#برغي

[judmpto]

أنا حاسة أني بقالي فترة برغي وبشير على تمبلر رغي وشير مرغتهوش من ساعة ما عملت الأكونت، وده إن دل على شيء فيدل على أني مبقتش قادرة أسيب الموبايل/السوشيال ميديا لأن التمبلر كان بالنسبة لي جورنال بفتحها وقت ما تضيق بيا الأماكن أكتب البوست وأشوفكم البريك داون اللي جاي.

وده إن دل على شيء فيدل إن اللغة والأفكار تهرب مني وإني مش عارفة أركز/أفكر/أحلل/أact فبطلع ده على هيئة activ كتير على السوشيال بحيث أني أقدر آخذ أكبر قدر من ال inupts تعوض النقص اللي عندي.

بالتوازي مع ده آخر شهرين أنا قابلت كمية ناس وتكلمت كمية كلام متكلمتهاش ولا قابلتهم من ٥ سنين مثلاً، لدرجة أن الموضوع أرهقني واستنزفني; I feel like I'm completely seen and exposed, it feels disgusting

وكل ده إن دل على شيء، فيدل إني محتاجة أفصل، من كل حاجة. وأهدأ وأركز، أنا مازلت حتى الآن تايهة وبدور على نفسي وبحاول أعرف ربي، محتاجة أفصل وأبدل الinputs العشوائية الكتيرة بأخرى أقل عشوائية. وأهدأ وأركز.

الله المستعان.

متنسوش الدعاء لأهلنا في غزة وسوريا والسودان وسائر بلاد المسلمين.

الدعاء الدعاء الدعاء.

[a-3asfoor]

لاء أنا بزهق وبمل من نفسي لما بلاقيني برغي كتير اوي كده ع الداش

آسف على الازعاج لمتابعيني

[ibrahimshoukri]

بفكر أبعد عنكم تلات أربع أيام يا يا شباب حقيقي زهقت مني نيابة عنكم بقيت برغي كتير هنا بحيث أجدد لكم الشغف

[m-anarrr]

امبارح شوفت فيديو لست بحبها جدا علي تيكتوك عشان دايما الوانها مبهجة وطريقة كلامها هادية وحلوة كده في اوخرا كام عتبة في الخمسين هي بس دايما بحسها في العشرينات من كتر ما روحها خفيفة وصغيرة مبهجة هي ببساطة

المهم كانت بتتكلم عن حدث ما حصلها يجي من ٥٠ سنة فاتت عن وفاة اخوها وان باباها قرر يسيب مصر عشان مش عارف يعيش في البلد اللي ابنه توفي فيها ...وانهم بعد ما سافرو بفترة باباها توفي وكانت حادثة وكلهم في العربية وفضلت تقول اهو انا كنت بقول موضوع حساس ومش عايزة اعيط او انكد عليكم والمهم كانت عمالة تتكلم بمنتهي الهدوء

هنا ادركت اني بحاول احارب جزء مهم مني وعادي انه يفضل يستمر معايا واني دايما لما بيحصل حاجة وابتدي اتكام عن الناس اللي فقدتهم دايما كلامي كأني طرف تالت بيحكي حاجة اتحكت ليه ...مش الشخص اللي اتعرض للاحداث حتي دايما بتعامل ان الناس دي لسه موجودة ...ف دايما لما بواجه الحقيقة بحس اني مش عارفة وان دماغي هتقف كأن الصدمات بتحصلي لأول مرة ...حتي في الفترات اللي كنت المفروض انهار فيها كنت بتعامل ان اللي حصل ده مصيبة للي حاوليا وانا ماشية باواسي وبحاول اكون عادية

مش عارفة ليه برغي كتير بس حاسة اني محتاجة ادي فرصة للحزن وحابة اني ارغي

[mony5]

‏أنا بحب الناس الـ بتقدر الظروف، الـ مَبتزعلش كتير وعتابها خفيف، الـ تنصحك بس بِـ إسلوب كويس الـ بتكلم معاهم براحتي من غير مَ أفكر فـ كلامي الناس الـ بتقدر تفاهتي وكئابتي الـ برغي معاهُم فِـ مواضيع مالهاش علاقه ببعض، الناس النضيفه الـ بتفهم هي بتهزر ازاي عشان متجرحش حد بكلامها🖤

[bluehour0]

زهرة جت الليلة انضمت لجلستي على السطح و توتو القط كان بيزاولنا كل شوية- توتو قط الشارع ال بيزور سلمنا بيحب الطماطم- زهرة كانت بتحكيلي عن أحداث اليوم ونتناول الأحداث من منظور مختلف، واتكلمنا عن البيت وعن الأهل وعن الحب والأمل وأشياء أخرى.

زهرة فكرتني بحاجه قولتهالها أول يوم لها معايا في الأوضة، كانت بتقولي ببساطة وبخجل ممكن أفتح الفريزر؟ فرديت عليها وأنا باصة بوضوح هادئ في عينها أنه دي حاجتك زي ما هي حاجاتنا دا مكانك فاتصرفي بالطريقة ال تريحك وكملت بأنه أنتي بتدفعي إيجار فدا حقك انتي مش ضيفة، كلام كتير على سؤال بسيط صح؟ يعني مكنتش بحاول أبقى لطيفة على قد ما كنت بقول لنفسي ال ال كانت مكانها في يوم، قالتلي أن كلمتي فرقت معها؛ زهرة شطورة وبتاخد بالها من ال defects ال عندها وتشتغل عليها والأشطر من كده أنها بتسمع.

قولتلها إني معجبة بيها، ويعني كنت. أقصد استخدام اللفظة دي وكررتها مرتين في حديثين مختلفين.

قدرت أفصل شوية، والحمد لله ونأمل امتحان السبت يعدي على خير وأتمنى أخرج من حصار الامتحانات وأنا سليمة.

كملنا جلستنا في الأوضة، أوردر الكريب كان وصل وكنت مشغلة سك على بناتك على الاب وقعدنا نضحك.

صوت نانسي بيتردد في ذهني من اللاشيء فبسمعها دلوقت بتغني مستنياك، وأنا بحب نانسي وهي بتغني مستنياك وبحب نانسي عموما

برغي؟ عادي ميجراش حاجه

[eman-azab]

انا بحب المشي ولف الشوارع اوي وانا برغي ومبسوطه من غير ما افكر انا بقول ايه بالنسبالي احلي من مليون كافيه وقعده فورمال

[kaakyy]

بقالي ساعتين برغي مع مني في التليفون حسا بوقي وجعني بجد اكتر حد في العالم بيقدر يسمعني فا بحس إني مش بفصل وبفضل أتكلم أتكلم

[weirdnoury]

وأنا حاسس إني طلعلي أتب

من تقل الشيله و م التفكير

معلش أنا آسف برغي كتير

وبسف ف وقتك وف وقتي

أنا حاسس بدماغي بتتقل

أنا نفسي أنام

أنا عاوز أروّح دلوقتي

[manar-3424]

والله أنا نفسي ابقى أخت جيدة علشان اختي متطلعش معقدة بسبب ان احنا مكناش بنسمعها بس والله ما قادرة دماغي لا تحتمل كل هذا الرغي أنا كلامي اليومي معدود علشان بصدع من نفسي اصلاً وأنا برغي ف بفضل مستحملة اليوم كله وباجي بالليل اتقفل وازعق فيها تتقمص وكأن معملتش حاجة وتباً لدي شغلانة أنا الدبانة اللي بهشها قادرة تحسسني بالذنب

[blurry--nights]

عامله إيه النهارده !

فكرت كتير وكنت هقول اني مش كويسه بس افتكرت كلمه واحده كبيره ف السن قالت مش مهم اي حاجه ف الدنيا طول ما البني ادم بصحته.. وافتكرت برده راجل كبير ف السن كان ماشي بعكاز وساند بأيده ع مراته.. وسألت نفسي كدا.. الصحه وتعيش لوحدك ولا صحتك ع قدك بس معاك الونس ؟!

ماعرفش انا برغي ليه بس ردا ع سؤالك انا بخير بس بتمنى الونس

[ibrahimshoukri]

انا برغي كتير مؤخرا هنا بس انا كنت برغي اكتر قبل كده لان الفترة زي ما قولتلكم حاسس ان ابراهيم بتاع زمان سنيتن تلاتة وكنت بقالي سنة مضغوط عمليا وحياتيا فانا هفضل اشاركم حيثيات اكتر واكتر

انا عارف انكم صحابي وهنستحمل بعض

[m-anarrr]

في حاجات كتير محدش يعرف عنها حاجة ...

الحاجات اللي بكون عايزها احكيها فعلا بس عمري ما هحكيها ومقتنعة ان الصناديق دي اخرتها انها هتكمل معايا لحد اخر عمري هتزيد ده طبيعي بس عمرها ما هتتحكي

بس مؤخرا بقيت حاسه اني متضايقة عشان الناس مش عارفة تفرق بين اني برغي في العموم والمطلق بس لو ركزو هيكتشفو اني مش بحكي حاجة اصلا ...

ولما بحكي مع حد حاجة او اتنين بيكون عشان حابة اشارك ده مش عشان بحب ارغي في المطلق

بس عموما مرخرا بقيت حاسه ان حتي الحكي العادي والرغي بتاعي استوريهات الواتساب اولي بيه يا احسن ارجع لطبيعتي الصامتة من تاني بلا هم ياجدعان

[thameralrkabey]

#الحقيقة

يسقي الفلاح البصل و السلاطة بمياه الصرف الصحي القذرة .. فتكبر ليبيعها و يقبض أرباحها .. و من أرباحه يشتري من عند مربي الدواجن دجاجة تم حقنها بالديميتري المادة المسمنة سريعا و #المسرطنة ..

وبدوره مربي الدواجن يذهب مهرولا عند جزار لشراء قطعة لحم (لا يأكل الدواجن لأنه يعرف كيف يتم تسمينها) .. لكن هذا اللحم تم تسمينه و نفخه هو الآخر بالكورتيكويد و حفظه بمادة #حفظ_الجثث ليظهر جديدا ..

أما هذا الجزار فيذهب جريا إلى مسمكة المدينة (على أساس أنه اللحم الوحيد الآمن) فيشتري سمكا تم صيده بالمتفجرات و رشه بالأمونياك ليظهر جديدا .. و معه بصل و سلاطة من عند الفلاح الأول فيكون من الطبيعي أن يتسمم ..

فيلتقي الثلاثة عند #الطبيب .. و هناك يصادفون ميكانيكيا مكسور الأطراف لأن سيارته فقدت توازنها في طريق تم تصميمها عوجاء لسرقة جزء من أموال المشروع .. أما مهندس تلك الطريق فهو نفسه معهم مكسور الوجه حيث تعرض لحادث سببه أن الميكانيكي أهمل تثبيت برغي في سيارته سابقا ..

و آخر صاحب مطعم مصاب بمرض معدي خطير لأن الحلاق الذي قصده لم يعقم أدواته .. أما الحلاق فهو نفسه جاء متسمما إثر استراحة غداء عند نفس صاحب المطعم الأول هذا الذي لم يغسل أدواته منذ تدشين محله ..

و أثناء الإنتظار عند الطبيب تبدأ محاضرة طويلة بين الأشخاص السبعة و مناقشة جادة عنوانها:

هل يملك #الطبيب ضميرا أم لا !!!

و بعد الخروج من عند الطبيب يقومون بصلاة الإستسقاء فلا ينزل المطر (يحدث لأول مرة في الجزائر !)

ما يحدث للجزائر حاليا يشبه قصة موسى عليه السلام حين صلو صلاة الإستسقاء و لم ينزل المطر .. فنادى موسى ربه فأجابه: "بينكم رجل يرتكب المعاصي منذ 40 سنة و لن ينزل المطر إلا إذا خرج هذا الرجل منكم" .. فنادى موسى قومه: "يا بني إسرائيل هناك رجل منكم يرتكب المعاصي منذ 40 سنة لن ينزل المطر إلا إذا غادرنا هذا الرجل" .. و بسرعة تفطن الرجل المعني أنه هو المقصود و شعر بخجل و خوف أنه إذا غادر سيفتضح أمره و إذا بقي سيموتون جميعا عطشا .. فأعلن توبته سرا بينه و بين الله .. فنزل المطر فتعجب موسى و سأل ربه: "كيف نزل المطر و لم يخرج أحد من المدينة" .. فأجابه ربه أن الرجل قد قرر التوبة سرا .. فقال موسى يا رب دلني عليه حتى نفرح به فأجابه ربه: "يا موسى هذا الرجل ارتكب المعاصي 40 سنة و لم أفضحه فكيف أفضحه الآن و قد تاب؟"

على كل شخص الآن يحس نفسه معنيا أن يصلح نفسه بنفسه و بين نفسه (من غشنا فليس منا) .. و السبب (إن الله لا يغير ما بقوم حتى يغيرو ما بأنفسهم) ..منقول

[bluehour0]

أنا بحب أطبخ أوي، وأعتقد أني بعرف أطبخ - يعني محدش اشتكى وأنا بحبه الصراحة 😂- هاجر علقتلي كذا مرة أن ريحة الأكل حلوة من ضمنهم اليوم، اليوم عملت اسباجيتي نع ميت بولز كان قمر بس كنت محتاجة أزود الصوص. طيب أنا برغي ليه دلوقت؟ لأني بتمرقع ومش جايلي جرأة أبدأ مذاكرة - المفروض أستفتح كتاب جديد النهاردة-

هل سارة أحسن؟ اه أعتقد، مفيش سكون من ال بحبه دا وتركيزي وحش وانرجيتك على ما يبدو، بس كويسة. من جملة المرقعة قعدت شوية حلوين بدور على أنواع العجل وأسعارهم والأماكن ال بتبيعهم هنا وهكذا وفكرت في الموضوع- بجدية - بس جدية يسوقها ال fantasy. حد فاهم؟ هو ممكن أعملها عادي يعني لو معايا المبلغ دلوقت بس طالما مش كده يبقى دي خطة بعيدة المدى وأنا مش جيدة مع الخطط بعيدة المدى؛ ولكن ولكن ممكن ناخدها ك تمرين لحتة الصبر واخد الموضوع لما وراء ال سيلف بليجر؟ مممم ممكن!

بعد ما أختى مشت كنت حاسة بسوء ولكن اتكلمت مع هاجر - كتير الصراحة - ويمكن دي كانت أول مرة أتكلم بشأن عبير بصوت عالي والحمد لله أن مشاعري ناحية الموضوع مكنتش محل استنكار؛ هاجر هتمشي آخر الشهر دا.. بحاول مفكرش؛ تواجدنا سوا قليل بس فارق. بتقطع يوم طويل من الوحدة وبتشتريلي وهي جاية من السوبر ماركت!

دخلت في مود الشتا من وقت ما غيرت مفرش السرير وفرشت الموكيت، حابه الأوضة كده أكتر.. مش جاية معايا سكة إني هكون بمتحن فاينل في عز الشتا وايل الناس بتبدأ سنة دراسية جديدة؛ هولي شت.

دفعت مصاريف الكلية أول امبارح، حاولت أفكر نفسي إن دي آخر مصاريف أدفعها.. الوقع كان عادي ولطيف قليلا، الشاب ال كان في السوبر ماركت كان جينتل مان ودي حتة بت impress me الصراحة وفي نفس الوقت مش بتلاقيها كتير بالتلقائية دي.

كفاية رغي :'

[a-3asfoor]

بقيت برغي كتير ع الداش وف الدراڤت ،، ده بيبقى مؤشر اني هطير