ilhamaldarra

[ilhamaldarra]

بادئ ذي بدء لازم نتفق انو العالم كلو مو مريح ومتعب وقاسي..

قاسي مليان فقر ظلم حقد غيرة.. مليان كتير شغلات..

بس.. أميركا غير

أميركا مُصَممة لتجرد الإنسان من كلشي.. حرفيا كلشي

بتبلش بوطنيتو "وانا هون ماعم بيع وطنيات" بس فعلا اول شي بصير مع اغلب الناس يلي بيجو لاميركا هو انو يتخلو عن هويتن الاصلية "وهون ما بقصد العرب بس"

بتكمل لتجردو مشاعرو.. بكتر الشغل وشبه انعدام الوقت ليلاقي الواحد وقت ليكون مع عيلتو مع حالو ليلاقي وقت مع حدا بحبو...

بتجردو حقو بانو يختار الناس يلي بحياتو.. لان كل الناس هون من برا هالله هالله ومن جوا يعلم الله.. كلهن أشخاص فارغين .. بهمن المظاهر .. محدثين نعمة.. عينن ديقة.. الحسد عامي ع قلوبهن.. ومع حدا بحب الخير لحدا

مارح تلاقي حدا بحب الخير الك باميركا.. ولا حدا

بتجردو مصاريه.. فواتير.. أقساط.. تاكس.. انشورنس.. ولسا القائمة تطول والواحد بيصرف وهو عم يضحك ويلعب ويضل يسأل حالو وين راحو مصاريي؟

بتجردو الأمان.. جو العيلة.. الدفا.. الراحة.. الرواق

اميركا بتحقق الأحلام صح.. بس بالمقابل بتسرق كلشي من الانسان مقابل هالحلم يلي حلم فيه ......

#بقلمي

#قابلة_للتعديل

#ilham_darra

https://www.instagram.com/p/CZ7fgHHIKavPjyL8OC2xMw2dME9DHx_NCakUB00/?utm_medium=share_sheet

[ilhamaldarra]

إنما جلّ ما نحتاج إليه هو رؤية أنفسنا بأعين من نحب.. أو بمعنى أصح بأعين من يحبوننا..

فهم قادرين على وصفنا بأجمل العبارات.. ورؤيتنا بأحلى النظرات.. بل وهم قادرين على الإيمان والتسليم لما يرون!

إن ما نحتاجه ليس أن نملك كامل معايير الجمال.. ولا أسس الكمال.. ولا حسن السلوك والتاريخ العريق والحاضر المهذّب..

إنما كلّ ما نحتاجه هو أعين شخص يحبنا نرى ذواتنا بها.. حينها فقط سوف نستطيع أن نبادل أنفسنا الحب رغم كل الحروب والطرقات الشائكة التي نسلكها..

شخص واحد مؤمن بنا كفيل بأن يهبنا ثقة الأرض ومن عليها.......

#ilham_darra

https://www.instagram.com/p/CaFize9p6Nhgxn4UY-NLAIOAG98reQQ_3X0R-M0/?utm_medium=share_sheet

[ilhamaldarra]

اي مزبوط الوقت كفيل بكلشي..

بس الوقت لحالو ما بكفي!

الوقت لحالو ما بقوي ما بنسي ما بقسي

انت لحالك يلي فيك تقوي حالك!

شو فائدة الوقت وانت اضعف من ورقة شجر؟

شو فائدة الوقت وانت مافيك تقسى وتكون حجر؟

كلشي أصلو جواك..

الوقت فعليا مافيو يعطيك شي انت ما بتملكو! بس فيو يساعدك تتمكن من الشي يلي بتملكو فعلاً

يعني الوقت ممكن يخليك اضعف متل مو ممكن يخليك اقوى

او حتى ممكن يخليك اغبا متل مو ممكن يزيد خبراتك لتكون اذكى

كلشي بايدك انت... وانت المالك الوحيد لكل القرارات وكلشي ممكن يأثر ع حياتك مو الوقت!

#ilham_darra