yasser-t

[yasser-t]

كلما قلت قدراتك زاد غرورك وعنادك وجدالك وإحساسك الزائد بأهميتك أمام الآخرين.... فأصحاب القدرات الحقيقية لايحتاجون أن يثبتوا أي شيء لغيرهم!!

[yasser-t]

كلما ازددت نضجاً وتحضراً أصبح انتقاؤك لكلماتك عملية مهمة جداً في حياتك اليومية.... فتتساءل دائما هل من الضروري أن أقول هذه الكلمة أم أنها ستُسبب أذي وضرراً أكثر من أي منفعة.... أما الجاهل فيستمتع بالأذي والضرر بل ويتعمده لأن "أمانه النفسي" مرتبط دائما بنجاحه في "الانتقام اللفظي"....!!!

[yasser-t]

اللهُمَ صَلِّ وَسَلِّمْ وَبارِك على نبينا مُحمد ﷺ

[yasser-t]

سيكون ابنك مثل ما انت عليه وليس مثل ما تريد..

[yasser-t]

كل مهاراتك المهنية والحياتية مالهاش اي لازمة طالما مش عارف تتعامل مع كل واحد على قد عقله

[yasser-t]

اللهم صلة به تقربنا منك، وتطفئ شوقنا إليه يوم الحوض

اللهم إنا نشهدك حبه،

حبًا فوق أنفسنا ومالنا وأهلنا

اللهم نشهدك ما أحببنا مثل نبيك محمد صلى الله عليه وسلم، جد علينا يا كريم بالجنة حتى نراه ثم نراه ثم نراه فلا تشقى قلوبنا أبدًا

اللهم ثبّت فؤادنا حتى نلقاه

صلى الله على الحبيب الجميل محمد❤️

[yasser-t]

لما تكون قلقان من موضوع وبعدين يعدي بسهولة = ماتقولش انا اديت الموضوع أكبر من حجمه

اسمع كده .

قال بكر بن عبد الله المزنى : ينـزل بالعبد الأمر فيدعو الله فيُصرف عنه ، فيأتيه الشيطـان فيُضعف شكره يقول : إن الأمر كان أيسر مما ظننت .

إياك الشيطان يُضعف شكرك لربك .. الموضوع ماكانش بسيط , لكنه فضل الله عليك

[yasser-t]

نوع بيحط القرش ع القرش ويصرف الفلوس اللي بتيجي بحساب وبيكبر تجارته وشغله بالفلوس اللي بتدخل له من المشروع وآخر حاجة بيفكر فيها هي المظاهر

.

النوع ده بيتأخر في شراء الشقة اللي بيحلم بيها وبيتأخر في شراء العربية اللي نفسه فيها

.

لو اشترى شقة بتكون اقل من اللي يقدر يشتريها بالفعل ولو اشترى عربية بتكون اقل من اللي يقدر يشتريها وفي الغالب بيشتريها كاش وبيكون مركز على مواصفاتها مش على شكلها

.

النوع ده باختصار بيطلع السلم واحدة واحدة ونجاح البدايات ما بيخدعوش وما بيغروش ولا يطغيه

.

النوع ده ماعندوش عقد نقص ومش مستعجل ومش عاوز يثبت حاجة لحد

.

ما بيحرمش نفسه لكنه بيركز في البداية على تثبيت اقدام مشروعه اولا وتحول نجاح البدايات لنجاح مستمر وراسخ

وبعد كده يستمتع بحصاد نجاح حقيقي ومستقر

.

فيه نوع تاني اول ما بيمسك ألف جنيه في ايده هوب يجري يجيب عربية فارهة بالقسط وشقة وشاليه ومدارس اجنبي لعياله وهدوم براندات

وتتحول حياته لديون وأقساط ، والنجاح اللي كان لسه في بدايته بينهار بإيديه

.

تحس انه بينتقم من ايام الفقر

.

هدفه الوحيد يقول انا بقيت غني ومعايا فلوس

.

قراراته كلها بيحكمها الرغبة في الظهور واثبات مكانة اجتماعية هو لسه ما وصلهاش اساسا

.نهايات مأساوية لهذا النوع الثاني

[yasser-t]

مَن تعسّرت أُموره فَليلزَم :

{ وَقُلْ رَبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَلْ لِي مِنْ لَدُنْكَ سُلْطَانًا نَصِيرًا } .

أمَـر اللهُ بها نبيّه ﷺ فخرَج مِن مكّة آمِناً إلى المدينة لم يمسه سوء .. وعادَ إليها فاتِحاً !

إن الدعاء فوق سلطة الواقع و فوق ظاهر الأسباب .. فالهج به و اليقين يملأ الفؤاد ..

[yasser-t]

فيه سؤال مهم جداً لازم تسأله لنفسك كل يوم :

هو أنا بستمد الأمان منين ؟

فلوس

وظيفة

معارف

متابعين

شهره

سلطة

حتة أرض

عيلة

إلخ ......

محدش يقدر يجاوب ع السؤال دا غيرك وخلي بالك الإجابة يقينية

فلو فيه حاجة قبل ربنا يقيناً ففيه دبيب شرك موجود خلي بالك منه كويس جداً لأنه ممكن يكون مهلكه وأنت مش واخ�� بالك .

👈 إن الله لا يغفر أن يُشرك به 😥

[yasser-t]

كلما قل علمك....قل صبرك....!!

"قال إنك لن تستطيع معي صبرا.وكيف تصبر على مالم تحط به خُبرآ"..

[yasser-t]

حتي لاتكون ساذجاً في تعاملاتك مع البشر:

١-اي حد يقوللك الموضوع مش شخصي أبدا يبقي اكيد الموضوع شخصي جداً.

٢-اي حد يقوللك اصل المسألة مسالة مبدأ يبقي برضه الموضوع فيه حته شخصية.

٣-اي حد يقولك انا ماعنديش اي مشكلة مع الموزمبيقيين بس هما كذا وكذا (طالما فيها بس دي) يبقي اكيد عنده مشكله كبيرة جدا مع الموزمبيقيين.

٤-اي واحد يقوللك هي الناس مهتمة بالفلوس كدة ليه يااخي يبقي اكيد نفسه في الفلوس.

٥-اي حد يقوللك مشكلتي اني طيب زيادة عن اللزوم حتبقي ليلتك سوده لو صدقته.

٦- اي واحد بيمدحك زيادة عن اللزوم ماتفرحشي قوي لان فيه احتمال انه حيتقلب عليك قريب.

٧- اي واحد متعنطز جواه عيل صغير مضروب علي قفاه منذ الصغر.

٨- اي واحد بينكر كل حاجة ويبرر كل حاجة في حياته ابعد عنه لانه حيفشلك معاه.

٩- اي واحد يقول لك خلاص مش حاعمل كده تاني تأكد -بنسبة كبيرة جدا- انه حيعمل كده تاني لو سِبته.

١٠- اي واحد عنيف وبيتعصب بسرعة وبيلطش في الناس ماتصدقشي ان "قلبه طيب واللي في قلبه علي لسانه" والكلام ده.... ده محتاج حد يوفقه عند حده لان تركه سيجعله يتمادى في عنفه ولن يهدأ أبداً.

١١- اي واحد لايعي هذا الكلام جيداً غالباً سيقابل مشاكل كثيرة في حياته ثم سيقف متعجباً يقول "هي الناس بقت وحشة ياأخي كده ليه"....!!!

[yasser-t]

👈 عند ذكر الله، لا تفخيم ولا حضرة ولا شيخ إمام...كلنا عباده بنو عباده بنو إمائه

👈 قال إسماعيل بن محمد المستملي: كنت اقرأ على الشيخ الامام أبي بكر بن حامد، فقلت: ورضي الله عن الشيخ الإمام وعن والديه، فقال: (لا تعظمني عند ذكر ربي).

[yasser-t]

نصف مشاكل العالم سببها الجنس والمال والنصف الآخر يأتي من الغباء في محاولة الحصول عليهما

[yasser-t]

وحضرتك بعيد عن ربنا، مخك بيبدأ تلقائيا يدخل في دوامة حساب كل خطوة في حياتك بالورقة والقلم!! مع انها مش شغلانتك ولا قصتك دا انت عل�� الله حكايتك وهو كافيك!! بتبدأ تخاف من بُكره.. بتبدأ تتشائم .. بتبدأ يجيلك أرق وخنقة لاتعرف ما مصدرها!؟

بتبدأ تعمل حساب بزيادة للناس، بتبدأ تنسى ضعف الناس وانهم لا حول لهم ولا قوة، بتبدأ تنسى قدرة الله على الناس وعلى البشر .. فبتخاف من قدرة من لا حيلة له!! شايل هم كل خطوة صغيرة ومحتاج ضمانات.. شعور بالذعر جواك لا تسمع صداه .. بس إنت حاسس بيه جواك .. بياكل أي فرصة للتفاؤل ويُضفي على الحياة رداء أسود .. وارجوك افتكر "الشيطان يعدكم الفقر"

حبيبك النبى صلّى الله عليه وسلم قال: ومن كانت الدنيا همه جعل الله فقره بين عينيه وفرق عليه شمله.

حضرتك تركت أهم مساعدة وأعظم داعم وسند ليك في الدنيا، تركت التوكل على الله! أصبحت عريان ماديا ونفسيا .. تركت السند الذي لا يزول وتركت أمان القلوب.. تركت اللي في إيده كل حاجة وتحت سيطرته كل البشر اللي انت قلقان من تصرفاتهم، تناسيت الرزاق والكريم واللي بيبارك فيما يعطي ويمنح.

وانت بعيد عن ربنا، اصبحت يتيم حرفيا، تركت حوله وقوته وهرولت لضعفك وخيبتك، وربنا لم يخلقك عشان يسيبك تتعامل مع كل السواد اللي على الأرض ده بمفردك.. يريد الله أن يخفف عنكم وخلق الانسان ضعيفا .. لقد خلقنا الإنسان في كبد. هو اللي خلقك وهو اعلم بيك!!

المعضلة الكبرى، انك شايف في كم الفلوس والوظيفة والشهادة أمآن، فهتفضل طول عمرك تجري تحافظ عليهم وتستزيد منهم وفي الآخر لن ترضى ولن تستغني، وبعد ما تحصلهم، هتفضل تجري تحافظ عليهم مهما بلغت، ولا يملأ جوف بن آدم الا التراب.

خد بكل الأسباب وابذل اقصى ما عندك لكن اياك تواجه الدنيا ومعضلاتها بمفردك ببعدك عن الله.... تذكر انك عبد ولك رب وسيد مدبر الأمر هو الأمان، الا اذا اخترت انك تعيش في رعب طول عمرك.

[yasser-t]

عُثْمَانْ بْنْ عَفَّانْ- رَضِيَ اَللَّهُ عَنْهُ- قَالَ: كُنْتَ أُعَالِجُ، وَأُنَمِّي، وَلَا أَزْدَرِي رِبْحًا، وَلَا أَشْتَرِي شَيْخًا، وَأَجْعَلُ اَلرَّأْسَ رَأْسَيْنِ.

[yasser-t]

أنا بقولك الكلام ده عن قناعة تامة ومن خلال تجارب كتير شوفتها قدام عيني..

مفيش شخص "حقيقي" هيضيع منك .. مفيش شغلانة كويسة وفيها خير ليك بابها هيتقفل في وشك ، مفيش أي شيء في الدنيا فيه خير ليك ومناسب ليك ربنا هيبعدك عنه!!

كل اللي بيروح مكانش حقيقي ، مكانش مناسب ، مكانش لايق عليك ولا هينفعك قدام!!

ريح نفسك ، مفيش فرص ضايعة ، كل اللي فاتك مش بتاعك..