m-oncewashere

[m-oncewashere]

اول ما عملت البلوج ده كان جوايا سؤال ،هيفضل الي الا نهائية وما بعدها ولا هنحط وقت محدد يتقفل فيه ، فاكرة ساعتها ان كان عندي ٢٥ سنة ،لحظة ادراك اخري اني هنا من وانا عندي ١٧ سنة كنت كل شوية اعمل بلوج وامسح وهكذا

الحاجة الوحيدة اللي الابلكيشن هنا كان بيحققها ليا ان محدش يعرفني ، ف مهما عبرت عن شعور او افكار .. مش همر بمراحل ومناقشة والذي منه ،حاجة علي الهادي، بيحقق جزء ضئيل من شعور انا عايز اطفش واروح في داهية ، ف تمبلر كان الداهية

بس مؤخرا لما بقيت بقعد مع افكاري واسمعها اكتر اكتشفت اني مش عايزة داهية اروح ليها ،انا محتاجة اقعد مع نفسي مش اكتر

مش محتاجة حد يسمع او يقرأ او يشهد علي افكاري او الاشياء اللي بحبها ،لان شخصيتي الاخيرة مبقتش مع الجزء ده مني

يمكن ده اكتر بلوج قعد معليا خمس سنين ف حاجة مبهرة بالنسبالي وبس مافيش مغزي من الكلام

[m-oncewashere]

[m-oncewashere]

𝔦𝔱’𝔰 𝔞𝔩𝔩 𝔣𝔞𝔩𝔩𝔦𝔫𝔤 𝔦𝔫𝔱𝔬 𝔭𝔩𝔞𝔠𝔢

[m-oncewashere]

هتمارس عليا الصمت العقابي، همارس عليك التجاهل المقصود، وربنا يديم الأونطة.

[m-oncewashere]

[m-oncewashere]

Views from Suomenlinna at summer

Helsinki, Finland, 1965

[m-oncewashere]

[m-oncewashere]

Same moments, different feelings

[m-oncewashere]

واحدة من ضمن القواعد البشرية .كل ما هتتكلم اكتر كل ما هتكشف عن حقيقتك اكتر .اكتر الحاجات اللي هتتعامل معاها زي السر او خطيئة لازم تستخبي ،بمنتهي الغباء هترمي الخيوط بين الكلام .في كل مرة هتتعامل انك اذكي من غيرك ،هتقع بشكل مرعب بس تستحقه .والاهم مافيش حد هيعيش عدد سنين علي كوكب الارض بيتعامل مع البشر ومش هيبقي مدرك للبشاعة والقرف اللي بتطلع منا كبني ادمين .

[m-oncewashere]

The pattern I've noticed

اني كل ما بقرب من ذاتي كل ما في احبال بتتقطع وعلاقات بتختفي من غير حتي ما اخد بالي

بقيت بصحي من النوم واستوعب ان في ناس وقعتهم في الطريق ،واني مش زعلانة حتي من غير اي صراعات

في احمال عمالة تتشال من علي قلبي واكتافي وبقيت اخف .

وفي نفس الوقت ناس تشبههم بتفضل تحاول تدخل حياتي وبصراحة بقف قدام المواقف بتعجب ... لحد ما بفهم ان ده بيحصل عشان في كل مرة اشوف هختار ذاتي ،ولا الفضول

[m-oncewashere]

من كتر ما بقيت شخص صامت ،بقيت خايفة اكون فقدت القدرة دي مني الحكي والرغي واني الاقي طريقة للتواصل مع الطرف الاخر

[m-oncewashere]

بقالي فترة منقطعة عن اغلبية السوشيال ميديا ،يمكن بفتح بس عشان اثبات حضور باستوري علي الانستا واختفي

لاني مبقاش عندي القدرة استقبال اي شئ سلبي ،او اي ترهات انسانية

وعايزة ارجع لمرحلة الانسان وهو عايش في الريف وميعرفش يعني ايه فيتامين دال ،صدمات نفسية ،تاثير الصدمات واتصالها بالامراض الجسدية ولا مزايا الهاليرونيك للبشرة ولا اي بطيخ

[m-oncewashere]

بما ان باجي هنا كل ٧ جمعات ،جمعة

فبنسي قد ليه تمبلر حقير وبعد ما كتبت تسعين الف سطر وعملت بوست

قرر انه تؤتؤ ،يوجد عطلة البوست اتبخر حاول مرة اخري

[m-oncewashere]

تفاصيل بسيطة بس بتفرق بشكل كبير.

[m-oncewashere]

@m-anarr

[m-oncewashere]

[m-oncewashere]

بقالي خمس ايام بسمع الاغنية دي ومش م��كزة معاها ولا عارفة اصل سمعتها امتي قبل كده

بس حاسها خلفية مناسبة للدوشة اللي في دماغي ، فكرة المشهد والبطل ماشي مع أفكاره ومشاعره وفي اغنية بتشتغل في الخلفية مالهاش علاقة بيه بس هي متماشية مع الاضاءة والمكان