ahmed-elsoghayar

[ahmed-elsoghayar]

مش بدنك بس اللي له عليك حق.. موهبتك ليها عليك حق إنك تسعى تخليها في محيط المكان اللي ينورها مش يطفيها.. نفسيتك ليها عليك حق إنك تبعدها عن الحوارات وعن بتوع الحوارات..قلبك، ومشاعرك ليهم عليك حق إنك تحطهم في إيد شخص مايخدلكش.. صداقتك ليها عليك حق إنك تضم لها بس اللي يستحقوا شرف القُرب.. حبايبك ليهم عليك حق إن جزء ثابت من وقتك يكون ليهم.. كل شيء، أو شخص، أو تصرف هيساعدوك تبقى أفضل ليهم عليك حق.

[ahmed-elsoghayar]

"كثرةُ الصَّلاةِ على النَّبيِّ ﷺ تفتَحُ المُغلقَاتِ وتُخفِّفُ المُتعِبَاتِ."

[ahmed-elsoghayar]

‏أنا الحمد لله راضي بطول المشوار ومُتحمّل صعوبة الرحلة، لا عُمري اعترضت ولا هعترض لإن كُل اللي يجيبه ربنا خير حتى لو كان ضد رغبتي دلوقتي لكن في الأخر هيطلع خير (والله يعلم وأنتم لا تعلمون) عشان كدا أنا صابر وراضي وعشمان في أخر الطريق ألاقي العوض لصبري والجبر لقلبي.

[ahmed-elsoghayar]

"أول ما تحس انك لوحدك أو منسي و إحنا كلنا بيعدى علينا الاحساس دا، اقرأ قصة "حُدير".

" حُدير كان قادم مع وفد اليمن للرسول ﷺ، فلما وصلوا، الوفد اللي معاه قالوا لحُدير أنت أصغرنا فخليك مع الإبل وحاجتنا تحرسها.

ودخلوا هما على الرسول وبايعُوه وبلَّغوه إن حُدير بيبايعه بس هو بره مع متاعنا والإبل، وبعد ما اللقاء مع الرسول خلص وهما ماشيين الرسول أعطاهم هدايا فخدوها ونسيوا ياخدوا لحُدير وهو قاعد بره عند الإبل بيذكر الله.

وخلاص ماشين وراجعين بلادهم-ومعاهم هداياهم-، حُدير مسألش حتى طيب وأنا فين؟

وهما في الطريق لقوا حد بيجري وراهم سريعاً جدا ووقفهم وقال "أفيكم حُدير؟"

فقالوا له: نعم.

قال من حُدير؟

قال: أنا..

قال الرجل إن رسول الله ﷺ قد أرسل إليك هديتك!

قام حُدير، قال كيف؟

قال له إن رسول اللهﷺ قال: أتاني جبريل وقال إن الله يخبرك ألا تنسى حُدير.

حُدير في ساعتها قال "اللهم كما لم تنس حُديراً فاجعل حُدير لا ينساك".

فـ والله إنَّ الله يعلم ما في قلوبنا ألا يكفينا أن يكون الله أَنيسنا دوناً عن الخلق كلهم!

"أليس الله بكافٍ عبدَه".

اللهم آنس وحدتنا و آمن روعاتنا."

═══ ❁❁❁ ═══

[ahmed-elsoghayar]

“جزى الله الشدائد كل خير عرفت بها عدوي من صديقي”

[ahmed-elsoghayar]

كبرنا ونضجنا لدرجة إننا بطلنا نشتكي، بطلنا نعاتب، بطلنا نلوم، بطلنا نشيَّر بوست بهدف إننا نوَّصل كلمتين لحد مُعيَّن، ما بقيناش نشغِل بالنا بحاجة ما تخُصناش وحتى اللي يخُصنا بنختار منّه اللي يستاهل نشغِل بالنا بيه، إحنا حرفيًا الأيام داست على وشوشنا والتجارب خدت من روحنا كتير فالنُضج اللي وصلنا إليه دا دفعنا تمنه غالي أوي.

[ahmed-elsoghayar]

كُل واحد في حياتك شايفك بنُسخة مُختلفة، في اللي شايفك كويس وفي اللي شايفك عكس كدا، في اللي بيستلطفك وفي اللي مستتقِل دمك، في اللي بيحبك من غير ما تبذل مجهود وفي اللي عُمره ما حبّك رغم كُل المجهود اللي بذلته عشانه.

عشان كدا خليك عارف إنّك مش مسؤول عن إنعكاسك في عيون الناس، إنتَ مسؤول فقط عن حقيقتك ونواياك .. وأهم حاجة إنّك تبقى راضي عن نفسك.

[ahmed-elsoghayar]

35 سنة ولسه خانة العمر بتجري ولسه خانة ذكرياتي بتتملي مشاهد منها اللي اتمنيت أحذفه واللي بتمنى من ربنا يحافظ لي عليه لسه فيه دوافع بتضخ الدم في عروقي عشان اشتغل أكتر واجتهد أكتر 35 سنة ويقيني كل يوم بيزيد أن مفيش حاجة دايمة ومفيش ثابت غير ربنا وبس والباقي متغير

35 سنة ولسه شايف أن نعمة الصحة والستر بتييجي على رأس النعم.. لسه بتعلم وهتعلم لسه هشوف وهعرف من أسرار الدنيا وطبائع البشر اللي بينكر واللي بيتنكر قليل الأصل وابن الأصول اللي بيحب لوجه الله واللي بيخلص من غير سبب اللي يستحق واللي ميستحقش.

35 سنة ولسه مصمم أن التسامح بيبقى مع أهله وليس في غير أهله.

35 سنة ولسه بحاول اتخلص من عيوبي وأحرر نفسي من قيود تفكيري وإكسر تابوهات صنعتها بنفسي لنفسي أو صنعها لي اللي حواليا

جيت وماشي ومؤمن أن العبرة مش في طول العمر أو الأجل العبرة بالذكرى وحسن السيرة رجائي من الله أن يمنحني حسن الخاتمة وحسن السيرة

كل سنة وكل واحد أعرفه أو معرفوش سعيد في حياته ومتمتع بالصحة والعافية

[ahmed-elsoghayar]

‏كنت براجع حاجة على التليفون وبالصدفة جت عيني على قائمة الأسماء والأرقام وشوفت أسماء ناس كانوا في يوم من الأيام أقرب ليا من غيرهم.. شريط من الحنين مر بسرعة قصاد عيني ورجعني سنين ورا..

افتكرت تفاصيل كتيرة حركت المشاعر واللي مستحيل وقتها كنت اعتقد إننا بعد فترة هيبقى كل حد فينا في مكان.. والنهاردة؟.. مشيوا، واختفوا، ومعرفش عنهم حاجة، ومش مهتم

ولإن الإنسان مننا في الغالب بيحب ييجي على نفسه ويحملها هي ذنب نهاية العلاقات من باب تأنيب الذات وجلدها؛ قررت ماقعش في الفخ وسألت نفسي أسئلة جاوبت عليها بمنتهى الحياد.. العِشرة؟.. كنت مراعيها لآخر لحظة.. الذكريات اللطيفة؟.. أنا اللي كنت السبب الرئيسي في كونها ذكريات حلوة مش هما.. قصرت في أى لحظة؟.. لا والله..

والدرس؟.. طبع معظم الناس إنهم متقلبين.. ردود أفعالهم غير متوقعة.. ضربات الغدر منهم طبيعية.. خذلانهم ليك شيء عادي يحصل.. خيرك ليهم وارد يتنسي.. جدعنتك معاهم ممكن تتقابل بندالة.. البشر ملوك الخذلان واللي يتعلق بقشتهم غرقان.. جنان وتقلبات الناس أمور لا تستحق شغل البال بيها..

والخلاصة؟.. الحياة قصيرة، والمعركة الحقيقية اللي تستحق وقتك وتفكيرك هي إزاى إنك تبقى النهاردة أحسن من نفسك امبارح، وبكره أحسن من نفسك النهاردة.. اللي يشتري قربك بالمواقف اشتريله الدنيا وما فيها، واللي يشوف في البُعد راحته ساعده وزود بُعدين تلاتة على بُعده 🦅

[ahmed-elsoghayar]

%95 من الناس ليها وش تاني انت مش شايفه

اشكر الظروف والمواقف اللي بتبينه

دي اكبر نعمة من ربنا عليك ومتعترضش لان دي حكمة ربنا انه يبينلك انك اد ايه مخدوع في الناس اللي قريبين منك قبل الغريب و خلي بالك من القريب قبل الغريب لانه اكتر واحد عارف كل حاجة عنك وبيستغلها ضدك للاسف

ولازم تختار كويس الدايرة المغلقة اللي هتكمل بيها حياتك بدون صراعات وبسلام نفسي و قربك من ربنا اكبر مكسب في حياتك و هو اكبر مُنجي في حياتك ومفيش احسن منه تسلم امرك ليه فسلم امرك لله وفوضه هينجيك ويحفظك

من كل شر و سوء هتتعرضله

اللهم استرنا فوق الارض وتحت الارض ويوم العرض عليك 🙏

صباحكم كله خير

و ربنا يسترها عليكم جميعاً 🙌

[ahmed-elsoghayar]

‏تركناه لله؛ من قال فينا ما ليسَ فينا، من طرحنا غيْبًا باتهام بُهتانًا وكذبًا، من ألبسنا بسوء ظنّه سوءًا وإثمًا، من أوهمته نفسه علينا فتبعها ووهمها، من أحسنّا إليه فتنكّر وهجر بضرّ، من حاك ودبّر وعابَ وأساء؛ ربُّنا ميزانك أقسط، وأمرك إليه وفيه أسبق وأخير.. حسبنا أنت، نعم المولى.

[ahmed-elsoghayar]

تقديرك واحترامك لأى شخص مش معناه إنك تقلل من نفسك لصالحه !.. لما بتدي غيرك أكبر من حجمه، بتخسر كتير من حجمك.. الأڤوره بتخلق أصنام أنانية، وبتخليك تحطهم في أماكن واسعة عليهم، وتنتظر منهم اللي هما مش قده ولا يعرفوا يستوعبوه..

الروائي "إيفان تورغينيف" قال: (عندما تشعر بخيبة أمل في شخص ما لابد أن تفهم أنه ليس سيئاً للغاية، أنت من عاملته أفضل مما يستحق، وتوقعت منه ما لم يكن قادراً عليه على الإطلاق).

Copy from تامر عبده أمين

[ahmed-elsoghayar]

‏قال ابن الجوزي، رحمه الله:

"عباد الله؛ تعاهدوا الصلاة على حبيبنا

محمد ﷺ، لأن الله تعالى

إذا أراد بعبده خيرًا

يسّر لسانه للصلاة على محمد ﷺ".

[ahmed-elsoghayar]

بصراحة أنا ما بقيتش أركّز مع الناس اللي بتغيَّر مُعاملتها معايا أو بتختفي من حياتي فجأة؛ بطلت أشغِل بالي مين إتغيَّر ومين بطّل يسأل، بقيت بدّي كُل واحد القدر اللي يستحقه، لو غبت عني مش هلومك ولو بطلت تسأل مش هزعل منّك وطبعًا مش هعاتبك، ودا مش عشان أنا شخص بياع لسمح الله ولكن من باب إن مَحدّش مغصوب على حد.

[ahmed-elsoghayar]

أنه اليوم الـ29 من شهر فبراير 2024

والوقت يقرأ انه الساعة 11:11 ودقيقة للأمنيات

يقولون انه يوم مميز لانه لا يعود الا بعد 4 سنوات

لا اعرف حقا كيف أصف وضعي الحالي، ولكن اتمنى حقا خلال هذه السنوات الاربع القادمة أن احقق جميع ما اطمح اليه او نصفهُ على الاقل.. اتمنى من الله ايضا أن يُيسر لي طريقي ويكتب لي فيه ما يرضاهُ وترضاهُ نفسي...

كان اليوم غريباً ايضاً فقد مررتَني في حُلمي هذا الصباح بدا الامر وكأنه واقع.. اتمنى احيانا ان تكول هنا واحيانا اخرى اقول ان هذا البعد افضل، افكر غالبا أننا نملك ارواحٍ متشابهه ولكن دروبٍ مختلفة، لا اعرف ايضا ان كانت طرقنا ستطوى ذات يوم ونلتقي.. أملك شعوراً غريبا تجاه ذلك.. فأنا اراكَ ولستُ القاك فرؤية العين رؤية ورؤية القلب لقاء... على اي حال اتمنى لكَ اياماً هادئة ومطمئنة تجعل اوقاتك تمضي بسهوله دون مشاكل أينما حللت وغادرت..

اشعر بمشاعر غريبة لكتابة هذا والوقت في تغير مستمر

حتى ذلك اليوم المميز اتمنى ان يكون جميع الاشخاص الذي عرفتهم بخير ويمضون حياتهم بسلام..

[ahmed-elsoghayar]

تقدر تعلم أى حد أى حاجة إلا إنك تجبره يبقى سالك، أو عنده دم، أو ذوق، أو يفهم في الأصول، أو إنه يكون محترم.. وده ليه؟

عشان مش كل الناس نفس تربيتك، ولا عندهم نفس قناعاتك، ولا ينفع تحاسبهم بناءاً على نظرتك أنت للي يصح واللي مايصحش إحنا اتربينا، بس غيرنا لأ

[ahmed-elsoghayar]

مع نهاية السنة وقبل ما تلملم الأيام اللي باقية منها خليك متأكد إن ربنا مش بيختارلك إلا الخير حتى لو ماعجبكش، وإن كل ما زاد لُطفك مع خلق الله، كل ما بيحاوطك ربنا بـ لُطفه، وإن الطيبين هما اللي بيكسبوا في النهاية مهما خسايرهم جت الأول..

شكرًا لكل واحد شاف فينا الحلو اللى ماشوفناهوش فى نفسنا، وشكرًا للي استوعبنا، واستحملنا، وسمعنا، وطيب بخاطرنا، ولكل دعوة خففت كتير، ولكل حضن صادق، ولكل ابتسامة حلوة جت في وقت صح