el7nkysh

[el7nkysh]

pure heart, dirty mind

[el7nkysh]

https://www.instagram.com/p/BVb7iEEgIEG/

[el7nkysh]

[el7nkysh]

[el7nkysh]

[el7nkysh]

فقال (جلجامش) :

(( ما أنتِ إلا مَوقد سرعان ما تخمد ناره

في البرد أنتِ باب لا ينفع في صدِّ ريح عاصفة

أنتِ قصرٌ يتحطم في داخله الأبطال

أنتِ بئر تبتلع غطاءها أنت حفنةُ قيرٍٍ تلوِّث حاملَها أنت قربةُ ماء تبلِّل صاحبها

أنت حذاء تقرص قدم منتعلها..))

مخاطباً (عشتار)

[el7nkysh]

لابد أن ليلة بعينها، كانت أهنأ ليالي حبنا الشهيد. ولابد  أننا لن نتذكرها أبدًا. إذ أنها عادة ما ستكون محصورة بين ليال كثيرة هانئة أخرى، وإن بدرجة أقل, وإذن ستتو�� ضمن تأريخنا المشترك لقصة صعود وهبوط هذا الحب. إلا أنه بمجرد أن نبدأ بالتفكير فيها، ستكون هناك. ليست هي الليلة الحقيقية ذاتها، ولكننا سنخلط ذكريات ليال كثيرة جميلة ونخلق منها ذكرى ليلة جميلة واحدة، تمثل الطموح الأقصى لما كان يمكن لهذا الحب أن يحققه. هذه الليلة الجميلة ما كانت لتوجد أبدًا لولا هزيمة الحب نفسه، إذ أنها كانت ستظل قيد التعديل إلى الأبد.وبهذا المعنى، فنحن لا نختبر حبنا في تحققه الكامل، إلا بعد انهياره المهيب.

[el7nkysh]

الجزء المهم أن مفيش شئ مهم

[el7nkysh]

عواد باع ارضه

انا ديماً حاسس انى ملي�� مكان مليش ارض مش جزء من شئ او بمعنى اصح انا و بس و انا هنا مش كبر على قد ما ممكن تترجمها وحدة .

ممكن تكون مشكلتى انى معنديش انتماء ل اى حاجة الحتة الى انا فيها بفضل منتمى ليها حتى لو معنديش احساس حقيقى ب ده "انا معاكو النهاردة بس مش بتاعكو" و اظن الموضوع ده بيخلينى انسحب من كل شئ من ابسط حاجة ممكن كلمة او نظرة متعجبنيش ،الجزء الظريف انك هتشوفنى مش بخسر بس الواقع ان الى معندوش حاجة مستحيل يخسر بس الحجات بتكون ملهاش طعم اى حاجة ملهاش طعم صديقى/تى الى قالى انو مش عاوز يتكلم معايا تانى بحس ان انا السبب فى كدة حتى لو كان هو الى عندو مشكلة و مش ذنبى بس انا مش بفهم ده ،و لما اقولو انا حاسس ان قلبى زعلان ف يرد ببرود "ما ده الطبيعى ايه الجديد" بحس قد ايه انا بقيت تقيل على النفوس ،انا اتعلمت احاسب نفسى على كل حاجة بعملها فى يومى و اشوف ايه الغلط و ايه الصح كل يوم نفس الشئ ممكن تعتبرنى شخص مسؤل او شخص فاضى ،و بمناسبة الفاضى انا بقيت من جوة فاضى خالى من المشاعر مش مهتم مش بتفاجئ مفهوم الانبساط او السعادة معرفوش ببساطة مبقاش ليه وجود و كل ما اقول احاول مع اول رد فعل من شخص عزيز اعتزل الحرب

اصل ايه هى السعادة حتى لو مجرد كونسبت ف بقى باهت و مش واضح الى هو ايه، الى ممكن

انا مش عارف انا ايه الى وصلنى لكدة و معرفش انا بس ولا انتو كمان بس انا بكلمكو من قلبى عشان ملكوش عندى غير الحتة الى بتعزكو و خايفة عليكو ولا انا غلطان

[el7nkysh]

"يَحْسَبُهُمُ ٱلْجَاهِلُ أَغْنِيَآءَ مِنَ ٱلتَّعَفُّفِ تَعْرِفُهُم بِسِيمَٰهُمْ لَا يَسْـَٔلُونَ ٱلنَّاسَ إِلْحَافًا ۗ"

المصيبة الحقيقة هى ان الناس هى الى حطت الشروط و المعايير للنجاح سواء بتأيدهم لبعضها او السكوت عنها بدافع (الفرهدة او الارهاق) لكن هل الشخص الى خلص كلية و المفروض يبتدى حياتو المهنية انو يقابل كل المعارك دى سواء فى الفلوس او انو يتجوز بدرى قبل ما يعجز ف لو انت لسة متخرج خليك عارف انك محتاج اقل حاجة سنوياً ٤٠-٥٠ الف عشان تعرف تاكول و تلبس و تروح شغلك بس.

هل ابسط حقوق المعيشة الى متحكم فيها الايادى السوداء بتكون حكر على اصحاب النفوذ و الوسايط ،انا عارف انك منهك يا صديقى لكن هم كدبو عليك فى الافلام انك لازم تكون ناجح و انك منغير نجاحك انت بدون قيمة انت مش هتكون بيل جيتس الى جى عشان انت هتفضل انت و هتكتشف ان النجاح فى الرحلة لكن تفتكر هتكون مبسوط بعد ما كل الناس مشيت عشان انت عندك هدف و حلم عاوز توصلو متخيل انك هتمدد على الكنبة بتاعت ايكيا الى انت اشترتها موديل السنة و هتكون مرتاح و تقول انا هاخود اجازة عشان اقعد مع اصحابى!!

انت هتكون لوحدك و هتمشى لوحدك و هتاكول لوحدك و هتبكى و هتفكر و كل حاجة و هتقول الناس سابونى لكن نصحيتى خليك فاكر مين الجانى و هتعرف مين الى اختار ده و لا متكونش فاكر ان الكمال و الخولد اتخلقو عشانك .

كلنا عندنا مشاكل و كلنا بنعانى انا قابلت ناس بتنجح و عندها اكتأب و الناس فرحنلها اكتر منها و هم مش عارفين.

ابوك مكدبش عليك لما قالك انو حبك لكنو كان غلطان لما قالك انك لازم تنجح و تطلع دكتور او ظابط ذى ابن اخو و فهمك ان هناك السعادة لما قالك انك منغير نجاحك انت ولا حاجة و مش عاوزك فى البيت و صدقنى مش هيكون مبسوط لما تنجح و يكون معاك المال و الهم و الاكتأب و يتصل و تكنسل عليه ما انت قلبك زعلان و مش عارف هو زعلان ليه، اهلك عاوزينك مبسوط و مرتاح و قد المسؤلية هم مش عارفين انت بتحب ايه و عاوزينك ناجح فكرين ان نجاحك فى اى حاجة هو سعادتك لكن مش الحقيقة السعادة الحقيقة فى انك تكون وسط الناس الى بتحبك سواء قرايب او اصحاب و تتكلم من قلبك و تلاقى الى يسمعك.

مس عشان ربنا خلقك شكلك او صوتك او ايدك او مخك او صحة فتنسى ان دى هدية من ربنا و تبدأ تتعالى على الى حواليك بقصد او بدون افتكر ان دى ممكن تكون هدية و نفس الوقت ابتلاء فلازم تعرف هتستخدمهم اذاى يا عزيزى عشان فى ثانية كل ده ممكن يروح منك و لو كنت منهم احمد ربنا على الى معاك و مش مع غيرك و استخدمو لمجتمعك او دايرتك الصغيرة على الاقل .

و افتكر ان فى ناس كتير حواليك محتاجين يمكن محتاجين فلوس او اكل او شغل او حد يتسندو عليه لكن فى ناس بتتكسف تطلب متعلموش انهم يشحتو عشان كرامتهم غالية عليهم مش لازم تكسره و بعدها تساعدو كل الاديان قالت انك تساعد الى حواليك و ان ده جزء من ايمانك لكن احنا الناس الى خلقنا كلمة لازم و القوانين و نسينا الفطرة و العقيدة و تمحور النجاح فى شوية ورق من ق��ن و كتان او من الحك فى الطبقة الرفيعة من المجتمعات، و جايين نشتكى من بكرة.

انت ليك قيمة و غصب عن الكل و لو ملكش قيمة دنياوية ف انت اكيد ربنا خلقك لسبب محدش عارفو ف غصب عن الكل انت ليك قيمة.

اخر كلامى خلينى اقولك انك مش كحيان يا محمد انت بس مش عارف انت معاك ايه مش مع غيرك ⁦❤️⁩

الصورة من كتاب الموتى عند المصرى القديم

و لو عاوز تعرف "فصل الاعتراف السلبي" او الصلى بتاعتهم كانو بيقولو فيها ايه هتلاقى اللينك ده

[el7nkysh]

#تقى_فين

[el7nkysh]

#سارة_فين

[el7nkysh]

[el7nkysh]

[el7nkysh]

شهقة

زمان لما كنت بتفرج على افلام رعب كنت بخاف و مش بعرف انام و فين و فين لما انسى الفيلم ف انام نومة حلوة امى تعبت فى اقناعى ان ده مش حقيقى ، ولما كبرت عرفت ان مش الرعب بس الى مش حقيقى غالباً التلفزيون مش موجود اصلاً

[el7nkysh]

ومضةالراء

فربما هى حزينة

او تحاول الوميض فأمنعها

ربما لم تكن فتاة ولكن خلقت لتكون حرة

فأنا نفس الشخص ولكن أجهل من أرسى بسفينتى فى تلك

الزاوية

فى أوقات فراغى أرى بعض الرسائل المرسلة منى لأشخاص لم يعد من رائحتهم شئ

لا يمكننى التذكر

هل كنت انا المرسل ام شخص اخر

يا الله كم هى كانت جميلة كلماتى

فى الليل تأتى

اعلم كم هى حزينة

و كيف لها ان لا تحزن فهى تحاول اللجؤء لى

و لكننى لم اعد نفس الشخص

ف أرى فراشة تغرق فى قطرة مياه

ف اهم مسرعاً لانقذها

فأرها تطير فأنظر اليها مبتسماً

و اشعر بالرضا لوجود معنى لحياتى

ولكن لا اعلم هل كانت تغرق حقاً ام تدعى ذلك

فهى لم تشكرنى حتى

فربما كانت تحاول الانتحار

و أفسدت متعتها ,فأتذكر

كمّ الحزن الموجود فى قلبى الذى لا اعلم سببه

فربما هى

لا ليس هى

فربما هم

فربما يلامس ضوء الشمس مكتبى

ولكنى اجده حزيناً بعض الشئ

فلم اشعر بالرضى لوجودى هناك

كم النجاحات التى لم يرضينى حتى الان

بعض الاحلام تنازلت عنها و لكن لا اتذكر

اين ذهب ذلك الفتى المحب للصحبة و النقاشات

اصبحت مجرداً من المشاعر

لا استطيع التفرقة بين الطعام الفاسد و الصالح

لقد انقذت فراشة

لكن لم اجد من ينقذنى

ام أنهم يدعون عدم رُؤيتى

لقد فهمت

الجميع محب و الجميع سعيد

و النجاحات الاجتماعية تتوالى

الفرق طفيف

الحب و الحرب

الراء مذنبة

و ��لجميع مثالى

ربما انا الراء

لقد تعلمت ان لا ابالى

ف اصبحت حقاً لا ابالى

و لكن حين تزورنى ليلاً

لا يمكننى ان اسمحلها ان تُميض و تلمع

تلك المشاعر التى لم تتسبب لى غير الخسارة

اصبحت الوحدة ونسى

و أصبح القلب مقبرة الاحباب

لا استطيع تحمل عبئ الكذبة بعد الان

فهى ماذلت بداخلى

كل المشاعر التى قد تجعل الارض تضئ

ولكن تتصارع داخلى

اشعر ان يجب على البحث عن شئ

لا اعلم ما هو

ربما مفتاح

قد يساعد قلبى على الضياء مجدداً

فى كل صباح اذهب للبحث

نافضاً رأسى من كل الهموم

فلا استطيع التحدث

اصبح السكوت هو كل ما لدى

تلك الشرنقة الضيقة لا استطيع تحملها

ولكنها تحمينى

تحمينى من مشاعرى

أصبحت ابتعد عن كل ما هو جميل

فربما ماذال بيدى الكثير

ولكن لا استطيع المخاطرة

وستظل تنوح المشاعر داخلى

و يمكنك رؤيتها فى عينى

فحرى بى ان اهتم بمظهرى اكثر

لقد تعلمت كيف يمكننى كى ملابسى

فطلما فعلت ذلك بوجهى

و هى ستظل هى و انا لن ابالى

و سيظل يبحث القلب عما فقد

[el7nkysh]

انا مش عارف لو اتكلمت حد هيسمع او هيهتم ولا لازم احق شعرى و حواجبى بس انا عاوز اقول الحقيقة ،مع العلم انى اتعلمت انى مقولش مشاعرى الحقيقة على السوشيال ميديا ولا افتحلكو قلبى