ry7private

[ry7private]

حتى لو إن النفس بالعزله تهيم كم واحدٍ مجروح لكن ما شكى

لا تقنع بجملة ترا قلبي سليم القلب ماله صوت لا منه بكى

[ry7private]

طواري غرامه شرّعت بابي المقفول

🤍وساقت ذعاذِّيع الغلا بيني وبينه

[ry7private]

قلبي حزين والخاطر ماهو طربان والنفس مالقت ياسعود من يسليها اشتقت وانا من كثر الشوق تعبان وبكيت وعيني مالقت من يواسيها

[ry7private]

ابقى عزيز نفس لو داخلي منهار وابقى كبير الطبع ماتذلني حاجه

من باع عشرتي لأجل ناس تسليه تحرم عليه رجعتي لو كان غالي

ماني من اللي يلحق الطير لا طار من راح عني مايلحقه غير ظله

وكانك تحداني على عزة النفس أموت ماوطيت لناس راسي

[ry7private]

كانك نويت البعد ابعد وفارق ماني على وصل المقفين مطارد

رح ما ورا كل غروب الا مشارق والشمس ما تضرها غيبة عطارد

وانت تدري اني بالسما نجم بارق ما بتهمني وبنساك بدم بارد

[ry7private]

ما عاد تفرق لو قطعت المواصيل ‏قدني متعود علّ الفراق وعذابك

‏اول لا غبت استوطنتني الغرابيل ‏واليوم لا والله ما احسب حسابك

‏صدري بعد هجرك تطارد به الخيل ‏ماهو على خبرك يضيق بـ غيابك

[ry7private]

قال أمطرت نجد العذيّه وبكيتك

 ودعيت ربي يكتب اليوم لقياك

أشتقت أنا وبين القصايد لقيتك

 ياكيف ابنسى أيامنا والغلا ذاك

رديت أنا من قلب والله وهويتك

  لكن زماني مارضى أكون وياك 

ياما سهرت الليل وياما دعيتك 

ياما كتبت من القصايد بفرقاك

غيري خذا قلبك وأنا ماخذيتك

غيري بيقضي عمره دوم وياك

[ry7private]

‏كنت اقول المفارق بينا مستحيل ‏فكرةٍ مرت فبالي . . و هملتها

‏لين ماطحت في درب الفراق الطويل ‏وصارت اشياء واجد ماتخيلتها

‏في غيابك تحملت الغياب الثقيل ‏و كل حاجه تضايقني تحملتها

‏اخ يا كلمة احبك بيوم الرحيل ‏وصلت لطارف لساني ولا قلتها

[ry7private]

  عز الله ان المدح يزها القحطاين

ساس العرب روس العرب فالنسابه 

     لافيهم الهافي ولا هم رديين

   اهل الشجاعه والكرم والرحابة

وكل المراجل في نحاهم عناويين 

      مثبته في طيبهم بالمهابه 

قبيلت(ن) ترعا الخطر وال��لاطين

قحطان قادت حرب وقت الرحابه 

[ry7private]

احط لغرورك حد واقول لك ياحيف ‏هقيتك بتنجيني واشوفك بتهلكني

‏تراني عزيز النفس ماني حلال ضعيف ‏مايوقف عليك العمر كانك بتتركني

[ry7private]

حنا اختلفنا فالمشاعر والكلام الوضع باين والعقول تصورّه

تجيني تسلّم وارد لك السلام مع كلمتين وضحكتين مزوره

ما فيه داعي للتشره والمَلام كلً ضميره ف الحياة ينوره

ان جيت عيّنت الغلا والاحترام وان رحت قلبي ماقدرت تعوره

مانيب من متسولين الاهتمام ان ماحصل ماجيت منك ادوره

[ry7private]

ياضيقة الصدر مدري ضيقة الخاطر النفس ضاقت ولا ادري وش مضيقها َ قبل امس مثل امس والليله مثل باكر معاد تفرق ثوااانيها و دقاايقهااا

[ry7private]

ودعتك النسناس ياورد الاشواق

كرامتي تحكم علّي لأنصرافي

قطفت منك ما تهيأ وما لاق

ورميت باقي ذكرياتك خلافي

لا دمعةً راقت ولا خاطرً ضاق

ما اقول غير اللي على البال كافي

يكفي ثلاث سنين مرَت على ساق

عينً فراشً لك وعينً لحافي

واليوم في تسعه وتسعين طقاق

قلبي كذا طبعه اليا عاف عافي

[ry7private]

وأنا هوى قلبي وليفٍ نتاجه 

‏بين الضلوع العوج حسرات وجروح

‏       عليه قلبي مايوقف خلاجه 

‏من حيث ما أوجه ومن حيث ما أروح

‏  اشفق على شوفه وضحكت حجّاجه

‏   وأشتاق له شوق المغاليق للبوح 

‏     وإليا ارتخاء ليله وولّع سراجه 

‏جريت له صوتٍ من الشوق مبحوح

   ‏مير الظروف تحول دون المواجه 

‏  واحكامها تفرض علي أبعد الشوح

‏    الصبر حلمٍ ما طويت انفراجه

‏    أبنّي به آمالي عمارات وصروح

‏  واليأس لو يسبق سحابه عجاجه

‏  باب الرجاء بين المُحبين مفتوح

[ry7private]

‏والله اني ما أتردى و لا أحب القصور ‏و أتجاهل كل من هو ضعيف و مبتلي ‏َ ‏رافعتني عزة النفس .. لـ حد الغرور ‏و الثقه بـ النفس لـ أعلى مكانٍ معتلي ‏َ ‏لا دعولي والديني .. بـ تيسير الأمور ‏ما علي من باقي الناس لو تدعي علي

[ry7private]

عزّت علي نفسي ولاني بملزوم ‏أقربك من بعد ما رحت عني

‏إلى متى في دربك أطيح وأقوم ‏وأجيك متعني وأرد متعني

‏ليه أتأمل وأنتظر وصل معدوم ‏وليه أتمنى وش يفيد التمني ؟

‏لو إني أدري وش ورا الغيم مقسوم ‏ما كان حبيتك ولا خاب ظني

[ry7private]

إشتقت لأيام الهنى في جنابك يوم الشموع بليل الأحباب ضوّن

واشتقت أقول لهاتفك مرحبا بك واشتقت لغيوم الصحاري تكوّن

عوّد ترى داعي الهوى عند بابك واروي القلوب اللي بعد ما تروّن

غنيت لك عمري ولا جا جوابك وإسمي مع مجنون ليلى تدوّن