#اوعا

[free0spirit]

اوعا تجري ورا الأحسن لان الأحسن في دايماً الأحسن منه

اختار الانسب لان الانسب غالباً مابيجيش غير مره واحده في العمر ❤️

مساء الفل

[yassen-world]

الشركة عندنا قررت اننا بعد الشغل النهاردة نتجمع ونروح نلعب paint ball

قلتلهم يا جدعااان بلاااش ومدير الشركة في مصر معانا 😂🤌🏼 بلاش العاب فيها عنف

رحنا الراجل اللي بيشرح اللعبة بعد مادخلنا الملعب ولبسنا لبس المعركة قال كل واحد معاه ٢٠٠ طلقة تخلصوهم في ساعة

بدأنا .... ربع ساعة وكله خلص الطلق اللي معاه 😂🤦🏻‍♂️

اوعا الاصابات الشركة كلها وارمة

نفسيات جحيييم 😂

نسكت!! تؤتؤ املا لكل واحد ١٥٠ طلقة تاني دخلنا عدمنا بعض العافية وكله خارج وارم انا واخد ٦ طلقات علامتهم هتروح بعد شهر ع منظرهم دا والكل بيصيح ع الجروب 😂🥹🥹

[yathrib]

انك تتعب لتوصل اوعا تفكر انها سهلة لان كل ما تسعى للكمال بتنقص شغلة

[thissadeepfurycatt]

اجازة يوم خلت الشغل يتهد اوعا الغير قابل للاستغناء

[roro-scorpion]

اوعا اديك الامان تديني بالباقي لبان

اوعااا..!

[nourr-9]

كل ما اجي البس الخاتم في ايدي اقول اوعا كدا مش هغلب وأنا بختار الدبله 😂❤

[elsoltansworld]

‏لما حد يقولك عشان خاطري اوعا ترد له خاطر

‏متستهونش بخاطر حد وتقول عادي والله مش عادي

[riva88]

الحب دا حاجه حلوه جدا ، وحاجه وحشه جدا في نفس الوقت ، حلوه لما تختار الشخص الصح ، لما تحتار حد بيحبك بجد ، حد صافيلك من جوه ، جد تتطمن معاه ، شخص يبيع العالم كلو لاجل انو يشوفك سعيد وبخير ، لما تحب انسان ويبقالك ضهر وسند وعزوه وحد تقدر تعتمد عليه في كل حاجه ، حد يحل معاك مشاكل حياتك ، يشاركك في كل حاجه ، في كل صغيره وكبيره ، تحب شخص مع الوقت ميملش منك ، شخص يفضل باقي عليك مهما الناس بعدت عنك ، ويكون اول حد بتجري عليه لما بتزعل او بتتعب وتلاقيه اول حد بيكون جمبك وعمرو ما بيتاخر ، الحب انك تفرح لما تلاقي الشخص الي بتحبو فرحان ، بتزعل لزعلو اكتر ما بتزعل علي نفسك ، بيهمك كل تفصيله ف يومه او حياته ، الحب انك تعدي ، تسامح ، ان الدنيا تبقي حلوه ف عينك والشخص دا موجود فيها ، بس اوعا تيجي علي نفسك ، او تيجي علي كرامتك تحت مسمي "الحب" ، يغور العالم كلو لاجلك ولاجل كرامتك ، خلي عندك عزة نفس ، متهينش نفسك تحت اي مسمي ، مش هقولك متحبش لا حب وانبسط وكل حاجه بس اختار صح ، اختار الي يحافظ عليك ، الي يحترمك ويحترم شخصيتك وحقوقك ، الي يتمنالك الرضا ترضا ، الي مع الوقت عمرو ما يمل منك ، الي عمر يومك ما يعدي غير بيه ، عارف ليه بقولك اهم حاجه في الحب الاختيار الصح ؟ لان جرح الحب عميق اوي ، عميق بدرجه متتخيلهاش مبيتنسيش بسهوله ، بيسيب جواك علامه ، بيسود الدنيا ف عينيك ، بتحس ان الكون كله ضلم بغياب الشخص دا ، وقتها مش هيفرق معاك تفرح تزعل ، تضحك متضحكش ، تعيش او تموت مبقاش هيفرق ، الي هيفرق معاك وقتها ان يومك يخلص باي طريقه وتنام علي سريرك علشان تنسي ، ومع ذالك مش هتعرف تنسي هتفضل تفكر ، هتفكر ف الايام الحلوه الي كانت بينكم ، اللحظات الحلوه الي عشتوها سوا ، الكلام الكتير الي كان بينكم ، وجودو الي كان بيهون عليك كل حاجه في الدنيا ، اختارو صح يا جماعه وحبو الي يحافظ عليكم ويشيلكم ف عنيه ، اوعو تختارو بالبدايات وبالمظاهر ، اختارو القلب الطيب الي يصونكم ف غيابكم قبل وجودكم ، القلب الي يفرحكم دايما ويتمنالك الخير دايما ، ابعد عن الي بيأذيك ، حاول متتعشمش بزياده ولا تثق بزياده ، الا لما تتاكد من حبك للشخص وحبو ليك ، متثقش الا لما تتطمن ،متجريش دايما ورا قلبك ، خلي عقلك يفكر شويه هل الشخص دا الي ينفع احبو ولا لا ، هل دا الي هيحافظ عليا ولا لا ؟ هل دا الشخص الي اقدر اطمن ليه ؟ هل دا الي هيصون غيبتي ؟ حافظو علي نفسكم وحبايبكم ....

[yassen-world]

انا عندي مشكلة محتاج الاقياها حل في اقرب وقت عشان بقت بتخنقني مؤخرا 🙇🏻‍♂️

انا لما بنام ببقي زي الموميا شوية، مبدأ اني اتقلب زي البشر العاديين دا مش موجود عندي، يا بنام ع جنبي اليمين يا الشمال دول الاوبشنين اللي عندي فممكن انام ٦ ساعات علي جنب واحد بدون حركة لحد ما اصحي وطبعا بصحي حاسس ان الجنب دا مضغوط والجنب التاني محتاج انام عليه بتاع ٥ ساعات تاني 🥹 ويا سلام بقي في الويك اند لما اطول في النوم... بحس لما بصحي جنب من الاتنين بيسب ويلعن... اوعا كده يا اخي خليني اتنفس يخربيييتك هتفطسني.

[yasser-yassoo]

لما تحب بجد ..

* لما تحب حد بجد .. خليه اول اهتماماتك ؛ وكل وقتك .. و شغلك الشاغل 👌

* لما تحب حد بجد .. خليه صاحبك وحبيبك وامك وابوك وخالتك لو لزم الامر ..

* لما تحب حد بجد .. متنامش وانت شايل منه .. روح عاتبه ، وخلى فى مجال للعتاب ، البعد والقسوه بيعلموا الجفا ..

* لما تحب حد بجد .. متعملش حساب الفراق والايام والبعد ؛ عيش لحظاتك معاه كأنها الاخيره لك فى الحياه ، وعيش لحظات البعد كأنكم هترجعوا تانى مهما كان حجم خلافاتكم

* لما تحب حد بجد .. خليك دايما متاح .. بمعنى انه مفيش شغل ولا هموم ولا اى شئ فى الدنيا هتخليه يكلمك وترد عليه بــ " معلش كنت مشغول شويه " . . اوعا تقول الجمله دى مهما كان حجم مشاغلك ومشاكلك

* لما تحب حد بجد .. اذكره بالخير فى البعد قبل القرب ، حتى لو هو ميستاهلش ده ، لكن انت تستاهل .

* دفاعك عنه قدام الناس هو قوه .. و عتابك ليه وانتوا مع بعض ده منتهى القوه

* الحب ممكن يكون اساس اى علاقه حلوه ، بس فى حاجات تانيه من غيرها مش هيكمل وهيبقى زيه زى الفريق اللى ماسك الكوره طول الماتش بس مبيعرفش يجيب اهداف .

* بس قبل ماتعمل كل اللى فات اتأكد انه بيحبك بنفس القوه و قبل الحب انه يكون صادق معاك فى كل حرف بيقوله .

* وزى ماقالت الست " العيب فيكم يا فى حبايبكم " .. اما الحب يا روحى عليه ♥

[roro-scorpion]

اوعا اديك الامان تديني بالباقي لبان

اوعااا..!🤷‍♀️🤷‍♀️

[a-3asfoor]

يخربيتك اوعا تعمل كده انا مبضحكش الا اما ادخل البلوج بتاعتك 😭

[dawsha77]

لا اوعا تصيح ..

[randomized-ro]

لسه عارفه كلمه ineffable معناه too great or too beautiful to be described in words وعايزه حد يقولي اوعا يابت يا اينوفوبل في الرايحه والجايه

[m-a-l-a-a-z]

كان في ميم كدا، وأنا قاعد سايب حاجات متراكمة علي علشان متضايق أن في حاجات متراكمة، يمثلني الآن

أيامي الأخيرة مليانة زهق وملل وكحة وعطس وسخونية وحاجات كتشير، ولاحظت إني رجعت اتضايق تاني واشيل هم النزول من البيت، الجو رجع سقعة وشيلت الشتوي وهووففف كل يوم هلبس ايه بقا يخربيت الشغل عشان لازم أنزل م البيت بجد، ودا راجع لأني اخدت يومين أجازة وجمعة أجازة كمان ف حسيت براحة وأنتخة وكلفتة أكتر من العادي ف رجعت أتذمر تاني اليومين دول..

شوف ياخي ما الذي تفعله ٣ أيام ريست فالإنسان، لذلك أنا مع وظايف ال ٢٤/٧ علشان الواحد لو فضي يومين زيادة وقعد يفكر ويقارن السحلة بالراحة والكلفتة هيروح يستقيل ويفتح مشروع كتاكيت أو أي مشروع يسحله سحلة حقيقة بحيث يبقا عقله طول الوقت شغال في المشروع دا وعايش له وفي هدف وراء السحلة زي الأمومة والأبوبة مثلا دي مشاريع جميلة أوي ومربحة ان شاء الله لما الواحد يبقا ف قبره هيبقا في عيل يترحم عليه ف دي حاجة مربحة، فكرة الكفالة بقت منتشرة ويتش از حاجة مطمئنة، مش عارفة العيال عيالي هيبقا شعورها ايه وهي حاسة أنها جت الدنيا علشان تحقق أحلام أمها، يقروا الكلام ويقولوا أنا ذنب أمي ايه، جايباني علشان ترتاحي فالقبر ما تعملي صدقة جارية ي اما الله يسامحك، هو بصراحة اه معك حق عمل العيال للميت لا يقارن بعمله لنفسه، بس أنا حاسة إني رايحة للفكرة علشان بفقد الأمل ف نفسي واهي نواية تسند الزير، امكوا عندها ايشوز كتير والله يا عيال لو حد اتخصص سيكاترك مش هيغلب هيذاكر عليا الراوند كله لول

عملت كوباية شاي من المغرب علشان أنجز بقا وأذاكر شوية اتقلبت جنبها زي شوال البطاطس، الحمد لله أنها متدلقتش، هنا بحاول أبص للجانب الإيجابي، الحمد لله أن الشاي متدلقش وبهدل الدنيا، وبغض النظر عن إني مش هعرف أنام وعندي شغل الصبح وعن إني مذاكرتش حاجة والحاجات البسيطة دشي🙂

ما هو قصة التفكير الايجابي بردو هياخد معي وقت على ما أقتنع أنه حاجة موجودة أصلا.. معلش خليها ماشية بيبي ستيبس أحسن ماهي عطلانة خالص.. اوعا تاني جملة تفكير إيجابي الله أكبر علي 🤣

[hassananwr]

اوعا تألف الحزن