവർക്കൊന്നും ഒരു മാറ്റവുമില്ലേ എന്ന് ഓർത്തിരുന്നു.

ഇപ്പൊ എന്തായി.... ഇവർക്കൊക്കെ അങ്ങനെ തന്നെ വേണം... രാവിലെ തന്നെ Physics teacher ന്റെ ഫോൺ . ഇവർക്ക് ഇങ്ങനെ സൗമ്യമായിട്ടൊക്കെ സംസാരിക്കാനറിയുമോ ? ഏതു ദേവതയാണപ്പുറത്തെന്ന് തോന്നിപ്പോയി ഇടയ്ക്ക് . ക്ലാസ്സിൽ നന്നായി പഠിക്കുന്ന അപർണയോട് നോട്ട്സ് ചോദിച്ചതിന് മീറ്റിംഗിന് Parents വന്നപ്പോ രാത്രിയിൽ പെൺകുട്ടികൾക്ക് message അയക്കുന്നവൻ എന്ന ബഹുമതി ചാർത്തി തന്നു. അതു കേട്ടപ്പോൾ അമ്മയുടെ കണ്ണ് നിറയുന്നതു കണ്ടപ്പോഴുണ്ടായ വിഷമമുണ്ടല്ലോ. എത്ര ജന്മം കഴിഞ്ഞാലും തീരില്ല. രാത്രി 8 മണി ഇവർക്കെപ്പോഴാണാവോ late night ആയതെന്ന് ഓർത്തതാ.

ഇന്നിപ്പോ കാലത്ത് വിളിച്ചു പറയുവാ 8.30 ന് victers ൽ online class ഉണ്ട് . അത് attend ചെയ്യണം. അതു കഴിഞ്ഞാൽ school-ൽ നിന്നുള്ള Online class. പറഞ്ഞു തരുന്നതിൽ എന്തേലും മനസ്സിലായില്ലെങ്കിൽ അപർണയോട് ചോദിച്ചോളാൻ.

ഭൂഗോളത്തിന്റെ സ്പന്ദനം മുഴുവൻ Mathematics ൽ ആണെന്നാണ് കണക്കു മാഷ്ടെ ഭാവം. ഇങ്ങേരാരാ ചാക്കോ മാഷോ.... ? Mobile ഉപയോഗം കൂടുതലാണെന്ന് അങ്ങേർക്കുമുണ്ടായിരുന്നു പരാതി .... എന്തൊക്കെയായിരുന്നു അന്ന് parents meeting ന് പറഞ്ഞത്? Class test ന്റെ തലേന്ന് absent ആയ ദിവസത്തെ പാഠം ശ്യാമിനോട് ചാറ്റ് ചെയ്ത് പഠിച്ചതിന് എന്തൊക്കെയാ Parents നോട് പറഞ്ഞത്. അതോടെ Mobile ഉം കയ്യിൽ നിന്നു പോയി. Lockdown തുടങ്ങിയിട്ടു പോലും അച്ഛൻ തന്നില്ല. Plus two കഴിയാതെ തരില്ലെന്ന് കർശനനിയമം.

വേണ്ടെന്നു വച്ചിരിക്കുമ്പോഴാ Recharge വരെ ചെയ്തു തരാമെന്ന് പറഞ്ഞ് അങ്ങോരുടെ വിളി. Connection ഏതാ? Range വീട്ടിൽ കിട്ടുമോ ? എത്ര G ടെ Plan വേണം ന്ന് വരെ പറഞ്ഞു തന്നു മഹാൻ.

എല്ലാറ്റിന്റെയും Chemistry ഒന്നു തന്നെ. Chemistry അങ്ങോട്ട് മനസ്സിലാവാനുള്ള ബുദ്ധിമുട്ട്..... എന്തിനാ ഇങ്ങനൊരു വിഷയം എന്നൊക്കെ തോന്നിപ്പോയിട്ടുണ്ട് പലപ്പോഴും...... അങ്ങനൊരു മഹാനെ കയ്യിൽക്കിട്ടിയാലുണ്ടല്ലോ .....

Lab -ൽ Practical അങ്ങോട്ടോ ഇങ്ങോട്ടോ ഒന്നു നോക്കിയാൽ അപ്പൊ തുടങ്ങും " മോനേ.... സുരേഷേ..... Mobile-ൽ message അയക്കുന്ന പോലെ എളുപ്പമല്ല Lab ലെ practical" എന്ന് .... ഇന്ന് ഫോൺ ചെയ്തപ്പോൾ Practical ന്റെ കാര്യം ചോദിച്ചപ്പോ പറയുവാ...." നീ വളരെ ഭംഗിയായിട്ടല്ലേ Lab ചെയ്യാറ്. പിന്നെന്തിനാ tension എന്ന്. "

സ്വപ്ന ലോകത്താണോ എന്ന് തോന്നിപ്പോയി.

എല്ലാം കൂടി കേട്ടപ്പോൾ ഞാനാണോ അവിടുത്തെ ഏറ്റവും നല്ല കുട്ടി എന്നൊക്കെ തോന്നിപ്പോയി.

എന്നാലും എന്റെ Corona ചേട്ടാ... ചേട്ടൻ പൊളിയാണ്. നമ്മടെ ചങ്കാണ്.......

Class ഇങ്ങനൊക്കെ തന്നെ പോട്ടെ. പഠിച്ചിലേലും ഈ teacher മാരുടെ പുകഴ്ത്തല്ലെങ്കിലും കേൾക്കാലോ....

അല്ല..... ഏത്.....

ചേട്ടന് നയം വ്യക്തമായോ?

School ലെ ചങ്കുകളെ കാണാൻ കഴിയാത്ത വിഷമം ഞാനങ്ങ് മറക്കുവാ ചേട്ടാ....

ജീവിതത്തിലൊരിക്കലും കേൾക്കാത്ത പുകഴ്ത്തൽ കേട്ടാ ഞാനിവിടിരിക്കുന്നേ .....

ഇനിപ്പോ Mobile അങ്ങ് ഉപയോഗിച്ചു സമയം കളഞ്ഞെന്ന പരാതിക്കും വിട.

Thanks Bro

Thank You Corona.

😍 😍 😍 😍 😍 😍

( ഒരു Plus Two science വിദ്യാർത്ഥിയുടെ ആത്മഗതം .....)

സുമിനി ഉണ്ണി

[suminisworld]

മഴചിന്തുകൾ.....

" മഴ " ........ അതിന്റെ സൗന്ദര്യം പൂർണ്ണമായും നുകരുന്ന campus കൾ വളരെ കുറച്ചു മാത്രമെ ഞാൻ ക���്ടിട്ടുള്ളൂ.

School കാലഘട്ടം മുതൽ തുടങ്ങട്ടെ....

പാലക്കാട് നഗരത്തിന്റെ ചെങ്കോട്ടയായ BEM School ന്റെ ക്ലാസ്സ് മുറിയിലിരുന്ന് മഴയുടെ സൗന്ദര്യം ആവോളം നുകർന്നിട്ടുള്ളത് ഏഴാം ക്ലാസ്സിൽ പഠിക്കുമ്പോഴാണ്. 7 B ലെ രണ്ടാമത്തെ ബെഞ്ചിലിരുന്ന് ' നാഗരിക മഴ'യും ' ആലില മഴ' യും നുകർന്നിട്ടുണ്ട്. വലതുവശത്ത് 'നാഗരിക മഴ' ഇടതുവശത്ത് 'ആലില മഴ'......

മഴയുടെ സൗന്ദര്യം നോക്കിയിരുന്ന് ചിത്രം വരയ്ക്കാൻ മറന്നു പോയതിന് Drawing മാഷ്ടെ 'പിച്ചൽ' കലാപരിപാടി വേറെയും....

എന്നാലും അതൊരു രസമായിരുന്നേ....

High school ലൊന്നും അത്രത്തോളം മഴയുടെ സൗന്ദര്യം നുകരാൻ ഒരു ക്ലാസ്സിലും കഴിഞ്ഞില്ലെന്നത് ഒരു ദുഃഖസത്യം. പക്ഷേ.... പത്തില്ലെത്തിയപ്പോൾ ആർത്തലച്ചു വരുന്ന 'ആലില മഴ' കുറച്ചൊക്കെ ക്ലാസ്സിലേക്ക് കടന്നു വരാറുണ്ടായിരുന്നു.

Predegree ക്കും ഞാൻ കണ്ടത് 'നാഗരിക മഴ' തന്നെയായിരുന്നു.

Degree ക്ക് മലയാളം ഐച്ഛിക വിഷയമാക്കി ആദ്യം ചേർന്നത് Govt. College Chittur ൽ . മഴ സൗന്ദര്യം നുകർന്നായിരുന്നു അച്ഛനോടൊപ്പം ആ campus ലേക്ക് നടന്നു കയറിയത്. ആ campus ന്റെ സൗന്ദര്യം എന്നെ കുറച്ചൊന്നുമല്ല ആകർഷിച്ചിട്ടുള്ളത്.

പക്ഷേ... College ൽ എത്തുന്നതിന് എത്രയോ മുൻപ് Victoriya ഒരാവേശമായി മനസ്സിൽ പ്രതിഷ്ഠിച്ചിരുന്നു.

(സർവകലാശാല സിനിമ കണ്ട് ലാലേട്ടനോടുള്ള പ്രണയം മൂത്ത് ഹരം കയറിയതാണെന്ന് ആരോടും പറഞ്ഞില്ല. 🤪) അതുകൊണ്ടു തന്നെ വിക്ടോറിയ മുത്തശ്ശിയുടെ മടിത്തട്ടിൽ അങ്ങ് തല ചായ്ച്ചുറങ്ങി.

ലൈബ്രററിയുടെ പുറത്തു നിന്ന് ഗ്രൗണ്ടിലേക്കു നോക്കുമ്പോൾ കാണുന്ന മഴ സൗന്ദര്യത്തിന് മറ്റൊരു ഭംഗി ...... എല്ലാരെയും ഒന്നിച്ചു ചേർത്തു പിടിക്കാനായി ഒറ്റപ്പെട്ടു നിൽക്കുന്ന ഗ്രൗണ്ടിലെ മുത്തശ്ശിമരം ......

എല്ലാരും ഉണ്ടെങ്കിലും ജീവിതത്തിൽ നാം എന്നും ഒറ്റയ്ക്കാണെന്ന വലിയൊരു ജീവിത തത്വം ഓർമ്മിപ്പിക്കുന്നു. കോളേജിലെത്തുന്ന കൗമാരങ്ങളുടെ സൗന്ദര്യം മാറി നിന്നാസ്വദിക്കുന്ന മുത്തശ്ശി....

B Ed നു പഠിക്കുമ്പോൾ അനുഭവിച്ച 'മരങ്ങളുടെ മഴ' അത്രയൊന്നും മനസ്സിൽ ചിറകുവിരിച്ചില്ലെങ്കിലും ആദ്യമായി അധ്���ാപിക വേഷമണിഞ്ഞ കഞ്ചിക്കോട് Govt.Higher Secondary School ലെ മഴയുടെ സൗന്ദര്യം...... അതിനു മറ്റൊരു മുഖമാണ്.....

ക്ലാസ്സിൽ നിന്നു നോക്കുമ്പോൾ കാണുന്ന പശ്ചിമഘട്ട മലനിരകളിൽ പെയ്യുന്ന മഴയുടെ സൗന്ദര്യം എത്ര ആസ്വദിച്ചാലും മതിവരില്ല.......

ഭൂമിയെ മാറോടണയ്ക്കാൻ കൊതിയോടെ പെയ്യുന്ന മഴ...... ഫാക്ടറികളിൽ നിന്നുമുയരുന്ന പുകപടലങ്ങൾക്കുമുകളിലൂടെ ആവേശത്തോടെ നീങ്ങുന്ന കാർമേഘങ്ങൾ ...... ഇന്നും അവിടുത്തെ മഴ ഭംഗി അദ്ഭുതത്തോടെ നോക്കി നിൽക്കുന്നു.....

( ഏറ്റവും ആകർഷിച്ച മഴ സൗന്ദര്യങ്ങളിലൊന്ന്)

പിന്നീട് ആസ്വദിച്ച മഴ സൗന്ദര്യം Donbosco ലെ മഴ തന്നെയാണ്. Class മുറിയിലെ കുട്ടികൾക്കൊപ്പം അവരിലൊരാളായി മാറി അവരോടൊപ്പം മഴ സൗന്ദര്യം ആസ്വദിക്കാറുണ്ട് ഞാൻ.....

ക്ലാസ്സെടുക്കുന്ന സമയത്ത് മഴ പെയ്താൽ കുട്ട്യോൾക്ക് വലിയ ഇഷ്ടമാണ്. ടീച്ചർ ക്ലാസ്സ് നിർത്തുമല്ലോ....😃😃😃

അവരേക്കാൾ കൂടുതൽ മഴയുടെ സൗന്ദര്യം നുകരാൻ ആവേശം ടീച്ചർക്കാണെന്ന് അവർക്കറിയില്ലല്ലോ ....🤪

DB ലെ മഴയെ വർണ്ണിക്കാൻ വാക്കുകളില്ല.....

പണ്ട് കുട്ടിക്കാലത്ത് അമ്മ വീട്ടിലിരുന്ന് കൗതുകത്തോടെ മഴയെ നോക്കി നിൽക്കുന്ന കൊച്ചു കുട്ടിയാവാറുണ്ട് ആ സമയത്ത് ചിലപ്പോൾ ഞാൻ.....

ജാലകത്തിനപ്പുറത്ത് പെയ്യുന്ന മഴയ്ക്ക് വിവിധ ഭാവങ്ങളാണ്.

Staff room ൽ ഇരിക്കുമ്പോൾ ചെമ്പകത്തിന്റെ മണവുമായെത്തുന്ന മഴ എന്നെയാണ് ആദ്യം തേടിയെത്തുക ...... ഒന്ന് വന്ന് തലോടിപ്പോവും ...... ആ ബാൽക്കണിയിലിരുന്ന് മഴയെ കാണുമ്പോൾ ചിലപ്പോൾ അവൾ ആർത്തലയ്ക്കുന്നതു കാണാം..... ചിലപ്പോൾ വല്ലാതെ ചിണുങ്ങും.... സംസാരിച്ചു തുടങ്ങിയാൽ ചിലപ്പോൾ പരിഭവങ്ങളുടെ ഭാണ്ഡക്കെട്ടുകൾ അഴിക്കും.....

PT period നായി കാത്തിരിക്കുന്ന കുരുന്നുകളെ മോഹിപ്പിച്ചു നിർത്തുന്ന കുറുമ്പി മഴ ..... ആ period മാത്രം മഴ പെയ്യും .......

എത്രയെത്ര മഴ ഭാവങ്ങൾ .... സൗഹൃദ മഴ ..... പ്രണയ മഴ...... കണ്ണീർ മഴ ..... സ്നേഹമഴ...... രൗദ്ര മഴ ...... അങ്ങനങ്ങനെ......... മഴയുടെ എല്ലാ ഭാവങ്ങളും ആവോളം നുകരാൻ കഴിയുന്നു DB ലെ മഴയ്ക്ക്........

മഴ ഭാവങ്ങൾ വർണ്ണിക്കാൻ തുടങ്ങിയാൽ തീരില്ല.... മനുഷ്യന്റെ സമസ്ത ഭാവങ്ങളും ഉൾക്കൊണ്ടു കൊണ്ടാണവളുടെ വരവ്......

( സുഗതകുമാരിയുടെ രാത്രി മഴ ഒരു മഴക്കാലത്ത് പഠിപ്പിച്ച ആശ ടീച്ചർ ഇന്നും മനസ്സിൽ നിറയുന്നു. സ്നേഹം മാത്രം.)

ഇങ്ങനെയൊക്കെയുള്ള ആ സുന്ദരിയെ ഞാനെങ്ങനെയാണ് സുഹൃത്തേ വർണ്ണിക്കാതിരിക്കുക....? പറയൂ........

സുമിനി ഉണ്ണി

[suminisworld]

പശ്ചിമഘട്ട മല നിരകളിലൂടെ തഴുകി തലോടിയെത്തുന്ന പാലക്കാടൻ കാറ്റിന്റെ ചൂടിൽ അവൻ നിന്നു ......

മാസ്ക് ധരിച്ച്, ഗ്ലൗസണിഞ്ഞ് .......

പരാജിതന്റെ മൂടുപടമണിഞ്ഞ്.....

അകത്തും പുറത്തും

ദാഹിക്കുന്ന മനസ്സുമായി......

പരാജിതന്റെ തീക്കനലുകൾ

കോരിയിട്ടവർക്കെതിരെ

പോരാടാൻ...........

വറ്റാത്ത പ്രതീക്ഷയുമായി .......

[suminisworld]

പുതിയൊരു തുടക്കം..... ഒരു പാട് കാലമായി ശ്രമിച്ചു കൊണ്ടിരുന്ന ഒരു സംരംഭം .......

ആരംഭിക്കുകയാണ് ഇന്നു മുതൽ .......

അക്ഷരങ്ങൾ അഗ്നിനാളങ്ങളാണ്. പലപ്പോഴും അപ്രാപ്യമാണവ . അക്ഷരക്കൂട്ടുകളെ..... നിങ്ങളെന്നോട് ചങ്ങാത്തം കൂടാത്തതെന്തേ?