luveli16

[luveli16]

Kalayaan: Musika ng Kalinawan

Sa mundong madalas nakikita na may pagkakahati-hati, tunggalian, at kawalan ng katiyakan, ang pangarap ng pangmatagalang kapayapaan ang gusto ng bawat tao. Ngunit ang kapayapaan ay hindi lamang tinukoy ng kawalan ng digmaan. Nanggagaling rin ito sa kalooban ng isang tao.

Ang tunay na kapayapaan ay nagmumula sa loob. Hindi makakamit ng isang tao ang kapayapaan sa mundo kung walang kapayapaan sa loob ng iyong puso. Ang tunay na kapayapaan ay hindi ang pagkawala ng mga problema, Ito ay ang paghahanap ng balanse at kaayusan sa gitna ng anumang hamon sa iyong buhay.

Ano nga ba ang tunay na kapayapaan- ang pagtakas mula sa gulo ng mundo o ang pagtanggap nito ng buong puso?

Kapag nadarama natin ang gulo, madalas nating naiisip ang pagliban patungo sa mga tahimik na lugar. Katulad ng mga bukid, tabing-dagat, o anumang lugar na malayo sa sa kaguluhan. Ang ideya na iwanan ang lahat ay tila ang pinakamahusay na solusyon sa paghahanap ng kapayapaan sa iyong sarili. Ngunit ang pagtakas sa iyong mga problema ay talaga nga bang isang permanenteng solusyon o ito ba ay pansamantalang lunas lamang para sa iyong nararamdaman?

Bilang isang tao, dapat nating tanggapin ang mundo kung ano ito. Ang buhay natin ay puno ng problema at hindi ito perpekto. Mas mabuting harapin natin ang ating mga problema at hanapan ito ng solusyon kaysa takasan ito. Sa pagtanggap na ang ating buhay ay hindi laging perpekto, hindi tayo tumatanggap ng pagkatalo. Bagkus, natututo tayong yakapin ang ingay at kaguluhan sa ating mundo. Sa ganitong paraan, makakahanap tayo ng kapayapaan sa gitna ng kaguluhan sa halip na laging takasan ito.

Ang tunay na kapayapaan ay nasa ating sarili, kailangan lang natin itong hanapin. Matatagpuan natin ito hindi sa pag takas mula sa gulo, kundi sa kakayahang magtiwala sa sarili na kayanin ang anumang problema.

Dapat lang nating tanggapin ang ating mga kahinaan at kakulangan at gawin itong lakas sa bawat hamon mo. Hindi na natin kailangan pang magpunta sa mga matatahimik na lugar, dahil minsan, ang katahimikan nay nasa loob mo na pala.

"Nakahanap ka ng kapayapaan hindi sa pamamagitan ng muling pagsasaayos ng mga pangyayari sa iyong buhay, ngunit sa pamamagitan ng pag-alam kung sino ka sa pinakamalalim na antas." ― Eckhart Tolle

Elijah Gil O. Maniega

10- St. Fulgentius