pattyisabellecalma

[pattyisabellecalma]

Art in Island: Interaktibong Karanasan (Pebrero, 2019)

Photo Credits: Booky Guide

Paalala

Ang Art in island ay matatagpuan sa Cubao, Quezon City, ito ay sarado tuwing Lunes at bukas mula Martes hanggang Linggo, ang operating hours naman ay 9:30 AM - 8:30 PM at bukas din sila tuwing holiday sa parehong oras. Ang admission fee naman ay nagkakaiba sa edad ng bawat kostumer. Ang presyo para sa adults ay ₱500 at ito ay may discount ng ₱100 para sa mga estudyante, Senior Citizen at Person with Disabilities o PWD ngunit kailangan na magdala ng ID bilang patunay dito.

Mga Panuntunan

Una, bawal magsuot ng sapatos sa loob ng museo upang mapangalagaan ang mga sining, kaya naman bago makapasok ay pinapaiwan ang mga sapatos sa shoe counter. 

Pangalawa, bawal magdala ng pagkain at inumin sa loob ng museo ngunit kung sakali man na magutom o mauhaw ay mayroong cafe na matatagpuan sa exit ng museo. 

Art Zones 

May iba-ibang parte na matatagpuan sa museo, kaya hindi nakakainip na lumibot sa buong lugar dahil habang nasa pasilidad ay gugustuhin nang kostumer na alamin ang magiging itsura ng mga sining sa litrato. 

Optical Illusion Zone

Dito makikita ang mga bagay na gumagalaw kahit na ang mga ito ay painting lamang. 

Digital Art Zone

Dito isinasabuhay sa pamamagitan ng bidyo ang mga painting na matatagpuan sa buong silid. At ang theme nito ay kinuha mula sa Bibliya. 

Central Hall 

Dito ang pinakamalaking bahagi ng museo, at ang theme dito ay ang kaharian ng Panginoon.

Photo Credits: Anton Diaz

Aqua Zone

Ang pokus naman dito ay ang buhay sa karagatan at ito ay puno ng mga sirena at iba-ibang klase ng isda.

Photo Credits: JYP

Animal Zone 

Makikita naman dito ang iba at ibang klase ng hayop na nakatira sa sariling mga tirahan o habitat. 

Religion 

Ang pokus naman dito ay tungkol sa kalangitan, ito ay puno ng mga ulap at anghel. 

Christmas 

Ang makikita naman dito ay ang mga simbolo ng Christmas, nilalaman nito ay nyebe, si Santa Clause at mga usa. 

Love 

Dito naman makikita ang mga lugar na madalas puntahan ng mga magkasintahan at puno ng mga puso. 

Photo Credits: Karen Young

Fantasy

Matatagpuan naman dito ang mga pangyayari na maaaring mangyari sa mga pelikula na superhero, fantasy at scientific-fiction.