nobodys-fools-blog

[nobodys-fools-blog]

Terminator

[nobodys-fools-blog]

لما يبقى شخص عمره ما اتحضن في حياته ولا حس بالحنان والاهتمام طول عمره، وكل حياته عبارة عن حب مشروط من أهله بأنه يسمع كلامهم ولا يخلص طبق الاكل، طبيعي يكون مش قادر يستوعب تعبير حد عن مشاعره ولا حتى يفهم الحب الحقيقي كفكرة، ليه شخص ممكن يحب ويكون مشاعر لشخص تاني بلا سبب ولا تربط بينهم أي قرابة ولا مصلحة، ودا هتلاقيه دائما في تعبيرات أحيانا بتتقال هزار زي ليه اتجوز وأصرف على واحدة مش قريبتي، ولا التعامل مع أي مرأة بلفظ أجنبية ويديها طابع ديني لأنها حاجة غريبة عنه ويخاف يقرب منها أو يتعامل معاها، وعشان كدا جواز الأقارب رائج جدا وشيء مفضل عن غيره، رغم كوارثه ومشاكله، لأن عالأقل في حاجة بتربط بينهم وممكن يتسندوا عليها.

وبالتالي الشخص دا مش معتاد على التصالح مع مشاعره ولا ليها دور حقيقي في حياته، فما بالك بعرضها قدام الناس أو حتى قدام القريبين منه، ولما يشوف اتنين ماسكين ايد بعض في الشارع ولا بيعبروا عن مشاعرهم لبعض بأي طريقة، بيكون رد فعله الأول الاستغراب وعدم الفهم، وبيترجم دا لأنهم أكيد بيعملوا حاجة غلط ولازم نمنعهم، قبل ما يقعوا في المحظور وإلا مفيش سبب يخليهم واخدين على بعض كدا وعلاقتهم قوية إلى حد ما، وأنا اللي عايش بقالي ١٥-٢٩٠٥٠-٧٠ سنة عمر ما حد طبطب عليا ولا خدني في حضنه، ولا أعرف يعني إيه بوس ولا اتصال مش جسدي بمراتي مثلا، ولا قادر أعبر عن حبي لعيالي وأخواتي وأصحابي.

فدا شخص -ربنا يعفي عنه- علاقته بكل الناس في حياته بلوتونية زي ما بيقولوا، حاجة كدا على السطح من بعيد لبعيد، بيخاف يتعمق أو يسلم نفسه ولا يسمح لحد يدخل جواه ويشوفه على حقيقته، تربى على إنه لا يستحق المشاعر ولا الحب بدون مقابل، ودا مع الوقت ممكن يعمل موقف هجومي ناقم على أي حد كان محظوظ وعاش بشكل مختلف، وخد قدر من الاهتمام والحنان من أهله، مكنه من إنه يحب نفسه ومن ثم يطور مشاعر لغيره، وعنده من الشجاعة إنه يعبر عنها بطريقته الخاصة، واللي ممكن تكون عفوية أو أوفر وممكن عادي يكون شخص بايخ وقاصد يظهر كدا، بس كمبدأ عالأقل عنده مشاعر يعبر عنها ويمنحها لطرف آخر، ودا للأسف كثيرين ممن يعانون من الحرمان والكبت العاطفي، مش بيقدروا يتسامحوا معاه أو يتقبلوه.

[nobodys-fools-blog]

[nobodys-fools-blog]

مارلين مونرو صممت على ضم الحملة دي في فيلم Some like it hot، واللي بالنسبة ليها كانت نعقر عن حالها، وازاي هي مش زي ما الناس شايفاها، وعندها اللي تقدمه بذكائها وثقافتها، بس الرجالة حواليها مش عايزين كدا، ومش شايفين غير جسمها وجمالها.