almsamr

[almsamr]

أشرق سنا شمس الغلا عقب تغريب 

وطاب الزمان وطاب جرحٍ عطيبي 

ألفٍ هلا.. وألفٍ غلا.. وألف ترحيب 

مع كثرها لك بالغلا يا حبيبي 

لوّي مريضٍ كل ما شفتك أطيب 

يوم انك لوجدان روحي قريبي 

انت الحبيب اللي منزّه عن العيب 

وانت الذي تقرا من الهم غيبي 

ما ودي إني عنك يالغالي أغيب 

وما ودي انك عن عيوني تغيبي 

يا عيوني الثنتين هاتي وباجيب 

لك بالهوى والحب حقٍ مصي

[almsamr]

وشلون أمِّلْ بالوصل وأرجي بخيل 

والبخل في شرع الهوى راس ماله 

نور القمر غطّى على الجدي وسهيل 

هذا وتو اليوم عاشر هلاله 

إن اكتمل في صورته جاني الويل 

من زاعمه بالزين قرَّرْ هباله 

شفته وشفت عيون سودٍ مظاليل 

وهامت عيوني في بهاه ودلاله 

لا واعذابي من هموم المقابيل 

إمّا تحقق في حياتي وصاله 

ومالي عليه اليوم قوّه ولا حيل 

لاشك ابعلن بالوفاء والغل

[almsamr]

أنسني قلبي الجبار صد ونسى 

ما جرى له بحبك وانشغل بالجديد 

راح وقتٍ أردد به ياليت وعسى 

جعل هاك الليالي بيننا ما تعيد 

لا تحاول لمن هو صد عنك وقسى 

خالي الود مثلك ودك إنه بعيد 

يا هلا بالهموم ويا هلا بالأسى 

يومها حققت لي كل ما كنت أريد 

يحسبني أفكر فيه صبح ومسا 

ما درى قلبي الشفاف عود حديد 

مركبي في مراسيه الجديدة رسى 

وبالغرام اهتنينا والمحبة تزيد 

[almsamr]

يا هاجسي مع طيفها لا تغامر 

البعد همه جور والشوق فتاك 

ما شفتني مع قصة الحب سامر 

في دفتر احلامي على كيفي أقراك 

يا بهجة ايامي على عمري آمر 

عسى الاوامر كلها من فداياك 

يوم الوصل في تالي الوقت ضامر 

اسباب والاسباب ما ظن تخفاك 

قصر الغلا لك في خفا الروح عامر 

حدايقه تزهر بها احلام دنياك 

زينك لزين اللي بهالكون قامر 

[almsamr]

رك أصدق من الشمس باكر 

من فجرها تظهر ولو دونها غيم 

نسيت وإلا عن غلا العام ذاكر 

نفحات حبك لي سلامٍ وتسليم 

وعينٍ بها شوقك من الحب ساكر 

أنا وفرحي في غلاها مظاليم 

كنك مع النسيان لاهي وفاكر 

تفز لي يا صاحبي فزة الريم 

قصر الغلا في عاليات المواكر 

وأشواقنا في حفل عيده معازيم 

تسها العيون اللي بها الشوق ماكر 

ثم أن تعلمني على الحب تعليم

[almsamr]

لو انها مره تتقيت عنها 

لكنها مره ومره ومرات 

مزاعمٍ ما ينصرف بي ثمنها 

مجرد التفكير يا هل المروات 

شرهة محبٍ ما تفارق وطنها 

في خاطري تكبر ولا به مراوات 

غلطة محبٍ بالصداقه دفنها 

يبني من الغفله قصور ومقامات 

ان كان تبغى عز نفسك فصنها 

ومن طاح قدامك فقل له سلامات 

وصيةٍ وصى بها من ضمنها 

وصيةٍ يدرك بها الحي ما فات

[almsamr]

تضحك لك الايام بالكبر والزود 

ولا حسبت حساب سود الليالي 

ما تدري انك بين وارد ومارود 

وتطلق عنان المخطيه ما تبالي 

وبعض الكلام هبال وعقال منقود 

يفرح به الشامت على كل حالي 

ومن رام عز النفس يصبر على الكود 

ليت أوّ لات الوقت مثل التوالي 

بيض السوالف لا يجي ردها سود 

اقضب مقام ٍ طول الايام عالي 

كم واحدٍ من جاير الجور ملهود 

يضحك وكنه من عنا الوقت خال

[almsamr]

آه من حبك اللي في مهب الظنون 

كل ما قلت زان الجو ثوّر عجاج 

بين روحي وبيني والنظر والعيون 

عرشك الصدر ولحافك سواد الحجاج 

لو منتب على سر المحبه تمون 

ما دخلت الفؤاد ولا سكنت المزاج 

كل من قال أحبك قلت له من تكون 

حب غيري ترى مالك بحبي خرا

[almsamr]

يا زين عبرات الموادع تحييك

تهديك في حزن المفارق سلامي 

يا ليتني قبل الموادع محاكيك

مفضي عليك اسرار لوعة غرامي 

فارقتني و القلب متولعٍ فيك 

عسى ماهيب إفراق ياسٍ دوامي 

يامزيّن الدنيا بشوفك وطاريك 

لولاك كان الكون كله ظلامي 

أقفيت واقفى الطرف خجلاٍ  يراعيك 

يوم انقفل في القلب باب الكلامي