cgpnm

[cgpnm]

"أردت ان اخبرك

بأن

قلبي يؤلمني

وأن حديثي عالق

في حلقي

وأن الأيام أصبحت

ثقليةً علي

ولكني تذكرت أن قلبي

هان عليك

وأن حزني لم يعد

يسبب لك حزناً

وأن يومك بدوني يمر

دون أي قلق

فلماذا أنا هنا؟"

[cgpnm]

8،أكتوبر

من مننا ماعنده تاريخ معين يعني له شي كبير مو مهم ايش كان شعورك بهالوقت لكن تحسه تاريخ كبيررر على قلبك تحس تبي ترجع لهتاريخ

[cgpnm]

الصدق اني معبره فاشله بس احب القصائد بشكل جنوني لأحساسي انها تعبر بما نشعر

[cgpnm]

وإنما هنا تفريغ للكلام اللذي يسكن بداخلي من كلام غريب او قصائد تعبر عن الحال او تفريغ كلام بليغ يخرج من اعماق القلب

[cgpnm]

لك عاشقٍ لو حداه الوقت ما دنق

لو إن عوقه جفاك وراحته قربك

واللي خلق لك عيون سود ومعنق

إني على كثر ما أبعد عنك أحبك

[cgpnm]

ولأنك علي يا مليك الروح حسبة ملك

أعاهدك ب الغلا والشوق واللي يلي

السمع والطاعه العميا وحتى هلك

أحبهم كلهم لـ أجلك كنهم هلي

[cgpnm]

عرفت إن الحياة مصارعه واكتئاب

وإني مودعٍ ولالي غير ربي نصير

ومن لاتزهب من التقوى لنفسه زهاب

لا مات وش حجته يوم النهار الكبير

فالموقف اللي مافيه مجادله وانسحاب

منهوله هاك النهار يشيب راس الغرير

لكن إليا اعترف إبن ادم واعترف ثم تاب

الله يغفر الذنوب وينصر المستجير

[cgpnm]

فاحت الريح للقلب الحزين

وسرتبه واستعادة عليه الذكريات

القديمة قلت حلمآ لبس جفن العيون

وغفتبه وأثرها قصتآ بين المحاني مقيمه

[cgpnm]

توصيني على الكتمان و تبغى حٌبنا ما يبان وتنساني

[cgpnm]

انا البارحة ليلي قضيته على مركاي

اسامر نجوم الليل واسري بمسراها

سبايب هجوسٍ ذاك رايح وهذا جاي

هجوسٍ عسى ربي يعجل بفرقاها

[cgpnm]

ولا ادري وش يخيفك ياحبيبي

وأنا بك مغرمٍ جاك متعني

ولو أنك تلاحظ شفت عيني

وهي تروي حديث الحب عني

تعال اسقيك من جدول غرامي

شرابٍ فيه للعشاق تهنى

واهيم بك بسماوات المحبة

ألين إنك بعد مثلي تغني

[cgpnm]

لو لمست الوجد بي ولعتني

وأهتديت بنور قلبي وأفتداك

لو نظرت بعين قلبك شفتني

مامعي مخلوق يستاهل غلاك

ليتك .. من الحب ما خوفتني

كان أعيش الفين عمرٍ في رجاك

ياقليل الحظ لو رغبتني

كان أخجل كل بدرٍ من ضياك

[cgpnm]

الحب واجد مير الاقدار صلفه

‏والأرض واجد لكن الحلم منفى

‏واللي اعرفه راح ماعاد اعرفه

‏ولاظن يذكرني الى أقبلت مقفي

‏ماهو حبيبي مورد القلب حتفه

‏ولا هو حبيبي يفرح بوقت ضعفي

[cgpnm]

لاتقول لي وش نوحك

‏ويزداد كيّي

‏قل ها.. وش وقعك وكل جرح أداويه

‏و أقول قل لبيه لي

‏لا تعيّي

‏وتقول وش لبيه؟ فيها مشاريه

‏لي لهجة في ظلمة الحكي.. ضيّي

‏حكي ماهو حكيي أنا

‏وش أبي فيه

‏لبيـه جتنا و أختفت بعد حيي

‏و أنا ما أبدل بعد حيي بـ لبيه

[cgpnm]

‏"عزيزتي الحياة، أرجو مراعاتي.. إنني أواجه هذه الهجمات وحدي وليس من البطولة أن تكدسي كل هذه الهموم دفعةً واحدة، حاربيني بشرف"

[cgpnm]

طواري الشوق كنها في شراييني 

‏خيلٍ تلافح بدون أرسان و آعنّه 

‏تطّري علي ذكرياتٍ بينه و بيني 

‏كنها تسولف معي نيابةٍ عنه

‏و طيفٍ من يساري و طيفٍ من يميني 

‏ذا أعرف من كنّه و ذا أعرف من كنه

‏و النوم كم له يعرض ما يحاكيني 

‏لو كان حتى السلام اللي على السنه..

[cgpnm]

كبرت ماني بصاحبك الأولي ذاك

راح الحماس اللي تبي وإندفاعه

أول لامنك أزعلتني طحت لرضاك

لأني مُحب وفالمحبه طماعه

وذلحين أحبك لكن أعرف سواياك

ودتني الخبره حدود القناعه