#منتهى الجمال

[alzauajnet]

صفات المرأة المميزة عند الرجل

يعشق الرجل المرأة الواثقة من نفسها المعتزة بذاتها.

لحظة … متواضعة وواثقة ؟! هل أناقض نفسي؟ حسناً. البشر مخلوقات معقدة. ولكن يمكننا أن نحقق توازناً هنا. يمكنك أن تكوني واثقة دون أن تكوني مغرورةً. يمكنك أن تقدري نفسك دون التقليل من الآخرين.

تأتي الثقة الحقيقية من معرفتك بأعماق نفسك، وقبول من أنت. ومعرفة أنك جيدة بما فيه الكفاية، تماما كما أنت. لا تحتاجين إلى تغيير أو إصلاح أي شيء، ولا لأجل أي شخص. ويمكن للمرأة، بل ينبغي لها أن تعرف قيمتها الخاصة، وتكون على ثقة في من تكون. انه أمر مثير جداً.

تابعي قراءة المزيد من المعلومات عبر موقعنا واكتشفي من هي المرأة التي يعجب بها الرجل ويلاحقها ويدمن عليها:

https://www.alzauaj.net/2024/05/blog-post_8.html

[sarrah]

الحمدلله الذي فرض علينا الحج 💖

[itsziizou]

فـ يوم حكيت لشخصٍ ما على وجع اتوجعته زمان وقد ايه أتأذيت منه وكان صعب عليا اتعافى وأتجاوز الموضوع، يقوم ايه بقى الشخص ده يعمل نفس اللي حكيتهوله بالظبط لدرجة اني حسيت ان أول مرة كانت اهون من دي بكتير، وحاجة منتهى الجمال والله!

[ward77]

سورة الفاتحة مكتوبة عل طريقة الخطوط اللاتينية القديمة، قم بتكبير الصورة لتظهر الكلمات واضحة وفي منتهى الجمال.😍

[roshdy-74]

خربوش الشاي مع التربيع الأول للقمر منتهى الجمال❤️

[jojou2]

عينان في منتهى الجمال

[yooo-gehn]

أنا بشوف إننا بنحكم على شخصيات الأفلام زي ما بنحكم على الناس في الواقع، وأحد أجمل الحاجات اللي ممكن المُشاهد بيتعود عليها من غير ما ياخد باله، أنه بيتوحد مع الشخصيات، وبيحط نفسه مكانها، ولو اتعلم يتأنّى في الحكم على الناس بسبب شخصية في فيلم، ممكن ده يساعده يبقى أقل حكمًا على الناس في الواقع. وعشان كده بفكر دايمًا في الجمل اللي بتهز كياني في فيلم معين، وإزاي ممكن نفس الجملة يتقلب معناها تمامًا في فيلم تاني. إن الفكرة اللي أثرت فيا بعمق وأنا في حالة معايشة مع بطل حكاية معينة، هي نفس الفكرة اللي بلاقي نفسي في صراع معاها في فيلم تاني.

أول مثال حاضر في ذهني هو فيلم أمريكان هيستوري إكس، بطل الفيلم النازي العنصري بيقتل ويتسجن وبيغتصبوه في السجن، ولأول مرة في حياته يتحط في موقف الضحية، وساعتها زاره ناظر مدرسة في السجن، وسمع منه اللي حصل، وقاله أنا فاهم الغضب اللي أنت عايش بيه، لكن اسأل نفسك، هل أي حاجة عملتها في حياتك خليتها تبقى أفضل؟

أما فيلم لا مكان للعجائز في المدينة، بطل الفيلم السايكوباتي السفاح المخيف، بيقعَّد قدامه الشخص اللي كان بيطارده، والشخص ده عارف كويس أنه هايموت خلال دقايق، وساعتها بيوجهله السفاح سؤال مشابه جدًا: لو القوانين اللي أنت ملتزم بيها وصلّتك للموقف اللي أنت فيه ده، يبقى كانت إيه فايدتها؟

السؤالين مثيرين للتأمل. الناظر كان عايز يفهِّم النازي إن الكراهية تولِّد الكراهية، وأنه ماعرفش طعم الاضطهاد غير لما هو نفسه بقى ضحيته، وقاله لو عندك غضب خلاك تكره كل الناس المختلفين عنك، وانتهى بيك المطاف وأنت محبوس ومفشوخ لوحدك، يبقى كانت إيه الفايدة من كل هذا الغضب، وكل هذه الكراهية؟

أما السفاح، اللي بيرتكب جرايم بشعة بدون ذرة ندم، واللي لا يعترف بأي كود أخلاقي متحضر، كان بيهزأ بشخص حاول يقبض عليه بدل ما يقتله فورًا، وسأله إيه الفايدة من كل قوانينك لو بسببها هاتموت دلوقتي؟

إذن المهم هنا مش أننا نفكر فقط في علاقة وضعنا الحالي بالقيم اللي إحنا مؤمنين بيها، لكن الأهم بكتير أننا نستوعب معنى القيم دي وتأثيرها الحقيقي في حياتنا، ليه إيماني بكراهية المختلف عني مؤذي ليا ولغيري؟ وليه مهم وجود قوانين تحكم حياتنا عشان مانبقاش عايشين في غابة؟ دي الأسئلة اللي كل فيلم فيهم جاوب عليها بشكل ضمني بدون ما يخصصلها مشهد بعينه، لأنها كانت الأسئلة المطروحة من أول الفيلم لآخره. وعشان كده تأمل الصورة الكبيرة مهم، والتعرض للفكرة من أكثر من جانب مهم، والتسليم بأي فكرة براقة مغري وسهل، لكنه في رأيي هو المسؤول عن غباءنا وتعاستنا كلنا.

التناص التاني حصل في فيلمين أشهر شوية، لكن المرة دي قريبين من بعض إلى حد ما. في فيلم نادي القتال بطل الفيلم بيشعل شرارة ثورة ضد معاقل الرأسمالية، ويُنشِأ نادي للرجال يقطعوا بعض ضرب فيه كنوع من التطهر النفسي، لكن المهم أنه بيخلق بدون ما يحس شخصية خيالية بديلة لنفسه، هي اللي بتمسك زمام حياته، وبيخليها براد بت، شخص أكثر وسامة وجسارة وكاريزما وسعة حيلة، كل الحاجات اللي البطل كان حاسس فيها بالنقص، سدها بالشخصية الخيالية دي.

المشهد ده بالذات كان أعمق تجسيد شوفته لفكرة أننا متعودين نشوف نفسنا زي ما نحب نكون، مش زي ما إحنا فعلاَ. والفيلم التاني اللي بينافسه في الجمال والعمق، هو ميمنتو، بطل الفيلم بيعاني من فقدان ذاكرة قصير المدى، بمعنى أنه طول الوقت بينسى اللي حصل له من فترة قصيرة، وبيفضل طول الفيلم يطارد الشخص اللي هو مقتنع أنه قتل مراته، لحد ما هوب، يكتشف في الآخر أنه هو نفسه اللي قتلها بدون قصد بجرعة زيادة من الإنسولين.

يجب أن أؤمن بأن هناك عالمًا خارج عقلي، يجب أن أؤمن بأن تصرفاتى مازالت تحمل معنى، حتى لو كنت لا أتذكرها، يجب أن أؤمن بأنى حين أغمض عينى فإن العالم لا يزال موجودًا، هل أؤمن بأن العالم مازال موجودًا؟ هل مازال بالخارج؟ أجل. جميعنا نحتاج مرايا لتُذكّرنا بأنفسنا. أنا لست مختلفًا. للوهلة الأولى المشهدين يبدو أنهم متطابقين، ولكن ثانية واحدة، في نادي القتال البطل كان بيقاوم شخصيته الخيالية وكل قراراتها وتصرفاتها المدمرة، أما في ميمنتو، وعلى النقيض تمامًا، البطل كان بيواسي ويصبّر نفسه بإنه كان لازم يعيش في الوهم لأن الواقع كان أقسى من اللازم. والسؤال للمرة التانية، هل المهم إحنا ليه مش قادرين نواجه نفسنا بمشاكلنا، ولا المهم إزاي مانسمحش لده بأنه يأذينا ويأذي غيرنا؟ فكرة قد تبدو في منتهى البساطة، ولكني أعتقد أنها تحكم حياتنا جميعًا على إختلاف جنسياتنا ومعتقداتنا وأفكارنا: قد إيه هروبك من مواجهتك لنفسك بمشاكلك، ممكن يأذيك أنت وكل اللي حواليك؟

[fozdoaa]

شوف ماشاء الله عقل الإنسان دا حاجه فى منتهى الجمال والروعه تخيل عضو شغال 24 ساعه7 ايام فى الأسبوع ويعطل ويستغبى لما تقف تتكلم مع حد بيفليرت او حد انت معجب بيه !يالهواااى ايه الهبل والعبط ده!وايه اختيارات الكلمات دى!وليه فجأه بتختار كلمات ملهاش وجود أصلا مش موجوده مش بتتقال عادى كاجوالى كده بتختار كلمات غريبه ليه

[zahraa17]

صباح الخير،،

حبيباتي السيدات الجميلات

كنتِ مرتبطة مخطوبة متجوزة والشخص طلع مش كويس

سيبيه !!

سيبتيه؟

Let it hurt.

مش عيب عادي طبيعي الألم عادي الخذلان مُرْ وسؤال ليه طيب عشان طيب والكلام ده.

PLS don't search for a rebound relationship, do it by yourself.

المهم في الفترة دي متستخدميش شخص لملئ مشاعر واحتياجات وإسعاف لجروح قديمة من علاقة مشوهه، احنا عاوزين نوصل للسلام النفسي والنضج وده هيحمّلنا شعور بالذنب كبير وعدم مسامحة للذات والرحلة اللي هنقطعها للتعافي هتكون مأسوية أكتر ، خليكِ قوية واستعدي لمواجهة الألم لوحدك ومتهربيش.

Don't rush take your time to heal.

خدي كل وقتك في الزعل لحد ما تقومي من النوم حاسة أنك فعلًا اتعافيتي وآه والله أنتِ في يوم هتصحي فيه وهتلاقي نفسك مش فاكرة لا حلو ولا وحش.

واوعي تفكري تنتقمي بأي أسلوب خلصنا؟ انتهى نقطة. مافيش فواصل مافيش هعمل كذا فيه وبعدها هنساه جامد اوعي، عزيزتي ارتقي وانضجي.

طب خلاص اللي فات مات واتنسى.

هتفضلي بقى تنزلي أنت خسرت جوهرة وأنا متعوضش ودور مش هتلاقيني ؟

خليني أكون صريحة أنتِ كنتِ معاه بالفعل يا عزيزتي وهو مشي فمتستنيش أنه يرجع ندمان وبيتأسف ويكون أخيرًا أدرك أنه غلط

بلاش أفكار من إني لازم اندمه لازم أروح وأجي وأسوي و و و .. مهو لازم يعرف حجم الخسارة !!!

خليني اتكلم معاكِ بلطف

اسألي نفسك السؤالين دول :

" هل أنا استحق شخص بذلت كل ده عشان بس يعرف قيمتي ويرجعلي؟"

" هل كرامتي هتكون راضية عن شئ توسلته عشان يرجع؟"

" هل احترامي لذاتي يسمح لي إني اتصرف التصرفات دي اساسًا؟ "

إجاباتك على الأسئلة هتعرفك قيمتك الحقيقة اللي أنتِ شايفة نفسك بيها وهي بتختلف من واحدة للتانية.

إدراكك لقيمة ذاتك شعور في منتهى الجمال بس إصرارك على توضيحه للناس للأسف بيعكس الصورة الحقيقية للقناع المزيف وهو أنك في الحقيقة " مش مدركة قيمة ذاتك من الأساس"

طب وبعدين؟

وبعدين الحياة سريعة ومستمرة ومتطورة وكذلك إحنا ،،

في chapter ممكن ميعجبكيش في قصة ما لكن الـ chapter اللي بعده قد يكون أكثر إثارة ويعجبك بس ده في حالة واحدة إنك تدي لنفسك فرصة حقيقية إنك تخرجي من الـ chapter اللي معجبكيش وتكملي بعقل ناضج بدون أي judgement

الفرصة التانية جميلة جدًا بس لما تديها لنفسك عشان تدركي قيمتك الفعلية وتبدأي الـ chapter التاني وأنتِ أهدى وأعقل وأنضج والأكيد أنه في النهاية هتوصلي لحاجة مهمة وهي تواصل حقيقي مع الذات وقبول لنفسك وللي حواليكِ بكل سلام وهتبقي مستعدة لبدء قصة جديدة بشغف ونضج ووعي 🤍

-مريم محمد

[romanticpapers]

إنني أذكرها أثناء ساعات حبنا -وأحني رأسي معترفاً بالحقيقة الواضحة- إنها كانت تعمل على إظهار منتهى جمالها على أحسن ما يكون. حتى ليصعب علي تصوير تلك الجمال الخارق. إن عينيها النديتين الساحرتين، كانتا تفيضان بمظاهر الحب المعبر أكثر من الكلام. بيد أن فمها كان يعلن من خلال شفتيها الرقيقتين الجميلتين عن لطف وذكاء يندران عند غيرها. كما وأن وجهها كان يرحب بتحديقي به وكأنه مرآة غريبة يطوقها إطار من الشعر الجميل. كما يطوق بالدر جيد الحسناء. إن جسدها كان يبدو بأروع أشكاله ببراءته وضعفه دون قوة أو خجل فيه برزت المناقب الحميدة والخلال الكريمة، وإليه آلت أروع مظاهر البؤس والنحول، فانعكست عليها كل مزاياها، وظهرت جلية واضحة، إنها كالطبيعة ببراءتها لم تترك مكاناً للسنر فيها فبدت على الطبيعة الأنهار والوديان والجبال والهضاب حتى برزت بأكملها، بجمالها بشوائبها، وكذا حال زوجتي.

عذاب الحب.... البرتو مورافيا

[softsilkkk]

ربطات العنق و بالعامية الجميلة الكرافتات دي شئ في منتهى الجمال و الاناقة و اتمنى نهادي الرجالة بيهم و تنتشر اكتر و اكتر

[qasim-khalifa]

يحكى عن رجل فقير غلبان إسمه بشير، لا يكاد يجد قوت يومه. كان يسعى للرزق من فجر يومه إلى أن يغطيه الليل ومرت السنون لم يستطع خلالها أن يتزوّج بمن تؤنس وحدته حتى ضاق به الحال وأعيته الحيلة، وكره الفقر .

وفى أحد الأيام حاول أن ينهي حياته ويرتاح من النكد والحرمان. سار دون هدى حتى وصل إلى جبل، ووجده مليئا بالناس يولولون ويندبون حظهم، ورغم أنه كان يائسا إلا أنّ منظرهم كان مثيرا للشفقة وللعجب.

فأخذ يسألهم عن حالهم ،وهم لاهون عنه، تائهين لايسمع منهم إلا تمتمه حزينة "ياريت اللى جرى ما كان" .... فظل الرجل ينتقل بينهم حتى وصل إلى أقربهم من حافّة الجبل

وحينما ألح فى السؤال أمسك به، وقذف به إلى أسفل،وعندما أفاق وجد نفسه فى مدينة لا مثيل لجمالها ،وإندهش لنظافة أزقتها ،و لبيوتها الناصعة البياض،وحسن هيئة أهلها.

فجأة جاءأحدهم واستقبله بحفاوة وأخذه إلى كبيرهم ،وكان رجلا بشوشا لا يبدو عليه عمر أو مر عليه زمن ،رحّب به وشرح له كيف يمكنه العيش فى مدينتهم.

فشكى له الفقير من ضيق حاله وانعدام أمواله، ولكن الكبير طمأنه أن المال ليس هو العملة التى يتعاملون بها. بل أن عملتهم فى البيع والشراء وسائر المصالح هى "الصلاة على النبى"

فتعجّب الفقير ولم يصدّق ما سمعه، و أشترط الكبير عليه حتى يستطيع العيش بينهم أن يتزوّج منهم، لكن سأله الفقير إن كانت الصّلاة على النّبى تكفي للزّواج؟ فأكّد أنّه لا يحتاج لشيء آخر.

هلّل الفقير وكبّر، وقال كيف ذلك وهو لا يعرف أحدا فى هذه المدينة، أجاب الكبير :في وسط المدينة هناك ساحة مليئة بالحسناوات ... العذراء

منهم تحمل "طبق ملئ بالتفاح" ومن سبق لها الزّواج كانت تحمل " إبريق ماء " ومن تعجبه منهنّ ،فعليه أن يأخذ ممّا تحمل، وعندئذ ستصحبه الفتاة إلى ولىّ أمرها.

كاد الفقير يطير من الفرحة، فأخيرا سيتزوج ويجد جارية تقاسمه طعامه وفراشه، وذهب من حينه إلى ساحة الزواج، وما أن جال بنظره وسط الجواري، حتى إبتسمت له إحداهن، وكانت رائعة الجمال

قال في نفسه: هذه تليق بالسلاطين، فكيف ستقبلني، وأنا الفقير المعدم، الذي يشتهي أن يشبع من الخبز؟ وعلى استحياء أخذ تفّاحة ،فأومأت إليه أن يتبعها إلى دارهم،

وسارت على مهل وهو وراءها ،يقدّم خطوة ويأخّر أخرى ،حتى وصل ،تردّد في الدّخول، فكيف سيقابل أهلها وهو في هذه الحالة المزرية؟

وهمّ بالرّجوع، لكن خرج أبوها ،ورحّب به، ودعاه إلى الدّخول، وقال له: مهر إبنتي نوسة غالي، عليك أن تكتب ألف صلاة على النبي في صحيفة تقدّمها لي ،هل يناسبك ذلك؟

قال: نعم ..نعم، تعجّب أن يكون ذلك في منتهى السّهولة ،ولكن أباها أشترط شرطا وحيدا كى يكملا حياتهما وهو الا يتدخل فيما لا يعنيه، فوعده بكلّ خير.

في الغد ذهب إلى الحمّام، واشترى ثيابا جديدة وعمامة أنيقة، وبصحيفة فيها خمسين صلاة على النبي ،وإكترى بيتا فخما وأثثه، كل ذلك بالصلوات على النبي،

كان بإمكانه أن يحصل على كل ما يشتهيه، كل ما عليه أن يفعله، هو أن يأخذ صحيفة ويكتب علها صلواته ولكثرتها كانت المدينة مباركة، وخيراتها كثيرة، وينعم أهلها بالسعادة ...

بشير_ونوسة_العروسة الجزء الثاني

عاش بشير لعدة سنوات وكأنه فى جنة الله على أرضه حتى بدأ يزحف على حياته الملل آفة البشر فطلب أن يخرج عله يجد فى صحبة الناس بعض التغيير الذى يحتاج إليه

فحاولت إمرأته نوسة أن تثنية عن رغبته فلم تفلح فذكرته بوعده لأبيها بألا يتدخل فيما لا يعنيه فطمأنها وخرج تملأه رغبة فى مخالطة الناس والاستئناس بهم

فأخذ يلقى التحية يمينا ويسارا ورغم طيبة القوم وبشاشتهم إلا أنه لم يجد من يتكلم معه فالكل منهمك فى شغله فواصل السير حتى وجد عجوزا قصير القامة يلتحف بالبياض يتسلق شجرة عظيمة تعجب لحيوية الرجل وسرعته.

وإستغرب لما يفعله فقد كان العجوز يقطف الورقة الخضراء من الشجرة يتأملها ويأكلها ثم ينزل إلى الأرض ويلتقط واحدة جافة صفراء ويأكلها أيضا.

وقف بشير ينظر إليه يصعد حينا إلى الشجرة وحينا آخر ينزل حتى أشفق عليه التعب فبادره بالسلام ونصحه أن يقطع فرعا من الشجرة ويأكل الأوراق الخضراء ويترك الذابلة

فقطب الشيخ جبينه وأمره أن ينصرف. وحينما رجع إلى بيته وجد زوجته حزينة وأخبرته أنه قد طلقها فأقسم أنه لم ينطق بالطلاق وكان لابد أن يذهب إلى أبيها وهناك أخبره أنه أخل بشرط الزواج وعليه أن يرد اليمين ويتبقى له طلقتان فقط.

فاستسلم بشير ورد اليمين الذى لم يصدر عنه. وواصل حياته مع إمراته لايعكر صفوها شيء حتى إنتابه الشوق مرة ثانية لمخالطة الناس و خرج رغم تحذيرها

وحاول أن لا يتدخل فى شئون غيره وتجول في المدينة الجميلة حتى قابل رجلا يقف على بئر عميق يمسك فى يده دلوا صغيرا فيملاه مرة لنصفه ومرة أخرى لحافته ومرة ثالثة يخرجه فارغا

وفى كل مرة يفرغ ما يملأه فى بئر آخر بجانبه فلم يستطع أن يتمالك نفسه عن لنصيحة ووقف يشرح للرجل كيف إنه لو أوصل بين البئرين قناة صغيرة لأجرى الماء بينهما وإستراح من التعب لكن الرجل إستنكر كلامه ولامه على التدخل في أمر لا يعنيه.

رجع بشير إلى البيت وثارت نوسة في وجهه وقالت لقد أصبح الطلاق عندك لهوا وغادرها ثانية إلى والدها وأرجع اليمين الثانى وحذره الوالد فلم يبق الإ يمين واحد إذا أوقعته فهو الفراق. تشائم بشير من كلام أبيها..

لكنه كان حريصا على البقاء مع نوسة لأنه يحبها ويعشقها وتسير الحياة بهما هانئة وحرصت الجارية أن تلهيه عن أهل المدينة وينسى لفترة طويلة حتى قرر أن يخرج للمرة الثالثة حاولت منعه وقالت له ستندم لكن أجابها لقد فهم الدرس ولن يتكلم مهما حصل.

عانقته وقبلته وقلبها يخبرها أنه لن يعود تردد بشير في الذهاب لكن رغبته في الخروج كانت أقوى من كل شيء وسار فى أنحاء المدينة يستمتع بكل ما فيها

وفي كل مرة يحاول أن يتكلم كان يتذكر الشرط المحرم حتى أخذته قدماه ناحية البحر ولم يكن يعرف أن بالمدينة بحرا فوجد على شاطئه سفينة ضخمة وجمعا غفيرا من الناس يصطفون على جانبيها كل منهم يشد السفينة ناحيته و يحاول بكل قوته وكل رغبته والسفينة راسخة على الشاطئ لا تزحزح لأحد ..

كاد أن يمشى دون أن يعلق على تصرفاتهم الغريبة لكنه لم يستطع ونسي وعده لنوسة بالعودة إليها دون أن يحشر نفسه في مشاكل الناس ...

حكاية بشير ونوسة العروسة

من حكايات زمان لا تتدخل فيما لا يعنيك حلقة 3

هتف بشير يا قوم لابد أن تتعاونوا جميعا حتى تستطيعون زحزحة السفينة فلنجتمع جميعا فى ناحية ونحاول بكل قوتنا أن نشدها إلينا. لم يلتفت إليه أحد او يعيره اهتماما.

عندما أتم كلامه أحس بالندم ولام نفسه. و أحس بحزن يعتصر قلبه جرى إلى بيته وهو ينوي أن يعتذر لكنه حينما وصل لم يجد لا البيت ولا نوسة.

فأسرع إلى كبير المدينة يستنجد به فأخبره أنه طلق إمرأته وأنه لم يستطع الحفاظ على وعده لها ولأبيها وهذا شرط البقاء معهم

وظل بشير يقسم أنه أراد فقط إسداء النصح ولم يتدخل في شأن أحد وحاول أن يسترضى الكبير لكن قال له ليس لذلك فائدة فأمر الله نفذ والنصيب أنتهى ولابد للمكتوب أن يصير ...

بهت بشير لكنه طالب أن يفهم فذكره كبير المدينة بالمرات التى خرج فيها وقال وفى جولتك الأولى وجدت العجوز يأكل من الشجرة فنصحته أن يقطع الفرع بأكمله

فأجاب بشير نعم لقد رأيته وأشفقت عليه من الشقاء فما هو الخطأ في ذلك يا سيدي أجاب الكبير إنه ملك المۏت و الورقة التى يأكلها إنما هى روح فاضت لخالقها

سواء كانت خضراء صغيرة السن أو صفراء بلغت آخر العمر وتدخلت أنت في أقدار الناس وكنت تريده أن يقطع فرعا بأكمله مليئا بأرواح البشر. أحس الرجل بالخيبة من نصيحته فقد تكلم بما ليس له علم به.

طأطأ برأسه وسأل والطلاق الثانى كيف وقع فقال له الكبير الرجل الذى كان يجلس على البئر يوزع الماء على البئر الآخر هو قاسم الأرزاق

فهناك من يملأ له نصف الدلو وهناك من يملأ له الدلو كاملا وهناك من ليس له رزق فكيف تتدخل فى أرزاق الناس وأسقط فى يد الرجل ولم يجد ما يقوله فلم تكن نصيحته إلا سوء تدبير منه.

واصل الكبير توبيخه واليوم ألا تذكر ما فعلت ألم تجد غير السفينة وناسها لتتدخل في شؤونهم فحاول أن يدافع عن نفسه وقال ولكنى أصدقتهم النصيحة لقد كانوا يضيعون جهودهم!!!

قال الكبير وهو يتحسر على جهل الرجل يامسكين!!! السفينة هى الدنيا وكل من هؤلاء الناس يحاول أن يأخذها لنفسه وكل منهم يتخيل أنها تأتي ناحيته ولكنها ثابتة لا تذهب لأحد

وسيظل الناس يحاولون معها ولن يرتاحوا ويكررون والجهد المضني ليفعلوا شيئا مع الدنيا.

هكذا هى الدنيا وأنت لم تستطيع أن تفهمها أو تفهم ناسها والأن قضى الأمر.. وضع بشير رأسه بين يديه وبكى على نوسة ولما رفع رأسه نظر حوله وجد نفسه في الجبل مع الناس الذين يولولون يبكى مثلهم ويتمتم مثلهم يا ريت اللى جرى ما كان.

رغم دموع الرجل وولولة الناس والحسړة على نوسة الجميلة أحببنا الحدوته ولم يكن العويل هو ما نرتاح إليه .. لكن الجنة الى نزل فيها وجعلنا نحلم بالحورية واسعة العينين والحياة الناعمة و عايشنا رجوع الرجل إلى دنياه مرة أخرى وحتى ندمه على ذلك .... ليس شماته ...

لكنه رجع لينضم إلينا على نفس الحافة من الدنيا ننتظر الجنة التى نشتهي كلنا أن نذهب إليها مثلما حصل معه. ما هو مأكد أن لا أحد منا جاهز للرحيل إليها مازال الكثير لنفعله حتى تنفتح بصائرنا وتصفو قلوبنا وتصح أحكامنا حينئذ تكتب لنا الحياة الأبدية في الجنة ..آمين يا رب العالمين ..

أتمنى أن تكون الحكاية قد أعجبتك

[ala-mhmd]

عاوز أحكيلكم على موقف حصل سببلي صدمة شديدة جدا !

من كام شهر واحد قريبي عنده 60 سنة تعب جدا ودخل العناية المركزة ! تقريبا كان واخد أدوية غلط بجرعات كبيرة فحالته اتلخبطت خالص !!

قبل ما الدكاترة يعرفوا عنده ايه بالظبط جاله حالات هلوسة وتخاريف ، كان بيفتكر مواقف قديمة جدا حصلت وهو صغير ويقعد يصرخ ويعيط عليها !!!

جاله طبيب نفسي في المستشفى وحاول يتكلم معاه ، وقال له هات ورقة وقلم واكتب كل حاجة مضايقاك بالتفصيل والمرة الجاية نتناقش فيها !!

سهر الليلة كلها يكتب ، وبعدين بدأ يبعت رسائل صوتية لاخواته على الوتس اب ، بيتكلم على مواقف حصلت من 56 سنة لما كان لسة طفل !!! كل موقف حصل فيه تنمر عليه ، أو موقف حد من اخواته الكبار شتمه أو استهزأ بيه كان بيتكلم عنه وهو بيعيط بحرقة في الفويس نوت وكإن الموقف ده حصل امبارح 😧

الغريب إن المواقف دي قديمة جدا جدا ، وكانت في مرحلة معينة من الطفولة ولم تستمر !! بعدها بفترة الشخص ده اتغير تماما وبقا ناجح في حياته والناس بتحبه وبتتمنى رضاه !! وعنده أصحاب كتير وعلاقات في كل حتة ، وعنده شركة ناجحة جدا وبيطلع في الأخبار والنت وحاجة في منتهى الجمال !! سبحان الله !!

اتصدمت إن المواقف دي لسة وجعاه رغم مرور العمر ده كله !! ورغم إن علاقته بأهله واخواته رائعة ومافيهاش أي مشكلة !! ورغم إنه إنسان ناجح جدا ومحبوب ، ومفيش حاجة من المشاكل دي اتكررت تاني على مدار 50 سنة مثلا !! سبحان الله !!

ازاي جرح في الماضي كدة يفضل مسبب ألم في أعماق وأغوار النفس ويظهر بعد العمر ده كله بالشكل الغريب ده !!!

في الحقيقة الموضوع ده صدمني جدا ، عشان كل اللي حكيته ده ، وعشان حاجة أخطر من كل ده تخصني أنا للأسف 😔 أنا زمان كنت شخصية متنمرة جدا جدا للأسف !! حياتي كلها وهزاري كله كان عبارة عن سخرية من الناس وتريقة عليهم !! طول الوقت أألف قصص وأسخر من الناس حتى من أصحابي !! ولما ربنا أكرمني بالهداية والتدين من 20 سنة ، بطلت كل ده بفضل الله ، والناس اللي كنت بتنمر عليهم في الجامعة بشكل واضح روحت صالحتهم كلهم وفضلت وراهم لحد ما سامحوني بفضل الله … لكن يا ترى هل الكل فعلا سامح ؟؟؟

بعد لما الموقف ده حصل مع قريبي ، فضلت طول الليل أفكر في الناس اللي ممكن أكون أذيتهم بكلمة أو بهزار أو بسخرية !! فضلت أحصر كل الأسماء في دماغي لحد ما صفوا على 5 أفراد تقريبا اللي فاكرهم !! منهم 2 من أقرب الناس ليا !! أخويا الصغير ، وواحد قريبي !!

قريبي ده كان أصغر مننا ، وكنا كلنا في العيلة أكبر منه ودايما نسخر منه ونتريق عليه ونهرب منه ، وسبحان الله برضه لما كبر بقا شخص ناجح جدا ومليونير ماشاء الله ، لدرجة إن أي حد في العيلة محتاج حاجة نقول له : روح اطلبها من فلان !! عادي جدا يجيب لحد هدية بـ 50 أو 100 ألف جنيه !! في جيبه زي الفكة !!

بعتله رسالة طويلة ، وقلتله أنا عارف إني تنمرت عليك كتير واحنا صغيرين (من 30 سنة) لكن أنا والله بحبك جدا جدا وعمري ما كنت أقصد أضايقك ، لكن انت عارف طيش الشباب وقلة الدين والأدب ، أنا عارف إن الموضوع فات عليه سنين ، لكن أتمنى تكون مسامحني !!!

تخيلوا رد قال ايه ؟؟؟

قال لي : بالعكس يا عمدة ، ده انا استفدت جدا من اللي عملته ده !! لولا تنمرك عليّ وسخريتك مني ، واضطهادك ليا دايما وسط الناس وانك دايما كنت محسسني إن أقل منكم ومش عاوزني ألعب معاكم ، كل ده أثر عليا جدا فخلاني أتحدى الواقع وأشتغل على نفسي جامد عشان أوريكم إني ممكن أنجح وأبقى إنسان كويس !! لولا كدة مكنتش وصلت للي أنا فيه ده !!!

أقسم بالله كلامه ده موتني 😨 موتني !! ده لسة فاكر كل تفصيلة حصلت من 30 سنة !! شوفتوا بيوصف الموضوع بالتفصيل ازاي !!!!! 💔

فضلت أعتذرله أكتير وأطلب منه يسامح ، وهو بيضحك عادي وبيقول ياعم مسامح !!

بس انا كنت بموت !!

التاني بقا أخويا الصغير !! أصغر مني بـ 9 سنين !!

اخويا ده كنت معتبره زي ابني !! كنت بحبه جدا جدا ودايما شايله وهو صغير وببوسه وألعب معاه ، ولما كبر كنت دايما في ظهره ، بوجهه وأساعده في اختيارات حياته وأقف جمبه في شغله ، وقفت جمبه كتير فعلا وهفضل جمبه لحد ما اموت !! لكن برضه كنت كتير بتتريق عليه أدام الناس ، الغلاسة بتاعت الاخوات المعروفة ، لكن انا كنت متقل العيار حبتين ! وكنت بألف عليه قصص ومغامرات ونقعد في كل اجتماع عائلي نحكيها ونضحك عليه !!!

بعتله رسالة طويلة أطلب منه يسامحني ، رد رد صعب جدا برضه

قال يا عماد انت عارف انا بحبك قد ايه ، لكن انا الحمد لله تجاوزت كل ده من زمان ومسامحك ، بس حكى برضه شوية تفاصيل موتتني !!

لاحول ولا قوة الا بالله 😓

طب انا بالصدفة اكتشفت الموضوع ده ، وبحاول دلوقتي أصلح أخطاء عملتها من 20 و 30 سنة !! واقسم بالله كل أعمال الخير اللي بعملها دلوقتي ومساعدتي للناس عشان أكفر بيها عن الذنوب القديمة دي !!

طيب ولو مكنتش اكتشفت كنت هعمل ايه ؟؟ يا ترى الواحد هيتفاجيء بكام حاجة يوم القيامة ؟؟؟ وكام واحد ممكن يمسكوا في رقبته وقت الحساب !!

الواحد لو كان بيعمل ذنب معين وبطله ، لكن ما مسحش أثره !! هل كدة الذنب ده اتغفر ؟! مش معنى انك بطلت ذنب انه راح أو اتمسح !!

يعني واحد (مثلا) كان بيشرب خمرة ، وبعدين بطل لأي سبب .. هو دلوقتي مش بيشرب صح ؟ لكن سنين الشرب في الماضي دي اتمسحت ؟؟ مش هاتتمسح غير لما يتوب منها ويطلب من ربنا الغفران !

طيب والذنوب اللي في حق الناس ؟؟

ركز معايا كدة :

-اتريقت على واحد وسط الناس ، اتحرج واتجرح ، سكت وعداها واليوم عدى وخلاص ، وقابلته بعديها ميت مرة .. لكن يا ترى هو سامح ؟ ولا هياخد حقه منك يوم القيامة ؟

-وانت في ثانوي عملت صوت والمدرس واقف وضحّكت عليه الفصل كله ، وهو راجل كبير في السن وعنده أولاد أكبر منك ، لكن اضطر يبلعها ويعمل نفسه ماسمعش عشان منظره أدام نفسه وأدام الطلبة !!

-استلفت فلوس من واحد وطنشت ، مبلغ صغير مش فارقة ، الناس لبعضيها !! وهو عداها على مضض لكن مش مسامح !!! هتعمل ايه ؟ هاتقدر تسددها من حسناتك يوم القيامة ؟؟

-صاحبك اشترى حاجة جديدة عجبتك ، قلتله ياريس البتاع دي تلزمني ، واخدتها منه بسيف الحياء وهو مش مسامح ، لكن عداها وخلاص عشان شخصيته أضعف منك شوية وعشان الخروجة تعدى مع الشباب !! ايه رأيك ؟ تفتكر سامح ؟؟

-دبست واحد في عزومة بالعافية وهو كان محتاج الفلوس ، لكن عداها عشان منظره أدام الناس ، لكن من جواه مش مسامح .. ايه رأيك ؟؟

"لا يَحِلُّ مالُ امرِيءٍ مُسلمٍ إلَّا بِطِيبِ نفسٍ مِنه"

"ما اخذ بسيف الحياء فهو حرام"

-واحد سألك عن حاجة تخص الشغل مع واحد ، روحت ناقل إشاعات أو أي كلام سمعته وخلاص من غير ما تستوثق منه ، فكنت سبب في وقف حال الشخص ده أو وقف خير وشغل كان هايجيله ، ايه رأيك ؟ يا ترى سامح ؟

-دخلت في تجارة مع شخص ، وبعدين حصل خسارة ، قلتله مليش دعوة أنا عاوز فلوسي ، فاضطر يتصرف في فلوس عشان ماتقولش عليه نصاب ، لكن هو مش مسامح فيها !! ايه رأيك ؟ هتقدر تسدد يوم القيامة ؟

-واحدة اتقدم لها عريس وبعدين هو اللي اعتذر ، فقررت هي وأصحابها يعاقبوه ويطلعوا عليه كلام لحد ما سوقه وقف وسنه كبر وماعرفش يتجوز !!

احسب بقا في علاقتنا الشخصية دي فيه كم مظالم قد ايه ، وافتكر إن يوم القيامة الحساب هايبقى بالحسنات والسيئات !! في عز ما انت ملهوف على حسنة واحدة تعادل ميزانك عشان تتعق بيها من نار جهنم ، تلاقي واحد جاي يقولك : اسف ، انت استهزأت بيا وضحّكت عليا الدفعة كلها ، عاوز حقي !! هات الحسنات دي !! طيب مفيش حسنات ؟؟ خير وبركة ، خد سيئاتي دي اتفضل !!!

شوف كام موقف من دول عدى وكنت فاكر الموضوع بسيط ، واستحضر وصف ربنا للناس يوم الحساب وهم بيقولوا : "ياويلتنا مالِ هذا الكتاب لا يُغادر صغيرة ولا كبيرة إلا أحصاها ، ووجدوا ما عملوا حاضرًا ، ولا يظلم ربك أحدا"

وقول الله تعالى : أحصاه الله ونسوه !! انت عملت الذنب ونسيت ، لكن ربنا مانسيش سبحانه وتعالى !

نسأل الله العفو والعافية !

انا وجعت قلوبكم معلش ، لكن الواحد لازم يراجع حساباته كويس قبل ما ييجي يوم هتتحاسب فيه بمثقال الذرة "فمن يعمل مثقال (ذرة) شرًا يره" !!

راجع معايا شروط التوبة :

-الإقلاع عن الذنب والندم عليه

-العزم على عدم العودة

-رد المظالم إلى أهلها !

طيب ماعرفتش توصل للي ظلمته : تصدق عنه وادعيله في كل صلاة ، وادعي ربنا انه يقبل منك لعله يسامحك يوم القيامة!

وربنا يتولانا برحمته 😢

[maria91sworld]

جوّ قفيل صباحاً..أصوات الاطفال..الدوشة..الزحمة..المكتب بتاعي مكانه متاخد ومتقعد عالكرسي بتاعي..

مفيش اي أدنى روقان..

قررت أخرج من غرفة المدرّسين بهدوء وشياكة حفاظاً على رونقي و هدوء أعصابي اللي ابتدت تفلت مني..

حاجة ف منتهى الجمال 🙃

[jojou2]

نفق من الورود. منتهى الجمال والراحة النفسية

🌷🌷🌷

[yooo-gehn]

رحمة حسن ويارا عزمي بأقل قدر من المكياج ملامحهم في منتهى الجمال، جمال حقيقي غير مصطنع، غير متكلف، غير مقدر حق قدره