jagritimaybe

[jagritimaybe]

Karmo ka fal

Ek bhot hi choti kahani hai- ya kahu to ek theory hai Ek bhot bada faldaar ped tha or uske neeche khade the golu, molu or dholu khoob saare patthar haath me liye ki aaj to fal leke hi ghar jaayenge. Golu ne patthar mara, or uska nishana itna sateek ki yun fal uske haath me aagya, or wo ghar pahonch gya, jab usne fal khake dekha to fal kadwa nikla. Molu ne patthar maara or marta gya fal uske haath hi nhi aaya. Or dholu patthar maara, khoob koshish kari or end me fal use mil bhi gya par isse pehle ki wo use uthata ek hiran wo fal leke bhaag gya. Similarly, kabhi kabhi aisa hoga ki tum kitni koshish karlo, jo tum chahte ho wo tumhe nhi hi milega just like molu. Or kabhi kabhi tum koshish karke kuch haasil kar bhi loge to uski khushi tumhe nhi hogi, kyunki tum usse satisfied hi nhi hoge, tumhe lagega kaash ye fal meetha hota, tum dekhoge nhi ki tumhara nishana kitna accha tha just like golu. Phir kabhi kabhi aisa bhi hoga, ki kuch or logon ki wajah se tumhara fal tumhare haath se nikal jaayega kyunki shayad tumne dhyaan hi sirf fal pe rkha na ki process pe na ki environment pe bilkul dholu ki tarah. To success ya phir aapke karmo ka fal sirf aapke kaam karne se aapko nhi milta, aapke intentions, aapki sangat, aas paas ke environment, aapki soch kitni positive ya negative hai,aap kispe focus kar rhe ho mehnat pe ya sirf fal pe, aapki koshish se aapko milta hai. Jagriti

[jagritimaybe]

Baatein

baatein aksar toot ti hai toot kar bikharti hai bikhar kar jab bunti hain tum tak pahonchti hai tum sunte ho or sunkar kehte ho mujhse nhi shayad kisi or se wo rakhte hain badhate hain badhakar oron ko sunate hain chaar or sunte hain or meri baaton ke phir kai bhai behen bante hain. wo mujh tak jab pahonchte hain, main naak na sikodti hoon, ik choti baat ko samajhti hoon, ki tooti, bikhri, buni baatein jab tum tak pahonchti hai, or tum shayad sunte ho, dhyaan se ya bin gaur ke par main buri banti hoon bin shak ke bin aur ke. aksar koi kehta hai kuch to log kahenge, logon ka kaam hai kehna par koi nhi sunta kyunki aasan nhi hai sunna. magar sunna aasan bhi ho agar meri baatein na toote na toot kar bikhre na bikhar kar buni jaaye, sirf bekhauf, bebuniyaad, khulkar suni jaaye.