32tr

[32tr]

ذكرياتٍ تعبر العمر طرقيّه وذكرياتٍ في وطنها ومرباها وصورةٍ في متحف البال مطويّه كل يوم آفلّها واتهجاها من لها قدر أوّلويّه وأهميّه ماشعرت بغربة الروح لولاها والذي نفسي بيده إنّها ليّه أقرب من كفوفها عند حناها

[32tr]

أستبحتي حرمه المجنون بإدراك وعنايه والتفتي له بعقلك وأرتكزتي في صميمه أمتلكتي غايته لو كان ماله فيك غايه وأنتصرتي في عيونه وأعترف لك بالهزيمة من كثر مايعشقك ماقالك بالحب رايه خايف الأيام لا تطلع عواقبها وخيمه وفي طريقك كل ماكنه لمس درب الهدايه تاه ودروب الحياه المستقيمه مستقيمه تايهِ بصري ومن جابه لبيت اللّٰه تايه عذر من غمض بعين وعينه الأخرى كريمه فدوتك مافات من الأيام والي عاد جايه يا بعد عمرٍ مخاسيره معك عندي غنيمه إنتي الفارع بقد وجد وأسماء وكناية من عشق مثلك يجوز من الهوى وشداد ريمة ليه لا وإنتي بحسنك لذاوات الحسن آية لا ذهب لا ماس لا ياقوت لا أحجارٍ كريمة

[32tr]

تدللي واعمليلي ما تحاسنتي ‏يرضيك واللي يجيني منك يرضيني ‏في منزل ما مسك مفتاحه الاانتي ‏ولاادري تحسين ولا ما تحسيني ‏كانك تحسين فأنتي ما تعونتي ‏غير احتلالك لقلبي وش عطيتيني ‏الا انتي انك بغربالي تفننتي ‏ولا ادري معك مشواري يوديني ‏ياكثر زينك لو انك ما تزينتي ‏مدري مزينك رب البيت في عيني

[32tr]

اه من جرحٍ بقلبي عطيب ‏يوم قالوا لي حبيبك رحل

‏هل دمعي فوق خدّي صبيب ‏سيّل الوديان وأسقى الهمل

‏فاضت الفيضة وفاض الشعيب ‏سالت الرمله وسال الجبل

‏من يجيب أخبار ذاك الحبيب ‏ولا وين ولا فين حل ونزل؟

‏من فراقه عشت عيشة غريب ‏ليت عِرف حبيبي ماحصل

[32tr]

تبسّم لعنبو من لامني فـي ضحكتك ورضاك تبسّم واخذنـي مـن عالمي فـي عالم ثاني تبسّم لي فداك اللي مضى واللي بقى يفداك ترى لولا غـلاك وضحكتك مابعت خلانـي ولاجيت اتداراك مابقى من فرحتي والقاك وابيع العمر كله لأبتسم ثغرك عـلى شـاني وانا اللي لأجل عينك بــعت ذاك وذاك وتناسيت السنيـن المجدبه واحرقت عنـواني احبك ايه احبك وان بغيت انساك كيف انساك اشوفك ياعيوني في عيون اهلي وفي اوطاني توهّقت بغلاك وصرت احبك واعشقـك واهـواك وحاولت اتراجع وانسحب لا شـك مـا امداني

[32tr]

لا تقول ودعتني داري ‏بالحيل ما لي عليك عتاب ‏مريت في موعدك ساري ‏وقفت لين النجم ما غاب ‏الليل تحت الشجر عاري ‏والفجر غطى السما بثياب ‏والريح في كفوفها الذاري ‏تدفن رسوم الوعد بتراب ‏مريت ما للوله طاري ‏وقفت ما للندم اسباب ‏مدري تعودت مشواري ‏أو خانني قلبي الكذاب

[32tr]

على عيد انكساري في غرامك قبل تسع سنين تذكّرتك وقلت آكلّمك والنية النية الو لبيه يأغلى من ذبحني قبل عام ألفين و مِت ولا حييت إلاّ على ذكره وطاريّه أحبك وين ما سجّت عيوني في الزمان الزين وسجّجني الزمان إللي متاهاته خيالية ولا سجّيت عن آخر لقا عطّارة البحرين ودهن العود وأشياء الشيوخ الأرجوازيه رعى الله كل يومٍ مرّنا ما قبل ذاك الحين على ذمّة صُفى الأيام والأحلام وردية يوم إنك تستحي تذكر إن عمرك وصل عشرين

[32tr]

غلاه من فوق الغلا ماهو بدون وحكاه سمعك يجبرك بارخاك له ودك تحطه فالعيون من العيون وتبسط على رمضا الثرى يمناك له وتظله من الشمس في ظل الجفون ولايمر اذنه سوا لباك له وتسج من غيره لونهم يذكرون ومنين ما سجت القدم ممشاك له

[32tr]

كان في قلبه لقلبي محنيّة يدري ان الحال عقبه مهوب اللي وكان لي عنده علومٍ خصوصيّة احضنيها يالهبوب احتراماً لي وارسليها عبر الاقمار سريّة هو طبيبي والرسايل علاجٍ لي ولا يواخذني على قلة الجيّة ود عيني مير ماهو بجايز لي

[32tr]

غاب عنّي والوله خلاه عندي في غيابه مادرى إن فرقاه نار ولا درى إن لاماه جنّه ياوجودي وجد من صفّق على ماضي شبابه بان شيبه والسنين اللّي يبيهن خالفنّه غرّته خضر السنين وراح عمره ما درى به غررّنه وأرفعنّه لين سج و حولنّه

[32tr]

نضج قلبي من البعد وش حاجتك تكويه جفاك الجمر والصبر في بعدك الصاجه وطبع حبك بقلبي والايام ما تمحيه هذا هجرك يحاول يموجه ولا ماجه يموت الامل لكن ظنون الغلا تحييه وعروق الوفا فالروح والقلب وجاجه خبرتو حدنٍ يبكي على واحدٍ يبكيه وخبرتو واحدٍ مسجون مايبغي إفراجه احبه ولا ابغضته على شيٌن ايسويه ولا زالت ارقاب الرجا فيه منعاجه

[32tr]

وين انت ياللي تجي وتروح مجاني كنك مراسـل حقيبـة دبلوماسيـة وش رايك تروض الرحلة على شاني وانا بأوصيك ووصاتـي ضروريـة رسالةٍ فوقهـا ختمـي و عنوانـي خذها وعطها راع الشقراء لعمانية وقلة ترانا عـرب وأنتـة عريبانـي ياباري القوس جتك القوس مبريـة نفضـت ريشتـك ياهدهد سليماني والربع ما عندهم رحمـة وماويـة

[32tr]

‏يا رب حملت نفسي بالشقا والعتاب ‏ومديت حبل الخطا لبليس واصبحت اسير

‏وطاوعتها في متاهات الوهم والسراب ‏لين شبكتها الخطايا شبك والنفس طير

‏أزل واقول انا توي بسن الشباب ‏واليا نصحني محب اقول توي صغير

‏ما كنت احسب لوقتي والليالي احساب ‏ولا كنت افكر وش اللي في زماني يصير

[32tr]

نوم ٍ ثقيل ٍ كله احلام واوهام ونصيبي من احلامه الجانب الشين صحّى الفرااق اقلوب في عكسه نيام وغاب الفرح وانا بعكسه الى اللحين ياحزن كبدي حزن من ضاق ثم حام اخذت فروخه مادرى ليه ولوين بعد ما شاف العش عيدان وعظام خالي تفكر فووق ويسار ويمين خلا عشاها فيه ومن الوطى شاام زبن على روحه وفل الجناحين

[32tr]

شلون توصيني وتنسى وصاتك وتصد عن صوتٍ تقطع يناديك مافاتك التجريح والعذر فاتك وتبغى رضاي الحين ماعاد يمديك صحيح احبك لكن هاذي جزاتك بعلمك درسٍ يفيدك ويحييك ادري بتستغرب تصبر وجاتك قصيدةٍ من واحدٍ كان يبغيك تبغى تشوف اشجع رجل في حياتك شفني وانا مقفي على كثر ما اغليك

[32tr]

مابين توديع اللقاء الحاضر وتقبيل الغياب قضيت ليلي بين حرمانه وهمه وسهره اناجي سدول الظلام العتم وعيون السحاب واحاول انسى ماحصل في نظرتي واستصغره

[32tr]

‏كذا وقفت اجالد فراق الاصحاب ‏لاباحك الله هجر وذنوبك ذنوب ‏ماتدري انك رحت وحسابك حساب ‏يعني حرام اني من الحب ماتوب ‏عاتب وطلعني على طول كذاب ‏اشره علي بأية لغة بأية اسلوب ‏تعال باقي لي هنا جرح ماطاب ‏جرح على خبرك من العام ملهوب