vincaros

[vincaros]

mood

[vincaros]

مشاهد الأطفال الفلسطينيين بشعة بشعة يارب 💔

[vincaros]

كل ماادخل جروبات الأمهات ومشاكلهم فبدرك ان مشاكلهم كلها واحدة وإن كلهم عندهم نفس الحوارات السخيفة اللي المجتمع بيعتبرها شيء عادي جدا

مش فاهمة فيه ايه بجد ...الوعي! اختلاف الأجيال! معرفش.

[vincaros]

نفسي انزل المعز والحسين اتمشى عشان استعيد هدوئي تاني .. انا قضيت مراهقتي في الشارع ده مع العتبة ووسط البلد وشارع الألفي ومسجد السيدة زينب زكريات لطيفة اوي

يخربيت محافظة الجيزة مفيهاش حاجة عدلة والله

اللهم هجرة للقاهرة

[vincaros]

ازاي استحدث الطاقة من العدم

بحث

[vincaros]

سألت في جروب العمارة وواحد جارنا قالي هو بيربي حمام وخدها وهو نازل بيقولي ادبحهالك؟ 😭😭😭صعبت عليا حسيت اني وديتها للموت بإيديا

اكتر حيوان بترعب من فكرة أكله هو الحمام مع ان طعمه حلو فعلا بس هي مرة واحدة ومكررتهاش ومش هكررها إن شاء الله💔

مساعدة ضروري لو حد بيفهم في الحمام .. الحمامة دي واقفة في البلكونة بقالها ساعتين في مكانها ومش عارفه اساعدها ازاي كل ماأقرب منها بتمشي بس ومش بتطير حطيتلها ماية ودرة على الأرض بس غالبا مشافتهمش

اعمل ايه تاني شكلها خايفة اوي وتايهة 💔

[vincaros]

مساعدة ضروري لو حد بيفهم في الحمام .. الحمامة دي واقفة في البلكونة بقالها ساعتين في مكانها ومش عارفه اساعدها ازاي كل ماأقرب منها بتمشي بس ومش بتطير حطيتلها ماية ودرة على الأرض بس غالبا مشافتهمش

اعمل ايه تاني شكلها خايفة اوي وتايهة 💔

[vincaros]

الصراحة بشفق على الناس اللي بتخاف من الحسد دول أكتر ناس مش قادرين يستمتعوا بأي شيء لانهم اتعودوا يقولوا مشاكلهم بس عشان الحسد بالتالي مع الوقت مخهم بيتبرمج على ده بالتالي هما لوحدهم بيحسوا بالحسد اتجاه الآخرين اللي عارفين يشيروا سعادتهم ولحظاتهم الحلوة وسايبين المشاكل على جنب في ركن خاص جدا

[vincaros]

أنا كقهراوية لما بسافر أي محافظة تانية ويعرفوا اننا مش منها بيزودوا السعر برضو .. الأقصر بلدنا بلد سوااااح

من ضمن الأسباب إللي خلتني أتعلم اللهجة المصرية بسرعة ، لما كنت أنزل أشتري من السوق ويسمع لهجتي بيزودلي سعر الحاجة الضعف ، عالم مفتريه بجد ...

[vincaros]

السيئ في الصحيان بدري هو الصحيان بلا هدف وكإن اليوم مقفول من بدايته وده من وقت ماوديت باسل الحضانة وأنا بحسه .. بوديه وبقعد زي قرد قطع كده منتظرة اروح اجيبه وده جابلي حالة من الاكتئاب وانعدام المعنى شوية وخنقة

دلوقتي بنستعيد بوصلة الهدف والرجوع للقراية في الكتب التربوية لعلها تكون منجاة في الحياة دي

كنت نفسي اقرأ الكتاب ده بقالي كتير .. وأخيرااا

[vincaros]

كنت بتضايق لما اكون حساسة اتجاه شيء والاقي اللي حواليا شايفيني شخص مبالغ فيه أو اوفر ..

دلوقتي أنا فهمت خلاص ان كل واحد له نظرته بعد مابشوف الناس اللي بتبرر ضرب الأطفال انه شيء عادي ومتقبلينه بصدر رحب بل وبيحرضوا عليه كتير

[vincaros]

الحقيقة إن أكبر استثمار ممكن تقدمه لسلامك النفسي في الزمن ده.. إنك ماتجادلش غير في اللي مستاهل.. ومتتجادلش غير مع الناضج

حد عايز يطلعك غلطان وخلاص؟؟ مش هجادلك

ناس مصممين يشوفوا افكارك غريبة؟؟ مش هجادلكم

شخص مش بيعرف يسمع بس عايز يتكلم؟؟ مش هجادلك

شخص حافظ ومش حابب يفهم؟؟ مش هجادلك

شخص متعصب ومش راضي يتناقش؟؟ مش هجادل

مش هجادل وكمل عيش بصدق وخلي افعالك واعمالك تجادل في صمت

[vincaros]

من زمان وقبل ماباسل يروح الحضانة وأنا مش بحب ادخل كلام انجليزي كتير وسط الكلام الا مع صحابي مثلا أو وانا بكتب حاجةعلى تمبلر وحاسة ان الكلمة الانجليزي قادرة تعبر عن الشيء أكتر من العربية

بس أنا شخص عموما بيحب يقول تطبيق بدل application فمش باقية على حاجة 😂

بعد الحضانة وأنا مضطرة ندخل كلام انجليزي مع العربي وسط تعاملنا اليومي لان للأسف احنا في مجتمع بيقيس مدى تقدمك ومدى تربيتك الكويسة بعدد كلمات الانجليزي اللي تعرفها .. بالتالي احترامه ليك مشروط بإنك تتكلم انجليزي بأكسنت مظبوطة حتى لو إنت ابن كلب في الآخر المهم ان الاكسنت مظبوطة

في البداية كنت بحب اخلي باسل يسمع اغاني عربي أكتر من الانجليزي أو يبقوا سوا في نفس المستوى .. دلوقتي هو قادر ينطق الانجليزي اسهل ��ن العربي في بعض الكلمات زي مثلا مناخير هو قادر يقول nose بدالها "مستحيل اقوله أنف دلوقتي يعني" .. اي نوع سمك هو بيعرف يقول عليه "عوم" استخدم صفة السباحة .. زي الكلب بيقول عليه "هوهو" استخدم صوت الكلب لكنه ميعرفش يقول سمك ولا كلب .. لما اتعلم ان ممكن نقول على سمك القرش shark بقت اسهل انه يقولها بالتالي الناس تقدر تفهمه اسرع

بس عموما الأطفال شاطرين وبيتعلموا لغتين في نفس الوقت وقادرين يستوعبوا ويعرفوا يطلعوا الكلام ويعبروا عنه بطريقتهم أو يخترعوا كلمة جديدة تماما

ففكرة تعلم لغتين سوا بتدي شوية مرونة انه يقدر يختار الكلمات اللي تساعده وتسهل عليه التواصل

[vincaros]

بقالي فترة بتابع الحضانة بتاعت باسل وبحاول أوصلهم اني أم مهتمة.. بسأل في تفاصيل كتير بقولهم بنعمل ايه في البيت .. عشان بس اوضحلهم اني مش بهمل طفلي بالتالي هما مع الوقت بقوا يزودوا الاكتيفتيز وبيهتموا أكتر بيه وبسمعه لما بنروح وبيحكيلي عمل ايه حتى حكالي انه طفل ضغط على صباعه وكان متأثر وبيقولي "بيبي أي" وتواصلت معاهم فورا عشان أعرف ايه حصل منهم وبرضو عشان أوصلهم فكرة ان ابني بيحكي وبيعرف يقولي حصل ايه

وحتى بيندهشوا أصلا لما اقولهم بنرجع نكرر دروس الاورال في البيت! وأول رد بتقولي عندنا أمهات مش بتهتم أصلا بتجيب الطفل وتاخده زي ماهو .. بالتالي هما مش هيهتموا بشكل كافي.. للأسف المجتمع ده مش بيحترم الطفل طالما اهله مش بيحترموه .. لو الأهل بيلطشوله هتلاقي الناس بتلطش نادر لما حد هيقف ويقول حرام ألطش لطفل!

وعشان كده احترام الطفل بيبدأ من الأهل مينفعش أعلم طفلي انه يتهان ويتضرب ويتزعقله بسهولة وبعدين ألوم الناس لما تعامله بنفس الطريقة والطفل ميقولش لانه اتعود ان طبيعي يتضرب وطبيعي يتهان ..لان الناس مش اسويا كفاية إلا من رحم ربي يعني

[vincaros]

أنا مش شخص بيتكسف أوي من أي شيء يخصه حتى لو غلطانة فيه "مش تبجح بس عشان اوكي عملته وخلاص مش هفضل مكسوفة منه طول حياتي يعني وأفضل شايلة عبئ جوايا ان حد يعرفه!"

بس فيه لحظات ندمت فيها اني اتكلمت؟ الصراحة اه للأسف كتير كمان .. هل هبطل اعمل ده؟ للاسف مش هعرف شكلي لانه طبع جوايا اكتسبته مع الوقت بسبب اني كنت شايلة جوايا حاجات كان المفروض اقولها ولو كنت قولت كانت هتساعدني كتير بدل مانا عيشت طفولة كلها شايلة هم كبير جوايا وكنت خايفة طول الوقت

فلأ انا بقيت بقول عادي اي حاجة ومش بخاف ومش بتكسف .. والصراحة مبقتش اضايق لما الاقي حد استخدم الكلام اللي قولته او اخطائي ضدي.. لان جيس وات؟ هما بني ادمين عادي وقت الهجوم أو الدفاع حتى بيحبوا يستخدموا نقط الضعف بتاعت اي شخص .. بس أنا مش بعتبرها نقط ضعف برضو أنا بعتبرها دناءه مش أكتر

[vincaros]

بس انا كنت اقصد محافظة ايه😭

لوحاساه تطفل مني متجاوبيش

لا مفيش تطفل دي مش اسرار امن دولة يعني 😂

الجيزة اللعينة

[vincaros]

ينفع اسأل انت عايشة فين

في مصر 🙂‍↕️