ohmennaitsyou

[ohmennaitsyou]

هل العالم بينتهي؟

[ohmennaitsyou]

امبارح الصبح اتسحب مني الاشتراك الشهري بتاع الbreakdown cover اللي هم بيلحقوك لو حصلك مشكلة على الطريق، قولت في نفسي البتاع ده ولا له لازمة فلوس على الارض ما العربية زي الفل أهو… هل محتاجة أقول اني احتاجتلهم امبارح بليل و منغيرهم كنت هتسوح بجد؟🤡

[ohmennaitsyou]

everything feels like a chore to me, even eating!

[ohmennaitsyou]

كان شغال معايا دكتور اسنان ايراني شكله اربعيني بس اتخرج من طب اسنان سنة ٢٠٢٠، ازاي؟ عشان عمل كارير شفت على كبر. طب كان شغال ايه؟ كان دارس فيزا نووية و كان شغال مع الحكومة في البرنامج النووي. يعني الشخص الإيراني الوحيد اللي قابلته في حياتي يطلع له علاقة بالبرنامج النووي، ستيريوتايبز آر رييل🤪

[ohmennaitsyou]

I would choose a guy with hair and a big belly over a bald fit guy

[ohmennaitsyou]

من حوال شهرين كده بعتلي واحد اكبر مني بدفعة بس جامعة تانية، عرف اني شغالة هنا عن طريق اخويا، سجّل في الgdc كدينتال هايچينيست بس مش لاقي شغل فانا بعت ايميل للclinical director بتاع العيادة اقوله الواد ده كفاءة و انا اشتغلت معاه شخصياااا ونبي شوفله شغلانة عندك الله يباركلك. قوم ايه الواد هيبدأ شغل الاسبوع الجاي و الشغل جابله إقامة، أنا أول مرة اعمل حاجة مفيدة لحد كده. مبسوطة فشخ

[ohmennaitsyou]

ممكن تحكيلنا عن اتينا؟

طباع الناس

الجنسيات اللي موجودة مقارنة بعواصم اوروبية تانية

الجو والاماكن

الشوارع الرئيسية اكيد نضيفة طب والسايد ووكس والاماكن ال مش توريستي اوي اخبارها ايه

العنصرية؟ظ

المواصلات والهوستلز

احكيلنا الجانب الاخر من الدونيا عامل ايه

يا عم انا روحت ٤ أيام ٣ منهم كنت بحضر حفلات كلها مصريين😂 متهيألي انا مش الشخص المناسب خالص للإجابة عن هذه الأسئلة

بس هقولك رأيي، انطباعي عن اتينا انها شبه حتت كتير في مصر بس على انضف شوية، محستش اني في بلد اوروبية اوي. انا مروحتش عواصم اوروبية غير روما و لندن و الاتنين انضف منها بكتير، في رأيي متستاهلش الزيارة و عمري ما كنت هزورها أصلا لولا فرح صاحبتي. بالنسبة للجنسيات ففي جنسيات كتير طبعا كلهم سياح، فيه سوريين كتير شغالين هناك في المطاعم و المحلات. أنا كنت قاعدة في منطقة اسمها جليفادا، ديه منطقة سكنية شبه مصر الجديدة و الدقي و دمها خفيف اوي بس مرة سواق تاكسي قالي انها منطقة راقية و نضيفة و انه باقي المناطق مش حلوة كده. بالنسبة للمواصلات العا��ة فالمفروض فيه باصات و مترو بس مجربتش، كنت بتحرك بالتاكسيات و مكنتش غالية خالص. و اخيرا، محصليش اي موقف عنصري بس اللي بضني هو ان كذا حد يفتكرنا إسرائليين😭

[ohmennaitsyou]

First of all congrats 🥹

Second of all

Can you tell me in weddings like this one (not in the home country of neither the bride nor the groom) do they share the cost of brining the wedding invitees to wedding with the tickets and all?

ملهاش قاعدة. فيه ناس بتجيب المعازيم على حسابها و ناس لأ

[ohmennaitsyou]

أتينا.. يونيو ٢٠٢٥

[ohmennaitsyou]

البلد عبارة عن محطة الرمل على مصر الجديدة على قرية بدر

[ohmennaitsyou]

اتينا الساعة ١٢ بليل، بتجول مع اصدقائي في وسط البلد و باكل احلى آيس كريم كلته من كتير

[ohmennaitsyou]

هو انا ينفع اشوف ثيرابست عشان علقة؟ اصل مش معقول يعني مستوى العلوقية اللي وصلتله ده غير مسبوق، كل التاسكات تقيلة على قلبي بشكل، و مش عايز اعمل اي ابن وسخة، طول الوقت مكسلة، مش مرحلة و بتعدي لأ هو طول الوقت، دايما بدور على المكافآت السهلة السريعة، اقلب في الانستجرام، أكل فاست فود عشان احس أحسن، اعمل شوبينج… ادمان على الدوبامين مخزي و مش عارفة اخرج من ده. هل محتاجة بس اهز طيزي و شوية التزام و لا انا واصلة لمرحلة مَرضية؟ 😭

[ohmennaitsyou]

مش كنت لسة بقول من يومين مش عايزة حد يحكيلي مشاكله في الشغل ولا عايزة اسمع من حد. مشوفتونيش بقى امبارح و الممرضة بتاعتي بتحكيلي ان اخوها اغتصبها و هي عندها ٧ سنين و أنا اعيطت، و احضنها و اعيط و روحت البيت مش على بعضى، و لاقيتني الصبح بقول لنفسي أنا لو عترت في الواد ده هكسر وشه😭😭😭 أنا كان مالي و مال الحوارات ديه يارب انا كنت عايزة اقبض و امشي. والله والله أنا مش بسأل أسئلة و لا بحاول اتدخل الناس بتحكيلي من غير ما اسأل.

اللي حصل هو ان الممرضة ديه كل ما حد يقولها نص تعليق على شغلها تعيط و تقولي انا مش عايزة ازّعل حد مني فأنا قولتلها ده غلط و ده اسمه people pleasing و ده مؤذي ليكي، فتحت بقى في الكلام عن ازاي نمت عندها مشكلة ارضاء الناس ديه وقعدت تحكي عن طفولتها اللي هي كانت من حوال ٣ ولا ٤ سنين ولا حاجة لانها عندها ١٨ سنة🤪

[ohmennaitsyou]

النهاردة كنت بوصل واحدة معايا في الشغل في وسط الكلام بتقولي انها هي و بنتها ليهم اوضة لوحدهم و جوزها له اوضة لوحده، انا مقولتش حاجة، تقريبا هي حسيت اني هاچدچ و هقول عليهم مش بيناموا مع بعض فقالتلي but when sex comes she leaves، و أنا وحياة ديني ما مهتمة، ولا عايزة اعرف ميتين أم السيستم في بيتهم عامل ازاي. و امبارح الممرضة بتاعتي تقولي بحس أن صاحبي مش عايز ينام معايا، بتقولي كده الساعة ٨ بليل بعد ١١ ساعة شغل و أنا عايزة اتنيل اخلص النوتس بتاعتي و اكتب الكلمتين و امشي اشوف حالي ، معرفش بيدخلوني اوض نومهم ليه؟ أنا عايزة ابقى طيف، اعمل شغلي في خفة و هدوء و امشي لا من شاف ولا من دري. ولا ممرضة تالتة كانت اول مرة اشتغل معاها إيڤر قعدت تعيطلي في وسط اليوم و تقولي اصل جوزي بيضربني و انا مضطرة اقعد معاه عشان الاقامة و انا مبعرفش اتكلم انجليزي و حياتي صعبة. أنا مش قادرة اسمع من حد ولا عايزة حد يتعشم فيا إني هسمعله، هل أنا ابدو كشخص عايز يسمع؟ أنا عايزة اشتغل، اقبض، امشي

[ohmennaitsyou]

بقيت اشوف ناس كتير في الچيم جايبين ترايبود و بيصوروا نفسهم. معنديش مشكلة خالص لحد ما اطلع أنا في الكدر. واضح ان سياسة الچيم سامحة بده. النهاردة واحد فاتح لايڤ و بيصور و كل شوية الاقيه في وشي و احاول اتجنب اني اطلع و هو يقولي عادي عادي عَدي ولا يهمك على اساس اني خايفة ابوظله التصوير يعني، و الله تولع انت و تصويرك أنا بس مش عايزة الفانزات بتوعك يشوفوا طيزي🥲

[ohmennaitsyou]

عمر بيعملي ارهاب في البيت على الشيبسي و بيشده مني و يرمي الكيس كامل في الزبالة عشان متخنش. مبقتش اجيب شيبسي البيت و بقيت اكدس العربية كياس شيبسي و أكلهم بهيستريا و أنا خارجة. فاتحة كيسين و باكل منهم في نفس الوقت ولا كأنها مخدرات

[ohmennaitsyou]

فيه واحدة كنت بحبها اوي هنا طلعت فيك اكونت، سارقة صور واحدة من على انستجرام و ماشاء الله بانية عليها قصص و حكايات و يوميات. و ده بيحصل كتير عادي بس بيخليني افكر يا ترى مين هنا تاني مش حقيقي و بيألف كلام من وحي خياله و انا متبعاه و متأثرة و مندمجة. يلا مش مهم