daldaldiva

[daldaldiva]

MINAHAL

MRT Ortigas station,

Doon kami minsang pinagtagpo

Naging magkaibigan hanggang sa nagkaibigan

Akala ko nga ako na ang para sa kanya

Pinagtagpo lang pala kami, pero hindi itinadhana

o di ba parang kanta lang ng the juans

Matagal na din palang panahon ang lumipas

Yung akala mong dating wala ng bukas,

Mga iyak at sakit meron din palang wakas

Na isang araw gigising ka na sa puso mo'y wala ng bakas

Salamat,

Dahil sayo MINAHAL ko ang sarili ko

Nakilala ng lubusan kung sino ako

Narinig ang sinisigaw ng puso ko

Nalaman ang totoong halaga ko

Dahil sayo, nabuksan ang mga mata ko

Ang dami palang taong nakapaligid at minamahal ako

Sobrang laki pala ng mundo

Masaya palang maging malaya at makuntento.

Mahal MINAHAL kita,

Kahit kelan hindi yun mababago

Paalam, masaya kong malamang masaya ka na.

Alam ko dadating din yung araw na ako naman

Hindi ko alam kung kelan at saan

Basta nagtitiwala ako sa nag-iisang nakakaalam.

When the time is right I, the Lord will make it happen.

Isaiah 60:22

elaine.daldaldiva

[daldaldiva]

ULAP

Noong bata pa ako gustong gusto kong tumingala sa mga ulap

Bumuo ng iba't ibang muka at karakter gamit ang aking isipan

Marami nga ding kwentong napagtagpi tagpi ko pa

Habang nilalasap ang sariwang hangin sa bubungan

Kasabay din ng hangin unti-unting gumagalaw ang mga ulap

Tapos hmmmmmmm

Anu na nga ulit yung nabuong larawan at kwento sa isipan ko?

Noong panahon na yun, sobrang simple lang ng mundo para sa batang katulad ko.

Yung kahit sa isang kisap mata mawala man yung kinaliligaya ko

Na kahit may mga karakter na bigla nalang naglaho

at kahit may mga istoryang kaylangan ng matapos.

Ayos lang, kasi alam ko na may bukas pa

May panibagong umaga para sa mas magandang istorya na bubuuin ko.

Ngayong araw,

Di ko alam kung ilang taon ng nakalipas(Grabe naiiyak ako)

Tumingala ulit ako sa mga ulap,

Habang nilalasap ang sariwang hangin

Kasabay ng huni ng mga ibon sa himpapawid

Mga pangamba ko'y pinawi

Muli akong binalik sa aking pagkabata

Nakakita ng pag-asa sa mga ulap na nagsasabing

"Anak, hawakan mo ang mga kamay ko

Halika, mamahinga ka sa kanlungan ko

May panibagong umagang naghihintay,

Magtiwala ka lang sa akin meron akong napaka gandang istoryang ginawa para sayo."

Gusto ng Panginoon na ibalik ako sa "Childlike faith"

Na hindi nabibingi sa ingay ng mundo

Kung hindi nakikinig lang sa kanya at wala ng iba.

Because He is the alpha and the Omega, The beginning and the end.

Nasa kanya lang ang kapayapaang hinahanap ko.

Gaya ng mga ulap na nakikita ko,at paniguradong nakikita mo

At ang Panginoon nangungusap sakin, Yun din yung Panginoon kumakatok sa puso mo,

Hinihintay ka lang nyang lumapit sa kanya

Kahit kelan hindi ka nya iniwan.

Return, O faithless children, declares the Lord; for I am your master; I will take you, one from a city and two from a family, and I will bring you to Zion.

Jeremiah 3:14

-

elaine.daldaldiva

[daldaldiva]

Pananampalataya

Pag-asa

Pagmamahal

Panay ang tanong, "nakikinig kaba?"

"Nandyan kaba pag kinakailangan kita?"

Madalas hindi ko naririnig ang iyong tugon

Nabibingi kasi ako sa mga pangyayare ngayon,

Mas nagtutuon sa emosyon

Kesa sa pananampalataya sayo Panginoon.

Dumating na ako sa dulo ng akin kakayanan

Ginawa ng lahat para makaahon sa kalungkutan

Ngunit lunod pa din sa sariling isipan.

PAG-ASA natanaw sa bibliya

At naranasan sa piling mo Ama.

PAGMAMAHAL mo sakin andyan lang pala

Hindi nagmamaliw magmula pa nung una

Hinihintay mo lang pala akong makita at piliin ka

Upang muling ibalik ang Pananampalaya

Para makita ang Pag-asa

At maranasan ang walang hanggang Pagmamahal mo sakin Ama.

1 Corinthians 13:13 And now these three remain: faith, hope and love

[daldaldiva]

Makabagong bayani

Unang hanay,

Humaharap sa laban na parang walang malay

Nakikipaglaban na hawak ang nakakagaling na bagay

Lumalaban sa hindi nakikitang kalaban

Na parang hinahabol ang hangin para ang buhay nati'y madugtungan

Kahit mga proteksyong gamit ay kulang-kulang

Pero hawak na armas pang gamot hindi pa rin binibitawan

Dahil ang tungkulin nila'y ika'y proteksyonan,

Kahit sila ang nakapain sa labanan.

Panahon na para sila'y suklian

Mga sakripisyo'y dapat nang pahalagahan

Suportahan ang mga nasa unang hanay ng laban

Sa pamamagitan ng pag-donate upang makagawa o makabili ng proteksyon na gamit na kanilang kinakailangan.

Maliit man o malaki ay may halaga

Mga puso ang nakikita,

Pasasalamat na walang hanggan

at pagaalay ng panalangin para sa kanilang kaligtasan.

Tarang magbayanihan kaibigan.

Author: Elaine.daldaldiva

Artist: Aaron

[daldaldiva]

DILIM = LILIM

Ako'y tumingala at bahagyang nasilaw

Palubog nanaman pala ang haring araw

Mga pangamba saking puso'y pumukaw

Sa isang iglap pag-asa'y biglang pumanaw

DILIM

Natatakot ako

Teka teka di ko na mahabol ang paghinga ko

Malalalim na pagbuga ng hininga ang takbuhan ko

Gusto kong uminum ng tubig, Ngunit nanginginig ang mga kamay ko

Di ko gustong sabihin sa kahit sino ang nararamdaman ko

Ayoko ng makadagdag sa bigat ng dinadala mo

Pero seryoso na itong nararamdaman ko

San ako tatakbo? San ako lalapit?

Mga tanung sa puso't isipan ko

Sa tao ba na kasing hina ko?

O sa Panginoong pinanggagalingan ng lakas ko?

LILIM

Natagpuan sa DILIM

Sa mga oras na wala na akong kayang gawin

Nasumpungan ka doon sa dakong lihim

Naghihintay ka lang pala

Kung saan saan pa ako nagpunta

Humihingi ako ng tawad sa aking paglayo Ama

Wala naman talaga akong kayang gawin,

Maski ang takot hindi kayang sugpuin

Salamat at kinatagpo mo ulit ako sa DILIM upang maranasan ang LILIM ng iyong pag-ibig.

Author:Elaine.Daldaldiva