islam-ahmed-elazab

[islam-ahmed-elazab]

مش بعرف اجامل حد في محبتي ليه،روحي بتتقل لو حاولت اعمل ده،ف لما ابينلك انك غالي ومهم عندي ف انا ببقى قاصد ده فعلا من غير مجاملة او تصنع، انا كده كده مبيفرقش معايا حد عشان امثل محبته...

[islam-ahmed-elazab]

الست كانت بتقوله " وإن غبت احافظ على عهدك وافضل على ودى وياك "

قبلها برضه كانت قالتله " واسمع لوم العُذّال اضحك وانا المجروح "

والغيرة عندها من اللي يحبه ويصون هواه اكتر منها

واظن ان مفيش دليل على الحب اعظم من اللي اتقال ده وان رامي ماكنش ينفع يسمي الاغنية دي غير " انت الحب " ومفيش حد تاني ينفع يهملها مزيكا تقدرها زي عبد الوهاب ..

وانت الحب اللي مفيش غيره.... لو يسعدني أو يشقيني

وعمري ما اشكي من حبك.... مهما غرامك لوعني

[islam-ahmed-elazab]

البطل عايز يقول للبطلة وحشتيني عادي

الأدباء الروسيين: آهٍ يا ماشا باتريشيا، ليصب عليّ الرب جام غضبه ولتحترق غابات بطرسبرج فوق رأسي ولينصهر جليد صربيا في عروقي إن لم أكن مشتاقاً إليكِ الآن أيتها الحسناء الناعمة...

[islam-ahmed-elazab]

‏‎تنازلت من وقت مبكر عن الرغبة في شرح نفسي للعالم، وعرفت حينها أنه بوسع كل شخص أن يفترض ما يريده، أن يبصرني بالطريقة التي تناسب الظنون بداخله، مقابل أن أحتفظ لي برؤيتي، معرفتي وتقدير نفسي، لأنه وكما يعرف الجميع فإننا نعيش بعض الوقت معهم وكل الوقت معنا، وأكره أن أكره ما أكونه...

[islam-ahmed-elazab]

أحمد شفيق كامل الله يرحمه لما كتب انت عمري لأم كلثوم حط ف المقطع الأخير كوبليه فيه ٢ طن بلاغة،ملخص وافي شامل عن الفرحة والسعادة والحب وكل حاجة حلوة ممكن تتقال بين اتنين لما كتب:

صالحت بيك أيامي ..سامحت بيك الزمن .

نستني بيك آلامي.. ونسيت معاك الشجن .

[islam-ahmed-elazab]

" إيدك تكون أخشن وقلبك أرق "

_ فؤاد حداد

[islam-ahmed-elazab]

-

من أنبل ما قد يفعله الإنسان هو أن يسمو على جروحه بعدم تكرارها للآخرين.. أن تتجاوز ظلم أهلك بتربية أفضل لأطفالك، أن تكون معلمًا جيدًا ومتعاطفًا بدل تكرار التنمّر الذي تعرّضت له ممن علموك.. الخ.

كسر حلقة التجارب السيئة عبر الأجيال هو مظهر مهم على نُبل الإنسان ووعيَه بفداحة الخطأ الحاصل دون أن يهزّ ذلك من إمكانيته للعطاء، ودليل قدرته على الفعل والتغيير.

[islam-ahmed-elazab]

احنا جينا ازاي وليه؟

حكمة المشوار ده ايه؟

" أحمد فؤاد نجم "

[islam-ahmed-elazab]

بكرة الجراح تندمل،عُمر الظلام مايدوم...

" عبد الرحمن الأبنودي "

[islam-ahmed-elazab]

زعلان من ضعفي وفَتوَنتي

من يومي ونومي وشغلانتي

من معظم مخاليق العالم

من كل العالم

إلا إنتي ..

" نبيل عبدالحميد "

[islam-ahmed-elazab]

شفت في عينيكي المداين

والبيوت أم الجناين

والغيطان أم السواقي

والولاد أُمات طواقي

والشطوط أم النخيل

شباكين ع النيل عينيكي..

" عبد الرحمن الأبنودي "

[islam-ahmed-elazab]

‏وحتيجي يوم وتصدّقي

عشقي الأصيل وتحققي

حلمي الجميل وتزوقي

عمري اللي ضاع مستنظرك.

- أحمد فؤاد نجم

[islam-ahmed-elazab]

" افتحوا الأبواب لتدخل السيدة "

مقدمة اللي قاله الشاعر " مُريد البرغوثي " في حفل تأبين زوجته الكاتبة " رضوى عاشور "

مُريد وصف رضوى بالتفصيل بأكتر من حاجة بس أهمها بالنسبالي :

_ هى التى جعلت هشاشتها أسماً آخر للصلابة. هى التى علمت الديكتاتور كيف ترفض انتباهه المشبوه لقيمتها، وفى سلة مهملات واسعة قرب حذائها الصغير "نمرته خمس وثلاثون" ترمى المناصب السمينة المعروضة والألقاب الرفيعة المقترحة ودعوات الحظيرة..

_ أخرج من أقرب بوابة يائسة أيها الحزن، ودعنى أستبدل بك ابتسامتها التى تذهب حزن الرائى، فابتسامتها رأي. وموضع خطوتها رأي. وعناد قلبها رأي . وعزلتها عن ثقافة السوق رأي . ودائما جعلت رأيها معروفا موقعا بإمضائها رغم زوار الفجر وفجور طاغية يروح وطاغية يجىء ..

_ رضوى جمال رأيها ورأيها جمالها. فالمظلوم يخسر إن لم يكن فى جوهره أجمل من الظالم. وهى لم تخسر جمالها حتى وهم يؤذونها بقبحهم ولم تخسر جمالها حتى وهى على مخدتها الأخيرة ..

_ سيدة قليلة الجسد يتعبك تتبع خطاها، تهدم السور الفاصل بين الجامعة وعموم الناس، تظنها على مرتفعها الأكاديمى فتراها على أسفلت الميدان ذائبة فى تدافع التحرير العظيم والكدمات التى توجعها توجع الطاغية قبلها، تظنها فى همس القصيدة وهدأة الإيقاع، فتراها فى صرخة التاريخ الخارج توا من يد القابلة وأرحام الشوارع. وتظنها فى شوارع وسط البلد فتلقاها فى غيوم غرناطة وتظنها تجلس مع أبى جعفر تجلّد الكتب بخطوط الذهب، أو تدبر الحيل المذهلة مع مريمة، فتلقاها تأخذ بيدك إلى شاطئ الطنطورة وتقول لك ضع قلبك هنا، ودعه هنا، وارسم غدك من هنا، كى تعود إلى هنا، إلى الساحل الأول. لم يأخذها اليأس إلى وضوحه المغرى، لأنها تعلم أن الثورة لا تنتصر إلا بعد أن تستكمل كل أشكال الخيبة. ولم تمنحنا أملا كاذبا، بل دعت نفسها ودعتنا للتحمل. وتحملت. وعلى عصا المجاز وعصا خشب البلوط، واصلت السير فى طريقها الطويل، تختصره بالرفقة. والرفقة جيل أحبها وأحبته، جيل قادم بصباياه وشبابه (الحلوين كما تصفهم دئما) يصعد جبل السؤال والمساءلة، والبحث عن الحقيقة تحت كومة القش الرسمى، جبل الفضول العظيم الذى وحده يزيد العيون اتساعا والعمود الفقرى استقامة. جيل يرى أن الثوابت ما خلقت إلا لكى نرجها رجا ونهتك مها ما يستحق الهتك، حتى نعرف الفرق العظيم والقاسى بين الوراء والأمام..

_أتركوا الأبواب مفتوحة، ليخرج الحزن. ولتدخل السيدة. وقع خطاها خفيف وأكيد على هذا الدرج. إننى أسمعه يقترب. رضوى عاشور جزء مما سيصنعه هذا الجيل فى أيامه الآتية وهو جزء مما صنعته فى أيامه الماضية...

_ رضوى عاشور تركتنا بعدها لا لنبكى بل لننتصر ..

[islam-ahmed-elazab]

في ناس بنشوفها بالألوان

وناس جواها مش بيبان

وناس اسود وناس ابيض

وناس محتاجه بس امان

واكتر ناس تآمنهم

ما بيجي الجرح غير منهم

وناس انت بعيد عنهم بتنسي معاهم الاحزان

" صلاح جاهين "

[islam-ahmed-elazab]

اللغة الشامية على قد ما هي حلوة على قد ما فيها مصطلحات بتركب على بعضها متنفعش معانا احنا كمصريين ، يعني مثلا چورچ ف كلنا مجاريح هتلاقيه بيقولك وادي الايام لعبت فينا ...

احنا هنا يا استاذ چورچ مينفعش الايام تلعب فينا خالص تلعب بينا ماشي لكن تلعب فينا دي يبقى عليه العوض ...

[islam-ahmed-elazab]

اي غزل ضعيف يعتمد على عينك ورجلك وافاكي بالنسبالي مالوش اي ستين لزمة ولا يعول عليه اما الغزل الذي يصيب صميم الروح ويخترق القلب ده هو المفيد ومن بين كل غزل العالم من وجهة نظري بيفوز

ومثال على ده الخال الابنودي لما قال ل فاطمة او فاطنة زي ما بيقولها هو :

" انا ربنا جابني الدنيا من غير ورث وداني منابي فيكي "

يسكت على كده !! لاء

" ومطالب غير بس يبارك فيكي ويديني القوة في دراعيني اقدف بيكي "

يسكت !!

" اغلى عندي من الولد "

وهكذا ….

[islam-ahmed-elazab]

ساعات كتير سذاجة تصرفات اللي قدامك بيخليه يشوف تصرفك الطبيعي حاجة مش عادية و مش صح و إن المشكلة عندك مش عنده…