versevonk

[versevonk]

Steek daar iets lelik Sy kop uit tussen die lyne  Of is daar plek vir n  Mooi storie 

[versevonk]

`n stilte wat raas in my ore

Jy is stil 

Ek stiller 

Saggies vou jy my toe 

In `n stilte wat raas in my ore

`n stilte wat nare vrese 

Na vore bring 

Al die vergete stemme 

In my onderbewuste 

Sit op die randtjies 

Van hul stoele 

Reg om die verhoog te neem 

Ek staan vervreem 

Ek 

Jy 

Ons 

Ek ken dit nie 

Die stilte is gelaai 

Swanger 

Veilig en gevrees

Gewaagd dog allerdaags

Ek verstaan nie die taal 

Wat in hierdie stilte 

Opgesluit is nie 

Steek daar iets lelik

Sy kop uit tussen die lyne 

Of is daar plek vir n 

Mooi storie 

[versevonk]

Maal

Hoe lank 

Kan jou kop maal 

Tot alles fyn is 

En soos stof 

in die niet verdwyn

Op jou hurke 

Top jy saggies

Kan nie val nie 

Maar ook nie op nie 

Ons paaie is nie 

Uitgeskerts op 

Ons voorkop nie 

Soekend dwaal ons 

Gee nie op nie 

Dink teveel 

Doen te min 

Maar

Nooit genoeg tyd 

Om alles te besin 

Party leef 

Net-net te min 

Party se lewe 

Het nou eers begin

[versevonk]

So baie sinne 

Wat ek nog wou sê

Móés sê

Woorde wat nou koud lê

Woorde wat kon heel

Los nou oop wonde

Soveel goed 

Wat ek berou 

oor en oor 

herkou 

Ek aan hierdie woorde 

Wat nooit hul lêplek 

Kon vind nie 

Gelaaide letters 

Los nou leemtes

Ek het alles opgehoop 

En in my keel laat knoop

Tevergeefs

Te laat 

Vir ‘n hart wat 

Wou verder praat

[versevonk]

Fotoraam

Ek het nie gedink nie 

Jy het nie gekyk nie 

Onverwags 

Ongevraagd 

Het ons die antwoord gevind 

Op dit wat ons nie 

Eers geglo het bestaan nie 

Nou weet ons nie waar om 

Die foto te raam nie 

Ons het nie hiervoor beplan nie 

Hulle se dit kom skielik

Soos `n groot noot op die langpad 

Ek en jy 

Het gedroom oor `n “ons” 

Maar skielik skop die vrese in 

En ons is terug by die begin 

Jy se jy is `n “lone ranger” 

En ek hoor jou 

Ek wil nie 

Maar ek hoor 

Leen net asb my hart vir my terug

Want ek het dit verloor agter jou rug 

[versevonk]

[versevonk]

kloon jouself asb

Kloon asb jouself 

Want dalk sal jou ander helfte 

Anders voel 

Te gewaagd 

Te bereid wees om te spring 

Te reg vir hierdie ding 

Ai my lief 

Weet jy hoe ek jou sien 

Weet jy dat jy perfek is in my oë 

Perfek 

Net dit 

Maar jy val rond 

Struikel oor wolke 

Weet jy nie ek droom 

Net oor jou 

Net oor ons 

Daar is n lewe daar buite lief 

Gee dit 

Gee ons 

Net een kans 

Asseblief 

[versevonk]

net gespeel...

Ek wil so graag so min van jou dink 

Jou êrens in my vergete en vergewe folder verdrink 

Dink 

Jy 

Ek 

Sou kon aanbeweeg as jy nie jouself was nie 

As jy probeer het om my oor te wen 

My te leer ken 

Sê nou maar net 

Sê nou maar nie 

Die verlede vergewe nie 

Ons vergeet

Weet

Jy 

Ek 

Onthou jou elke dag 

Jou sagte lag 

Jou minag vir enige reël 

Plak jouself op my soos ‘n seël

Let’s be real 

Jy het net met my hart gespeel

[versevonk]

net `n vraag

Te naby gestaan 

Om te sien die skrif was aan die muur 

Nou hardloop ons in sirkels 

Opsoek na die begin 

Maar ons is moeg 

En ons woorde is min 

Sal ons betyds ons tasse kon pak

As alles in tuimel

Sou ons saam vlug 

As iets ons jaag 

Is dit ek alleen 

Of ons as een 

dis net n vraag 

[versevonk]

as ek bad

As ek bad 

Wens ek, ek verdrink 

Ek wil net vir een oomblik 

Ophou dink 

Een gedagte tot n volgende 

`n kettingreaksie 

En ek voel of ek sink 

Buite beheer 

deurmekaar

Teveel word te min 

Te min antwoorde 

Teveel probleme 

Skielik word alles stil 

Die stilte maak my bang 

Wat lê onder die stilte 

Waters 

Waaronder ek ook wil wegkruip

[versevonk]

spoel

Die reën stroom 

Deur die geute 

Kan die seer  

Maar net so vinnig wegspoel 

Kan alles net stop 

Hierdie warboel

Hierdie nare gevoel 

Kan ek saam verdrink 

Soos die water in die 

Gras wegsink 

Ek wil net ophou 

Dink 

Ophou redeneer 

Ek lê my wapens neer 

En ek sê weer 

Vir die laaste keer 

Ek is te naby 

Te lief 

Om jou te sien maak seer 

So asseblief 

Slaan jou rigting in 

En vergeet van hierdie ding 

[versevonk]

aangepas

ek het jou kortliks aangepas 

jy het my weggesteek in jou kas 

ek het jou toegelaat 

om my aan te trek wanneer jy kaal voel 

ek het agteroor gebuig 

om alles te verstaan wat jy bedoel 

jou seer het my glimlag weggespoel