amrelnagar286 - Tumblr blog

amrelnagar286 · 6 months ago

Text

🔴 هل فعلا الصيدلة مهنة مهددة؟ ↙️

تعالوا نتعرف على تطورات الذكاء الصناعي وأثرها علينا كصيادلة 👻

بما انه الموضوع بثير جدل كبير كل ما ينفتح، حبيت أوضح شوية مفاهيم عن تطور الذكاء الصناعي والأتمتة في قطاعنا، وتأثيرها على مهنتنا في الأردن والعالم 🙆🏻‍♂️

خلونا نحكي عن الموضوع بشوية بعلم ومنطق بدل السخرية والمغالطات، ونشوف شو بنقدر نستفيد منه 🤔

الموضوع مش خيال علمي وبنفس الوقت مش تهديد مباشر، بس جزء من تطور عالمي صار وبنشوف تأثيراته بكل القطاعات، من ضمنها قطاعنا 🤷🏻‍♂️

رح نحكي بصراحة وموضوعية، بعيداً عن العاطفة والانفعال 🚶🏻‍♂️

=====

كثير منّا أعرب عن مخاوفه انه الذكاء الصناعي والأتمتة ممكن تهدد مهنة الصيدلة في المستقبل، بل البعض اعتبرها "خيال علمي" أو مجرد "مزحة" ورفض فكرة انه الروبوتات ممكن تحل محل الصيادلة في بعض الحالات 💁🏻‍♂️

بس الواقع بحكي إنه التطورات التكنولوجية هائلة، والتقنيات الجديدة باختلافها مش بس بتقدر تشتغل بدور البيع في الصيدلية، بل بتساهم في تحسين طرق صرف الأدوية، ومتابعة الأعراض الجانبية، وتقديم النصائح الصحية بطريقة أكثر دقة وكفاءة، خلونا نحكيها بطريقة أوضح شوي؟

=====

0️⃣ شو يعني ذكاء صناعي وأتمتة وروبوتات أصلا؟

🧠 الذكاء الصناعي

هو عقل إلكتروني، بيقدر يفكر ويتعلم زي البشر

يعني مثل لما تسأل سيري أو أليكسا عن الطقس�� أو تطلب من جوجل يترجم جملة

بيحلل المعلومات وبيعطيك إجابة ذكية

🦾 الأتمتة

هي لما تخلي الآلات تشتغل لحالها بدل ما أنت تسوي الشغل بإيدك

مثلاً: المكنسة الكهربائية اللي بتشتغل لحالها وبتكنس البيت بدون ما تمسكها

🦿 الروبوتات

هي آلات بتشتغل لحالها وبتنفذ شغل معين

في روبوت بسيط زي المكنسة الآلية، وفي روبوتات متطورة زي اللي بتشتغل في مصانع وبتجمع سيارات أو حتى بتصرف أدوية

📌 كيف بيشتغلوا مع بعض؟

- الذكاء الصناعي هو العقل اللي بياخذ القرارات 🧠

- الأتمتة هي اليدين اللي بتشتغل لحالها 🦾

- الروبوتات هي الجسم اللي بيعمل الشغل 🦿

تخيل، في صيدلية 💊

- الذكاء الصناعي بيقرر الدوا اللي لازم ينصرف حسب الوصفة 🧠

- الأتمتة بتتحكم بالأجهزة اللي بتجيب الدوا من الرفوف 🦾

- الروبوت بيحط الدوا بالكيس وبيجهزه للمريض 🦿

----------

1️⃣ تطور الذكاء الصناعي والروبوتات في سوق الرعاية الصحية

سوق الذكاء الاصطناعي في الرعاية الصحية ارتفعت قيمة الاستثمار العالمية فيه من 1.1 مليار دولار في 2016 لـ 25.64 مليار في 2023 🥱

ومتوقع يوصل لـ520 مليار دولار بسنة 2030 ↗

متخيلين زيادة الاستثمار قديش؟ 👀

الذكاء الصناعي اليوم مش عبارة عن "روبوت ببيع دوا" أو "بياخد الطلبات" من زوار الصيدلية، لا

هاي التقنيات صارت متقدمة لدرجة انه بقدر يتعامل مع البيانات الضخمة ويتعلم كأنه طفل صغير أو متدرب معك بالصيدلية، بما في ذلك اللهجات المحلية (يعني اللهجة العامية لأي دولة) وطلبات الأدوية المعقدة (المباشرة وغير المباشرة، البسيطة والمركبة) وغيرها كثير أشياء ..

هاي الأنظمة المتطورة بتقدر تفسر الأدوية الموصوفة حتى لو كانت مكتوبة أو شفهية، باللهجة المحلية أو الفصحى، عربية أو انجليزية، مكتوبة أو مطبوعة بخط كمبيوتر أو بخط اليد ..

يعني لما واحد ييجيك عالصيدلية يطلب "دوا الأرنب" أو "حبتين أحمر وأسود"، الذكاء الصناعي رح يتعرف على هاي المصطلحات بسهولة ويتفاعل معها ويقترح الوصفة الأنسب بناءً على قاعدة بيانات ضخمة مخزّن فيها كل الأدوية والتفاعلات بين هاي الأدوية والأعراض الجانبية الها والدراسات اللي عليها واسم كل دوا الشعبي (العامي) والعلمي والعربي والأجنبي .. وغيرها كثير معلومات ثانية ..

كيف؟ ببساطة:

- خوارزميات الذكاء الصناعي بتقدر تحلل النصوص المعقدة، بما في ذلك الكلام الشعبي واللهجات العامية والكلمات الدارجة والخط اليدوي

- بتقدر تعمل عملية تنبؤ بالتفاعلات الدوائية والأعراض الجانبية قبل ما يتم صرف الدوا أصلا = ما بتصرف أدوية بتتعارض مع بعضها

- بتتعامل مع المريض بشكل مريح وبتضمن انه ياخد أفضل استشارة دوائية مفصلة ومكتوبة ومشروحة حتى بفيديوهات مولّدة خصيصا لكل حالة مرضية (بعض نماذج الذكاء الصناعي بتقدر تعملله فيديو باللهجة الأردنية باسمه وسنه وتفاصيل التاريخ المرضي للمريض وأسماء أدويته وتعليمات أخذ كل دواء بالتفصيل ونصائح كمان ) ..

شو صار بالعالم؟ 🌍

- في 20% من المؤسسات الصحية بالعالم اليوم بتستخدم مبادرات أولية للذكاء الاصطناعي، و25% ثانيين في مرحلة التجربة (يعني 45% كمجموع مبلشين بطريق الذكاء الصناعي)

- في مستشفيات كثيرة بأمريكا واليابان وألمانيا صارت تستخدم روبوتات لصرف الأدوية بدقة 99.9%

- مستشفى Cleveland Clinic استخدمت روبوتات لصرف الأدوية وقللت الأخطاء بنسبة 70%

- صيدليات Walgreens في أمريكا استخدمت نظام Central Fill لتجهيز الوصفات المتكررة آلياً

- نظام PillPack من Amazon بصرف ويغلف الأدوية آلياً حسب مواعيد الجرعات

- بمستشفى "University of California, San Francisco"، عندهم نظام روبوت بيجهز الجرعات بدقة 100%، ومع هيك، كل وصفة لازم تتأكد من صيدلاني بشري قبل ما توصل للمريض

- أنظمة زي "Pyxis MedStation" أو "Omnicell"، بتجهز جرعات الأدوية وتوثقها إلكترونياً بس الصيدلاني هو اللي بيتأكد من الوصفات، وبحل المشاكل، وبيعطي الإرشادات

- نظام الوصفات الإلكترونية صار واقع في دول كثيرة

- في برامج ذكاء اصطناعي بتقدر تحلل التفاعلات الدوائية بثواني

----------

2️⃣شو معناها للصيدلاني؟

الروبوتات والأتمتة مش بالضرورة تهدد الصيدلي، بل ممكن تكون فرصة النا لرفع مستوى الكفاءة وتقليل الأخطاء البشرية، وهون بعض الفوائد الك كصيدلاني:

- بتقلل الأخطاء البشرية: الروبوتات بتصرف الأدوية بدقة أكبر = تقليل احتمالية حصول أخطاء بشرية ( اللي ممكن تصير بسبب الإهمال أو التعب )

- بتحسّن الخدمة: بتعطي معلومات طبية دقيقة وسريعة الك كمقدم رعاية طبية وللمرضى عن الأدوية والأمراض = بترفع مستوى الخدمة في الصيدلية كجودة وسرعة ودقة

- بتسرّع الشغل: خدمة عدد أكبر من الزوار بوقت أقل كثير من التعامل العادي = توفير الوقت الباقي للصيدلي للتركيز على المهام الأهم، والأكثر تعقيدا (اللي ما بنفع حدا غير الصيدلي يعملها)

----------

3️⃣ ليش ما نخاف على شغلنا؟

الصيدلي مش مجرد "بياع دوا"، احنا كصيادلة:

- بنفهم لهجة الناس وثقافتهم بطريقة ممتازة ولحظية، ما بدنا وسيط عشان نفهم الناس (بس بدنا تدريب كويس للتعامل معهم بطريقة صحيحة)

- بنقدم استشارات صحية شاملة (لأنه الصيدلاني مفروض يكون متقن لهاي المهارات بحكم دراسته)

- بنتعامل مع حالات طارئة بتحتاج حكمة وخبرة (ممكن ما يكون الذكاء الصناعي ناضج كفاية لياخد قرار مكانك بالتصرف بحالة طوارئ ولا إسعاف مريض)

- عندنا قدرة على التواصل الإنساني والتعاطف وقراءة لغة جسد المريض، الروبوت حتى الآن ما بعملها بدقة

----------

🔴 الروبوتات في الصيدليات: فرص وتحديات

4️⃣ مخاوف صيدلانية

الخوف من انه الروبوتات ممكن تحل محلك كصيدلاني خوف طبيعي جدا ومبرر، خصوصاً في ظل التقدم السريع جدا جدا للتكنولوجيا، حرفيا كل يوم في جديد بهاد المجال 🔥

لكن الحقيقة انه الذكاء الصناعي لن يحل محل الصيدلي تماماً، لكن هيساعده يأدي عمله بشكل أفضل 🙆🏻‍♂️

أهم المخاوف بتتمثل بعبارات شائعة من كلامنا مثل:

- "الروبوت مش رح يعرف إذا المريض بحاجة لمشورة إضافية ولا هيفهم لغة جسد المريض"

- "الروبوت مش رح يفهم كيف يحكي مع المريض إذا كان عنده مشكلة نفسية مع الدوا أو مشكلته مش عضوية"

- "الروبوت مش رح يعرض الخصومات أو يتعامل مع الحالات المالية بطريقة سريعة وعشوائية زي البشر"

كل هاي المخاوف صحيح انه التكنولوجيا مش حتقدر تحلها 100% لكن ممكن للذكاء الصناعي يساهم في توفير الوقت والموارد منها = عشان يسمح للصيدلي يركز على تقديم النصائح المخصصة اللي بحتاجها المريض ويشتغل شغله المتخصص 🚶🏻‍♂️

----------

5️⃣ الفرص المستقبلية للصيادلة في ظل هاي التغيرات

على عكس ظن الأغلبية، مهنة زي الصيدلة في ظل التكنولوجيا اللي بتتطور كل يوم رح تكون مليانة فرص:

- الاتصال البشري: مريض عنده خوف أو شكوك مش رح يثق بآلة، وهون دور الصيدلاني ما زال قوي

- الاستشارات الدوائية المتخصصة والرعاية الشخصية: مع تزايد استخدام الذكاء الصناعي في الأمور الروتينية، هيظل في طلب كبير على الصيادلة المتخصصين اللي عندهم خبرة عميقة ومتخصصة بكل المجالات ( التخصص ثم التخصص ثم التخصص هو عنوان المراحل القادمة )

- التطور التكنولوجي في الصيدلة: هيكون مطلوب صيادلة عندهم مهارات في فهم وتطبيق والتعامل مع التكنولوجيا مثل الروبوتات والذكاء الصناعي في الصيدليات (وهاي أعظم فرصة للصيادلة الجداد بصيدليات المجتمع)

- إدارة العلاج الدوائي (Medication Therapy Management) + Patient-centred care: الذكاء الصناعي بقدر يساعد، بس الصيدلاني هو اللي بيبني خطة علاجية بناءً على حالة المريض

- البحث والتطوير الدوائي

- الصيدلاني السريري Clinical Pharmacist رح يصير أهم من الشخص اللي "واقف يتناول الدوا من الرف ويبيعه" = أما الصيدلي اللي فاهم شو بعمل ومتمرس فيه وفاهمه رح يكون صعب الاستغناء عنه بسهولة

- دور الاستشاري في العلاج الشخصي Personalized Medicine هيبدأ بالانتشار أكثر

- التركيز على الرعاية الصحية المتكاملة مش بس صرف الدوا هيكون عنوان المرحلة وأساس عمل الصيدلاني

- الطلب على Pharmacogenomics (علم الصيدلة الجينية) رح يزيد 200% بحلول 2030

- فرص في شركات التقنية الصحية اللي بتم إنشاءها ونموها سريع جدا جدا

- هتنتشر وظائف جديدة في: تحليل البيانات الصحية، إدارة الأنظمة الذكية، الصيدلة الرقمية، المعلوماتية الصحية

----------

6️⃣ كيف نستعد؟ شو لازم نسوي؟ 📚

- نتعلم التكنولوجيا بدل ما نخاف منها

نوسع مجالات عملنا:

- نركز على المهارات اللي ما بيقدر الروبوت يعملها

- خدمات استشارية متخصصة

- رعاية ��حية وقائية

- تثقيف صحي مجتمعي

- نطور مهاراتنا بالتعامل مع التقنيات الحديثة، الكمبيوتر، البرامج المكتبية، Excel وأدوات تحليل البيانات، التمثيلات والرسومات البيانية (تحليل البيانات بشكل بسيط)

- نبحث ونتعلم عن مجالات مثل: Precision Medicine, Digital Health, Patient-centred care

- نفهم تطبيقات AI في الصيدلة والرعاية الصحية = نفهم الذكاء الاصطناعي ونستخدمه لمصلحتنا

----------

7️⃣ حقائق علمية موثقة 📊

- 30% من مهام الصيدلي الروتينية ممكن تتأتمت = يصير يعملها برنامج أو نموذج ذكاء صناعي أو روبوت 🤏🏻

- 70% من شغل الصيدلي بيعتمد على مهارات إنسانية وتحليلية ما بيقدر الروبوت يعملها 👻

- الطلب على الصيادلة المتخصصين بيزيد سنوياً ↗ (وحط ألف خط تحت كلمة متخصصين) 💡

- 50% من وقت الصيدلاني كان يروح على المهام الإدارية، مع AI صار 67% من الوقت للتعامل مع المرضى ⏳

90% من المستشفيات الكبرى عم تخطط لاستثمار في AI خلال السنتين الجاي 💸

---------

الخلاصة 🤏🏻

- بمناطق متقدمة زي أمريكا وأوروبا، الأتمتة صارت فعالة بالمستشفيات أو الصيدليات الكبرى عشان تريح الصيدلاني من المهام الروتينية، مش عشان تلغيه

- الصيدلي دوره صار "استشاري"، يركز على التداخلات الدوائية وإرشاد المرضى ومهام متخصصة أكثر

- بمجتمعاتنا، في تواصل يومي مباشر مع الناس، الروبوت لسه مش قادر يفهم العامية الأردنية، ولا يتعامل مع أم العبد اللي بتسأل عن "خمس حبات أحمر وأسود" ولا "المرهم اللي عليه واحد بركض" 😁

- مهنتنا مش رح تنقرض، رح تتغير وتتطور

- بدل الهجوم أو التهكم، لازم نركز على تطوير مهاراتنا وفهم كيف نستخدم التكنولوجيا لصالحنا

- الصيدلاني اللي رح ينجح ويكمل = هو اللي بجمع بين المعرفة الدوائية والتقنية والمهارات الإنسانية (ويدمجهم مع الخبرة)

- الصيدلي الناجح هو اللي بيتطور مع التغيير وبيستغل التكنولوجيا لينمو شخصيا ومهنيا، ويخدم مرضاه بشكل أفضل

- الذكاء الصناعي مش عدو، هو أداة لازم نتعلم كيف نستخدمها عشان نكون أقوى

- الصيدلاني مش "بياع"، بل مستشار طبي وإنساني، التكنولوجيا بتدعمنا بس ما بتلغي دورنا، وإذا ما طورنا حالنا وفتحنا عقولنا، المستقبل رح يكون علينا، مش النا ..

----------

ملاحظة: بتلاقوا بالكومنتات روابط لفيديوهات وصور ومقالات وأبحاث لكل كلمة حكينا عنها 🙆🏻‍♂️

بنشجع اللي عنده تجربة أو معلومات إضافية يشاركونا اياها🙏

شو رأيكم؟ هييجي يوم من الأيام نشوف بالصيدليات روبوت ربداوي بحكي "هاظ آني جيتك خيّو"؟ 😁

�� المصادر 🔗

1️⃣ Artificial Intelligence (AI) in Healthcare Market Size, Share, Growth, Trends and Forecasts 2024-2031

https://www.theinsightpartners.com/reports/artificial-intelligence-ai-in-healthcare-market

2️⃣ فرص وتحديات.. كيف أحدث الذكاء الاصطناعي ثورة كبرى في الرعاية الصحية؟

https://futureuae.com/ar/Mainpage/Item/9591/

3️⃣ KFSHRC Centre for Healthcare Intelligence Leads the Transformation

https://www.kfshrc.edu.sa/ar/news/2024/09/kfshrc-centre-for-healthcare-intelligence-leads-the-transformation-towards

4️⃣ What is AI in Healthcare? - Oracle Insights

https://www.oracle.com/eg-ar/artificial-intelligence/what-is-ai/ai-in-healthcare/

5️⃣ مؤتمر السلامة الدوائية يوصي باستخدام تكنولوجيا حديثة لصرف الأدوية

https://www.aletihad.ae/article/41312/2011/

6️⃣ Growing Number of Patients Benefit from Robotic-Assisted Surgery in the UAE

https://www.clevelandclinicabudhabi.ae/ar-ae/media-center/news/

7️⃣ Retail Pharmacy Automation Trends 2024

https://www.retailwatchers.com/viewtopic.php?t=3116

8️⃣ Walgreens Central Fill Program to Go National

https://www.drugtopics.com/view/walgreens-central-fill-program-go-national

9️⃣ How Amazon's PillPack is Making Healthcare Smarter

https://www.bundl.com/articles/examples-amazons-pillpack-smarter-pharmacy

1️⃣0️⃣ Amazon Buys PillPack for $1 Billion

https://www.mcphs.edu/news/amazon-buys-pillpack-for-$1-billion

1️⃣1️⃣ Pharmaceutical Robots Market Analysis Report 2024

https://www.imarcgroup.com/report/ar/pharmaceutical-robots-market

1️⃣2️⃣ Industrial Robotics Market Report 2024-2029

https://www.mordorintelligence.com/ar/industry-reports/industrial-robotics-market

1️⃣3️⃣ Healthcare Assistive Robot Market Analysis

https://www.gminsights.com/ar/industry-analysis/healthcare-assistive-robot-market

1️⃣4️⃣ Medicaroid Corporation - Healthcare Robotics

https://www.medicaroid.com/en/

1️⃣5️⃣ Tan Tock Seng Hospital - Healthcare Technology Innovation

https://www.healthtechalpha.com/corporate/tan-tock-seng-hospital

1️⃣6️⃣ ScriptPro Pharmacy Automation Solutions

https://scriptpro.com/

1️⃣7️⃣ NowRx - Same Day Prescription Delivery

https://nowrx.com

1️⃣8️⃣ Capsule - Digital Pharmacy Services

https://www.capsule.com

1️⃣9️⃣ Why Did Amazon Really Acquire PillPack?

https://www.aha.org/aha-center-health-innovation-market-scan/2019-05-21-why-did-amazon-really-acquire-pillpack

2️⃣0️⃣ Amazon Pharmacy with PillPack Service

https://pharmacy.amazon.com/pillpack

2️⃣1️⃣ PillPack's First Digital Payer Partnership

https://www.healthcaredive.com/news/amazons-pillpack-inks-1st-digital-pact-with-payer-in-bcbs-massachusetts/568821/

2️⃣2️⃣ How Does Amazon Pharmacy Work?

https://www.aboutamazon.com/news/retail/how-does-amazon-pharmacy-work

2️⃣3️⃣ Amazon's PillPack Acquisition - NYT Analysis

https://www.nytimes.com/2018/06/28/business/dealbook/amazon-buying-pillpack-as-it-moves-into-pharmacies.html

2️⃣4️⃣ Automation and Jobs in Healthcare

https://diginsights.com/resources/automation-and-jobs/

2️⃣5️⃣ Impact of Automation on Pharmacy Practice

https://pmc.ncbi.nlm.nih.gov/articles/PMC9525046/

2️⃣6️⃣ Latest Trends in Healthcare Automation

https://www.sciencedirect.com/science/article/pii/S2667276624000696

2️⃣7️⃣ Digital Transformation in Pharmacy Practice

https://www.mdpi.com/2226-4787/12/5/155

2️⃣8️⃣ Future of Work in Healthcare

https://www.mckinsey.com/featured-insights/future-of-work/jobs-lost-jobs-gained-what-the-future-of-work-will-mean-for-jobs-skills-and-wages

2️⃣9️⃣ Pharmacist Employment Statistics 2024

https://www.bls.gov/ooh/healthcare/pharmacists.htm#tab-2

3️⃣0️⃣ Healthcare AI Implementation Strategies

https://www.fiercehealthcare.com/tech/healthcare-executives-want-ai-adoption-to-ramp-up-here-s-5-areas-they-plan-to-focus-future

3️⃣1️⃣ Digital Transformation in Health Systems

https://www.mckinsey.com/industries/healthcare/our-insights/digital-transformation-health-systems-investment-priorities

3️⃣2️⃣ Hospital AI Strategy Implementation

https://www.healthcaredive.com/news/vast-majority-of-hospitals-say-they-have-an-ai-strategy-up-from-just-half/596412/

3️⃣3️⃣ AI Applications in Healthcare 2024

https://vinbrain.net/artificial-intelligence-ai-in-healthcare-applications-of-2024

3️⃣4️⃣ UCSF Robotic Pharmacy Innovation

https://www.ucsf.edu/news/2011/03/98776/new-ucsf-robotic-pharmacy-aims-improve-patient-safety

3️⃣5️⃣ UCSF Automated Pharmacy Award

https://www.ucsf.edu/news/2011/11/98467/ucsf-automated-pharmacy-wins-2011-popular-science-best-whats-new-award

3️⃣6️⃣ Robotic Pharmacist Performance Analysis

https://www.zdnet.com/article/robotic-pharmacist-fills-350000-doses-of-medication-without-mistakes/

#pharmacy #ai #صيدلة #ذكاء اصطناعي #robots #artificial intelligence

3 notes · View notes