#اسمو

[anyab]

عم احضر وثائقي عن بيروت مصور ب2020 وصراحة كنت متناسي كل اللي صار يعني ثورة وانهيار العملة والسرقة وانفجار المرفأ ومدري شو كمن. برو كيف بعدنا عايشين

[rooh-elhaya]

احذروا

الحذر كُل الحذر أن تضيع عمرك في علاقة ما تحت أي مسمي كان

إياك واستنزاف روحك وقلبك وعقلك ووجدانك

إياك والبقاء في أيدي العابرين الذين تُوقِن أنت بعدم بقائهم

إياك وكشف ستر احتياجك لأي حد كان

إياك وكمال الثقة في حد

لا تنتظر حد .. ولا تحزن لفراق حد

كن لنفسك .. نفسك والسلام

كن الحُب والمُحِب والمحبوب

لا تدع حد يسرق سنوات عمرك

لا تستبطئ قرب حد

ولا تستبعد غدر حد

لا تنظر عينيك الى أشخاص لا يضعون قلبك في عنان سمائهم

لا تترك حد يعبث بكينوتك أبداً

استخلص نفسك من وحل العلاقات الرديئة

ارفع ثيابك عن مُستنقع اللا تقدير عما تبذله للآخرين

لا ترض بأقل مما ترجوه لشخصك

اعرف قدرك

واحفظ قلبك قدر المستطاع من غشم المجربين

اسمو بروحك للعُلا

لا تتعجل أشخاص أو ظروف أو أوقات لم تأتي بعد

بالنهاية

فلن تموت نفسٌ حتى تستكمل أجلها ورزقها 🤷🏻‍♀️

[white-tulip323]

العيد مستمر وأطفال غزّة يُبادون عن أيّ يوم طفلٍ تتحدثون وهُم يُقتلون؟؟؟ أم لِأنهم لِحيل إنسانيتكم السينمائية فاضحون؟؟؟ خبتم وخابت مبادئكم أيها المنافقون وتبًّا لِشعاراتكم وكل ما تدّعون!

في كل الحياة نرى أن الأطفال هم زينة الحياة ولكن في هذا السنة هناك غصة ولا طعم للاحتفال فلا طعم لعيد الطفولة واطفال غزة يقصفون لا عيد طفولة واطفال غزة جائعون لا عيد طفولة واطفال غزة خائفون لا عيد طفولة واطفال غزة يحملون هموما تعجز الجبال عن حملها اسمو يوسف شعرو كيرلي وابيضاني حلو💔 ليش شايل شنطه حبيبي فيها كتبك؟ لا فيها اخي الصغير 💔. هاي امي بعرفها من شعرها 💔. عمو بدي اسألك شغله هايدا حلم ولا حقيقا💔 هدول ولادي الثلاثه يعالم دورو بلكي بلاقي واحد عايش💔. وغيرهم الكثيييييير 🥺 💔 اللهم فلسطين 🇵🇸 وأهل فلسطين🇵🇸.... اللهم أنصر إخواننا في فلسطين

[f-farah]

يوميات متدربة متمرمطة: part 1

بتفوت ست كبيرة، أنا كيف بسمعها عم تحكي:

-مرحبا يا خالتي، بدي دوا، أنفو سايل.

بعطيها دوا.

-لا مو هذا، دوا أنفو سايل

اي يا خالتو.. فهمت الحالة، فهمت إنو أنفو سايل وهذا دوا للمشكلة.

-لا لا، دوا أنفو سايل

(الناس بالصيدلية عم يضحكوا إنو في دوا هيك اسمو اساساً)

الد��تورة اللي عم تراقبني اذا رح أعرف اتصرف او لأ، بس خلصت الشغل اللي بين إيديها، بتحكيلي:

فروحة اسم الدوا إنفو سايل info sail بتلاقيه ب 3k

واتذافاك؟ شو ها؟ عنجد؟ وااات؟ أنفو سايل، تمام. معافى انشالله.

[deedeee-posts]

مافي شي اسمو ما حدا بيدوم لحدا اللي بقلوبهم حنية بيدوموا لاخر العمر

[darkkpearl]

يمكن احنا "كوطن عربي" ما بنعرف شي عن بعض ، أو بنعرف جزء من القصة و ليست القصة كاملة مثل ما بيشوفها اصاحبها ، بحس حتى لما أقابل شخص من سوريا بعد ما ترك البلد ، أنه ما يريد يحكي عن شي او كأنه خلاص يريد ينسي كل شي .

اعذريني إن جهلت ببعض التفاصيل ، لكن سؤالي متى كل شي تغير ؟

اللي بعرفه إن الحال قبل 2010 كان احسن و ما كان في شي تقريباً.

و كمان هل الثورة نجحت ؟

لأن في ناس بتحتفل بأعياد الثورة و في ناس ما بتفرق معها الثورة أصلا ، و إن نجحت الثورة ليش الوضع مازال سيء ؟!

و كيف تقدري توصفي الوضع في الوقت الحالي .

اهلا

حضرتك سألت عن كذا شغلة فسامحني اذا الاجابة طويلة.

أولا بالنسبة لمعرفة المواطن العربي بتفاصيل أوضاع بلد عربي اخر، الطبيعي ان ماحدا ح يعرف 100% الا أصحاب الشأن نفسو.

ولكن للصراحة بسوريا الوضع مختلف، بتلاقي السوريين بشكل عام مهتمين بالشأن العربي وعندن انتماء عروبي/قومي حقيقي، على عكس باقي الدول يلي انتماءها قومي فقط. ورح تلاقي هالشي منعكس حاليا بحرب غزة. هي الها اسباب تاريخية، منها ايدولوجية حزب البعث الحاكم "أمة عربية واحدة ذات رسالة خالدة". وأيام الوحدة مع مصر أثرت ع الوعي الجمعي.

٢. عموما نحني كسوريين عنا إحباط شديد من عدم اهتمام العرب والعالم بمأساتنا، منعرف انو مافي أي معلومة نقولها ممكن تأثر ع حدا. يعني الناس ماتت ع الشاشات وصار قصف عشوائي و مجازر بالدبح بالسكاكين وبالكيماوي وتعذيب سجون وصور قيصر !! شو تغير لما حكينا وصورنا وخبرنا العالم؟

فكتير اوقات هالشي بيدفعنا للصمت لانو يأسنا من العرب.

واصلا كان شعارنا بكل مظاهرة "يالله مالنا غيرك يالله"، وكانت حقيقة. فرجاءا لا تواخذوهن، خطّي شافوا الويلات 😅.

٣. متى تغير كل شي والوضع قبل 2010

◾️بدأت التغيرات من الستينات لما صار انقلاب عسكري من حزب البعث على الجمهورية السورية، وبعدا انقلاب اخر على إيد حافظ الأسد سنة 1970

◾️حافظ حكم سوريا بالحديد والنار، نظام عسكري قمعي بمعنى الكلمة، عندو معتقلات اكتر من الجامعات. سيطر ع الجيش والامن واحتكر موارد البلد وسرق خزينة الدولة وجيوب الناس. عاشت الناس برعب حقيقي ع زمن حافظ لدرجة لما مات ماحدا استرجى يقول بصوت عالي مات القائد،

◾️ وصل السوء لذروتو سنة 1982 لما حاصر النظام مدينة حماة وارتكب مجزرة، استشهد ما يقارب 20 ألف إنسان وفي تقديرات بتقول 40 ألف، وهربوا كتار منهن.

◾️من الستينات ل2011 ضلت البلد عايشة تحت قانون الطوارئ.

وهاد القانون بيعطي صلاحية للجهات الامنية انو تعتقل اي حدا تحت أي شبهة مهما كانت صغيرة او لمجرد الشك

مثال بسيط، بسوريا كان جدا صعب تروح ع الجامع 5 مرات باليوم بشكل طبيعي، لان ممكن أي مخبر يقدم بلاغ عنك انك وهابي ويتم اعتقالك. وضل هالشي لل2010

◾️سنة 2000 مات حافظ. وتم تغيير الدستور خلال دقائق لحتى يحطو بشار، وكانت هي الطامة الكبرى!.

من 2000 ل 2010 عمل بشار تغيرات بسيطة، أغلبها اقتصادية، وسمح باستثمارات اجنبية، لأن سوريا كانت منعزلة تماما اقتصاديا بحكم انو نظام شيوعي اشتراكي. كل الاستثمارات وارباحها راحت لجيبة الاسد وجماعتو فعليا وضل الشعب فقير عم يركض ليأمن لقمة عيشو او ليهاجر لبرا. وضل وضع الاعتقالات والجيش متل ماهوي

مثال تاني، ابن خالة بشار ( رامي مخلوف)، لحالو مسيطر على 70% من اقتصاد سوريا، شركاتو كانت بتضم بترول وشركات الاتصال، السياحة، مصانع، شركات طيران، بنوك، نفط وغاز وعقار واعلام وتعليم ، وحتى "الجمعيات الخيرية". طبعا هوي واجهة كمان والمستفيد كل العائلة.

حاليا اسماء الأسد(زوجة بشار) استولت ع اموال وشركات مخلوف، وهي المسيطرة اقتصاديا ع البقيان من البلد.

من المستحيل لأي شخص يعمل اي استثمار بسوريا بدون ما يكون للاسد او حدا من العيلة حصة فيه، وبتم هالشي بالتشبيح أو ترهيب المنافسين.

تخيلوا انو عائلة الأسد من أثرى العائلات في العالم. والهن استثمارات في كل دول العالم بما فيها الخليج. وطبعا روسيا. في وثائقي عن هالموضوع من انتاج الجزيرة.

هل الثورة نجحت؟

الثورة نجحت بكسر الخوف وأعطت للناس صوت، ماعاد عنا بعبع اسمو السيد القائد.

والثورة ما انتهت، فما فينا نحكم عليها من هلأ بنجاح او فشل تام.

من تقريبا ٦_٧ أشهر فقط، محافظة السويداء بالجنوب ثارت ع الأسد وحملت علم الثورة وطلع النظام منها.

يلي بدي نبه عليه هون انو الثورات الشعبية ولا مرة فشلت. ممكن تطول، و تغلط وتنحرف وترجع تتصوب. لكن الشعوب يلي بتطالب بحقها وتحمل سلاح، مارح تهدى لتحصل ع هدفها حتى لو اخد سنين طويلة. هاد منحنى الثورات بكل مكان.

في ناس ما بتحتفل بأعياد الثورة؟

هاد شي طبيعي. اذا النبي في عالم كفروا فيه!!

ومو كل يلي اتهجروا مع الثورة اصلا، في منهن مؤيدين للأسد، وفي منهن ضد التنين ورمادين مالن رأي.

الوضع حاليا.

أولا لازم ما نقارن بين وضع السلم ووضع الحرب

تانيا سوريا دولة محتلة تماما،

مناطق مسيطر عليها روسيا، ومناطق إيران وميليشياتها، ومناطق اميركا والاكراد. وهدول في بيناتهن مشاكل وعم يصفوها ع حسابنا.

مثلا روسيا والنظام بدن يخففو من سيطرة إيران، فحاليا عم يتعاون الروس والنظام مع إسرائيل لهالسبب. لهيك كل يوم اسرائيل بتقصف مقرات الحزب والحرس الثوري، والنظام تاني يوم بقصف إدلب.

أما ايران عندا مخاوف وماعادوا يأمنوا للنظام فبلشوا يضغطوا من ناحية تانية وهي تأسيس حوزات ومدارس شيعية وشراء عقارات ليثبتوا وجودهن بين الناس. ويلي بيرفض يبيع بيحرقوا بيتو خاصة بمناطق الشام القديمة.

باختصار: الوضع سيء لان في مجموعة أشخاص مستفيدين من هالوضع وبدن ياه يستمر. منهن عملاء ومنهن تجار حرب، ومنهن "جماعة لا سمح الله" يلي ساهموا بمحاربة الثورة. وفي معتوه قاعد ع الكرسي من مصلحة دول العالم وإسرائيل انو يضل، لأن اي بديل خارج من الثورة إلو طابع اسلامي هو كارثة ع أمن اسرائيل.

[princess-lolita]

أنك تتصبح بتفوق بأحلى العلامات هاد اسمو صباح الخير..🤍🫀!

ألف مبروك النجاح وعقبال الأعلى سمعوني مبروك

احلى فرحه🎓❤️

[jojulia]

مافي شي اسمو " إنسان بنسّيك إنسان تاني " أو ممكن يمحي أثر كان خاصّ بيلّي قبله . .

نحنا ببساطة منميل للحدا الحنون علينا ؛ للحدا يلّي بيغمرنا بكلامه الصادق والحلو لدرجة بتحسّ حالك قطعة من هالشخص ومسؤول عنّك بسبب اهتمامه . .

نحنا منرتاح للحدا يلّي بيسمعلنا وبيتحمّل ضجيجنا الداخلي ؛ بيتحمّل صراخنا وكلامنا الي مو مفهوم بوقت العصبيّة ؛ بس ما بيتحمّل يشوف دموعنا لحظة . . !

نحنا تلقائيّاً رح نلجأ لهالحدا ونسمّيه ملاذ الحنان الخاصّ فينا بهالعالم البشع ؛ ما رح نقدر إلا نحطّه بين ضلوعنا ونسكّر عليه ؛ حتّى ماغيرنا يقدر يسرقه منّا . .

وأثر أيّا حدا مارح ننساه بس مارح يكون الو حرارة تذكّرنا فيه ؛ رح يروح لحاله مع الوقت ؛ برودة المواقف بتنسّيك لهفتك ؛ لهيك لاقي ناس صح لقلبك أو أبعد...🤍🦋

[missgodsfav]

ياربي انا تعبت من هالعقليات العقيمة

بحكيلهم انو الإنسان لازم يكون ملم بأشعار العرب من كل العصور و يكون حافظ على الأقل قصيدة وحدة كاملة بيحكولي مدامهم ما علمونا عنهم بالمدارس ليش لنهتم فيهم، بحكيلهم لازم الإنسان يكون عندو خلفية عن الأدب العالمي و القصص الشهيرة عالميًا بيحكولي شو بدنا بهل تفاهة، بحكيلهم الإنسان لازم يكون عندو هواية إبداعية اساسية يقضي وقت طويل فيها متل الرسم او القراءة او الطبخ او النحت او العزف او الكتابة بيحكولي شو الفائدة اذا ما كنا عم نجيب مصاري من وراهم، بحكيلهم الإنسان لازم يكون عندو خلفية قوية عن اللوحات و الأعمال الفنية من اي عصر و اي مطرح مشان يعزز الأفكار الفنية الي عندو بيحكولي شو بدنا بالفسوق و الافكار الملغمة بلوحاتهم، بحكيلهم الإنسان لازم يكون إلمامو بتاريخ و هوية وطنو اهم من التاريخ العام الي بخليك تدرس مقتطفات بسيطة بدون فهم عميق بحكولي خليكِ مشغولة بتاريخ بلدك المدمرة، بحكيلهم الإنسان لازم يكون عندو حصيلة منيحة عن المسرحيات و السينما بحكولي بس الأغنياء عندهم وقت لهيك حكي فاضي، بحكيلهم انو الإنسان لازم يحدد لشو نفسه بتميل يا لعلوم الفلك او علوم الارض او علوم البحر و يتعمق بالي يهواه منيح لأنها علوم اساسية بيحكولي مدامها مو من اختصاصي ليش لفكر فيها، بحكيلهم انو كل العلماء حذروا من التعلق و التقليد الأعمى للأمم السابقة و ما في شي اسمو جيل زمان كان أحسن بيحكولي على الأقل كانوا محتشمين، بحكيلهم فكروا بالإنسان كجسد و نفس و روح و تعلموا كيف تشبعوا رغبات كل جزء منهم بيحكولي تعلمي كيف تجيبي مصاري و بس.

هي المعزوفة لتوضيح انو هالنص كتب بحزن مو بكره او حنق...

[lolu-2021]

ما عندي شي اسمو شبعت نوم ....

انا استحيت على حالي و فقت مو أكتر 😪

[aya-omar]

جماعة طب ما نلم من كل واحد سبعة جنية ونص ونعمل كافية اسمو تمبلر والدخول باليوزر نيم بتاع البلوج بتاعو عشان كل الصحاب دول يتقابلو 🌚♥️

[rooh-elhaya]

نصيحة من القلب ❤️

استخلص نفسك من وحل العلاقات الرديئة، ارفع ثيابك عن مُستنقع اللاَّتقدير عمّا تبذلهُ للآخرين لا ترض بأقل ممّا ترجوه لشخصك، اعرف قدرك واحفظ قلبك قدر المُستطاع من غشم المُجرّبِين، اسمو بروحك للعُلا، لا تتعجل أشخاص أو ظروف أو أوقات لم تأتِ بعد، فلن تموتَ نفسٌ حتى تستكمل أجلها ورزقها

[sahartragictale89]

أتعرف يا تمبلر ، كل يوم أنجو و أصل بصعوبة ، تمبلر تمبلر أنا أشعر أحيانا أني بلا طاقة بلا دم يسري في جسدي ، و أشعر بثقل جسمي فلا أستطيع حتى الانفعال أو الامتعاض، أشعر بجسدي باردًا متصلبا ، أشعر بعضلات فكي معطلة لا تتحرك و أجدني أهدئ من حولي طوال الوقت وأصبرهم، أجدني أحثهم على تعطيل بشريتهم و مشاعرهم لأن هذا الحل الوحيد للتعامل مع البيئة التي علقنا فيها ، أجدني أهز رأسي بيأس وبؤس تام على الاحداث من حولي ،

أشعر يا تمبلر والله ما زلت أشعر لكني لم أعد أقوى على التعبير

ما زلت أصحو كل يوم و أقاوم و أبحث عن لحظات حياة و راحة ، عن نفس طبيعي أستنشقه دون سمّ و ألم ، و في النهاية أنا فقط أريد أن اسمو و أرتقي إلى خالقي بسلام و رضا صدقني يا تمبلر لا أريد غير ذلك ، أريد أن أصعد إليك يا الله بما تبقى مني من جسد و روح و مشاعر ، أريد أن أبذل ما تبقى مني في سبيلك و لأجلك فلا أحد يستحق غيرك بذلها و إني ليحزنني أن أتلاشى هكذا يوما بعد يوم في سبيل اللاشيء

أعوذ بك يا الله من ألم بلا معنى، أعوذ بك من عذاب بلا

مغزى ، و أعوذ بك من فناء في سواك يا حبيبي يا الله يا

رحيمي يا الله

[f-farah]

بتعرف يا تمبلر.. مات أنور جعفر، أنور متل كثار من السوريين اللي ما عرفتهم خلال حياتهم وتعرفت عليهم بعد موتهم. بيوم صحيت الصبح.. فتحت فيسبوك ولاقيت كل ثوار الساحة اللي مؤمنة فيهم وبرؤيتهم عم ينعوا شخص اسمو أنور جعفر. وبكيت.. بكيت يمكن لأني ما عرفته من قبل.. بكيت لأن الناس الحلوين بيموتوا بهالبلد كثير مرات ولما الحياة تكون قريبة منهم بجد بتلبقلهم، بس فجأة بيموتوا.. هيك بكل البساطة الموجودة بالموت والقهر الموجود فيه.

هلق عم اقرأ مقال عن أنور جعفر وكل شوي بتوقّف وباخد نفس وبمسح دموعي. رح شاركك هالمقال يا تمبلر لأني بعرف بعد شهور أو سنين رح ارجعله ورح ارجع ابكي متل أول مرة.

[yfghsblog]

في مرض اسمو (هشاشة الروح)

هيك بتحسي حالك ضعيفة لدرجة أنك مو متحملة أي شي أبداً.

بتحسي دمعتك أقرب من حبل الوريد ..

هشاشة الروح :يعني ممكن كلمه تجرحك إذا ما كانت بوقتا او بمحلها .

ممكن تخنقك حتى .

هشاشة الروح أبشع مرض .

أوعك تنصابي في لان ما في دوا ألو...🤎🌻

[darkkpearl]

بشكرك جداً علي التوضيح لانه حقيقي في اشياء اول مرة اعرفها ، و الصورة الآن وضحت بشكل كبير و طلع الموضوع معقد أكثر من اللي كنت فاكره .

لكن في سؤال تاني حابب اسأله لو ما راح ازعجك يعني ؛

هل هناك المناطق بنقدر نقول عليها آمنة –بشكل نسبي– بسوريا في الوقت الحالي ؟!

لأنو مثل ما ذكرتي في محافظة السويداء انها تحررت من النظام الآن ، فهل هذا له نتائج تبشر بالخير ؟

و هل ممكن ترشحي قنوات إخبارية موثوقة علي أي منصة تنقل لنا الأحداث الحالية و التطورات بسوريا ؛مثل مافي أشخاص أو قنوات بينقلوا الأحداث اللي بتصير بغزة أو فلسطين عموماً ؛ لأن هذا راح يفرق بشكل كبير .

انا يلي بشكر اهتمامك وبحثك عن الحقيقة ، وشكرا انو عطيتني هالفرصة لاحكي عنها :))

_ برأي لا، مافي منطقة آمنة بسوريا بالمعنى الكامل

مناطق سيطرة روسيا والنظام مافيها قصف طيران او دبابات فهي امانة من هي الناحية نوعا ما لكن في قصف اسرائيلي مكثف هالفترة ،

و لكنها غير آمنة من ناحية تواجد قوات الأمن والمخابرات بالتالي ممكن يعتقلوا اي حدا بأي دقيقة. واي حدا معارض ما بيقدر يدخلها بسهولة تحت طائلة الاعتقال.

مناطق المعارضة "إدلب وريف حلب" أفضل معيشيا، لكن معرضة للقصف من النظام وروسيا بأي وقت، بالإضافة لمناوشات مع قوات قسد "قوات كردية اميركية".

* حراك السويداء جدا مهم ومبشر بالخير لأسباب هي:

*النظام كان يروج انو الثورة هي حراك اسلامي متشدد خرج من المساجد، واتهم الثوار انهن وهابيين بدن يقضوا ع الطوائف الاخرى، ف سوق نفسو ع انو هوي حامي الاقليات.

السويداء سكانها من طائفة الدروز، بخروج الدروز على النظام انتهى ادعاء النظام بانو حامي الاقليات تماما. وهاد السبب الوحيد انو بشار ما قصف السويدا ولا بأي شكل وتاركهن يطلعو مظاهرات وعم يحاول معهن بالحوار دون أي تدخل عسكري. لانهن دروز. وهالشي بيثبت حكينا كمعارضين انو النظام طائفي فعلا وتقصد التغير الديموغرافي الحاصل حاليا فقط لانو غالبيتهن مسلمين سنة.

أيضا أي حدا بيخرج ع النظام فهوي حراك مبارك ومرحب فيه حتى لو متأخر.

* مصادر اخبارية: في حسابات كتييييييير مافيني احصرهن ابدا بس هي كم حساب مهمين، وممكن تبحث عنن ع اي منصة بتستخدمها ح تلاقيهن:

محطة اورينت، هي توقفت عن العمل لكن ارشيفها لهلأ موجود.

تلفزيون سوريا

هادي العبدالله

قتيبة ياسين

ماهر شر�� الدين

أحمد رحال

أرشيف الثورة السورية هاد الحساب كتير مهم

حساب اسمو شامنا

عمار ، عمار شب وثق قصص معتقلين كتيييير، حساباتو كلها انحظرت وهاد جديد، بس مهم.