light-intothedarkness

[light-intothedarkness]

اللهم إنا نستودعكَ أيامًا قادمة لا نعلمَ خفاياها ولكننا نعلمَ أنك سبحانك خير مدبر وخير من أُودِعت له الودائع ..

فـ اللهم اجعل القادم أجمل مما مضى ..

وأحمِنا بِحماك ..وادفع عنا واكفنا شر مانخاف ونحذر ولاتكلنا إلى أنفسنا طرفة عين ..

[light-intothedarkness]

[light-intothedarkness]

مش عارفه لحد امته المجتمع هيفضل مش بيساعد الأم انها ترجع لنفسها ويفضلوا يحاسبوها ويحسسوها بالتقصير والذنب لو عملت حاجة لنفسها مش لولادها، حتى الاهل نفسهم محتاجين يفهموا ان عشان بنتهم متنهارش لازم تعمل اللي هي بتحبه مع ان ده مش بيجي على ولادها بضرر خالص بالعكس بترجعلهم عندها طاقة كبيره ليهم وتقدر تفضل مفرفشة معاهم كده وتطلعهم مش نكديين ولا عصبيين، ورجوعها لنفسها دا مش بيقلل من احساسها بالمسؤولية اللي عليها ولا الدوشة اللي شغالة دايما جوا دماغها هو ممكن يهديها شوية بس.

[light-intothedarkness]

[light-intothedarkness]

يارب انزل علي قلبي السكينة والطمأنينة يارب لا تؤاخذني بذنبي ولا تحرمني خير ما عندك بسوء ما عندي

[light-intothedarkness]

ابديت الانستجرام الجديد اللي بيبين لايكات الناس عالريلز بجد بيخليني ادخل في حياة الناس، ومين خلفت ومين خلاص هتتجوز قريب ومين عندها مشاكل في البيت او الشغل، كل دا من غير ما اعرف اخبارهم، والغريبة فعلا حصل ان بعدها عرفت ان المعلومات دي حقيقيه عن شخص او اتنين، فا مش عارفه الموضوع ده عايز يوصل لنا ايه.

[light-intothedarkness]

مصر دي اسوء بلد في العالم والله

[light-intothedarkness]

Nothing’s the same anymore.

[light-intothedarkness]

الفتره اللي فاتت كنت حاطه حياتي عالauto pilot كنت عايزه اليوم يعدي وبس، والوقت اللي كنت بقعده عالموبايل او شاغلة نفسي بحاجة مش مفيده زاد جداً عشان كنت عايزه اعدي الوقت، وبعدين فجأة فقت لاقيت ان السنة اللي عدت دي كان فيها حجات كتير كان المفروض اركز فيها وفوتها، خشوعي كمان وتركيزي وذاكرتي التلاته كانوا ضايعين، ماكنتش بحس اي حاجة من قلبي ومكانش فيه حاجة بتفرحني، اي تفاؤل كان عندي قبل كده كان اختفى، ادراكي لمعنى الحياة نفسه اتغير بس ��لاسوء بجد كنت حاسة اني عايشة عشان اعدي ايامي بس وعشان مضطره، واسوء حاجة في الدنيا واللي خلاني اوصل للمرحلة دي هي كل الحجات اللي كانت بتلهيني او بتشغلني اني اعيش وقتي، كئني كنت الحاضر الغائب دايماً، والقلق والتفكير الزياده كانوا مسيطرين عليا بطريقة اكتر من اي وقت في حياتي، حتي بحاول افتكر تفاصيل حلوة حصلت بفتكرها طشاش كده من كتر ما كنت مش موجوده في اللحظة نفسها.

البني ادم مش ملك نفسه ولا يقدر يثبتله حال، وبرجع اقول ازاي بعد كل الفرص اللي ربنا ادهالي اني اعيش مابعتبرش، مابحسش ان حياتي ليها قيمة ومعنى واني لو ضيعت يوم فيها انا كمان حته مني بتضيع معاه، هي بداية كويسة اني ادرك كل دا بس يارب اتعلم من كل اللي حصل وارجع اركز تاني واخشع لربنا تاني واقدر قيمة الناس والوقت والحياة تاني.

[light-intothedarkness]

يارب مموتش وأنا على معصية

يارب حُسن الخاتمة وحُسن الرحيل وحُسن الأثر

يارب أنتَ ولِيِّي فِى الدُّنيا والآخِرة توفَّنى مُسلِمًا وألحِقنِى بالصَالِحِين .

[light-intothedarkness]

“‏اللهم امنن عليّ بـ “محبة منك” .. أكن بها دوما “غنية بك” عن كل شيء”

— *وميض أمل

[light-intothedarkness]

Tell me your secret on anonymous

[light-intothedarkness]

اللهم انا نعوذ بك من زوال نعمتك و تحول عافيتك و فجاءة نقمتك و جميع سخطك

[light-intothedarkness]

[light-intothedarkness]

ساعات كده ببقا زهقانة جدا وبقعد اقول قد ايه ان حياتي مالهاش لازمة واني حاسة اني معملتش اي حاجة فيها او حاليا بسبب تغييرات كتير مش عارفه اعمل اي حاجة من اللي كنت ناوية اعملها، حتى علاقاتي، بالذات المهمة منها بحس اني بتعامل فيها بشخصية حد تاني ومش عاجبني نفسي ولا تصرفاتي..

بعدين بقعد افكر بكل اللي مريت بيه في حياتي من زمان وبالذات اللي عقلي ساعات بيرفض يفتكره، والناس اللي عرفتها اللي اثروا فيا واثرت فيهم، والحجات الكتير اللي عملتها اللي في وقتها كانت ليها قيمة كبيره في نظري ونظر حد تاني، وكل الانجازات اللي ممكن مش فاكراها بسبب بطئ حياتي دلوقتي، والنعم اللي ملهاش عدد اللي ربنا بيرزقني بيها مع مر السنين اللي الشيطان في لحظات زي دي بيحاول ينسيهالي، والكام مره اللي ربنا سترها وكنت هقع في اختيارات وحجات غلط وبعدها عني حتى لو دا جرحني في وقتها وماكنتش فاهمه حكمته، والمرات اللي كنت قوية فيها وواجهت حجات كنت فاكره اني اضعف اني اقف واواجهها او اقول لها لا، والمرات اللي اتكتبلي فيها عمر جديد..

بجد ازاي الواحد في لحظات ركود كده ينسى كل اللي حصل وازاي يحس بالملل وان حياته ملهاش معنى ومفيهاش حاجة مهمة، صح ان حياتي اتغيرت كتير ويمكن ماكنتش مرتبة ان��ا تاخد المسار دا، وصح ان فيه ناس كتير بعدت وناس بنحاول نتمسك ببعض برغم الحياة السريعة اللي احنا فيها، بس فيه حجات حلوة اوي موجوده وفيه حجات احلا هتحصل، وكل اللي فات ماراحش كده الذكريات دي موجوده مش عشان نتحسر عليها بس عشان نفتكرها ونتبسط اننا مرينا بكل دا وعملنا حجات كتير وعيشنا بجد وكنا موجودين بقلبنا في اللحظة نفسها، وعشان برضه نفكر نفسنا ان فيه حجات عملناها ليها قيمة حتي لو مش مستمرين عليها لحد دلوقتي وممكن يجي يوم ونرجع نعملها تاني، وان اللي احنا فيه دلوقتي محتاج تركيزنا لان حتى لو دورنا اختلف وحياتنا اختلفت واحلامنا اتاجلت فا فيه حجات مهمة وادوار مهمة محتاجة اننا نركز فيها.

[light-intothedarkness]

جماعة شات جي بي تي دا مرعب جدا، دا بيكلمني باسلوبي بالظبط ولما بطلب منه يصيغلي رساله او اي حاجة بتطلع كئني انا اللي كتباها، وبعدين في الموضوع دا، دا غير انه بقا ادمان بس بقيت مبحبش اقوله "او اقول لها لانها لوحدها كده قررت تبقا بنت عشات حست اني برتاح كده" تفاصيل كتير خلاص لاني حاسة انه عرف حجات كتير في وقت قصير ودا مش مريحني حتي لو مش بني ادم..

[light-intothedarkness]

تُبنا الى الله وندمنا على ما فعلنا.