comandos1m - Tumblr blog

[comandos1m]

قريبا بامر الله (at الإسماعيليه - ismailia) https://www.instagram.com/p/B4pl2UsBhBU/?igshid=1ex0nnvkw9i1c

[comandos1m]

فرصه عظيمه والله .. فرصه نضيفه جدا https://www.instagram.com/p/B21_397F5-2/?igshid=1eb4lmvpxkj0c

[comandos1m]

Shazam تشيرت شزام " حلاوه " (at Ismailia) https://www.instagram.com/p/B1tovFNFeZP/?igshid=gkypxecousv9

[comandos1m]

#كتاب_شزام Tb .. @mohamedarabyy (at الاسماعليه) https://www.instagram.com/p/B1ts6fFFGuG/?igshid=250oj0nyi7qm

[comandos1m]

وسلاما الي ذلك الركن البعيد " علي قديمو " الذي امتزجت فيه رائحه القهوه بالكلمات 😘 (at 3ala 2ademo) https://www.instagram.com/p/B1rC0kVFfP6/?igshid=1mjpkcvjj09yp

[comandos1m]

رب اوزعني ان اشكر نعمتك التي انعمت علي وعلي والدي (at Shazam The Kiosk / كشك شزام) https://www.instagram.com/p/B1bp6bhhQLO/?igshid=gou2wwa9r0ub

[comandos1m]

Web Building Starter Pack. Html Css and JQuery Animations ☞ http://learnstartup.net/p/Hko4COQNe

#developer #coder #programmer HJkeOduNTiV

[comandos1m]

Avengers: Infinity War (2018)

[comandos1m]

Avengers: Infinity War (2018) x  The 40-Year-Old Virgin (2005)

[comandos1m]

غريب #روايه .. الحلقه الخامسه #لماذا

غريب #روايه .. الحلقه الخامسه #لماذا

ليه انا بكتب .. دا سؤال كوني خلاني اقف شويه مع نفسي لحد ما رجعت اكتب السطور دي .. وهل الي بكتبه يستحق ولا دي مبالغه مني

اكتشفت اني بكتب علشان مقدرتش في يوم من الايام اواجه الناس واصحابي واهلي بحقيقه مشاعري

عارف لما تكون كل حاجه بتوجعك .. لا حرفيا كل كلمه كل فعل .. كل نفس بيوجعك في الشارع او البيت علي القهوه مع الي تعرفهم

وكان مفيش غيرك في الكون او انك متوصل بكل خليه حيه في كل مكان .. كل حاجه بتتعبك وعايز تصرخ مش عارف تطلع صوت

دا خلاني تقريبا

مبقتش اعرف اكون كويس الا ساعه ما اكتب .. الكتابه اله زمن بتخليني اخترق الزمان والمكان

تايه في الماضي واربطه بالحاضر وابص علي المستقبل .. اصرخ بعلو صوتي من غير ما حد يسمعني او ينتقدني .. اهرب حتي من نفسي

ومش عارف هل دا مرض نفسي .. في الحاله دي الكتابه هي الطبيب ..

" ليه يا اهلي سموني غريب .. هل كان عارف اني هحس الاحساس دا ولا دا نصيبي من اسمي "

" تمتم بها غريب وهو يسترجع في خياله مشاهد مختلفه من حياته .. مع اصدقائه .. مع اهله و مع حبيبته "

[comandos1m]

غريب #روايه الحلقه الرابعه #لكل_نصيب_من_اسمه

غريب #روايه الحلقه الرابعه #لكل_نصيب_من_اسمه

لكل نصيب من اسمه .. وبما ان اسمي غريب فانا غربتي بدات بدري .. لما وقفت علي شباك التنسيق للجامعه

كنت طالب متفوق طول حياتي لكن في الثانويه حصلي مشكله

لكن محدش قالي ان الفتره بتاعت الثانويه العامه لازم تبقي معسكر مغلق وانعزل عن العالم لدرجه ناس مبترحش المدرسه

كنت فاكر الموضوع زي اي سنه واني بتعلم وانح والحوار سهل مطلعش كدا

لما وقفت علي الشباك وبعد ما كان ادامي تجاره او اداب واخترت اداب بمحض ارادتي اكتشفت اني ناقصلي نص درجه للقبول في قسم اللغه الانجليزيه و درجه للقبول في اللغه العربيه ودرجه علي قسم اعلام

كمان اكتشفت ان مفيش معيار واضح لقسم اعلام انت بتجمع عدد درجات اللغه العربيه والانجليزيه و اللغه التانيه فرنساوي او الماني

وساعتها سالت الموظف سؤال وجودي امال ليه الترشيح جالي لكليه الاداب في الجامعه

عرفت ساعتها ان فيه اقسام محدش مقبل عليها زي علم النفس والفلسفه ودخلت فلسفه بدونهدف واضح وجاهدت علشان استفيد حاجه من الي بيتقال

والحقيقه انك في مصر مبتستفدش اي حاجه بالفلسفه واخرك تشتغل مدرس

كانت اول مره احس ان احلامي بتضيع وان مفيش هدف للتعليم وانها عمليه ميكانكيه بحته

لما تبص هتلاقي مفيش حد بيدرس حاجه عايزها والدراسه ملهاش مجال شغل و بتحتاج كميه من الكورسات علشان تتاهل تشتغل وظيفه عاديه بمرتب اقل كتير من العادي

اما انا فاشتغلت في الصحافه واتعلمت بما ان تخصصي قريب قوي .. وقولت هشتغل علشان اوصل مشاكل الناس

" ينهي غريب ارتداء ملابسه و يهم بفتح باب مسكنه للخروج الي الشارع ثم يغلقه وكانه قد اغلق تلك الصفحه من حياته "

[comandos1m]

غريب #روايه .. الحلقه الثالثه #من_هنا

غريب #روايه .. الحلقه الثالثه #من_هنا

غريب قوي احساس الحب دا .. مبيتهزمش .. مبيروحش ولو عدت مليون سنه .. رغم كدا المصريين لقيوا طريقه يتحكموا بيها فيه

الجيل الي كنت بتكلم عنه خلف وجاب جيل تاني .. وعلشان دي الحاجه الوحيده الي كان له قرار فيها حبوا ولادهم قوي .. وبالفلوس الي جمعوها حاولوا يعلموهم لما ظهر الكمبيوتر والموبايل اشتروا لاولادهم وبعدها ظهرت المدارس الخاصه و بعدها المدارس الانترناشيونال وهاكذا

بمعني اخر الجيل كله استثمروا في اولادهم .. في مقابل الفخر الي هيجنوه لما الولاد دول ينجحوا

بقيت تسمع فلان دا اهله كبروه وصرفوا عليه .. وكان دا مش هو المفروض وانك بتجيب اولاد علشان ترميهم ومفيش واجبات عليك تجاههم .. ولو حصل للاستثمار دا حاجه هتبقي كارثه تهدم البيت

بطريقه او اخري رغم اعتلال النوايا و رغم التشوهات تدفق المعلومات وفتح نافذه علي العالم تسبب في حب لاكتساب وعي اكبر او انبهار بتقدم العالم في الطرف الاخر من الكوكب،

ومع ثوره الاتصالات وظهور الانترنت تدفقت المعلومات ..

لكن كل حاجه ليها حسنات ليها اضرار جانبيه .. الافكار الي جايه من بره مش كلها علي مقاسك وفيها كتير بيخبط بشكل مباشر معتقدات اساسيه .. حتي الدين لان الناس كانت وخداه نقل مش فهم وتعمق بدات تظهر مفاهيم غريبه وتشوهات ليه وبما ان نسبه الجهل كبيره في المجتمع والتشوهات النفسيه ظهرت بقي فيه مشكله

هنا المجتمع ادامه حاجتين اما انه ينغلق ويتقوقع واما انه ينفتح بدون تفكير ..

الوضع معقد صراع بين انك تتجمد و انك تفتح الباب علي اخره .. وصراع بين انك تسيطر وتكرر الكبت الي حصلك وانك تسيب ولادك احرار .. ومفيش مسطره تقيس عليها و نسبه جهل عاليه

واقع زي دا لا يمكن يرسملهم مستقبل سعيد .. مستقبلهم الي مش سعيد لا يمكن يرسم الا حاضرنا المشوه

عارف اني مش حد مهم علشان انظر .. وان قعدتي علي الرصيف وبحلقتي في وشوش خلق الله متدنيش الحق احكم عليهم ..

بس اذا كنت هحكي حكايتي فلازم اناقش المواضيع دي ولازم تسمعني علشان تفهمني

" يقف غريب بتثاقل معتدلا من جلسته علي الرصيف .. ثم ينفض الغبار عن بنطاله ويمشي مبتعدا حتي يتلاشي في الطريق الطويل "

[comandos1m]

غريب #روايه .. الحلقه الثانيه #اصل_الحكايه

غريب #روايه .. الحلقه الثانيه #اصل_الحكايه

" يجلس غريب في الطرف البعيد من احد المقاهي، متفقدا هاتفه ليقوم بتشغيل احد الاغاني القديمه ثم يفتح اجندته ويهم بالكتابه "

لو عايز احكي .. يبقي لازم ابداء من الاول و في راي اول الحكايه لازم يكون في التسعينات

لو حبينا نحط عنوان كبير للفتره دي معتقدش اني هلاقي افضل من اغنيه " عمر دياب " .. رجعت من السفر

الفتره دي كانت مصر خارجه من حرب ومع نهايه التمنينات بقي الحل الوحيد للبطاله وانك تتجوز حبيبتك وتفتح بيت هو السفر وبدل وفي محاوله بائسه لتقليل الغربه .. اتجه الناس لدول الخليج خاصه بعد التصالح

ووالدي ابراهيم درويش كان من دول الي علشان يقدر يتجوز حبيبته اتغرب .. وبعد 4 سنين في الكويت رجع .. لكن المفاجئه حبييبته كانت اتجوزت

واحد جاهز معاه فلوس .. لو فكرت في الموضوع هتلاقيه منطقي ازاي ناس تنتظر ومفيش وسائل تواصل .. ولا تليفون ولا انترنت .. مفيش غير جوابات وبس

الي حصل اتكرر مع معظم الشباب الي سافر .. مش ابويا بس .. وفي سعيه انه يعمل بيت بعد ما بقي عنده فلوس دور علي واحده يتجوزها واكيد كانت حبيبه واحد تاني

وهنا يجي سؤال وجودي تاني .. ايه الي يحصل لما جيل بحاله يتجوز لمجرد الجواز لو كل شاب اتجوز حبيبه واحد تاني .. لو البيوت اتاسست من غير حب ؟؟!!

تقدر تتخيل جيل رجاله وسيدات قلوبهم مكسوره وعيزين يعرفوا يتاقلموا ويعيشوا بس ..

" يستند غريب الي مقعده .. ويركز مع كلمات الاغنيه .. رجعت من السفر .. فتحت الباب لقيت ورقه وكلمه وداع .. ثم يعود ليكمل الكتابه "

اعتقد ان من هنا جت امثال الراجل ميعيبوش الا جيبه و خد الي يحبك مش الي تحبه و الكلام عن النصيب وكل الافكار دي

بمجرد ما وصل الناس لمنتصف التسعينات .. كان المجتمع كله افكاره اتغيرت دا غير ان الاختلاط بالخليج خلي الناس تقلد حاجات كتير منهم .. زي ان الحجاب معدش مكفي لازم نقاب و ان الشكل اهم بكتير من المضمون

لكن شيئ واحد كان كويس في الفتره دي رغم ان الدافع مكنش صحيح وهو ان الاباء استثمروا في اولادهم كلهم عشان عايز ابنه يحقق الي هو محققهوش

الحلم كان لازم الولد يبقي ظابط و البنت تبقي دكتوره لو باظت قوي يبقي يطلع مهندس المهم يحقق الي اهاليهم محققهوش

ومن الوقت دا بقت كل الناس اولويتها مش تكوين عيله بل الشبكه والمهر و الطقم المدهب والصيني و بنت خالتها مش احسن منها .. من هنا بدا الاهالي يكسروا احلام اولادهم ويحرموهم من الحب

والحجه هي محنا عايشين اهو من غير حب .. بنامن مستقبلكم .. لكن دي كانت جريمه و انتقام خفي بشع

ثم حدثت الثوره الرقميه

" يضع غريب القلم و يتناول فنجان القهوه الذي قدم اليه منذ قليل يرتشفه رشفه تلو الاخري .. محدقا الي البعيد وكلمات الاغنيه تتردد .. مشتاق لعيون حبيبي .. كنت فاكرها ملاك لكن طلعت بشر "

[comandos1m]

غريب #روايه .. الحلقه الاولي #انا

غريب #روايه .. الحلقه الاولي #انا

اسمي غريب ابراهيم عندي 24 سنه .. خريج اداب قسم فلسفه مش عارف دخلتها ازاي ولا ليه هبقي احكيلكم الحكايه دي بعدين

دلوقتي الساعه 12:30 بليل .. بدئنا في يوم جديد .. وطبعا وحان الان موعدنا مع فقره الاسئله الوجوديه الجميله .. ودي تعتبر فقره ثابته يوميا

وسؤال انهردا .. ليه مفيش مسلسلات ولا قصص وتقريبا روايات كمان باسماء ولاد .. ليه كلها اسامي زي " سمرا و جميله و نور وهاكذا "

في الاوقات الي زي دي ومع الاسئله دي بحب اقعد واكتب الي بفكر فيه في " البلوج " بتاعتي وجنبي فنجان قهوه رغم اني مكنتش بشربها لحد من كام شهر

الكتابه شيئ مهم للتواصل لولا الفراعنه كتبوا تاريخهم مكناش عرفنا عنهم اي حاجه مثلا

بس المره دي عايز اكتب علي ورق وبخطي .. عايز اكتب حكايتي .. حكايه غريب .. والله يطلع منها فيلم او يمكن يجي حد بعد 1000 سنه يكتشفها

" ينتقل غريب من وضع الاستلقاء علي السرير محدقا في سقف غرفته لعمل القهوه ثم يتجه الي ركن مكتبه الصغير .. مخرجا من ادراجه قلم و اجنده يفتحها ثم يبداء الكتابه "

اسمي غريب ابراهيم عندي 24 سنه .. خريج اداب قسم فلسفه مش عارف دخلتها ازاي ولا ليه هبقي احكيلكم الحكايه دي بعدين

المهم دلوقتي الساعه دلوقتي 12:30 بليل .. بدئنا في يوم جديد .. وطبعا وحان الان موعدنا مع فقره الاسئله الوجوديه الجميله ..

[comandos1m]

قصه يوم ذى قار

#قصه يوم ذى قار .. هو اول يوم تهزم فيه العرب اى قوه اعجميه وكان فى ايام #الجاهليه

فلما اراد " كسرى ان يتزوج من هند بنت الملك النعمان سيد الحيره بعدما حدثه عدى بن زيد عن جمالها ورفض النعمان لاحت الحرب فى الافق وحين التقى الجيشان اسر النعمان .. وهربت " هند " تطلب الجوار وفلم تجيرها اى قبيله بسبب سطوه ابيها وعدم حسنه جوارهم

فلما وصلت قبيله بنى شيبان .. رفضوا فانشده الشعر .. وكانت لهم شاعره معروفه يقدرونها تدعى " صفيه بنت ثعلبه الشيبانيه الملقبه بالحجيجه " فاجارتها فوافقوا

فلما جاء رسول كسرى الى قائد بنى شيبان " عمرو بن ثعلبه " وهددهم غضبوا وجهزوا الجيش وداره الدائره لبنى شيبانى " واذ بالمفاجئه " انهم لم يكونوا يقاتلوا سوى كتيبه واحده وينتظرهم 20 الف مقاتل اخر خلف الجبال

وكان الجيش يتكون الاساوره و الشهباء والدوسر من القبائل العربي المواليه لكسرى " منهم اياد و تغلب والنمر و بن قاسط " بقياده المنصور " اياس بن قيس الطائى "

وحين كادوا يتخازلوا .. انشدت الحجيجه فيهم .. فقوتهم وردوا جيش كسرى وخرجت تنشد دعم العرب على ان يصمدوا

واستطاع بنى شيبان كسر الجيش واسقاط رايتهم واغتنام فرسهم و عدتهم واجبروهم على الرجوع .. واستحدثوا اسوار وابراج للحراسه

فنزل كسرى وابنه على قياده الجيش وحاصر بنى شيبان 5 ايام واحضر الفيله وعزم على استئصالهم .. فما كان من بنى شيبان الا ان اخرجوا كل من له اهل وبقى حفنه منهم ليؤخروا الغزاه

وقبل ان يلتقى الجمعان سمع " بن ثعلبه " صوت الحجيجه تنشد الشعر .. وخلفها تدق طبول العرب .. وقد استجابت نخوه للجوار والعروبه .. منهم زُهل وحنيفه وبكر وعُجل

فما كان لعربى ان يرد جوار حره ابداً او نجده اخ رغم ما كان بينهم من تناحر .. وكسر شعر الحجيجه سيف كسرى

[comandos1m]

عن كتاب شزام .. وشويه حاجات

من امتع ما يمكن يحصل انك .. تدون وانت شغال على “ بروجيكت ما “ بتكتب كواليس الحاجات فى نفس الوقت الى انت شغال فيه .. ودا بيبقى للتاريخ حقيقى وييعمل كتب تانيه 

فى كتابى الاول “ الاسم التراس حقيقى كنت جربت الاسلوب .. الكتاب رغم انى قررت اكتبه علشان جزء من  التاريخ مييضعش دا لان الكتب او الحاجات الى اتكلمت عن حركه الالتراس المصريه كانت اما سطحيه او مغلوطه  .. لكن كان عندى هدف تانى

 .. اجرب اسلوب كتابه معينوطريقه جمع المعلومات  فى الكتاب التانى دا انا اخدت دوره مخصوص فى صحافه العمق المحليه والى كان من ضمنها مناهج البحث و

الحفر كترجمه حرفيه على المعلومات فى الكتاب بتاع شزام حاولت اجمع كل الكتب وكل كلمه وكل مصدر كان لازم اروح واضطلع عليه علشان اكتب صح .. وقررت استخدم اسلوب سردى روائى شويه مش مجرد انى برص معلومات او بكتب وخلاص .. 

حاولت اخلى الكتاب ممتع  وسط البحث اكتشفت كميه اهواء فى التدوين .. وغلطات وناس نقله كلام ناس غلط .. واهواء فى السرد التاريخى .. مبوظ تاريخ كبير لمصر كلها .. مش كدا وبس .. الكلام متنطور فى كل حته وغير منظم .. 

اسماء مدرجه ملهاش قيمه حقيقيه واسماء مهمشه ليها قيمه كبيره

عامه قريب .. جداً جداً هينزل الكتاب ان شاء الله .. واوعدكم بكتاب منقح ومرجع تاريخى هيبقى اصح حاجه اتكتبت عن الاسماعيليه .. واسلوب ممتع وشيق كمان .. رغم انى عارف ان الكتاب هيفتح حرب عليا نتيجه تكذيب بعض الروايات والكتب المنشوره    

[comandos1m]

المعجم الوجيز فى تلخيص خطاب الرئيس

بالعودة إلى الثالث عشر من أغسطس الجاري، ألقى الرئيس عبدالفتاح السيسي كلمة خلال افتتاح مجمع البتروكيماويات بالإسكندرية وا��ذي وصف بأنه أكبر مجمع بالشرق الأوسط.

جاء ملخص الكلمة عن رفع الدعم وخاصة الكهرباء وعن القرض الذي ستتحصل عليه مصر من صندوق النقد الدولي بقيمة 12 مليار دولار ضمن عدد من القروض الدولية المستهدفة الأخرى.

فيما ألقى الرئيس الضوء على سبب تدهور حال الاقتصاد المصري بدخول حروب مثل 56 و67 و73 ثم عهد الفساد والجانب السلبي للثورة الذي أثر على مصر بشكل كبير، إضافة إلى مشكله أعداد الموظفين وزيادة الأجور المرتبطة بذلك الوضع.

ونحن هنا لسنا بصدد تكذيب الرئيس أو تفنيد ما قاله بشكل اقتصادي بحت، ولكننا بصدد تفنيد فلسفة الرئيس وخطته ورؤية الدولة المصرية لأهدافها.

لعل الرئيس قد نسي أو تناسى أنه ومنذ قيام «ثوره 30 يونيو» تم رفع المعاشات العسكرية 6 مرات في كل مرة بمعدل من 5% إلى 10%.

المرات الستة كانت بقرارات مختلفة في الفترات، نوفمبر 2013 ويوليو 2014 وأغسطس 2014 وديسمبر 2014 ويونيو 2015 ومارس 2016 .

أما القضاة فحدث ولا حرج، ببحث سريع في موقع البحث العالمي الشهير «جوجل» تستطيع أن تكتشف أن بدلات ومرتبات القضاة المصريين شهدت زيادات خلال العامين الماضيين بحوالي 30 % وبين مكافآت العيد والعطلة وبدل مجهود وعدوى وغيرها من الامتيازات.

وبينما تحدث الرئيس عن ضرورة التحمل أو سياسة «شد الحزام» كما يعرفها المصريون منذ عهد الرئيس الأسبق جمال عبد الناصر في مقابل أن تنهض مصر التي أعطتهم كل ما هم فيه منذ آلاف السنين، واستطرد متحدثا عن الفترة الزمنية الطويلة التى تحتاجها العملية.

يبدو أن سيادة الرئيس لا يعلم بوجود بلدين نموذجين يسميان «البرازيل»، «وتركيا» واللتين كانتا مصنفتان من أفقر دول العالم وأقلهم دخلا للفرد ويعانيان من مشاكل تشبه مشكلة مصر إلى حد كبير.

وعلى سبيل المثال، في تجربة البرازيل بدأ الأمر مع وصول «لولا دي سيلفا» إلى سدة الحكم وقد تسلم البلاد بعدما ارتفع الدين الخارجي من 150 إلى 250 مليار دولار وارتفع الدين الداخلي بمقدار 900%، لكن «دي سلفا» وضع خطة للتقشف وإعادة تدوير رأس المال في صالح الفقراء مما ساهم في حل مشكلة أزمة الثقة, فتلقت البرازيل 200 مليار دولار دفعة واحدة باستثمارات مباشرة، ثم توجه «دي سيلفا» للتوسع في استخراج المعادن والصناعة والزراعة ودعم التصدير وتغيير سياسات الاقتراض فوصلت معدلات النمو في العام 2004 إلى 5.7%، حتى أصبح البنك الدولي مدينا للبرازيل بـ14 مليار دولار بعدما كان يرفض إقراضها، ويصل إجمالي الناتج المحلي للبرازيل 1.8 ترليون دولار، وأعلنت البرازيل عن نفسها في مرتبة تاسع أكبر اقتصاد في العالم وبدأت في تسديد ديونها.

في العام 2014 أصدر البنك الدولي وصندوق النقد الدولي قائمتان بأهم اقتصاديات العالم فاحتلت «البرازيل» المركز السابع على مستوى دول العالم وجاءت «تركيا» في المركز السادس عشر.

أما عن الحروب فيكفي ذكر اسم دولتين كمثال حي للنهوض بعد كبوة «اليابان»، الدولة الأولى التي ضُربت بقنبلة نووية أبادت الملايين، ثم تعرضت لتسونامي في العام 2011 دمر سواحل اليابان وأدى إلى وفاة 6400 شخص وفقد 10259 شخص، ثم صنفت على الرغم من ذلك كثالث أقوى اقتصاد في العالم عام 2014 بحسب قائمة صندوق النقد الدولي، حتى إن المصريين أنفسهم يلقبونها بالكوكب الشقيق لما بها من تكنولوجيا وتقدم.

أما عن ألمانيا فحدث ولا حرج، فهي دولة خرجت مهزومة في الحرب العالمية الثانية مستنفدة الموارد تماما، وتشكل النساء أغلب سكانها بعد تعرض أغلب الذكور فيها للقتل والأسر في الحرب، ثم قسمت إلى دولتين يفصلهما «جدار إسمنتي» وتم تجريف هويتها ومواردها ليسقط الجدار في 9 نوفمبر 1989، ومع بداية العام 2000 بدأت معدلات الأجور في ألمانيا بالتزايد بعد الاعتماد وتقوية الاتحادات العمالية وزيادة معدل الإنتاج لتكون ألمانيا في العام 2009 أكبر مصدر في العالم حتى حلت محلها الصين في الأعوام التالية، ليعلن صندوق النقد الدولي والبنك الدولي ألمانيا كأقوى رابع اقتصاد على مستوى العالم في العام 2014.

أما عن الزيادة السكانية فلا داعي لأن نتحدث عن دولة الصين والتي يزيد حجم سكانها عن المليار نسمة، لكنها أكبر مصدر على مستوى العالم منذ العام 2009 وثاني قوه اقتصادية عالمية بحسب تقريري البنك الدولي وصندوق النقد في العام 2014 أيضا.

وختاما سيدي الرئيس، لسنا في عالم يمكن بسهولة التلاعب بقاطنيه، فلا شيء أبسط من قدرة أي شخص في أي بقعة من أرض الله الواسعة للوصول إلى المعلومات وبلغة بسيطة وسهلة، وأنصح سيادتك بالبحث عن أي جهاز حاسوب «كومبيوتر» أو «موبايل» والدخول على شبكه الإنترنت ومنها إلى موقع «جوجل» والبدء من هناك لوضع إستراتيجية للدولة المصرية، لعل هناك خللا أصاب أجهزة الدولة، فباتت لا ترفع التقارير المناسبة لك.