zsii1i

[zsii1i]

في زحمة الإعجاب .. وهتاف الحضور

وش مطمعي بغيرك وأنا كلِّي معك ؟

أحيان تاكلك المظّنة .. بلا شعور

وأنت الذي تحكم فؤادي بإصبعك

ما اخترتك من الناس يا وجه السرور

لأجل أزعزع من ثباتك .. وأفزعك

لوّك تشوف آثار حبّك في الصدور

كان إقتنعت إنّي مُحال أستشبعك

[zsii1i]

يا فرحة العيد ما لك ف الحنايا شريك

دوّر .. وتلقى ورا الأضلاع عيديّتك

إنسف جديلك قبل تنسف مذارع يديك

الغيم تاجك .. وسطح الأرض زوليّتك

حتى الفساتين وعقود الذهب تحتريك

الكل منها .. يبي يلمس خصوصيّتك

[zsii1i]

لا يا وجودي لا أقبل العيد ويّاك

وأقبلت ما غيرك من النّاس لافي

وتاخذ من عيوني قصيدة لملفاك

وصوتك يسمِّعني عظيم القوافي

وعقب البطى تمسك يميني بيمناك

عن ما مضى قربك حبيبي يوافي

وأعايدك .. والعيد ما هو بليّاك

وعيدٍ بليّا شوفتك ما يشافي

ولا يطرب الخاطر سوى بسمة شفاك

لامن تبسَّم .. يصبح الجو صافي❤️

[zsii1i]

يا فاتنة قلبي وشيخة خاطري وين المفر ؟

وأنا ولي أمر الجروح وشيخها وأميرها

وش يزعلك وأنتي وأنا روحين يحملها نفر

وقلوبنا فيها حنان أم تضم صغيرها

رياضك الخضرا قفر ورياضي الخضرا قفر

من حقنا نرعى خزاماها ونارد بيرها...

[zsii1i]

والذي ليلة الإسراء عرج بالرّسول ..

‏إن حبّك لحال وحب غيرك لحال❤️

[zsii1i]

ترى خلاياي مدمنة على صوتك

كلّمني الصّبح مرّة والمسا مرّة

[zsii1i]

يارجا قلبي ومطلوبي وشفّي

يا أمل دنياي في العمر وسنينه

انت أغلى إنسان في طيّة ملفّي

وكل غالي فرق ما بينك وبينه

��نت مكفي عن الكل وموفّي

لك بقلبي قصر وأسوار ومدينة

مايطفّي واهج أشواقي مطفّي

غير من عيني ترف لشوف عينه

[zsii1i]

يا ملاك دونك يشح وصف الواصفون

‏إحتمال تكون مولود في " ليلة قدر "

‏ما جبرني غيرك أهيم يالغظ الفتون

‏من ذوات المبسم العذب والرّمش الخدر

‏فيك روّضت الشّوارد وغنّيت اللّحون

‏وليتها يا ناحل الجيد ما راحت هدر

‏قمت تقطع فالمواصل وتثخن فالطّعون

‏والجفا اللي ماله أسباب نوع من الغدر

[zsii1i]

دارت الأيَّام وأنتي مثل ما أنتي

تجبرين كسور قلبي بإبتسامة

تنكسف شمس المحبَّة لا حزنتي

ما على جرح الهوى غير الملامة

من دخلتي صدري الخايف أمنتي

ما بعد رجفة غلاك إلَّا السَّلامة

قمت أرتَّب فوضى قلبي من سكنتي

موطنك هالقلب إلى يوم القيامة 🤍

[zsii1i]

عسى مدهال ملهوف الحشا للرايح الصبّاب

‏يصب من الوله ويعانق المحبوب محبوبه

‏كلام الحب وعيون القصيد ونظرة الإعجاب

‏تناقلها القلوب الخالية .. وتروح مجلوبة

‏ونور الشمس والماء والظمأ والريح والترحاب

‏فدا للجادل اللي من زلال الغيم مصبوبة

‏تقول : الآدمي قلبه رهيف إن حب حن وذاب

‏وأقول : القلب راح قلادةٍ في عنق رعبوبة

‏"عنودٍ" كل يوم أقرأ عليها صفحتين كتاب ..

‏وهي سطرٍ من سطور الكتاب وثامن أعجوبة❤️

[zsii1i]

‏خمر ولاّ شهد ولاّ ماء سحابة !

‏ريقك يرد المقفِّي عن دروبه ..

‏ أبرد من المزن في وقت انسكابه

‏وأكثر من الجدول الجاري عذوبه

‏يفقد الضَّامي على عدَّك صوابه

‏أنت بس اللي تفز الرُّوح صوبه

‏كيف أتوبك وأنت لأسئلتي إجابة ؟

‏كلّ تايب ودّه أنّك من ذنوبه 🤍

[zsii1i]

يامترفة .. ما للغلا وصفٍ دقيق

وأنتي على عرش الغلا ومطوّلة

ما فاحت الدلّة ولا فاح البريق

على مهل والليل عاده بأوّله

من نظرتك يستاسر الحر الطليق

راعي الشداد من الشداد تحوّله

أنتي .. سوات اللي معنّقها دقيق

فنجالها الأول لراعي الأوّله🤍

[zsii1i]

‏عيّدي يا مذهبة عقل الهواوي

‏وانزلي قصرٍ نظيره ما تشيّد

‏وقّفي بين الهقاوي والمناوي

‏واتركيني لا طليق ولا مقيّد

‏سيّدة الأسود والأبيض والسماوي

‏أي لون أنتي اخترتيه؟ يتسيّد

‏ مبسمك صبحٍ على الأحداق ضاوي

‏من يشاهد ثغرك الوضّاح .. عيّد💙

[zsii1i]

‏يا خوفي تنكسر بنتٍ رزينة قلبها شفّاف

‏ربت في طهر واقعها نظيف وصافي النيّة

‏تجي مثل السّحاب الباردة متكاملة أوصاف

‏ضحوكة تملي الدنيا رحابة صدرها الحيّة

‏تربّت في كنف رجال دَيِّن ما عليه خلاف

‏ولا هو من هل الشدّة والأحزاب السياسيّة

[zsii1i]

‏انت وصلك في خيالي على كل الوصال

‏ما له إلّا إسمين .. يا إمّا رضا ولّا جبر

‏غيرك يحاول ولا له على قلبي مجال

‏وانت حبّك قد تمكّن من القلب وعبر

‏وإن نشدت وقلت عطني على قولك مثال

‏قلت معطيك الحنايا .. وزايد لك شبر

‏وان سمعت القول بين الحقيقة والخيال

‏قلت أحبّك فوق كل المحبّة والأمر 🤍

[zsii1i]

في ليلةٍ شتويةٍ بردها جاف

‏من بردها ما يدفي الذيب صوفه

‏حنا على وضح النقا قلوبنا نظاف

‏وعلى أعدائنا مانحب المروفه

‏أنا أشهد إن الوقت ما عنده إنصاف

‏عجزت أفرّق بين أمانه وخوفه

‏لي صاحبٍ مفقود ما عاد ينشاف

‏وما لي على المقفين شف وحسوفة

‏خلاص نفسي عافت وخاطري عاف

‏اليوم نفسي عن هواها عيوفه

[zsii1i]

لا تحسبيني بنام ودمعك من العين سايل

‏من ينزّل دمعتك يمسي ودمّه سال سيله

‏كل همٍ تحسبينه ما يزول .. اليوم زايل

‏لا يجي في بالك إنّي بأترك همومك ثقيلة

‏راح أرجّع بسمتك وأحارب بشتّى الوسايل

‏لين يضحك ثغرك اللّي ما ضحك بأيّة وسيلة