phoen-ix2

[phoen-ix2]

العالم مليان شر لأنه ببساطة مليان أغبياء...مليان حمقى على قدر عالي من البلاهة واليقين والأنانية.

كان نفسي أستفيض في شرح الموضوع وأسبابه بس دا كفاية أو أنا كتبت على قد صحتي.

[phoen-ix2]

احنا ملناش الحرية الكاملة نعبر عن غضبنا

بس لينا تمارين تنفس مثلا

تساعدنا ننظم اوكسجين الداخل والخارج

عشان منحسش بالفايت أور فلايت دي

لينا نسكت ونعد للألف قبل ما نتكلم

لينا ضبط النفس

ولما نعوز نثور

يا نثور واحنا معندناش حاجة نخسرها

يا نثور واحنا مالكين كل حاجة

إنما ثوراتنا الصغيرة دي ممكن نكتبها

كقصص

كأغاني

نحكي بيها مع أصحابنا

نعيط معاها اخر الليل

دي اخرتها يعني

ويبقى الحال على ماهو عليه

[phoen-ix2]

احنا ملناش الحرية الكاملة نعبر عن غضبنا

بس لينا تمارين تنفس مثلا

تساعدنا ننظم اوكسجين الداخل والخارج

عشان منحسش بالفايت أور فلايت دي

لينا نسكت ونعد للألف قبل ما نتكلم

لينا ضبط النفس

ولما نعوز نثور

يا نثور واحنا معندناش حاجة نخسرها

يا نثور واحنا مالكين كل حاجة

إنما ثوراتنا الصغيرة دي ممكن نكتبها

كقصص

كأغاني

نحكي بيها مع أصحابنا

نعيط معاها اخر الليل

دي اخرتها يعني

ويبقى الحال على ماهو عليه

[phoen-ix2]

This says a lot.

[phoen-ix2]

♥️

You don't fall out of love in Cairo, You just learn how to carry it differently - in glances, in songs from passing cars, in strangers who almost look like someone you knew

00:00 Saturday, June 21

[phoen-ix2]

الكل متعجل، لأن الكل هارب من نفسه

نيتشه

[phoen-ix2]

موقفين هزّوا كياني النهاردة بدون مبالغة..

الأول لما شوفت ابن الجيران رابط كلب من رقبته وقاعد يلعب بيه(مش معاه) ولعبه أقرب للتعذيب، كل اللي عملته مشيت ناحيته همست بجملتين، همسي كان أقرب للصريخ الباعث على الجنون، الصريخ اللي سمَّع الجيران والحتة ولفت انتباه كل اللي في المنطقة.

«يبني بتعمل إيه! هو دا للعب للعب هو»...دا كل اللي قولته لحد ماجه اخويا الكبير على علو صوتي واحتوى نوبة غضبي خوفا على الواد الصغير، النوبة اللي خرجت بدون تحكم مني الموضوع كله حصل في ظرف ١٠ ثواني..طفل أرعن عديم الرباية معندوش رحمة بيلهو بالحيوانات—مش المرة الأولى— فجّر غضبي اللي بحاول شهور أتحكم فيه وخلاني أعيد التفكير في التربية والإنجاب والأهالي الحمقى وجدوى العيش في هذه المنطقة الحقيرة.

الموقف التاني وكنت رايح مع اخويا في قعدة تعارف، والراجل ابو العروسة راجل صعيدي بيعتز بفلاحته ومخلي أولاده فلاحين، بيضمر احتقار شديد للهواتف الذكية ونمط الحياة الحديثة بسيط جدا بالرغم من وضوحه ومدى جديته...طبعا الناس دي موجود منها كتير بس أنا كان بقالي فترة متصدمتش بحد كدا ودا خلاني أعيد التفكير في معنى الحياة وأنا عاوز إيه؟ السؤال الذى لا تغيب شمسه من على ذهني...بس ياترى هل هتسائل عن المعنى وأنا عندي عمارة وخمستاشر قيراط مباني غير فدادين الزراعة و رؤوس المواشي!! ربنا يزيدك يا عمي وينعم علينا وعليك.

اليوم كان أكبر من قدرتي على الاستيعاب ولكن تم الهندلة، آه أنا كنت همسك الواد افشخه وكنت هضحك على الراجل وهو بيتكلم بكل جدية عن نفسه بس الحمدلله تداركت الموقف.

[phoen-ix2]

يا خوفي والهوى نظرة

تيجي وتروح بالمرة

[phoen-ix2]

صديق ليا مشوفتهوش بقالي بتاع ١٠ أشهر، حلمت إني أنا وهو قاعدين على كافيه في اسكندريه قدام فرع للبنك الأهلي وبنغني زروني كل سنة مرة، واحنا بنعيط، وبعدين سابني وقام مشي.

[phoen-ix2]

- Introduce yourself

A depressive Nihilistic from a country run by fucken clown.

[phoen-ix2]

على مرتفعات اليأس

"‏أشعر بأني أموت من الوحدة، من الحب، من اليأس، من البُغض، من كل ما يهبه لي هذا العالم."

ـ إميل سيوران

[phoen-ix2]

تظل الحياة ممكنة و مُطاقة طالما هناك أصدقاء تستطيع معهم تمرير قصتك علي شكل نكتة مضحكة، فيعم الضحك الطاولة. تصبح الحياة أقل وطأة في حالة التحرر من حماقة الماضي بتحويلها إلي سخرية قدرية. لاتزال الحياة تستحق في حالة استيعاب كل صداقة لكل قصة حب فاشلة أو علاقة غير ناجحة، فيرحل الحب وناسه، وتبقي عوالم الصداقة بنفس القدرة علي السخرية والضحك . 

[phoen-ix2]

بيعجبني قول ماركوس اوريليوس في هذا الموضع.

الخير العام، الفضيلة، العمل على ما نراه من الواقع وأن نفرض تحكماتنا على ما كل مانستطيع وكل ما في استطاعتنا هي أفكارنا وذواتنا العاقلة الحرة، لا الأحداث الخارجية، الأشخاص أو نواياهم.

(١١-١٣) فلانٌ يحتقرني؟ هذا شأنه. أما أنا فسأظل حريصًا على ألا يَبدُر مني أي لفظٍ أو فعلٍ يستوجب الازدراء. سيكرهني فلانٌ؟ هذا شأنه. أما أنا فسأظل رفيقًا حسن النية تجاه الجميع، ومستعدًّا لأن أُظهِر فلانًا هذا على خطئه؛ لا بتأنيبٍ ولا بتصنُّع التسامُح، بل بنبالةٍ وإخلاصٍ حقيقيَّين، مثل فوكيون العظيم (ما لم يكن مُتهكِّمًا في قوله). هكذا ينبغي أن يكون ضميرنا الباطن، الذي تراه أعينُ الآلهة: ينبغي أن ترانا الآلهةُ غير ساخطِين ولا شاكِين. وماذا يَضيرُك إذا كنتَ الآن تَفعلُ ما تُسيغُه طبيعتُك وما يفي بالغرضِ الحاضرِ لطبيعة العالم — إنسانًا أُسنِد إليه تحقيقُ الخيرِ العامِّ على هذا النحوِ أو ذاك؟

في حاجة بحاول ألاقي صياغة مُناسبة لـ التعبير عنها أو وصفها ومش عارف.. فـ هكتبها وزيّ مـ تيجي بقى. أوقات فكرة عدم مقدرتَك على معرفة النوايا الحقيقية لـ الناس بتسوَّحَك, اللي هي تحديداً تسويحة إنَّك ترفُض تاخُد إجراء ما عشان إنتَ مش ضامن إن الشيء السلبي اللي حسيت بيه تجاه شخص فعلاً لُه سَنَد ولا لأ. سوء الظن إو إفتراض وجود شيء سلبي (يستدعي إجراء مُضاد) بدون دليل ملموس حاجة غلط طبعاً.. بس فـ نفس الوقت إحساسَك اللي بدون دليل ده بـ طريقة ما بيصيب أكتر مـ بيخيب.. شيء مُمكن تعتبره إنذار مُبكِّر والإلتزام بـ "الصح" هيخليك مَتقدرش تستفيد منّه.

[phoen-ix2]

• Spring by Henri Martin.1903

[phoen-ix2]

[phoen-ix2]

حاسس إني لوحدي في العالم دا، لوحدي تماما. واللي مزود وطأة الشعور عليا ومدى انضغاطي تحته هو كتر الناس اللي حوليا...

مؤخرا بقيت معتمد على نفسي ماديا ونفسيا حتى اهتمامي بصحتي بقا محدش يعرف إني رحت لدكتور مثلا أو تعبان من حاجة، ودا بيستهلكني لأن محدش شاهد على أي محاولات حتى لو بعمل دا لنفسي بس يظل السؤال إيه الدليل على وجودك لو محدش شايفك؟!

في ظرف تلات سنين بس بقيت شايل هم الكوكب على اكتافي.

آه يا لكمية التعب التي ترتاح في دماغي

[phoen-ix2]

• Saint-cloud by Paul signac (1900), oil on canvas.