#مجبتش

[fozdoaa]

محبط جدا ان الإنسان لما يبقى طالبه معاه نكد مايلاقيش حد ينكد عليه فيضطر أنه ينكد على نفسه، يعنى وطاقه النكد اللى جوانا ديه نوديها فين !!

[shu-rooq]

الأستاذة فيروز قالت إنه إن شاء الله في أمل وإنه أوقات بيطلع من ملل، بس مجبتش سيرة أي أمل ممكن يطلع من ضغط وتوتر وروتين سريع جدا جدا. أنا حاسة إن دول مبيطلعش منهم غير انهيارات عصبية وفقدان سيطرة.

[t-redo]

لسه واخدة بالي إن أنا الوحيدة في أخواتي اللي مجبتش لبس للعيد، مش عارفة علشان أنا مهتمتش ولا هما بيعتبروني ناضجة زيادة عن اللزوم ولا إي..

[danceandrant]

‎نوريتش مدينة لطيفة أوي أوي، مشوفتش حد زارها و محباش بتجمع بين طيبة فقراء البلد الكحيانين و الطيبيبن جدا مع جمال طبيعة البلد. على عكس مثلا يارموث القبيحة جدا لكن أهلها طيبين أو مثلا ورذينج الجميلة بس أهلها عنصريين. مدينة صغيرة و محندقة و تعدادها ١٢٠ ألف باين. نهرها صغير و لطيف و التمشية عليه ممتعة، بزور نوريتش بمعدل مرة في الاسبوع بس دايما ببقى جاية اعمل مشاوير و بمشي بسرعة. النهاردة جيت اتمشيت بلا هدف و بلا تايم ليميت لفيت في السيتي سنتر شوية، شربت قهوة من محل قهوة محلي و اتمشيت في إلم هيل اللي هو اقدم شارع في المدينة كلها، بيرجع تاريخه للقرن ال١٣. عديت على محل الايس كريم المفضل ليا لقيت عليه طابور طويل ففكست و مجبتش حاجة. قعدت على النهر شوية و دلوقتي هروح أهو.

وقتي الخاص لوحدي مبقاش يضايقني تماما بل بالعكس مبقتش اتحمل اقعد مع ناس فترة طويلة، بقيت افضل اعمل كل حاجة لوحدي، احط السماعات في ودني و اشغل رواية أو كتاب صوتي سهل الفهم عشان لو سرحت.. و اخرج و اتمشى بلا هدف. بعد ما بروّح بلاقيني مشيت مثلا ١٢ كيلو أو ١٣، و ساعات ٤ أو ٥ بس اللي فيه النصيب يعني. حياة متقاعدين فشخ

[nono-74]

اتعامل مع بنت اختي اللي عندها سنتين علي انها طفلة ازاي

جايبلها شيبسي علي اساس هتفرح بيه وكدا لقيتها بتقولي "مجبتش رنجة ليه"

[3-zooooooz]

انا بشوف ان القعده مع الحبايب بتعتبر بمثابة free therapy، حتى لو دورك كان مقتصر على الاستماع بس، حتى لو متكلمتش في اللي بتواجهه ومسببلك ضيقه، حتى لو مجبتش سيرة مخاوفك، بس مجرد الجَمعه بيهم وشويه الحكاوي والمواقف اللي بتتحكي والضحك دول .. كفايه ! دول هيخلوك احسن كتير صدقني ! .

[samar-world-1]

يعنى ايه لانش بوكس ب 550 جنيه ..

ايه الاسعار الاوفر دى ..

انا حسه انى بقيت قديمة اوى

انا هتجن والله وكل دا ولسه مجبتش حاجة ل الآنسة تيا 🥴

متلازمة طلبات المدارس كل سنة

[noorashraf]

جوايا حالة من السخط والغضب على مبدأ النصيب ، ودة ملهوش اى علاقة بعدم الرضا بقضاء الله والعياذ بالله ، بالعكس تماما ، ربنا سبحانه وتعالي خلقنا مميزين خلقنا مختلفين عن سائر مخلوقات الكون ، يبقي احنا كمان لازم نكون مميزين ومختلفين ، مختلفين ومميزين فى اى حاجة حتى فى طبخة بسيطة لازم تكون مختلفة ومميزة هتحس رغم أنها بسيطة لكنها جميلة وممكن تكون اجمل من وليمة كبيرة ، من فترة بسأل وحدة بقولها هو انتي بتذاكرى كتير ليه مش بتجيبي درجات !! قالتلي مش نصيبي ، مش هعترض علي حكم ربنا يمكن نصيبي فى حاجة تاني في شغل كويس فى زوج صالح في اطفال كويسين صحيا ، بلا بلا بلا ، كان نفسي وقتها قبل كل دة تقولى هرجع اراجع نفسي تاني اشوف عدم التوفيق دة سببه اي ، اراجع نفسي من تاني ! أولهم علاقتي بربنا انا قصرت في (صلاتي ، قراءة وردي ، اذكارى ، نميمة غيبة ، ذنب ،.،،،), او يمكن اكون أغضبت ابويا وامي من غير ما احس ، أو إصابتهم بحزن أراجع رضاهم عليا ، أو حتي يمكن اذيت نفس حد من غير ما احس ، واراجع نفسي فى تصرفاتي وتفكيرى من تاني ، وآخرهم اراجع مذاكرتي ووقتي ويمكن طريقتي دى متنفعش واجرب غيرها واحاول تانى وتالت ، لو مجبتش بعد كل دة يبقي فعلا أقول إن دة نصيب وقدر ربنا وأنه ربنا مش مقدرلي فعلا اجيب درجة كويسة هنا واكيد شايلي الخير في مكان تاني ، ووقتها مش من حقى اعترض ، ربنا خلقنا مميزين يعني يمكن مكنش في القمة ااه بس مميزة وبحاول لحد ما ابقي القمة في المكان اللى ربنا عايزني اكون فيه قمة ، لكن اقول نصيب !! يعني اي نصيب !! النصيب هي الحاجات اللي مليش دخل فيها ولا في خلقها ولا في تغييرها هو دة النصيب والمكتوب ، لكن مثلا معلمش ابني أنه يغسل سنانة ولما يكبر بعدها بكام سنة وسنانة كلها تقع ، اقول معلش يبني دة نصيب !! وربنا رايدلك كدا !! طب مهو دة انا السبب فيه !! ، "ولقد خلقنا الانسان في احسن تقويم " يعني ربنا خلانا مميزين ، واحنا مش عارفين نبقي مميزين فى تفاصيل حياتنا !!

[marmarika-world]

😂😂😂😂 انا مجبتش حاجة من عندى هما اللى بيقولوا

[moonheart201996]

صلاة العيد في مصر 🇪🇬 الغالية

دومت بخير و سلامة وطنا الغالي

أرض و شعب و جيش

من داخل القاهرة

مجبتش باقي محافظات مصر 🇪🇬

سلمت مصر من كيد الحاسدين و الحاقدين

و من أراد به سوء و شعبها و جيشها رد كيداهم ف نحورهم يا الله

[sarsourahsworlds]

ثواني ثواني بس ، انا لو مجتش طقم التوابل ولا طقم بورسلين اللي بيقولوا عليها ديه هيقولوا اللي مجبتش طقم توابل و البورسلين اهي

[stella-sirius]

انا مجبتش هدية عيد أم لأمي بس هي ادتني ٥٠٠ جنيه اصرفها و ادلع نفسي بيها .

لو تشوف المحبه و هي بتديهملي و اقولها انا مش مركز بس يا ماما الايام دي علشان الامتحانات لكن هفوق و اجبلك حاجه تقولي لما تشتغل و تجيب فلوس يبقي اديني و راحت جابتلي ٥٠٠ جنيه و قالتي اصرف براحتك

[t-redo]

انا لو مجبتش عربيه زي اللي بشوفهم علي تيكتوك دول هموت ناقصه عمر..

[manar-3424]

ورينا اوتيفيت العيد يافنانة

مجبتش اوتفيت العيد ولا بيجامة العيد يا انون

[nourr-9]

بعد التعب اللي أنا فيه والتذنيبه دي لو مجبتش قلم روج أحمر داخل دماغي هزعل جامد 🌚

[omawi36]

بقالي سنين كتير مجبتش هدوم للعيد يمكن عشر سنين كدة