lendli

[lendli]

Üsi letschte täg ir dom rep si zeut..mir hei e millennium abe gmacht wo mitarbeiter u fründe vom millennium si cho..mir hei guet trunke u vil täzlet.

Dr gianni u i hei no hurti e riise stritt häre gleit..aber ds isch ja bi üs nüt nöis..mir heis ömu so schnäu de oh widr chönne kläre u us dr wäut schaffe. Ca. 3 Tag vor üsem flug nach Kolumbie heimer gseh, ds üse flug isch canclet worde auso heimer müesse entscheide obmer no 4 täg lenger ir dom rep blibe oder e tag früecher nach columbie flüge..schnäu ha vorauem i müesse igseh, ds wemer no 4 täg lenger ir dom rep blibe heimer de fasch ke zyt meh in columbie u drum heimer churzum klarschiff gmacht u chli e hou ruck aktion gstartet. (Für mi ischs ds gloubs scho chli schwiriger aus füre gianni gsy. I ha mi ir dom rep nämlech immer wie wohler afah füehle..)

Üsi chleider nomau aui gwäsche üs verabschide vo dene womers nonid hei gschafft, üsi chatz entgültig de nachbare abe gäh (er isch itze es Schuelbüsi u het sogar scho e fründin gfunden..i bi sehr glücklech hiemer ihm es guets deheim gfunde - i hät ne nämlech sehr gärn hei gno..weni nid no uf kolumbie wär..)

(i vermisse de chlin furz nämlech aube scho chli..)

Üse plan wär gsy, mitem outo düre tag vo cabarete nach santo domingo z’fahre, nomau i ds shopping z’gah womer bim letschte mal e starbucks stopp hei ihgleit u ner zum flughafe z'fahre u üsi nacht derte z'verbringe wüu dr flug am 6i am morgen wär gange. Aber Plän si ja da zum spontan sy. Am afang heimer no denkt mir chöi z’outo u dr flug eifach e tag früecher plane u guet isch..am Tag womer hätte müesse abe uf santo domingo fahre, heimer churz vor knapp no es mail becho, ds si momentan glich grad kenni outos hei..mir hei üs auso uf d’suechi gmacht fürnes neus outo..hets leider nur für 140.- u da heimer de glich müesse säge ds isch z’vil..Aus heimer üse plan gänderet u si ufe insel bus wo vom norde i süde fahrt..für umgrächnet 10.- pro person. Isch besser gange aus erwartet u im nachhinein simer gloubs beidi sehr froh gsy heimer nid no mit outo u so müesse organisiere. Derfür hets haut nid für id mall glängt..vom bus terminal heimer de es taxi a flughafe gno u hei derte üses wahrschindlech tüürste thai ässe syt monate gässe u e starbucks hets glücklecherwis füre gianni oh am flughafe gha.. z’restaurant isch wie über dr ahkunftshalle gsy u meh het während em ässe chönne d’lüt beobachte wo si ahcho u abgholt worde..sehr sehr spannend u berüehrend gsy..nach ere churze nacht heimer am 5i de üses gepäck chönne ufgäh u de oh scho sehr gly boarde. U so simer ids nächste abentüür kolumbie gstartet

[lendli]

2 Tag später hani dr schock de so haub verarbeitet u es nöis handy gfunde woni wett choufe u wos ir domrep git. Ungfähr 4 wyteri ischs gange bisis de würklech ha becho..es isch es Redmi Note Pro 11 +5g worde..ja i weiss i bi zu android gwächslet..u i bi nid unglücklech..chas säuber mängisch no nid ganz gloube aber i gloubs Xiaomi isch itze bi mir beliebter aus apple..

I ha ner mit mire mam u giannis mam chli es zügs gha bisi ha gmerkt, ds i mini sim charte gar nie ha hei gschickt, sondern am gianni sini..item..entschuldigung nomau für de trouble!

I dere zyt hani ke whatsapp gha..ha aber ganz lang no vo Giannis laptop us chönne uf whatsapp schribe..u gfüehlt e monet später het de e gueti fründin vo mir bi sunrise um d’aktivierig vo mim abi bätte (i ha mis handyabo zum reise lah unterbreche u us dem grund hani mi nid bi mim alte Whatsapp chönne registriere) mitti Oktober hani de oh ds gschafft u dr gianni het mis gjammer nümme müesse ahlose..Er het ds übrigens mit bravour gmacht.

(Mis neue Telefon😇)

Z’schaffe isch üs immer wie meh lästig worde u mir hei mitem nils u sire fründin chiara beschlosse ds mer si z’kolumbie träffe u no 2.5 Wuche mit ihne dür columbie reise.

Nach langem hin u här ha i de beschlosse uf afangs dezember hei z’cho u dr gianni mitem nils no chli lah wyter zieh..

U so isch üses läbe ir dom rep wyter gange. Im nöie apartment heimer de no es päärli i üsem alter kenne glernt. Si isch e 18 Jährigi Amerikanerin u er isch e 22 Jährige dominikaner vo cabarete. Mir hei üs mega guet mit ihne verstande u oh 2-3 aktivitäte mit ne unterno. Einisch simer ire Höhli ga bade wos süesswasser het gha u im verlgich zum meer chalts wasser was richtig schön isch gsy. Dr gianni isch de einisch woni e tag chrank bi gsy no mitem edwin ga bike u het ömu 4 avocados mit bracht wosi unterwegs hei gfunde.

Gäge schluss vo üsere zyt isch de doch tatsächlech no es fium team vo beautiful disaster i üsem hotel gsy u mir hei chli afah fründschaft schliesse mit es paar vo de schouspiler und er crew.

Z’Highlite vo dere Filmcrew isch gloubs gsy, ds mer sogar si ihlgade worde i 2 filmszene mit z’spile..i bi de schlussendlech nur bi eiere derbi gsy wüui e tag lenger aus dr gianni im hotel ha gschaffet u d’shoots vom film über d’nacht sy gsy.. I gloubs vil meh darfi ebe gar nid verrate..i cha nume säge meh gseht zimlech sicher einisch dr gianni u einisch mi aus barkeeper im film(abr ersch im 2. Sovils mer isch..). Dr gianni isch richtig ine flash cho u e zyt lang hani dänkt er macht itze de no e usbildig als kamera maa oder so wüus würk mega spannend isch gsy! Oh wenns nid für mi wär, chani verstah wenn mes aus magisch empfindet.

[lendli]

Mir hei natürlech während em schaffe hinger dr bar viu nöi bekanntschafte gschlosse. Unger angerem oh 1-2 nöi schlafplätz uf dere wäut derzue gwunne. U wüu de ab september d’ lowseason het gstartet, heimer 1 wuche über mi geburi ferie gha.

Die zyt heimer gnützt für d’insel chli z’erkunde. Mir hei üs es outo u für die erschte 2 nächt es hotel in las terrenas buechet. Gstartet simer am 22.9. dr morge het ahgfange mit halb gschmolznigem Kaffe/schoggichueche. Mir hei di ganzi Nacht stromusfall gha, was ja an und für sich nüt nöis isch, nume heimer dismal über 24h stromusfall gha wüus düre Hurrican fiona leitige het kaputt gmacht wome widr het müesse uf boue. So ischs oh mitem internet gsy. Die nächsti überraschig isch de ume mittag gsy, wo z’outo nid ah veribart platz isch bracht worde wüu mer nid hei verstande, ds mer z’mail müesste bestätige u ds mail kes bestätigungsmail isch gsy..

Mit ca. 2h verspätig simer doch de no los gfahre, nach dem mir d’chatz üsem nachbar hei dörfe id ferie gäh. Zrügg zum Hotel in las terrenas. Über de teil vor Insle isch dr Hurican am schlimmste drüber u meh het rächti zerstörige scho ufem wäg gseh. Üses hotel isch aber ganz süess u ganz gsy. Gfüehrt ischs vomne franzos worde dementsprechend guet isch de oh z’morge gsy.. e troum chani nur säge.

Mir hei üs i dem hotel chli wie imne private paradisli gfüehlt, wüus ca. 8 hüsli het gha mit emne doppelbett u natürlech duschi&wc. Es het ohno es grössers hus gha. Chöimer würk nur empfähle.

Dr nechst stopp wär las baleras gsy..leider het z’hotel aber die falschi adrässe ihgäh u womer derte si ahcho, het üs dr wächter gseit ds hotel sig im moment zue..de inselabschnitt het gar ke Wifi meh gha u mir hei ke sim charte mit internet gha…auso heimer nach langem internet sueche zum denen es böses SMS z’schicke. Beschlosse haut nomau 3h zrügg nach las terrenas z’fahre u üs derte es hotel z’näh für ne nacht. Zrügg in las terrenas imne angere hotel heimer de gseh, ds üs die frou het gschribe u üs dr fähler het wöue id schueh schiebe..i gloubs üses geld heimer nie zrügg b echo..sobald mer ihre nämlech gseit hei ds si die falschi adrässe het hingerleit u mir ja nid chönne wüsse, ds ds hotel nid ihres hotel sig..heimer de oh ke antwort meh becho. Mir hei üs die freie tag nid mit schlächter luune wöue verderbe u hei müesse säge, ds mer ja oh ni würklech e verlust hei erlitte..drum heimer de chli wyter für hotels googlet u ir houptstadt santo domingo es air bnb gfunde u churz um beschlosse die nächste 2 nächt no derte z’verbringe..

In santo domingo ahcho heimer z’erste mau syt langem wider mau chli es gfüehl vo grossstadt gha..imne nachglägnige park heimer üsi zyt de überbrüggt bis üses air bnb suber putzt isch worde. D’ussicht isch direkt ufs meer gsy..ohni kommentar extrem schön..dür ds isch aber z’ganze apartment wie so liecht füecht u dür z’salzwasser chläbrig/beschichtet gsy..aso churz gseit..ds air bnb het nid so e gueti bewärtig becho. Am auerleste abe het de no e Töff-gäng im dichte abeverkehr dür z’outofänster mis handy vo mire schoss klaut..ds isch de grad chli d’chrönig gsy für mi..mir si no fein u tüür ga z’nächtle u hei beschlosse am nächste morge bi zyte hei z’fahre. Vorhär hets no e stopp bim starbucks für nes pumpkinspice latte gäh. Dr starbuckd isch imne rise shopping gsy, womer uf üsere syte vor insle gar nid hei gha..u obwohls meh als ei handy lade het gäh i dem shopping..hani de nid grad sofort wöue so vil geld usgeh für irgend es nöis…mir hei beschlosse de z’ersch mau hei z’fahre u ner de für nes handy ga z’sueche..

Drum hets i dem post oh nüm so vil fotos, wüui die natürlech nümme uf mim handy ha..

[lendli]

Mir hei e Job imne guete Hotel gfunde. Dr gianni het vore ar Pool Bar mit Restaurant gschaffet, i ha im Hotel ar Lobbybar gschaffet. Es isch schwirig zum erkläre, aber mir hei nid zämme ghört u glich heimer zämme ghört.

Das wär aso einisch Pool u einisch Hotel ahsicht 😇

Zwüsche schaffe heimer auso üsi strandtäg gnosse, mängisch simer oh mitem offentleche Bus/Taxi i die nächst grösseri stadt gfahre. Je nach dem heimer zwüsche 45-90min brucht 😅 zahlt heimer für häre u zrügg um die 8.- für beidi. Spannend ischs gsy, jeh nach Zyt bisch fasch uf dr schoss vo öpperem ghocket, oder hesch no grad früsch gläsnegi trube chönne choufe. We dr Chauffeur widr mau het gäut usemne fänster gschosse, isch ds völlig normau gsy. U je nach luun hets luti musig oder kenni gäh, mängisch het meh 10x müesse halte wüu überau widr si lüt i u usgstige u mängisch hesch müesse ufpasse dser de di derte use laht wode wosch. Für i de bus z'cho het me eifach müesse ah strasserand stah u winke we dr richtig bus isch cho, wenner platz het gha, hetter dir ufglade wenn ni ischer düre gfahre. Die grosse busse wo so um die 10-15 Persone platz hei heisse guaua u d' outos wome bis zu 6 lüt het ihne quetscht heisse carito.

[lendli]

I ha ni so lang durchhaute wille zeigt bim surfe..vorauem nach dem i mir mis bei verbrönnt ha isch mer d'lust de grad schnäu vergange..

i bi lieber mitem gianni schüsch am gianni am strand ume plütteret oder schüsch öppis erkundet😅.

Gege endi vo üsem 2. Monet, womer scho fasch hei apartment gwächslet, heimer de no es baby büsi gfunde..

i ha natürlech nid chönne widerstah u has müesse hei näh..schnäu heimer gmerkt dser voller chliner fichlis isch.. drum heimer de oh am nächste morge mit ihm zum tierarzt müesse.

für 2 nächt heimer ne de i üses badzimmerschäftli verfrachtet, wüu dört chatzeklo, sowie fuetter, trinke u es bettli het platz gha. Schüüch ischer z'ersch gsy..aber ds het sech de ganz schnäu gänderet.

gly heimerne überau gha🤩 u natürlech heimer ne oh mit züglet..im moment sueche mer no es nöis deheim für ne, wüu oh wemerne gärn würde mit neh..ds geit haut de glich nid so eifach..

[lendli]

Trotz dere Verbrönnig heimer die erste 2 Wuche extrem gnosse!

Mir hei uf empfählig hin es mega feins restaurant gfunde..mir hei zersch müsse überne fledweg fahre, natürlech hets ah dem tag grägnet gha vorhär u es isch meh schlamm aus schüsch öppis gsy..naja dr weg het de irgendeinisch ghört u mir si am Meer gsy. Mir hei mitemne böötli müesse zum restaurant bracht wärde. z'restaurant säuber isch wie abtrennt gsy vomne fluss wo ids meer isch glosse u ds het eifach troumhaft usgseh.

Ds isch gloubs z'beste ässe gsy syt mer si ahcho! Früscher geits äuä chum no..🤩

Mir si ga ferni stränd erkunde u hei umeblödelet wie ganz chlini😂

Mir hei abr oh gwüsst, ds mer irgendeinisch widr mau chli sötte schaffe, nach so langem gniesse..drum heimer üs chli umeglost u de oh scho sehr sehr gly e neue job beidi gfunde.

[lendli]

Die erste Täg heimer eifach nume gnosse, mir hei e Surfgrundlektion gno u si ner für knapp 2 Wuche jede tag ga surfe.

Mir hei e Töff kouft, wüu ds eifach mit abstand am eifachste isch zum vo A nach B z'cho. Nach knapp 2 Wuche hani de gfunge, i würd itze gärn oh mau töff fahre u ha mit giannis hiuf de oh es paar kürveli chönne dräihe..i hätt mi zwar no nid strassetouglech gfüehlt, u has de oh grad bewise, i dem i dr sand ha unterschetzt u mitem töff usgrütscht bi. I ha mer mi ungerschänkel gruusig verbrönnt, aber zum glück nid töif. Dr gianni het gloubs dr schock vo sim läbe gha..

(ufem ungere isch die verbrönnti hut no drufe u e wuche später isch de ner meh oder weniger die ganzi oberi hutschicht wäg cho.)

zum glück simer ir nechi vomne resti gsy, u i bi beobachtet worde, sofort isch e ahgstellti mit Tomatesauce cho u het gseit ds hälfi. Guet weimer das doch druf tueh u da mer natürlech so abgläge wie müglech hei müesse probiere heimer de ohno e bitz müesse hei fahre. Ds wär ja no aues gange, aber es het natürlech just i dem moment afah rängne u räge ir karibik isch de auso schono mau angers auser bi üs isch. Mir si nach 2 min tropfnass gsy..aber mis scheichli het so weh tah, ds dr lieb gianni de glich no 10min zur nächste Apo isch gfahre, damiti öppis bechume zum behandle. D'verbrönnig isch nämlech glich handfläche gross gsy.. weh tah het si zwar für 3 Bei aber ds wiemer ja itze nid überdramatisiere..😅 I bi auso mitemne Bei vou tomatesauce id apo spaziert, ha nume mis bei zeigt u ner 2 ahgstellti wie bienli dervo u hei mer creme u antibiotika bracht. D'creme hani z'ersch nid wöue, si hei aber de schnäu gmeint ds sig absolut z'beste wosi hei für gege verbrönnige u d'antibiotika hani ne zum glück chönne usrede..! i ha de no chli schmärzmedis verlangt, wüui ha denkt mis bei steit in flamme..

Deheim hani usegfunde, ds es e antibiotischi creme isch u i somit im moment guet abdeckt bi oh ohni d'antibiotikas z'näh.

[lendli]

Ir dom rep simer am 2 ir nacht ahcho, endlech usem flughafe dusse, ischs so warm u so viu lüt u so luts gred überau, ds sich gar nid wie nacht het ahgfüehlt. Mir hei es Uber bstellt, wüu taxis so tüür wäre gsy. Mir hei nämlech vom flughafe us no guet 2.5h müesse fahre für zu üsem neue air b&b. Mis spanisch laht zwünsche übrig, u so hani doch de mitemne uber taxifahrer no ghändelet. Aber i meine guet 55.- für sone längi strecki heimer vermöge. Im Outo hets üs de beidi hurti gno für ne nuck. Verwirrt simer ahcho, trostlos hets usgseh..dür mis händele heimer natürlech no e bank müesse ga ufsueche, wüu mer logischer wis no ke dominikanischi pesos im portemonnaie hei gha. Dr gianni de arm het de nachere schlaflose nacht uf spanisch müesse ga geld abhäbe..aber er het dr super gmacht!

Endlech im apartment, heimer beschlosse nid au zu lang z'schlafe, damit mer grad widr chli i rhythmus chöme u voraue nid eifach e tag verprasse. Am 10 het auso scho widr e wecker glütet u üs usem bett gholt. Mir si ids nächste cafe ga z'mörgele u es isch gsie wie dr himmu uf ärde. Avocado toast, früschi smoothies, cocoswasser, erdnussbutter brötli, porridge u viles meh..u für üses budget erstuundlech günstig! nachdem, heimer üs es motoconcho gno, ds si töfftaxis u ja me cha guet u gärn z'3 uf eim hocke.. mir hei üs i nächst grösser supermarket lah stelle u hei usgibig gshoppet. i gloubs mir hei über 3'000 pesos zahlt, aber ds si umgrächnet oh 'nur' ca. 70-75.- CHF. (Die faszination hautet übrigens bis hüt ah..i meine wär verdient scho nid gärn i 2 Wuche 8'000 Pesos? ..mir tüehs eifach nid umrächne..u nei i säge nech dr wechselkurs extra nid..😂).

ds isch am strand in cabarete womer hei gwont. Hie hets extrem viu kiter u surfer unterwegs..Bädle isch ni überau glich gmüetlech gsy..

[lendli]

In Tampa heimer 1 Wuche dörfe verbringe. Mir hei üsi zyt mit dr familie oder mit em erkunde vor umgebig verbracht. Im Viertel womer hei gwohnt, hets es paar restaurants u läde gha. Usserdem het me nach kurzer skatebord oder velo fahrt de oh scho z'meer zwüsche de hüser gesh. 2x simer de oh mit dr Tochter ahds meer, knapp 30min isch ds nämlech nur entfernt gsy🤩

In Tampa heimer oh üses gimble mit abstand am meiste bruucht..u was söui säge? es isch no nid geng ganz eifach gsy..aber i zeige natürlech nur die guete😉

Oft heimer aber oh eifach nur dr pool u zyt gnosse u vorauem oh ds mer üs so wiukomme hei gfüehlt. Ds het sech wie ferie ahgfüehlt u mir wäre sehr gärn no viu viu lenger blibe..

vili ihflüss hei derzue gfüehrt, ds mer de churzerhand e flug id dom rep buechet. 😇

[lendli]

Endlech in Tampa ahcho, isch üs de dr Papi vor Familie cho abhole..

er het gmeint derte wome üs heigi abglade, sig so gfährlech, er sigi froh dser scho losgfahre isch, bevor mir hei gschribe ds mer si ahcho😅

Es het sech ehrlechgseit ni gfährlech ahgfüehlt..aber froh simer glich gsy, womer de bi ihne si ahcho u hei gseh wie schön ds si wohne🤩

die ganzi familie het üs so härzlech wiukomme, ds mer fasch träne si cho, wüus sech eifach schön het ahgfüehlt😍

mir si de aui zämme ga z'nacht ässe (natürlech BBQ, aues angere wär untypisch gsy😂) u ner no mit de kids wo i üsem alter si ga dr sunneuntergang luege - vomne parking us (mir sprachlos, ds me eifach ufs dach vomne parking cha u nüt muess zahle)

so het sech ds innerhaub vo paar minute entwicklet(i weiss es isch absolut troumhaft die ussicht) ..i bi nach dere grüslige reis sprachlos über so viu schöns u liebs gsy..u i hamer gwünscht ds mer no viuu lenger aus nur ei wuche bi ihne hätte chönne blibe..

[lendli]

Z'läbe in new york isch aber ebe scho rächt tüür..u drum heimer üs de nach guet 6 Wuche entschide wyter z'zieh. Liebi fründe vo üs hei üs de 1 Wuche lang beherbergt in Tampa Florida. Bevori aber vo dere guete Wuche cha verzeue, muessi z'ersch no üsi schlimmsti Busfahrt los wärde.

Mir hei nach langem sueche u vergliche de schlussendlech e busgsellschaft gfunde, wonis prislech nid grad die letschte haar vom chopf het gfrämmslet. D'bushaltstell isch irgendwo im nirgendwo am stadt endi im Asia viertel gsy..scho da heimer üs hurti id ouge gluegt u gwüsst ds i dene strasse e angere wind wäiht..

ganz gspannt heimer ca. 15min ufem trottoir gwartet. Dr bus isch zuchegfahre u mir hei irgendwie beidi ghofft dses nid üse isch, oh wener ni würk schlimm het usgseh..dr Chauffeur isch usgstige u die ahgstellt hei afah dr laderuum uslade..mir hei üs artig id reihe gstellt.. je lenger me im bus isch gsy, desto ender het me dörfe ihstige..

da mir leider nume es online ticket hei gha, heimer aber de z'ersch no ah schalter eis in papirform lah mache..da heimer üs de oh hurti chli id haar übercho, wüu dr gianni scho het gfragt ob mir das nid bruuche u i ha gseit nei ds heigi niene gläse ds chönn ja chum si..ir hütige welt in ny..tatsach isch..doch!

auso simer ids office u hei üs nach ca. 5 min warte de oh chönne lah bediene..z'frou u dr maa hinger dr schibe hei zwar zämme gredet u ohno telefoniert usserdem heisi ohno zuesätzlech e wyteri frou bedient..aber mir hei üses billett übercho.

zu üsem päch si aber quasi scho aui lüt dinne ghocket u mir hei eifach no ei platz näbenand gfunde..z'hingerst im bus..hinger üs isch e muetter mit 2 chind ghocket. Wo dr gianni ds het gseh hetter gloubs scho z'2. chrütz gmacht innerlech..dr bueb isch ca.3 jährig gsy..het gschroue (aso würk lut..mit chopfhörer schmerzhaft lut) u wenner ni het gschroue, de hetter entweder ade sitze grisse oder mit de füess dri kickt..

Schnäu si de da oh mini guete vorsätz u sprüch verklunge..irgendeinisch hanis gschafft chli ih z'schlafe u womer de z'erste mal nach irgendwie 2.5h fahre hei ahghalte zum tanke, hani gmerkt dsi die ganzi zyt ufere Rassierklinge bi ghocket..ds isch de dr entgültig ablöscher gsy...es isch eifach nume dräckig gsy im bus u mir hei ghofft ds die fahrt schneller verby geit aus die 30h wos het gheisse giengs bis nach tampa..

öppe 4h vorem ziel simer de doch tatsächlech no ine chlinere Bus umgstige..während dere züglete heimer aber leider ei täsche lah lige u üsi ganzi dräckwösch isch blibe lige..unterwösch chame ja nache choufe, aber wenns de um sport bh u lieblingssport hose geit wirds scho schwiriger..mini Ueboom isch oh blibe lige aber jaa..das si wahrschindlech die reise erläbniss😅🙃

itze heimer ömu e entschuldigung wemer widr mau öppis 'müesse' choufe😉

die täsche uf dr site gits its leider nüm🙂

[lendli]

Nach dem mer die schuel erfolgrich abgschlosse hei, heimer de no es paar täg es hotel mitts ir stadt gha. Ds het de schonomau angers gfägt zum aues z'erkunde..het eifach gfüehlt 3 tag duuret bis mer hei gmerkt wie fest mer ir city si😅 (Orientierigssinn isch vorhande🙃)

Das isch uf jedefau üsi ussicht usem Hotel gsy, mir hei im 24. Stock gschlafe🤩

I dene Täg heimer natülech ohno grad dr 4. of July mit erläbt, ds isch dr national fyyrtag vo Amerika..Mir hei üs mit paarne vor klass troffe wo no ir stadt si gsy u si zämme zur schuel mit dr neue klass ga grille u ner ahne ussichtspunkt in brookly zum z'füürwäk z'gseh.

dr ort isch rächt überloffe gsy u me hätt müesse ihtritt zahle, ds me füre hät dörfe..ds ischs üs de doch ni wärt gsy..(so fest heimer de glich kes perfekts foto bruucht)

z'füürwäk het me nämlech oh so perfekt gseh. z'ihdrücklechste isch gloubs eh gsy, ds immer widr flugzüg si düre gfloge u vo unger hets usgseh, wie we si direkt düre flüge..chli später heimer de ohno gseh, ds üsi vloggerin (woni i 2-3 ihträg ha erwähnt u ihri videos verlinkt), genau denn isch vo newyork gfloge u natürlech ds füürwärk vo obe het gse..uf die ussicht bini tatsächlech de fasch nidisch worde😅

[lendli]

Leider hets mer gester mi ihtrag wider glösche..itz hani grad chli motivation müesse zämmechratze, zum nomau z'gliche z'schribe🙃😁

Es paari möge sech evtl no erinnere, dsi vorem reise immer ha gseit, dsi de unbedingt no mini haar wot schnide😅 Naja gschafft hanis ebe de doch ni..u da mir so e tolle reisefüehrer vo ny hei, wo es beauty-institut empfohle wird, wo d'studente mit chli meh zytufwand eim chöi d'haar schnide heimer gfunde ds probiere mer😎 mir si gschlagnegi 2h 20min i dem Salon ghocket (nach dr schuel..i ha no nüt gässe u am schluss bini nume no hungerbös gsy🙂) es isch de halbi 9i worde bis mer us dem salon si cho, dr gianni u i hei zur gliche zyt bi verschidnige häre gah muess me gloubs no erwähne😅

da si no kei erfahrige het (ja richtig gläse, dr gianni isch ihres erste lebändige modell gsy) het dr gianni sech nur dr äcke lah sübere..si het de no chli ah de site ume gschnitte..aber da si d'schäri het bruucht het me leider absolut ke unterschid dernah gseh.

bi mir ischs vor lengi här chli es positivers erläbniss gsy, aber derfür für mini meinig sehr schlächt gschnitte weme dr fact bedenkt dser im monet druf sini abschlussprüefig het wöue mache..glich hoffi dser isch düre cho..☺️

i weiss die fotos si dr hammer beidi wunderhübsch..😇

Vom Gianni gits gar kes foto, wüus eifach so ke unterschid het gmacht..

..er isch de derfür e knappi wuche später nomau ga haar schnide, dismau bi üs im Quartier da derzue heimer de oh es foto chönne mache😅

..de Coiffeur Salon gseht doch scho nume klische super us ni?

Drum hani es paar tag später de oh grad es super foto müesse mache 😁 🤩

[lendli]

Wasi ganz vergässe ha z'verzeue, dr mäntig abe hei dr gianni u i immer e Date-Night gmacht, mitts ir stadt isch im st.Bryant park e Linwand gspannt worde u e fium zeigt worde. Jedi Wuche ischs e angere gsy. Indiana Jones, Creed u die andere näme hani vergässe..

So het de die abestimmig im Park aube usgseh😍

Da verstahni jede wo sech i die Stadt verliebt..

[lendli]

Die 3. Wuche het de ohscho bedütet, ds mer langsam müesse afah lerä für prüefige..Drinks heimer gmerkt, si scho nümme so presänt..

Dr gianni u i hei üs am nami nach dr schuel viu es cafi usgsuecht u si chli ga lerä zämme..

fairerwis muessi säge si mer hie ni ihkehrt, aber es het so super usgseh. Das heimer mau ufem schuelwäg für hei gseh..leider hets eigentlech nur alkoholischs gäh😅

Einisch heimers sogar gschafft, e ahtrag bir brooklynbridge mit z'beobachte😁 mir isch zwar bis hüt es rätsel obs e überraschig isch gsy oder doch nume es shooting..😅

Truurigerwis schaffts das programm ni mis Video ufe z'lade..naja i probieres de nomau..oh elektrogrätli sölle ihri schlächte täg ha☺️

Das Cafe mit dem oberliecht het sech schnäu zum ne favorit vo üs entwicklet..oh wemers leider chli spät ersch hei gfunde..

i gseh grad mi kaputzepulli u dänke grad wider ah die jämmerlechi cheuti i jedem gebäude..jedes vorurteil vo amerikaner u Klimaahlaag stimmt auso😩😂

we me lenger möcht amne ort dinne si egau zu welere jahreszyt e pulli derbi ha isch da mi ProTipp 😉

[lendli]

Endi 2. Schuelwuche simer natürlech es Baseball game ga luege. Dr gianni isch zwar chli entüüscht ischs Baseball gsy u ni Football..aber ds isch haut eifach ni saison gsy..🙃. Womer bim Stadion si ahcho, het dr gianni de aber glich z'gfüehl gha, er bruchi itze no irgendöppis, ds me gsächi, dser für d'newyorker isch..u het sech churzerhand no es shirt u es cap kouft..u aui wo sech itze frage..ds shirt hetter gloubs itze nume no zum sport anne...Wie me guet uf de fotos gseht, bini gloubs eini vo de wenige resistente i üsere klass blibe, wo sech kes accessoire het kouft.

Nachdem er mi mit popcorn u cola ihdeckt hett, heimer de oh z'spil chönne luege..z'erläbniss isch auso scho toll gsy! Lut üsne lehrer ischs eis vo de beste spil syt jahre gsy womer da hei gluegt(ja i meine mi😂)..ufgstande simer ömu immer widr zum de spiler zue z'chlatsche wöu si homerun um homerun hei gmacht🥳🤩. Z'endi vom spil hets de aber no in sich gha, die wo dr platz immer wider hei gsüberet u glettet während de wächsle, hei doch de tatsächlech no ymca-tanz ufgfüehrt. Ds isch mis absolute SpilHighlite gsy.

Üse lehrer het ner no vorgschlage uf de toll abe müesse mer ja no ahstosse..me muess wüsse er isch riisig de isch sicher ah die 2m. Ufjedefau, heter gseit er wüssi e gueti bar sig oh ni wyt vo hie..die ganzi stadt isch verstopft gsy u drum heimer beschlosse chli usem grösste tumult z'loufe u ner de Uber z'näh. Da z'Uber aber nach ca 10 min immer no 50 min zu üs häre hätti bruucht..heimer beschlosse aues z'loufe..ja es het sech zoge..e mitternachtsspaziergang dür d'bronx u überne gsplossnegi brügg, später simer doch de irgendeinisch ahchoo😅

Aus entschuldigung hets de immerhin shots gäh, glofe simer nämlech insegsamt über 1h😂

[lendli]

Am mittwuch vor 2. Wuche simer ar Barconvention Brooklyn gsy, ufem video gseht meh eine vo üsne liebe lehrer..

Barconvention isch eini vo de tollst de sache in ny gsy für mi. Mir hei nume bis am mittag schuel gha u si ner direkt in brooklyn id industire zone gange..derte heimer ner e uswis becho u hei somit ner eigentlech die offizielli erloubniss gha, üs z'betrinke - u das de ersch no gratis😂

Üsi einti lehrerin hets gmeint ds sigi ihri lieblings 'wyterbildigs' verahstaltig😅

so het das de gege endi vom abe usgseh..voll mit wärbeartikel vorallem caps, getränk und broschene hets gäh😉.

Das Cap muessi villicht no erwähne isch vom Dwayne Johnson 'Teremana' oder wie igs gärn lise "teremania"..die isch gloubs die schwärsti eroberig vo dem Nami/Abe gsy😎