al-khidr

[al-khidr]

طلبت نفس القهوة .. ألـي تحبيـن

ورشفت ذكرى أحلامنــا والأمااني

وعشان أحس انك معي لين هـاللحين

حطيت فـ أقصى الطاولة .. كوب ثاني

[al-khidr]

وسامحني.. أنا وقلبي سهرنا الليل وأغتبناك

‏وتسامرنا بـ حكي واجد .. لعلّ الدمع كفاره

‏ضحكنا من مواقفنا، سكتنا شوي وعاتبناك

‏ياليت ان البداية سجنْ ما نطلع من أسواره

‏تصارحنا أنا وياه .. من اللي ما قدر ينساك !

‏وطاح القلب من عيني وأنا طايح من أنظاره

‏كتبنا لك جداريه على ضلوع الصدر تزهاك :

‏شف الدنيا بلا حسّك .. وطن يستفقد أنواره

‏تخيّل ! رغم " طعناتك " تلاقينا على ذكراك

‏يموت اللي صدق بالحب طريح وماحدٍ زاره

[al-khidr]

ما هي قضية حب موضوعي اكبر

انا مع الايام موضوع ثاني

مدري غرقت اشلون وانا على البر

وش راح مني وش بقى من اماني

لا طبت يا قلبي ولاهو غدى الشر

برضاك ولا غصب عنك تعاني

مر الزمان اللي عن الانياب كشر

ما عاد خلا للبلابل اغاني

الى متى و اوراق عمري تبعثر

بين الرحيل وبين غربة المكاني

كريم يا حزني يجي منك اكثر

بخيل يا فرحي وحظي اناني

اذا اعتزلت الناس قالوا تكبر

وذا بديت الطيب يخسر رهاني

العين مخلوقه عشان تسهر

والليل جاملها وطول عشاني

يذبل زهر واغصان عمري تكسر

تعصف بي الونه تزلزل كياني

لا بارك الله فيك يا الحظ الاقشر

اللي على ضيم الخلايق حداني

الحلم بعيوني على دمعي ابحر

غادر وخلالي عذاب المواني

هذا العمر عدى وهذا هو السفر

عن مقتل احساسي وصابت حناني

[al-khidr]

وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ ۖ وَإِن يُرِدْكَ بِخَيْرٍ فَلَا رَادَّ لِفَضْلِهِ ۚ يُصِيبُ بِهِ مَن يَشَاءُ مِنْ عِبَادِهِ ۚ وَهُوَ الْغَفُورُ الرَّحِيمُ"

[al-khidr]

يوم كنا صغار في ربوع الدار

نرسم الاذكار ورد وياسمين

عازف الاوتار لاتزيد النار في

القلوب اسرار واشوق اوحنين

[al-khidr]

‏مرني الشوق يسأل عن شعور الغياب ؟

قال خذني لها ، وان عيّت الـى طيفها ؟

حتى لو الوصل صاير مثل طرد السراب

الارض ما ملّت شتاها ، ولا صيفها

عطني يدها ، و اترك الاوهام و الارتياب

ماقدر اخليك لـ افكارك و تحريفها

ماكنت حاسب لـ غيري ياحبيبي حساب

احساسي اصدق من العالم و من زيفها

راودهم الشك هي من طين ولا سحاب ؟

من كثر ما قلت " خلوها على كيفها "

"ع ع ح ن"

[al-khidr]

‏وش ينسّيني عبق ماضي لياليك المليحه؟

‏مستحيل أنسى ، لو النسيان للإنسان عاده

[al-khidr]

أنا البيت القديم اللي تجيه وتذكر الماضي

لكن ترجع وتعيش العمر في داخله صعبه