zsoleil

[zsoleil]

Ating kapabayaan, atin ding parusa

Isang blog tungkol sa pagbabago ng klima. Ang mga epekto nito and dahilan kung bakit ito nangyayari.

Ano na nga ba ang nangyari saating mundo? Bakit ang ating dating laging masayang mundo ay ngayon puno na ng baha, tagtuyot, at mga sakit ng tao?

Ang pagbabago ng klima o kilala din sa tawag na "Climate Change" ay isang isyu ng mundo na hindi gano napagtutuunan ng pansin. At nararanasan din natin ito araw araw ngunit hindi lang natin ito napapansin dahil akala natin ay normal lang ito. Pero hindi ito normal at malaking problema ito para sa atin.

Ano nga ba ang Climate Change? Ito ay ang biglang pagbabago ng klima o panahon dahil sa mga tinatawag nating "Greenhouse Gases" ang dahilan kung bakit nagiinit ang ating mundo. At dahil sa paginit nito maaring mas tumaas ang temperatura na binibigay ng araw saatin dahil ang tinatawag nating "Ozone layer" na responsable sa pagprotekta sa atin sa mga mapanganib na sinag ng araw. Kaya't kung ito ay masisira ay lalong mas iinit ang ating mundo at mas dadami ang kakaharapin nating kalamidad katulad ng mga baha, bagyo, at tagtuyot. Maaari ding mas dumami ang mga sakit na nakukuha sa tubig at pagkain dahil dito. Maaari din maapektuhan ang ating mga hayop at ang kanilang mga tirahan, dahil isa rin sa mga epekto ng pagbabago ng klima ay ang mga forest fire. At sa ibang bansa tulad ng Iceland kung saan ay talagang nagyeyelo sa lamig ang kanilang bansa, nagsisimula na rin ito maginit kaya't unti unting natutunaw ang yelo nito kung saan maaring makaapekto sa mga hayop at tao na naninirahan doon. Dahil rin sa pagtunaw ng yelo maaring muling lumabas ang mga dating sakit na wala na ngayon. Bukod sa aking mga nabanggit, marami pang epekto ang pagbabago ng klima ng hindi lang natin napapansin.

Ngayon ay atin namang pagusapan ang nga dahilan kung bakit nagkakaroon ng Climate Change. Unang una ay pollution kung saan ang mga usok na nanggaling sa sasakyan, mga factory, at iba pa. Isa din sa dahilan ay ang mga pesticide at mga chemical fertilizers. Ang pagkawala din ng mga puno ang isa pang malaking dahilan dahil itong mga puno ay nakakatulong matanggal ang pollusyon sa hangin. Kaya pano na kung ating puputulun pa ang ibang mga puno? At lalong sasaktan ang ating mundo?

Ang aking opinyon dito ay:

Bilang estudyante, sa mga maliliit na bagay ay meron parin tayong pwede magawa dito. Isa dito ay ang pagmulat at pagkalat nito sa ibang tao. Ang pagtuturo sa mga normal na mamamayan hindi lamang sa mga estudyante kung ano ang climate change. Dahil maaring ang iba ay walang malay tungkol sa isyu na ito kadahilanan na hindi ito masyado pinaguusapan. Maaring hindi nila alam na sila ay nakakaapekto sa pagbabago ng klima.

Nasa ating kamay ang ating kinabukasan. Wag na nating hintaying dumating ang oras na wala na tayong magagawa tungkol dito.