mancerra - Tumblr blog

[mancerra]

Adını qəlbimdən silə bilmirəm

Hicran nədən döndü ilə bilmirəm.

Dərdimi heç kimlə bölə bilmirəm.

Sən niyə gəlmirsən,ay üzü dönmüş

Sənə olan eşqim nədənsə sönmür.

O qədər vurğunam ki,üzüm dönmür.

Bu halımı məgər gözlərin görmür

Sən niyə gəlmirsən, ay üzü dönmüş.

Ağlımı başımdan alıb getmisən.

Məni dərdə,qəmə salıb getmisən.

Sanki ilan kimi çalıb getmisən.

Sən niyə gəlmirsən ,ay üzü dönmüş.

Deyirdin rəhmliyəm istiqanlıyam.

Çox mərhəmətliyəm qohum canlıyam

Sevgi-məhəbbətdə adlı-sanlıyam

Sən niyə gəlmirsən, ay üzü dönmüş.

Sevgilinin xoşdur sənə niyyəti

Bəlkə də sən olacaqsan qisməti

İtirməyək bizə düşən fürsəti.

Sən niyə gəlmirsən ay üzü dönmüş

[mancerra]

Sən mənim ömrümə sevgi gətirdin.

Könlümdə min arzu dilək bitirdin

Yenidən özünü mənə sevdirdin.

Heç yerdə görmədim belə bir bəniz.

Sənə vurulmuşam səndən xəbərsiz.

Gülüşlərin elə bil, şəlalədir.

Yanaqların .çöldə bitən lalədir

Yolunda çəkdiyim ahdır,nalədir.

Gecələrim keçmir qəmsiz-kədərsiz.

Sənə vurulmuşam səndən xəbərsiz.

Saçların dolaşır şux qamətinə

Valeh oldum sənin bu ismətinə

Heyranam özünün söz-söhbətinə

Ay üzü buğdayı gözləri dəniz

Sənə vurulmuşam səndən xəbərsiz..

Gözlərim gözündə, əlim əlində.

Nə gözəl səslənir adın dilimdə.

Yaranmısan Allah verən biçimdə.

Yaşaya bilmirəm əzizim sənsiz

Sənə vurulmuşam səndən xəbərsiz

Sevgilinem mən deyiləm günahkar.

Ürəyimdir sevməyimə səbəbkar

Məhəbbətim olub aləmə aşkar.

Sevgimə dəyər ver,etmə qiymətsiz.

Sənə vurulmuşam, səndən xəbərsiz.

[mancerra]

İnanmazdım,məndən küsüb gedəsən.

Sevən ürəyimi tar mar edəsən.

Bilmirəm hardasan,görən necəsən..

De beləmi olur sevgi məhəbbət

Axı isinmişdik, bir-birimizə

Şükrlər oxuyurduq biz bəxtimizə

Hicranı yazıldı qismətimizə

Nədənsə dəyişdi,bu münasibət.

De beləmi olur sevgi məhəbbət

Dərd-qəm içindəyəm getdiyin andan.

Çıxmamısan hələ xəyallarımdan.

Fikrini çəkməkdən düşmüşəm candan.

Niyə gündüzümü edirsən zülmət.

De beləmi olur sevgi məhəbbət

Elə bilmə ki,yolumu azıram.

Şeirimi ancaq sənə yazıram

Sevgilim barışmağa hazıram.

Deyirəm təzədən quraq ünsiyyət.

De beləmi olur sevgi məhəbbət

[mancerra]

Nədənsə çıxmırsan sən yaddaşımdan.

Hey səninlə hallaşıram əzizim.

Yadıma saldıqca gül camalını.

Odlanıram, alışıram əzizim.

Səni görmək üçün çox darıxıram

Vərəqləyib rəsmlərinə baxıram

Gah gülürəm, gah özümdən çıxıram.

Surətinlə danışıram əzizim.

Gözlərimin qarşısından getmirsən.

Ürəyimin guşəsində bitmisən

Nələr çəkdiyimi yəqin bilmirsən.

Xəyalımda qovuşuram əzizim.

Alınmadı qismətimiz neyləyim

Ağlayım,sızlayım,yoxsa göynəyim.

Yalnizam sənsiz keçdi taleyim.

Taleyimlə barışıram əzizim.

[mancerra]

Qaynadıq,qarışdıq bir birimizə.

Sevindik,şadlandıq xoş günümüzə.

Qəfil hicran güldü taleyimizə.

Nədən qəlbi didən xatirəsən sən

Göylərə qalxardı sevgi ruhumuz.

Xoşbəxt həyat sürmək idi arzumuz.

Dərəyə təpəyə düşdü yolumuz.

Nədən qəlbi didən xatirəsən sən

Fələk bilə-bilə ayırdı bizi

Sinəmizdə qoydu istəyimizi.

Ağlatdı,göynətdi hər ikimizi.

Nədən qəlbi didən xatirəsən sən

İllər ötür,düşür saçlarıma dən.

Surətin getməyir heç gözlərimdən

Unuda bilmirəm səni o gündən

Nədən qəlbi didən xatirəsən sən

Sevgilinem üzüm səndən dönməyir.

Ürəyim alışır, yanır sönməyir.

Gözlərim hələ də səni gözləyir.

Nədən qəlbi didən xatirəsən sən

[mancerra]

Hər kəs öz dərdini,ürəyindəki sıxıntılarını yazıb.Bura xatirə dəftəri kimidir.İllər ötəcək,biz öləcəyik,yazdığımız rəylər əbədi olaraq burda qalacaq.Bəlkə də günahkar zamandır ya da deyil,amma əvvəlki sevgilər həqiqətən yoxdur.Əvvəlki kimi bir biri üçün dərindən darıxmaq,illərlə kiminsə yolunu gözləmək,sadiq qalmaq,istədiyin insan üçün çətin yollardan keçmək heç birisi yoxdur.Mən isə bu qədər doğru olarkən doğru sevgini,doğru eşqi,təmiz sevgini tapa bilmədiyim üçün heyifsilənirəm.İndi nə sevgi var,nə saf məhəbbət.Yerinə var anlıq ehtiraslar,vəfasızlıq,sədaqətsizlik,laqeydsizlik,göstərişli sevgilər və s.Dogru insan tərəfindən,dogru şəkildə sevilmək gozəl hissdir.Kim həqiqətən sevilirsə qədrini bilsin.Bir gün həqiqətən doğru sevgini tapmaq ümidi ilə

[mancerra]

Üzüm gülmür sən gedəndən.

Siman getmir gözlərimdən.

Hər gün keçirsən könlümdən .

Unuda bilmirəm səni.

Sevgidir yoxsa həvəsdir.

Bəlkə də ani bir hissdir.

Ürəyimdən gələn səsdir

Unuda bilmirəm səni

Sən ömrümə bəzək idin.

Ətir saçan çiçək idin.

Həyatıma gərək idin.

Unuda bilmirəm səni.

Məhəbbət qalıbsa hələ

Heç olmasa,insaf elə.

Qayıt mənə gülə gülə.

Unuda bilmirəm səni

Sevgilim gözüm səndə.

Getdin, can qoymadın məndə.

Eşqin köz qoyub sinəmdə.

Unuda bilmirəm səni.

[mancerra]

Sən gələndə gizli gizli gəlirsən

Mənə baş çəkməmiş çıxıb gedirsən

Bilirsənmi ürəyimi üzürsən

Məni də sev ay qurban olum

Səni gözləmişəm, hər səhər axşam.

Sənin xəyalınla yatıb,qalxmışam.

Yollarına baxa baxa qalmışam

Budurmu de vəfan Ay qurban olum

Sözləşdik and içdik ki ayrılmayaq

Bir birimizi biz heç unutmayaq

Gəldinsə,basmadın mən səmtə ayaq

Varmı səndə iman,ay qurban olum.

Kim kimə qismətdir bu bir Qədərdir

Sənə məhəbbətim ümman qədərdir.

Sənsiz həyat sevgiline hədərdir.

Tutma mənə divan ay qurban olum.

[mancerra]

Deyirsən gedirəm,arxamca su ol

Məndən ötrü ağla,saçlarını yol

Gedirsənsə,çıx get,sənə yaxşı yol

Demə ki,ay ömrüm məni qucaqla

Çox yalvardım sənə yola gəlmədin.

Necə sevdiyimi görə bilmədin.

Bircə dəfə mənə yarım demədin.

Qucaqlayım səni hansı maraqla

Qucaqlarammı məndən gedəni

Ürəyi üzəni, qəlbi didəni.

İncitdin,küsdürdün aşiq bəndəni.

Söylə, dil tökürsən, mənə nə haqla

Yaman dəyişmisən həmən deyilsən.

Başqasına tərəf çox meyillisən.

Üz döndərdiyimi tam bilməlisən.

Artıq gəzmə məni əli çıraqla.

Tənhayam qəlbim səndən yaralı

Get dolan, dünyanı məndən aralı.

Çıxmadın sevgidə sən etibarlı

Yaşa həyatını indi bir günahla

[mancerra]

Ey məndən inciyib,küsən sevgilim

Sən küsəndən artıb qüssə kədərim

Elə bil ki yox olub həyat dəftərim

Söylə,nədən oldu, bu inciməyin

Kim nə dedi sənə mənim dilimdən

Bir xətamı gördün mənim əlimdən

Çıxar bilmirəm səni könlümdən.

Söylə,nədən oldu, bu inciməyin

Hanı kəsdiyimiz əhd ilqarımız.

Nə tez qışa döndü ilk baharımız

Unuduldumu eşq arzularımız.

Söylə nədən oldu bu inciməyin

Qayıt gəl,son qoyaq, həsrətimizə.

Naxələf çıxmayaq biz sevgimizə.

Qovuşaq təzədən bir birimizə.

Söylə nədən oldu bu inciməyin

Xatırla verdiyin şirin sözləri.

Yada sal,bir anlıq eşqli günləri

Sevgilinin yolda qalıb gözləri.

Söylə nədən oldu bu inciməyin

[mancerra]

Unut məni, daha adımı çəkmə.

Danışma mənimlə heç bircə kəlmə.

Yarım,canım deyib dillər tökmə.

Bezmişəm əzizim, əzab çəkməkdən.

Alışıb yanmışam,yol gözləməkdən.

Unutmaq asandır,ey sevgili yar.

Boş yerə inciyib, küsməyə nə var.

Bilirsənmi,məndə deyil ixtiyar

İçimdən səslənir arzu diləyim.

Ürəyim sözümə baxmır neyləyim.

Ötdü, keçdi,neçə neçə fəsillər.

Göynətdi sinəmi həsrətli günlər.

Sən gəlmədin axdı gözümdən sellər.

Səni soraqladım əsən küləkdən.

Alışıb yanmışam yol gözləməkdən.

İstəsəm yanmaram səndən ötəri.

Sevgimi quraram hədər ötəri.

Yığmaram sinəmə qəmi,kədəri.

Olmaz sənə qarşı heç bir istəyim.

Ürəyim sözümə baxmır neyləyim.

Yolunu gözlədim,gəlib çıxmadın.

Mən yandığım kimi sən də yanmadın.

Bircə dəfə yada salıb anmadın.

Mən səni sevmişdim təmiz ürəkdən.

Alışıb yanmışam, yol gözləməkdən.

Çox yaxşı bilirəm, incidiyini.

Anlayıram, mənə nə dediyini.

Acıqla məndən üz döndərdiyini.

İstəyirəm, mən də, səni sevməyim.

Ürəyim sözümə baxmır neyləyim.

Gözləyə bilmirəm, çox yorulmuşam.

İnan, yaşamaqdan artıq doymuşam.

Bu cür, məhəbbətdən mən soyumuşam.

Baş aça bilmirəm belə sevgidən.

Alışıb, yanmışam yol gözləməkdən.

Sevgilim qəlbim eşqlə doludur.

Getdiyim uzun yol eşqin yoludur.

Sevən canım, məhəbbətin quludur.

Belədir sevgidə mənim taleyim.

Ürəyim sözümə baxmır neyləyim.

[mancerra]

Sənsiz bu həyatım zülmət gecədir

Ürəyim nəzilib,teldən incədir

Gözləməkdən gözüm saralıb solub.

Məni sevirsənsə yanıma qayıt

Sən küsüb gedəndən qaralıb dünyam

Bilmirəm həyatda varam ya yoxam

Gecə gündüz sənin xəyalındayam

Məni sevirsənsə yanıma qayıt

Əbədi unudaq biz incikləri.

Alaq qəlbimizdə olan dərdləri

Yaşayaq təzədən xoşbəxt günləri

Məni sevirsənsə yanıma qayıt

Sevgilin fikrindən alışır yanır

Həyacanla yollarına boylanır

Səmimiyyətinə qəlbən inanır

Məni sevirsənsə yanıma qayıt

[mancerra]

böyüdük incidildik yar sevgisi ilə sevilib yasamasaqda bu mahnilari sevib yaşayırıq

[mancerra]

Şaxtalı qış yavaş yavaş çəkilir

Təbiətə yaxın xoş ətri gəlir

İnsanların ruhu göyə yüksəlir

Gəlir əlimizə novruz bayramı

Yaşıllıq bürüyüb, çölü,çəməni

Evlərdə bəslənir yaşıl səməni

Bəzəyib paxlava,plov süfrəni

Gəlir əlimizə novruz bayramı

Küçədə qalanıb iri tonqallar

Dövrə vurur bir bir qızlar oğlanlar

Hoppanıb tonqalda arzu tutanlar

Gəlir elimizə novruz bayramı

Miras qalıb bizə əjdadımızdan

Ömürlük çıxmayır yaddaşımızdan

Kim deyər, harda var bayramımızdan

Gəlir elimizə novruz bayramı

Kosa keçəl harayla eli obanı

Çatıb sevinməyin vaxtı,zamanı.

Xoşbəxt keçmək üçün elin dövranı

Gəlir elimizə novruz bayramı

[mancerra]

Nədən sən yaşatdın mənə hicranı

İndi səndən ayrı gəzə bilmirəm.

Birgə keçirərdik günü,zamanı.

Gəldikmi,görəsən gözə bilmirəm .

Məndən gedişin düz,bir ilə dönüb

Hər tərəf gözümdə zülmətə dönüb.

Sanki yaşamıram dünyam sönüb.

Çıxımmı Məcnun tək düzə bilmirəm.

Sıxılıram, artıq bu tənhalıqdan

Lap təngə gəlmişəm yalnızlığdan

Tez gəl,qurtar məni bu ayrılıqdan.

Üzür məni hicran dözə bilmirəm.

Gözlərim yoldadır hər səhər axşam.

Canım buza dönüb, boranlı qışam.

Sevgilim yaman yaralanmışam.

Mən səndən əlimi üzə bilmirəm.

[mancerra]

Günəş əridir qarları

Oyanır yurd torpaqları

Yol gedir qışın qatarı

Gül ətirli bahar gəlir

Fəsil dəyişir yaz gəlir

Arzu gəlir sevgi gəlir

Könüllərə niyaz gəlir

Gül ətirli bahar gəlir

Tonqal yanır,küçələrdə.

Xoş əhval var,sevənlərdə

Nəğmə oxunur dillərdə

Gül ətirli bahar gəlir.

Görüşənlər bayramlaşır.

Küsənlər hamı barışır

Sevinc sevincə qarışır

Gül ətirli bahar gəlir

[mancerra]

Bir yerdə keçmişdi uşaqlığımız,

Duyğulu,qayğısız şirin çağımız.

Zəncirvari idi sevgi bağımız.

Sevgiylə keçərdi dəqiqələrimiz

Sonda daşa dəydi məhəbbətimiz.

Məktəbə bir gedib ,bir də gələrdik.

Biri-birimizə sevgi bəslərdik.

Sevinclərimizi yarı bölərdik.

Nur saçan vaxt üzümüzə bəxtimiz.

Sonda daşa dəydi məhəbbətimiz.

Xoşbəxt olmaq idi, arzularımız.

Elə ki, bilindi xoş rəftarımız.

Sinifdə yayıldı eşq məcaramız.

Çiçəklənən gündən bu istəyimiz.

Sonda daşa dəydi məhəbbətimiz.

Saf sevgi düşmüşdü ürəyimizə.

Hamı qibtə ilə baxardı bizə.

Həsəd aparardı sədaqətimizə.

Dildən dilə düşdü ülvi sevgimiz.

Sonda daşa dəydi məhəbbətimiz.

Məktəbi bitirdik dəyişdi zaman.

Əsdi başımız üstə çən duman.

Aramıza girdi ayrılıq,hicran.

Vüsala çatmadı heç qismətimiz.

Sonda daşa dəydi məhəbbətimiz.

Bilmədik, kimdədir bütün günahlar.

İkimiz də çəkdik fəryadlar,ahlar.

açılmadı eşqimizdə sabahlar.

Bizə qalan oldu öz həsrətimiz

Sonda daşa dəydi məhəbbətimiz.

Sevgilin unutmur xatirələri

Sevgilərlə keçən gözəl günləri.

Boş yerə sızlatdiq biz ürəkləri.

Ayrılıqla bitdi həyat dərsimiz.

Sonda daşa dəydi məhəbbətimiz