alhasan11
شوية كراكيب
ضيف, ساعات ضيف تقيل وساعات ضيف خفيف ....لكن ديما ضيف!
4202 posts
Don't wanna be here? Send us removal request.
Last Seen Blogs
phewthatwasclose
PHEW! ... THAT WAS CLOSE
an-entire-rabbit
Kate Bush is my mom
m-lasirena
M 🧜🏼♀️
sunflowersducky
ducky
parasiticpuppy
dog w a blog
Text
"لا شعر بعد اوشفيتز"
بفتكر الجملة دي كتير للعالم تيودور ادورنو اللي شاف إن بعد اللي حصل في اوشفيتز المفروض الناس تبطل تكتب شعر وتعتزل الفن والمزيكا والسينما، لإنه ببساطة الفن اثبت عجزه عن مواجهة الواقع اللي حصل في اوشفيتز. ولو مسمعتش عن اوشفيتز فأنا محبش أكون أول شخص يحكيلك عن اللي حصل هناك، بس يكفيك تعرف إنه كان معسكر اعتقال نازي في بولندا حصل فيه كل الشر والفظاعات اللي ممكن تتخيل الانسان يعملها في اخوه الانسان، شر خالص من أجل الشر نفسه، أذى من أجل الأذى نفسه، بالنسبة لمفكرين كتير اوشفيتز أثبت إن مفيش حدود للشر في البشر، معتقدش إننا شهدنا في التاريخ وقائع أبشع من كده.
كان فيه نكتة ملحده شوية بتوصف اللي حصل في اوشفيتز، بتحكي عن اتنين يهود من اللي اتعذبوا في اوشفيتز قاعدين في الجنة بيحكوا لبعض اللي حصلهم، واحد فيهم قال للتاني نكتة عن حاجة هناك والاتنين قعدوا يضحكوا، وهما بيضحكوا الرب كان معدي من جنبهم وسمع صوت الضحك، قرب وسألهم يقولوله النكتة، فردوا عليه وقالوله: مش هتفهمها، انت مكنتش هناك!
بمعنى إن الرب لو كان موجود هناك فعلا مكنش سمح بكل ده يحصل .. بالمناسبة دي النكتة المفضلة للكوميديان ريكي جيرفيه، فيه فيديو له وهو بيحكيها لجيري ساينفيلد، وساينفيلد بيقعد ساعة إلا تلت عشان يستوعبها.
المهم إن الزمن اثبت إن كلام ادورنو كان غلط، والشعر اتكتب بعد اوشفيتز عادي والفن استمر رغم كل الفظاعات اللي خلت الفنانيين يفقدوا ايمانهم في تأثير الفن، بالعكس كمان ده أنا وانا بحكيلك عن اوشفيتز لخصتها في نكتة. وده بيفكرني بمقولة الاديب التشيلي انطونيو سكارميتا في روايته اللي بحبها "ساعي بريد نيرودا" عن إن الأدب (او الفن بشكل عام) هو طريقتنا الوحيدة في هضم الواقع، الواقع بيجي مرة واحده على دماغنا وعشان نفهمه ونستوعبه ونتعلم منه، لازم فن، لازم أدب، لازم شعر، لازم نكتب ونبروسيس مشاعرنا تجاه اللي بنكتبه ونعرف نحطله تسمية ونحيطه بإطار خيالي.
54 notes
·
View notes
Text
نحتاج إلى الهزيمة كي نغادر أماكننا الآمنة..
حسام مصطفى إبراهيم
259 notes
·
View notes
Text
كلنا فينا حاجة من الشيخ حسني في الكيت كات
عارفين نقطة ضعفنا كويس ومصرين نعاند ونرازي فيها
انت بتستعماني يا هرم ؟!!
26 notes
·
View notes
Text
في العادة بيعتبر المؤرخ المعاصر للأحداث هو المصدر الأقوى والأصح ليها
والفكرة هنا إنك بتاخد المعلومة من إنسان عاشها بنفسه مش سمعها ولا اتنقلت له
لكن
هل ده فعلا يخليه مصدر قوي ؟…. وألا العكس !
الإنسان إللي عاصر الحدث وانفعل بيه وعاش مشاعر الناس في وقتها من خوف وفرح وغضب .. هيقدر يحكي إللي حصل زي ما حصل ؟
وألا هيحكي إللي قلبه حسه وعينه شافته وإللي عقله صورله إنه الحقيقة
7 notes
·
View notes
Text
والسنين بتعد .. ربنا يرحمك يارب
4 سنين وداليا غايبة .. والمكان هنا من غير ونسه
ربنا يعلم إنت قد إيه مفتقدة
21 notes
·
View notes
Text
عمرك ما هترتاح يا كريم وإنت عايز تعرف كل حاجة وتجيب آخرها .. ساعات إللي بنعرفه بيجيب آخرنا إحنا
في كل أسبوع يوم جمعة
19 notes
·
View notes
Note
ببعتلك كل السلامات والأمنيات براحة البال والقلب يا حسن :))
يومك حلو يا أنون :)))🌸🌸🌸🌸
2 notes
·
View notes
Text
الدي جا فو بتستهبل معايا و تكة كمان وهنوصل لمرحلة أحمد حلمي في 1000 مبروك
8 notes
·
View notes
Note
تتصرف ازاي لو حد قريب منك جدا مش بس صاحبك حد من دمك العلاقة ما بينكم قوية جدا وفيها ود فجاة تحولت الي جفاء شديد وصل الي حد التجنب وعدم الكلام وابعادك عنه بشدة الي حد استخدام الوقاحه لفترة طويله وصبرت وحاولت تقدر انه بيمر بمشكله الي ان نفذ الصبر وبدأت تبعد يجي ويقولك معلش انا كنت بمر بمشكله مش لاته عايز يقول كده لان في ناس حاولت تعرف تغير العلاقه بينا وخاصة منه بس تصرفاته كلها بتقول اللي بينا هيكون كلام عادي سطحي ومعامله عاديه لاتتجاوز اي كلام عن حاجه تخصه وفيما معناه عمرنا ما هنرجع زي الاول
صباح الخير يا أنون
خد بالك يا أنون إنك بتتكلم من زاوية واحدة للموضوع .. انت شايف بعينك بس، ومتعرفش إيه ممكن يكون شكل الصورة كلها والحوار من الزاوية التانية شكله عامل إزاي
أظن إنت محتاج تتكلم كتير مع الانسان ده يا أنون .. محتاج تتكلم معاه ومحتاج تقوله إنك محتاج تتكلم معاه
ومش لازم أبدا الكلام يمشي في مسار معين أو عن تفاصيل معينة .. انتوا محتاجين استرسال يخلي كل واحد قادر يحس عين التاني شايفة إيه.. وكل واحد يكون صريح مع نفسه ومفيش أي داعي يقبل بمكان مش مريح ليه
7 notes
·
View notes
Text
عندي اعتقاد راسخ إن لولا الشيشة إللي كانت في إيد محمد علي باشا مكنش قدر يحقق نص إنجازاته إللي قلب بيها الدنيا دي
وفي العموم قعدة الشيشة الحلوة بتخلي دماغك تكسر حواجز عدم الممكن ، بتتجلى قدامك الأشياء في شكلها البسيط اللذيذ وتلاقي الحاجات سهلة وبسيطة والأفكار جايالك من الااااااخر خالص .. من بعد حد الجنون بمحطتين كده
بتخيل محمد علي باشا وهو راكن ضهره كده وقاعد على الأرض وقدامه شيشته الجميلة ودماغه سرحانة في المماليك .. وبعدين يا علوة .. أسحب إقطاعاتهم واحدة واحدة كده طيب ؟ .. وألا أكلم السلطان العثماني يساعدني في الحوار ده ؟ .. أشوف الأزهر ؟
مممممم .. وفجأة يبتسم ابتسامة لحظة التجلي 😁.. أنا هعزمهم كلهم عالغدا
بتخيله في مشهد تاني والسلطان العثماني مش عايز يديله ولايات سوريا .. وبرده ماسك الشيشة وسرحان .. هتعمل إيه يا علوة .. هتعمل إيييييه ؟
أكلم فرنسا وانجلترا ؟ .. طب أوضب رشوة حلوة كده للسلطان ؟ .. وألا أهاجم الشام وآخدها بالعافية ؟
وفجأة يبتسم نفس ابتسامة التجلي الحلوة .. طب ما أنا أغرق الأسطول العثماني كله واحتل تركيا نفسها 😁🤤
الفكرة كلها تقدر تشوفها في مسلسل جبل الحلال مع الرائع محمود عبد العزيز (أبو هيبة)
وهو قاعد ماسك شيشته وسرحان في مشكلة بنت مراته الصغيرة إللي المدرس بتاعها بيتحرش بيها في الفصل .. وفجأة نلاقي أبو هيبة بيضحك الضحكة النابعة من وسط دخان الشيشة الجميل لما بيتجلى قدامه الحل البسيط الجذري 😁
إحنا هناخد الرجالة ونروح للمدرس الفصل نقطعله العضو الذكري
It’s that simple
17 notes
·
View notes