تجيني طيوفك كنها بارد النسناس
يا أجمل من الهمال في ليلةٍ قمـرة
0 notes
بكيت لعدم معرفتي كيفية مساعدة نفسي
1 note
·
View note
كلي ملام وخوف من اشتكي له؟
من هو ينسيني بأكون ممنون
امشي واحس الارض هذي ثقيله
كن الاوادم فوق قلبي يتمشون
0 notes
كل شي فيني أختلف
اللي يدري
واللي ما يدري
عرف
0 notes
ضاقت الدنيا بصدرٍ خابره شمالي شريح
وكنّ كل ضيقه بهذا الكون فيه مجمّعه
ما اخبر إني قبل يرحل كنت لهمومي طريح
لكن الأقدار شائت كِل فرح أودعه
0 notes
"ما أخاف تحقيق حلمي يوم يتأخر
أخاف حلمي يموت.. بيوم تحقيقه"
- عبدالمجيد الزهراني
"شعوري ورى حلمي وأنا أصايده وأخطيه
أخاف إنّه أحلى من شعوري لاحققته"
- علي آل صبيح
0 notes
إن كان مالك نفس قلّي ومسموح
ولا تكرهني بنفسك وأنا أغليك
الروح ماتجبر على معرفة الروح
فكّر و عطني صامل العلم وأعطيك
إن ما حصل من بيننا ضحك ومزوح
بالغصب ماني يا أريّش العين باغيك
ما أبيك تنهي صادق الحب بجروح
أبذكرك بالخير لا حل طاريك
0 notes
خيره اللي ماكتب ربي نصيب
انت ما تختار من تكره وتعشق
حب كل الناس لو مالك حبيب
الكلام يطيب الخاطر ويفرق
لا تقول الشمس لو تشرق تغيب
قل مصير الشمس لو غابت بتشرق
عش حياتك حر لو قالو غريب
الحياه ايام والايام تسرق
كل ما الامال في احبابك تخيب
ارمها في بحر نسيانك وتغرق
0 notes
أفهمك لو ماتكلمت أفهمك مافي قلبك في عيونك ينرسم
ماتزيل الشك ضحكة مبسمك أفهممك لو ماتكلمت أفهمك ❤️
1 note
·
View note
قالوا ترى مالك امل في قربها لو يوم
ابعد وجنب دربها .. وهذا هو المقسوم
-
قلت اتركوني واسكتوا خلو العتب واللـــوم
قدني غرقت في بحرها ولا عاد يفيد العـوم
-
قالوا ترى في حبها ويل وأسى وهمـــــوم
قلت ان قتلني حبها حسبي تقول مرحوم
-
قالولي انسى تكرهه منت ابها ملـــــزوم
قلت ابشرو يا عاذلين با نسى لذيذ النوم
-
قالوا بتلقى غيرها واترك هواها اليوم
قلت العفو ياحاسدين مابدي القمر بنجـــوم
-
قالو لغيرك حبها قلت الجواب مفهوم
دام انها متهنيه وشلون اصير محروم
-
بقضي الليالي انتظر صابر على المقسوم
متعلق بطرف الامل يمكن يجيني نوم
2 notes
·
View notes
أنا ما أكون لك مالم تميزني عن العالم
تزعلهم تراضيني تبكيهم تواسيني
أبيك تكون لي دايم حبيبي العادل الظالم
أبي هالناس في كفه وحبك لي في كفه
0 notes
واجد بهالوقت اشوف قــلوب مرتده
وان جيت ابا ارتد معهم ردني منادي
من علمك هالجفا من شار بالصده
هو ما درى انه طفا بي شمـعة ودادي
من برد صدرك حرقت وجيــه منهدّه
تعبت ابا ادفى واخاف اولــع شدادي
من شافني قال هالمغرور مــن قــده
مايدري اني سببك اصارع رقـــادي
اخذت مـــنك جـــروح مـــقبله مـــدّه
وش حدني لك سوى الاصرار وعنادي
1 note
·
View note
فزي له يا أرض لاجاك بشويش تمايل
هو مو قصده ولكن كذا ربي خلقه
ما تصنعها ولا تبرره كل الوسائل
هو مو قصده ولكن كذا ربي خلقه
علق الدنيا بخطوة حتى قلبي علقة
فزي له يا أرض لاجاك بشويش تمايل
هو مو قصده ولكن كذا ربي خلقه
-
لا مشى يمشي على ضلوع صدري ولاني طايل
لا سماء ولا ارض ربي عساه يوفقه
هي احساسي وجه سوى به الهوايل
اما ياخذ عقلي كله كله ولا يطلقه
ماله حل وغيره ما ابغى ولا ارضى له
بدائل مافي غيره وغيره يبيني اعشقه
جيت وفي الخاطر كلام رجعت وماني
قايل كل ما شفته يضيع الكلام ومنطقة
0 notes
اسمحيلي يا الغرام العف يا الوجه السموح
إن لزمت الصمت أو حتى لبست الأقنعة
اعترف لك ما بقى من عالي الهمة سفوح
انحدر كلي كما طفل تحدر مدمعه
آه يا جود الحزن وياي وفي الفرحة شحوح
ضايعً بهمومي الغبرا بوسط المعمعة
اشتكي لوسادتي دنياي و اسمعها تنوح
كنها بعضي و بعضي وين هو من هو معه
مختلط في عبرتي حبر الشقى و دم الجروح
مستوي في نظرتي غرب الوجود و مطلعه
عودي المبري بقابه من بقايا الوقت روح
وفصل خامس ضايع بين الفصول الأربعة
وراس مالي ذكريات و حلم و أمال و طموح
لا صديق و لا رفيق ولا طريقًا اتبعه
سامحيني دام عذري واضحً كل الوضوح
و اسمحي لي بالرحيل بلا تذاكر و أمتعه
0 notes
حشا لولا عشر خصك بها ربي عن الباقين
ابد ماكان من شافك تطيح الناس من عينه
دلع لين وشقار وخف دم ومخملية عين
خجل ملح وجمال وصدق هنا للي تحبينه
ظلمتي من يجي بعدك يجون وكنهم مقفين
قهرتي من يجي قبلك لو انه شمس تخفينه
يغاير كوكب الأرض السما الدنيا متى تمشين
يقول انه حظيظ اللي تواضعتي تدوسينه
ولو الله زوج الشمس القمر ثم انجبوا نجمين
حشا ما جابوا اللي يشبهك نوره ولا زينه
ربيع ينبت بثغرك ترى لو ما تبلينه
0 notes
ابرحل في مدى لحافي
على نهر من الغدره
وعلى وعد من ضفافي
ينور للامل قمره
اخاف اروح متعافي
واحصل هالنهر صحره
يقطع حملي اكتافي
ويضيع الدرب بالعفره
وامشي لك وانا حافي
بثيابٍ علي غبره
تهاوى دمعي و قافي
وتهت وكن بي سحره
الا ياصاحبي كافي
تعب دمعي من الحدره
وليه الصد يالجافي
وانت الجرح بك يبرى
واصرخ عشقي الخافي
ياليتك تسمع لعذره
الاصقى سامع اوصافي
والاعمى للعنى يقرى
0 notes
ذُو العقلِ يشقى في النعيمِ بـ عقلهِ
و أخو الجهالةِ في الشقَاوةِ ينعمُ
2 notes
·
View notes