غلّف أى خطوة أو قرار أو علاقة بـ نية حلوة كل الأمور هتسلك.. عكّر النية هتقف الدنيا.
9 notes
·
View notes
ومرة في العُمر
يقف الإنسان بجوارِ أحدِهم
ولا يودُّ التحرُّك
حتى لو فاته العالَم.
13 notes
·
View notes
من زمان بطلت استغرب لإن مع الوقت بقى بالنسبالي كل شيء متوقع..
ضربة موجعة من شخص قريب، خيانة من عزيز، بُعد بدون أسباب، سرقة مجهود واستحلال تعب الغير، وعادي جداً إن موسى يطلع فرعون..
حتى الأمور الكويسة لما بتحصل بدون مقدمات بطلت استغرب!.. كرم رباني ينزل عليك فجأة وأنت مش عامل حسابك، قلبك الحزين الشايط تنزل عليه سكينة من السما تبرده وترجعه أجدد من الأول، نسيانك لذكرياتك مع شخص مؤذي تماماً وكإنه مامرش عليك..
الزمن ده مشوش، والرؤية فيه ضبابية، ومفاجئاته تخض، وناسه شايلين واحدة من أسوأ النسخ البشرية اللي عدت على الكون..
هتتعلم من كُتر الخبطات إن أهم درس إنك لا تنبهر بحد، ولا تمشي ورا كلام حد، ولا تقبل توجيه حد ليك بدون تشغيل دماغك، وإنك تهرب قدر الإمكان من فخ التحليل والتحريم ومين داخل النار ومين هيدخل الجنة..
الصح، والغلط معروفين وواضحين زى عين الشمس فإدعي ربنا مايعميش عينك عنهم ويكفيك شر المكابرة والعناد..
إنشغل بنفسك، وتوقع أى حاجة من أى حد في أى وقت.. الإنشغال بالنفس مكسب عظيم وبيجنب الواحد صدمات ممكن تفقده ثقته في نفسه مش بس في الناس.. اللي يلاقي نفسه بيمر بأقل الخساير.
12 notes
·
View notes