zifzaf

[zifzaf]

ظبي الفلا خالي فريدٍ م العيوب

ماشي شراته فالملا حسنه فريد

خدّه شرا شمسٍ تهادت بالغروب

والخصر كنّه عود موزٍ له اشيد 

🪶الشاعر راشد✍🏻

[zifzaf]

ياصاحبي فكري ضوى ليل القصيد

منّه غدا بحر القصايد ممنون 

عروق قلبي فايضه خبره تجيد 

قود الشعر اللي تحدّا مجنون

🪶الشاعر راشد✍🏻

[zifzaf]

انا انا .. شايل على متني جبل 

هذا الجبل سوّى عمايل ناسفه

عقب الوله عقب الغلا عقب الغزل

كلّه تغيّر .. والعيونا واجفه

🪶الشاعر راشد✍🏻

[zifzaf]

اخيول فكري للحسودي عصيّه على الوفا خيلي تنومس سراجه غضّيت عيني عن نفوسٍ رديّه حكّمت قلبي عن طموحه وداجه

🪶راشد✍🏻

[zifzaf]

بنتٍ سعوديّه ربت في خيالي 

اليوسفيّه فايقه فالوصوفي 

ارسم تفاصيلٍ تجرّ الجمالي

خصر و نحر ، شعر و عيون و شفوفي

🪶راشد✍🏻

[zifzaf]

انا انا لي له شموخ و حتّى له هيبه و قدر 

كلّ العيونا تلتفت لي فالضواحي ضايقه

هذا انا راشد طبوعي مثلما طبع الصقر

شامخ تفرّد بالسما عالي متونه شاهقه

🪶راشد✍🏻

[zifzaf]

ياذا الحبيب اللي يسلّي 

شوفك دليلي فالغياهب

كنّك بدر لاح و مطلّي 

وصفك سما سبع العجايب

راشد الشحي✍🏻

[zifzaf]

يـسـعـود ابـي مـنّـك حـلـولـك 

قـلـبـي انـا غـارق عـمـيـقـاً 

فـي غـبّـةٍ تـنـسـى فـصـولـك

مـا تـدرك الـلـي بـك كـثيـراً

انـا تـرا مـ الـلـي شـكـو لـك 

هـيّـا ابـي حـلّـك سـريـعـاً

يـسـعـود انـا راجـي وصـولـك

انـت الـذي خـذتـه رفـيـقـاً

يا قـلـب لا تـسـمـع عـذولـك

يـاكـم نـوى مـنـهـم كـثـيـراً

انّـه يـجـاريـك بـ قـبولـك

هـذا وهـو فـاقـد ضـمـيـراً

راشد الشحي✍🏻

[zifzaf]

وينك ترا شايل وله

في خافقٍ ميّت عليك

يانبض قلبي يا هله 

أشّر وانا كلّي بجيك

راشد الشحي ✍🏻

[zifzaf]

المشكله فيني ترا عارف زين 

مالي حظوظٍ يالغلا هذا الصدق

ولو انا بشكي؟ يبي لي عمرين

لنّ العمر يمشي شرا سرعة برق

ياصاحبي ضاق الصدر حتّى العين

طاحت دموعٍ تشتكي م الحرق 

تايه خفوقي مركبه مدري وين

البحر هذا ماخذه نحو العمق

راشد الشحي✍🏻

[zifzaf]

حالي حزين و ضايقٍ بالي حيل

تعصف بصدري ذا رياحٍ بارده

موج الحزن والله غدا مع كلّ ميل

ماخذ خفوقي لي مشاعر شارده 

والقلب في حزنه ينافس كلّ جيل

تنظر إلى عمقه ترى لي فاقده

فاقد سعاده في قصيدي والدليل

قصة بيوتي فالمعارض سارده

رغم الحزن عزمي ترا شروى الخيل

اللي مضامير الملا له شاهده

راسخ جبيني فالثريّا يا نخيل

ترقى عروقي فالصعايب صامده

هذا شموخي فالهوى ماله مثيل 

بين البشر روحي تراها زاهده

راشد الشحي✍🏻

[zifzaf]

البارحه فكري صفى موده 

مخلق قصيدٍ هاجسه راهي

ميحد ولو شعري لمس عوده

روّق جميع الناس لو باحي

غيم الشعر تهطل شعر، يوده

ضافي على عشبٍ دنى داري

نسنس شعوري فاح لك عوده

فوّاح عطره فالشعر فاحي

راشد الشحي✍🏻

[zifzaf]

شبّة حطب ، قعدة شعر ويّاه شاي 

على نسايم بارده فكرك يروق 

شاعر يغرّد فالشتا عود و ناي 

تسمع قصايد يالغلا فيها ذوق

راشد الشحي✍🏻

[zifzaf]

الضيقه اللي عانقتني بالجروح

زادت على قلبي هموم و غربال

ضايق انا يا صاحبي لو با بوح

تلقى عيونك موقها ذا هطّال

راشد الشحي✍🏻

[zifzaf]

الجوّ غيم مو هاجسي يرضف قصيد

فيه المشاعر تحتوي اللي تبي 

تطلب وله ولّا حزن ولّا جديد

كلّ البيوت ب خافقي تحبي حبي

راشد الشحي✍🏻

[zifzaf]

ضاقت ليالي هالملا

في قلبها كثرت جروح

وانا لها بحر الحدا 

لي اكتبه دايم يبوح

باح الشموخ اللي غدا

ضافي على قلب و روح

إلكم بيوتٍ والغلا 

في هالعمر يبني صروح

راشد الشحي✍🏻

[zifzaf]

شاعر رسى فكره على شطّ القصيد

كلٍ غدا يبحث عناوين الشعر 

سافر خفوقي م الوله روّح بعيد

في كوكبٍ حامي رضف بيت و شطر

راشد الشحي✍🏻