xurauafierro

[xurauafierro]

Amir el Coxu

Ñací comu Xel de Puertu Viesca, pero col pasu de los años fíceme nomar Amir comu’l mío güelu paternu. Hai xente na Marina que tovía conozme comu Xel.

Estadístiques

Filu: 1

Cuayu: 2

Fierru: 2

Solombra: 1

Conocencia: 3

Xuramentu

Pescanciar qué sabía el mío güelu de los elfos. ¿Tenía esu que ver cola so desdeñanza de la xente de la Marina? (dificultá: estremu)

Mío pá y mío güelu vivieron peleaos tola vida. Mío pá yera un home de la Marina, ya mío güelu nun y-prestaba un res la vida neses tierres. Siempre dicía que si tola xente na Ferrona vivía comu en la Marina, prontu finariamos con La Ferrona lo mismu que finamos col Vieyu Mundu. El mío pá yera un home práuticu y mundanu, un verdaderu ferrón, el mío güelu yera una especie de sabiu con con alcordances abondo del Vieyu Mundu. Fai unos años supe qu’el mío güelu, aquel home tranquilu y qu’el mío pá dicía que yera un cobarde anduvo enredando colos elfos cuantayá, y selón dalgunos yera collaciu d’ellos.

Axuntances

Teo un fíu, adultu, que vive en Puertu Viesca. Vemosnos tolos años. Vive al cuidao la so güela.

Teo a mío suegra, que vive en Puertu Viesca col mí fíu, adultu. Son les dos úniques persones vives de la mío familia.

Soi amigu d’un xefe d’una andecha de cazaores na Estremaúra. Estremaúra ye una tierra al norte de La Marina, au nun se puedi cultivar, peru viven dellos ferrones n’andeches ya comuñes de cazaores y recoletores.

Baces

Montesín (Wildblood)

Cuandu cansé del mío pá afuyí de La Marina, y viví dende entós com’un cazaor en Estremaúra. Esa tierra aprendióme que esa yera la vida que me prestaba de verdá, andar pelos montes y los praos, y dexar que’l mundu me aprendiera comu yera por dientru.

Navayeru (cutthorat)

Tola vida anduve con arcos y llances, pero siempre supe que unu nun ye persona si nun tien a mano una bona navaya. Dir ensín navaya nestes tierres ye dir comu dir en bolingues, y xurovos que na Ferrona fai muncho frío.

Augur

De guaḥe, mío güelu aprendióme esti ritual que y-aprendieron a él nel Vieyu Mundu. Invocando a los cuervos, les pegues u otros páxaros pueden cóntame coses que ven ya respondeme delles entrugues.

Equipu

Ropa de cazaor, arcu y fleches, una llanza curtia, un cuchiellu grande y una navaya.

[xurauafierro]

La Ferrona

La Ferrona ye una península grandona nel océanu del norte. Los ferrones llegamos equí fai dos xeneraciones, afuyendo del nuesu hogar: el Vieyu Mundu. Dende entós sobrevivimos pero nun medramos. Son tierres dures ya fríes, y les coseches inciertes.

El Vieyu Mundu

El Vieyu Mundu nun yerá a sofitar más la nuesa vida ellí. Yeramos demasíaos. Curtiamos les viesques. Les nueses coseches afogaron les tierres. Les ciudaes y les villes taben llenos de xente desperada y esfamiada. Reis de poca monta lluchaben peles migayes. Afuyimos pol mar y’alcontramos La Ferrona. L’exódu finó fai munches décades. Aguañu ya nun lleguen barcos d’El Vieyu Mundu.

El fierro

Les colines y les montañes de La Ferrona tan atacaes de fierro. El meyor ye’l fierro prieto venío de les estrelles.

Heredencia

Enantes que los ferrones, enantes que los Primeros Nacíos, otra xente vivió equí. Les sos ruines antigües atópanse por toos llaos na Ferrona.

Conceyos

Fuimos a entamar un hogar na Ferrona. Les villes de la Marina tán bien comunicaes con carreteres enforma. Hai comerciantes que viaxan ente los pueblos de La Marina, y los que tán llonxe, tierra adientru. De toes formes, tá casi too amontau.

Xefes

Na Marina los conceyos tienen xefes que escoyen cada siete años. Llamense supervisores. Nel interior cada conceyu gobiernase a su manera. Los conceyos de La Marina qusieron mete-yos supervisores coles sos normes munches veces, pero aguañu caú gobiernase comu quier. Hai reis, cures, aconceyamientos y pue atopase casi cualquier forma de gobiernu nes distintes comuñes.

Defenses

Na Ferrona hai mui poca xente pa sofitar un exércitu comu los que había nel Vieyu Mundu. Equí, cuando fai falta, los paisanos y les paisanes andechan pa lluchar toos xuntos encontra cualquier pelligru que yos-amenaz.

Dalgunos conceyos de La Marina fain a la xente praticar coles armes toles selmanes pa que tean preparaos.

Misticismu

Hai maxia nesti mundu, peru ye rara y pelligrosa. A los que yos-aprendieron a manexala tienen un gran poder.

Relixión

Na Ferrona hai dioses asgaya. Traximos los nuesos vieyos dioses del Vieyu Mundu, pero atopamos nuevos dioses equí, y amestamoslos toos. Hai xente que diz que algunos dellos caminen entre nos. Los cures, y les cures que hai enforma tamién, aprenden a la xente la voluntá de los dioses, y exercen poder en munches comuñes.

Los Primeros Nacíos

Los Primeros Nacíos, elfos ya xigantes, viven aislaos no fondero de les viesques y nel alto les montañes. Nun yos gusten los ferrones, y protexen les sos tierres de cualquiera.

Alimañes

Pueden atopase alimañes xigantes en casi tolos montes de La Ferrona

Fantasmes

Estories que cuenten les vieyes pa asustar a los nenos

[xurauafierro]

Aniciu

N’esti blog alcontraréis una partía de #ironsworn n’asturianu.

Ironsworn ye un xuegu de rol pensáu pa poder xugase en solitariu, o con collacios ensín direutor de xuegu. Tá escritu por Shawn Tomkin y pue descargase de baldre de la páxina web http://ironswornrpg.com. La xente de  The Hill Press tá entamando la so espublización en castellán.

Ye la mío primer partida al xuegu, y la mío idea ye facer una gueta curtia. Algu comu devolve-y una ayalguina a unos güérfanos.