smsemaso

[smsemaso]

"هيجي عليك وقت وتحس إنها النهايه ، تحس إن خلاص خلاص كل حاجه ليها علاقه بالامل انتهت ، وساعتها هتعرف كويس إنك ضعيف" ، ركز ف الكلام ده كدا وإتخيل نفسك وانت ف الوقت ده وبتعيشه لمده دقيقه بس ، وبعدين فتح عينك وشوف إيه اللي بتعمله ف حياتك دلوقتي ممكن نهايته توصلك ل ده ومتكملش فيه ، للوهله الاولي يبان كلامي كلام تافهه او كإني بكلم طفل صغير ، لكن الحقيقه أن دقيقه التفكير اللي غمضت عينك فيها وفكرت ، إنت كنت محتاجها جدا .. ، فكره إنك تبتدي ف حاجه بشكل غلط دا طبيعي كبدايه ، لكن عود نفسك دايما علي كل طريق تمشي فيه وانت ماشي اقف وفكر دقيقه الطريقه ده ممكن يوصلك علي فين ، مشكلتنا للاسف إن أغلبنا دايما بيفكر ف البدايات ، ومهتم جدا ان البدايه تكون سهله وحلوخ وبسيطه ، لكن عمرنا ما فكرنا في نهايه أي طريق ودا اللي دايما بيوصلك للحاله اللي قولتها في الاول ، حساب النهايه دايما بيكون أهم م البدايه .

[smsemaso]

لن أبالغ بقولي إن هذا من بهجة الحياة

لكن على الأقل هو من مخففات أحزانها

إنه رؤية الأصدقاء وطيب مجالستهم

فاللهم قرب البعيد وبارك في كل أحبابنا حاضرين وغائبين

#إن_الأحبة_في_الفؤاد_مقامهم

#لكن_عيني_تشتهي_أن_تنظرا

:)

#الحمد_لله

[smsemaso]

إنني أبذل جهداً ذهنيا هائلاً كل يوم ، حتى أمنع نفسي من الإنهيار وإفساد كل شيء.

[smsemaso]

شعرةٌ تفصل بين الاستسلام أو النصر، لقد رأيتَ المخرج بعينيك، وشعرت بخيوط النور تتسلل إلى روحك، لقد وصلت إلى الباب لكن لا طاقة لك لفتحه، لا طاقة للعبور، مع كل هذا الظلام في قلبك يُصبح النور في ظاهرهِ عدواً، تتبادل الأدوار في مشهدٍ لا يؤمن بالحياة، شعرةٌ على النصر نعم، لكن عليك أن تستسلم!

- يومَ تحاول الفرار من العالم فلا يسعك شئٌ فيه، لا يواريكَ قلبٌ ولا مخبأ، تلوذُ من صراعاتِ التفكير إلى صراعات التخبُّطِ الذي لا وصولَ بعده، في حكمةٍ إلهيةٍ تخ��صرُ الكثير من علامات الاستفهام، لا ملجأ من الله إلا إليه، فإن عرفت الأنس في القرب منه هداكَ إلى الأُنس مع الصالحين من عباده، وإن التمست طرق البشر أجمعين دونه، ما عرفت للأنس وصفاً ولا فهمت له معنى، والله رؤوفٌ بالعباد

فاصلاً من الصمت الطويل لن يضر، لكننا لا زلنا أضعف من ذلك، تهزمنا الأبيات وقت ما تجد قافيةً مناسبة، تهزمنا النصوص حين يجنُّ الليلُ في حبكةٍ درامية، تهزمنا الفكرة حين تلمع في أقلامنا، ويخوننا كل ذلك في محاولات الاختباء والتجاوز، حتى نسئم تكرار الأحاديث وإن اختلفت مشاعرنا في كل حرفٍ نقول، وكل وغزةٍ نَصِف، العالم لا يرحم النمطيِّين، ولا الضعفاء الذين تغلبهم أبيات الشِّعر، وكؤوس الذكريات.

ختاماً نقول :

هل تتناسب المشاعر طردياً مع العمر؟ هل تنضج كلما فوَّتتنا الأعوام وفاتت بنا، أم أنها تظلُّ مُراهقةً يكسوها الطَّيش وإن حالت تجاعيد القلبِ بيننا وبين الصِّبا منذُ أمدٍ بعيدٍ ؟

#ظل

[smsemaso]

الناس اللى بيتظلموا كتير و يتقال عليهم ناس كئيبة ولا نكدية كُل الموضوع أن تركيبتهم غير .. ناس بتفرح من قلبها لما بتشوفم تفصيلة صغيرة مُبهجة و بتزعل بردو من قلبها لو حصل حاجة بسيطة أثرت فيها بشكل سلبي !

ناس دموعها قريبة و ضحكتها أقرب .. ناس روحها هشه مش بتستحمل العلاقات المرهقة و الإنتقاد اللاذع و المشاعر المُعقدة .. ناس أي حاجة بتسيب أثر جواهم سواء حلوة أو وحشة

الناس الحساسة دي هما الناس الحلوة المُبهجة و الجدعة و الرومانسية .. هما أكتر ناس تركيبتهم دي بتتعبهم و بتصعب الدنيا عليهم ؛ لأن صعب تحس زيهم أو حتي تتوجع زيهم !

أحترم مشاعرهم و أنفعالتهم و ردور أفعالهم مهما كانت مُرهقة و مش منطقية بالنسبة ليك لأنها حقيقية و مش مزيفة 😉

[smsemaso]

ذات يومٍ سأقررّ فُراق البعْض،ومحْو البعض..لنْ أُواجه أحداً بأخطائه،ولن أُعاتب أحداً على تقصيره،فالجميع يدرك ما يفعله جيداً حتّى وإن ادّعى التوددّ ..

[smsemaso]

شكرا للناس السهلة في التعامل

اللي بيعذروا اصحابهم لو مخنوقين شوية

اللي لما بيزعلوا من حد بيتصالحوا بكلمتين

اللي بيبادروا هما بالكلام ويسألوا على غيرهم مرة واتنين وتلاته

اللي عارفين ان الدنيا دي مش مستاهلة اتنين يزعلوا من بعض

اللي بيجبروا بخواطر الناس ولو بمكالمة

اللي بيتغافلوا عن زلات بعض وبيحسنوا الظن في غيرهم

ومع كل ده بيعرفوا يحافظوا على كرامتهم

"حرم على النار كل هين ، لين ، سهل ، قريب من الناس"

[smsemaso]

هو ليه الناس مش مقتنعه إن الحب ممكن يجي من الصالونات عادي جداً! ليه مش متخيلين إن المكان اللي ممكن يجمعهم فيه القدر عشان يحبوا بعض زي جامعه أو شغل أو شارع حتي وارد جداً يكون صالون جوه بيت مقفول! مين اللي إحتكر الحب لمكان معين أو لطريقة معينة! ليه مش قادرين تقتنعوا إن الحب رزق والرزق ممكن يجيلك لحد باب بيتك عادي بدون أي مجهود منك! ثم مين أصلا قال إن الحب هو المعيار الوحيد للزواج! مين قال إننا عشان حبينا شخص معين يبقي لازم نتجوزه! مفيش شك اه إن الحب عمود قوي ومهم جداً لبناء أي بيت لكن في نفس الوقت مفيش شك برضو إن عمود واحد غير كافي إطلاقاً لحمل البيت بمفرده، كلكوا سمعتوا عن الجوازات الكتير اللي إنتهت بضرب الجزم في المحاكم علي الرغم من قصص الحب الأسطورية اللي كانت بينهم قبل الجواز! ليه مش قادرين تصدقوا إن وارد جداً تكونوا حببتوا بعض غصب عنكم لكن مش قادرين تتأقلموا علي حياه واحده، التوافق بينكم موصلش للدرجة اللي تخليكم تكملوا حياتكم لأخرها مع بعض! فاليه تصنفوا الجواز من البداية وتحكموا عليه من خلال معايير وهمية حطتوها إنتوا وملهاش أي أساس من الصحه!

الإتنين اللي إتقابلوا وإنجذبوا لبعض وقرروا إنهم يدمجوا حياتهم في حياة واحدة درجه نجاح العلاقة دي مبنية فقط علي درجة التوافق بينهم بغض النظر عن مكان مقابلتهم وعن المعاد اللي جمعهم سوا سواء كان مترتب أو صدفه..

[smsemaso]

سواءاً كانت بتمثِّل إنها "استرونج اندبينديت وومن" أو هي بالفعل "استرونج...الخ" وبتأدي الدور بكفاءة، تغلبهن الفطرة والله في زوايةٍ ما آخر الليل، تلاقيها بتعيَّط مثلاً عشان كلمة كتبتها غلط الصبح، مع إنها لم تلحظ ذلك وقتها أساساً، وأحلام كثيرة من نوعية أجازة في البيت، استقرار، فنجان قهوه الصبح بدل الفطار اللي اغلبه في العربيه ده، وهكذا حتى يغلبها النعاس، وتصحى تواصل مهمتها كاسترونج وومن، شغل، جامعة، اجتماعات، لا استرونج جداً، ميغركش!

المرأةُ خلقت بضعفٍ جميل والله - غير المبالغ فيه - وخلق لها أدوارٌ قوية، لو اجتمع الرجال كلهم ما استطاعوا القيام بها، والغريب إنها مبنيَّة على هذا الضعف، وسبحان الخالق يعني..

ولا أرى وصفاً يجمع بين المعادلتين في إيجازٍ بليغ جداً الحقيقة، سوى قول الرافعيّ، - مع تبديل كلمة واحدة وحذف أخرى واسفين للجريمة ده والله -

" في قلبها ضعفٌ تحبُّ ألَّا يظهر لك، وتحب كذلك ألَّا يخفى عليك"

#استرونج_وومن_ولا_كريزي_وومن؟

#لا_يظهر_لك_ولا_يخفى_عليك!!

[smsemaso]

جُاور مَن يؤمنون بوجودك ، من يعطونك قيمتك ، و يعززّون مِن قدرك ، من يخلقون ألف سبباً للحديث معك ، مَن يغزلون خيوط الوِدّ من أجلك..

[smsemaso]

بوست للبنات فقط ! 💜

- الشاب في العشرينات مشاعرُه مُش ثابته و هيتغير مية مره قبل مايرسي علي زوجه ، كُل واحد وظروفه بس النضج من اهم المميزات ! 💪

- متجريش ورا حد ، اللي بيحب مشاعره بتجيبه ومبيخبيش ! 😃

- الي بيحب مبيجرحش ، يااما مُش بيحب يااما مُش مسئول ، وفي الحالتين مينفعش ! 😅💔

- الي بيحب مبيخنش ، لو مش ماليه عنيه دلوقتي بعد الجواز مش هيبقي شايفك اصلا ومتقوليش كُل الرجاله خاينه ، في مُحترمين بس متدوريش علي الدهب وسط الزباله ! 😊

- اوعي تتنازلي عن كرامتك لاي سبب ، الي بيحب حد بيهتم بكرامته وانسانيته قبل كل شي ! 🌸

- جمال الراجل الزايد من العيوب فيه ، عقلُه واخلاقُه هو المهُم !

- الي بيحب مبيكذبش ، الكذب من صفات الجُبناء مُش الرجاله ، والي يكدب يعمل اي حاجه .. 😐

- اوعي تغيري نفسك عشان حد ، هتخسريه وتخسري نفسك استني الي يحبك زي منتي .. 😉❤

- اوعي تقولي اجرب ، كل تجربه بتسيب جرح ، هيجي يوم متلاقيش مكان في قلبك عشان تعرفي تحبي .. 💔

- اختار الاب الي بنتك تشكرك عليه ، اهم من الحبيب الي هيتغير بعد الجواز .. 💙

- الماديات مهُمه بس بعد منختار الشخص الصح نبُص عليها ..

لو استفدتي أعملي منشن لصحبتك تفديها !👌😍

[smsemaso]

مش عارف دى مشكلة فى طبع الانسان عمومًا ولا مع الوقت بقت متلازمة فى الناس ، ان اى حد بيتعامل كويس مع الناس ، لازم فى المقابل ميلاقيش اللى المفروض يلاقيه ، لما تتعامل بطريقة كويسة و بـ وِد و حب و تدى على قد ما تقدر ، بتلاقى اللى قدامك يا اما قاعد مستنى اكتر لانه اتعود انه ياخد ، يا اما بيعاملك بطريقة عكسية تماماً و يعاملك بطريقة مش كويسة او مفروضة .

الناس بقت تجبرك تتعامل بطريقة غير طريقتك و طبع غير طبعك علشان تلاقى ابسط حقوقك ، اللي هي تلاقي معاملة عادية كويسة و نوع من التقدير المفروض ، يعنى مع الحد اللى بتحبه .. لما تفضل جامد و ماسك الكلام و مابتديش لا كلام ولا عاطفة ولا مشاركة ولا اى حاجه الا قليل جدا .. بتلاقى الطرف التانى هايموت عليك و يعمل اراجوز علشان تبقي راضي عنه و تتعامل معاه كويس ، اول ما تتعامل معاه كويس و بلطف و حنية و حب ، تلاقيه هو اتقلب و بقى عادى و بارد .

مع صحابك ، لو فضلت تستحمل و تشيل و تعدى مواقف و تكبر دماغك ، هايتعودوا عليك كده و كل شوية هايزودوا عليك ، انما لو شخص قمّاص و بتتقمص من اى حاجه ، هياخدوا بالهم و هايحسسوا عليك ، ممكن من باب انهم ياخدوك على قد عقلك ، او من باب انك بتزعل بسرعه و بتقفش ، و فى الحالتين انت المستفيد و البنى ادم اللى بيكبر دماغه و بيتعامل بجدعنه و بيستحمل و يعدى هو اللى بيلبس و يشيل .

مع اهلك و القريبين منك ، لما تتكلم و تهزر و تبقي انسان طبيعى ، بيتعاملوا معاك بطريقة عادية و بيقللوا منك و بيتجاوزوا كتير فى الكلام و بيقولوا كلام ممكن يعلم فيك و يندمك انك اتكلمت و خليت فيه مساحة بينكم ، لو فضلت مع نفسك و بتتكلم جد و على قد الكلام و راسم وش انك متضايق دايما و مكتئب، هتلاقيهم بيحسسوا عليك و يهتموا بيك و يفكروا فى الكلام قبل ما يقولوه و تلاقى احسن معاملة .

انا مش عارف اسم الحالة دى ايه فى علم النفس ، بس اللى متأكد منه انه خلل فى الطبيعه الانسانيه ، و بيأثر علينا كلنا ، و بيخلى الواحد يتحول ل بنى ادم غير سوى علشان يُعامل معاملة سوية فى مجتمع غير سوى وسط ناس غير سوية ، يا اما تفضل انسان سوى و تتعامل مع ناس غير سوية فتفضل مضغوط لحد ما تنفجر فيهم كلهم و فى الاخر تفضّل انك تنعزل و تكره كل الناس و تعيش مع نفسك .

[smsemaso]

- إنك ترتبط متأخر بالشخص الصح؛ أحسن بكتير من إرتباطك بدري بالشخص الغلط .

- قطر حلمك اللي فاتك هتحمد ربنا إنك ملحقتوش لأن آخر سِكته توهان .

- البنت اللي تعرف إمته تهزر، وإمته تبقي جد .. إمته تبقي ست، و إمته تبقي بـ ١٠٠ راجل .. دي تآمنها علي نفسك وإنت مطمن .

- الخروجه مش أكل بس .. الخروجه انك تشم هوا، و تعمل اللي نفسك فيه، وفي وسط خروجتك تجوع فتدخل اي مطعم تاكل .. لكن تخرج علشان تاكل بس ! ده اسمه كسل وقلة حيله .. إستمتع بحياتك "

- تعرف إن الشخص اللي معاك بيعشقك لما تكون مليان عيوب وكلاكيع، ومع ذلك باقي عليك وميقدرش يستغني عنك .. تبقي عبيط لو قصرت ف حقه .

- لما تلاقي الدُنيا معقده والابتلائات نازله ترِف عليك إعرف إن ربنا بيحبك لأنه لما بيحب عبد بيبتليه.

- قريت عن النبي فيما معناه " إنك لو سلفت حد ١٠٠ جنيه مثلاً وقتها ربنا بيكتبلك في ميزان حسناتك إنك بتتصدق كُل يوم بـ ١٠٠ جنيه لحد لما تتردلك ! ولو أجل ميعاد السداد ربنا بيكتبلك إنك بتطلع ٢٠٠ جنيه صدقه يوميًا لحد لما يرجعهالك .

- الناس اللي خسرتهم ربنا هكسبك اللي أحن وأطيب منهم .

- غالبًا الشهاده مجرد مرحله من حياتك والرزق مُش مقتصر عليها سلمها لله واللي يجيبه ربنا كويس .

- إنت الوحيد اللي بتحس إن جزمتك ضيقه او الكوتش اللي إنت لابسه .. معني ذلك إن محدش هيقدر اللي إنت فيه غيرك، ومحدش هيحس بيك قدك، ومحدش هيساعدك في الوصول لحلمك زيك .

- عاوز تبقي سعيد في حياتك الزوجيه .. صاحب مراتك .. الحياه مع زوج او زوجه بدون صحوبيه ! مقرفه وممله .

- كلنا بناخد من الرزق ١٠٠٪ .. فمتحقدش او تحسد حد علي نِعمه عنده لأنك متعرفش هو فقد إيه في حياته .

- مهما بلغت من ذنوب وعيوب لو قولت وإنت بتقرأ " أستغفر الله " مبروك عليك كل ذنوبك بإذن ربنا هتتمحي المهم تكون واثق في رحمة ربنا .

- بتعمل أي ذنب لكن بتصلي ؟! متبطلش صلاه .. صلاتك عامله زي الحبل اللي بيشدك بعيد عن الذنب لورا ومسيرها هتبعدك عنه .

- أول لما تحس إنك مليت وتعبت من الدُعاء .. إعرف دعوتك قربت تستجاب بس الشيطان بيلهيك عشان تبطل تدعي !

- ملعون اي " شُغل .. حُب .. عيشه " تيجي علي كرامتك، وتتعب نفسيتك .

- تبقي بين حيطان اوضتك وحضناك أهون بكتير من إنك تبقي بين درعات حد حاضنك، ومبيحسش بيك .

- هعمل لايك عشان ميزعلوش .. مُش هعاتب عشان ميزعلوش .. مش هفارق وأقطع العلاقه اللي مُش طايقها عشان ميزعلوش ! كل حاجه عشان ميزعلوش ! وإنت تتفلق يعني ! " إن لبدنك عليك حق " جسمك بقلبك بنفسيتك ليهم حق عليك إنك تريحهم من اي ضغط تاعبهم مهما كانت النتياج ! لو هتبيع حاجه عشان تشتري نفسك إعرف إنه " ربح البيع " ! : ))

[smsemaso]

‏وكَم مرة إبتلعت الكلام الذى سَيُريحُك لكنه سَيؤلمهُم ، كم مرة إنتظرت أن يتمسكُ بِك هؤلاء من أخترتُهم دوناً عن الجميع ولم يفعلوا ، كَم مرة أذيت فيها حالُك من أجلِهم وحين إحتاجتهُم تركوُك ، كَم مرة لُمت حالُك ع ما فعتلهُ لِتُرضيهم ، كَم مرة إكتشفت أنك غبى لأنك تُحِبهُم ..

[smsemaso]

‏الإرتباط حلو فـ وجود شخص مناسب، شخص يشبهك من جوا قبل برا، شخص ميولهُ الفكرى يشبه فكرك كتير مُش تفكير انانى، شخص بيقدس الحُرية وبيفكر مرة واتنين قبل ما يحكم عليك، شخص خارج عن خط روتين التقاليد الممُلة، شخص شايفك مكان كُل حاجة حلوة فيه مُش مكان كل حاجة ناقصة فيه وهنا بتفرق اوى.

[smsemaso]

في ناس كده لمّا بتخرج من حياتك ..انت بتسترد " عافيتك "بعد خروجهم مباشرة ...بتسترد هالة النور اللى حواليك ...روحك بتنور ...ملامحك بتنور ..ده انت ممكن بتسترد مجدك وانت مش واخد بالك

ثقتك في نفسك بترجع لك ..وكأنهم كانوا اغتالوها بوجودهم ....بترجع لك ثقتك في عقلك و فِكرك و في حُسن قراراتك كمان ...

بتحسّ إن بوداعهم قِدرت تحقق الكفاءة الذاتية و الشعور بالإكتفاء

بتحسّ إن روحك ردّت فيك ...كأنهم كانوا سبب في كتابة شهادة وفاتك وانت على قيد العيشة المُرّة ...

مُجرّد خروجهم " نجدة" و " نجاة "

نعمة كبيرة هتشكر ربنا عليها بعدين

هتسترّد ثباتك ؛ طِيبتك ؛ طاقتك لو أمكن .... وكأنهم كانوا عايشين عشان يستنزفوا طاقاتك الإيجابية و يشحنوك طاقات سلبية تدغدغ اللى باقي من أمل جواك ...

وعشان ترجع أحسن من الأول :

1_ خرّج شوية الكراكيب دي من أوضتّك ...الإنزعاج اللى علي شكل أشخاص ...

2_ رتّب الأولويات و المَهام والأهداف ..

3_ امسح بأستيكة كل حد يفكّر يوجعك أو يستنزف طاقتك أو يشلّ حركة حماسك ...

4_ ركّز على إستعادة نفسك شوية ...امنحها الإهتمام الكبير اللى كان بيروح ع الفاضي على ناس مقدّرتش مجهودك الإنفعالي والقلبي ...

5_ غَرْبِل علاقاتك أوّل بأوّل ....الأصيل في خانة ؛ المحترم في خانة ؛ الكريم في خانة ....الطيّبين في خانة صدرك للأبد ...

و اللى وجودهم زي عدمه ...اطردهم برا قلبك وتفكيرك للأبد

6_ اشطب من حياتك المُزيّفين ؛ اللى شكلهم ناعم جدا ًمن برّا ولسانهم بينقّط عسل ... لكن سواد القلب عندهم أنهار ..

7_جددّ نشاطك بالحاجات اللى بتحبها فيك ...اسعد نفسك ما تبخلش عليها بدقايق مرح و جري وغُنا وتنطيط زي الأطفال ....

8_ محدش هيحزن لحزنك ولا هيبكي لِـ بُكاك .... فرّح نفسك شوية السنين اللى فاضلة لك في الدُنيا لو راحت مش راجعة لك تانى ...

9_ اعرف قيمة نفسك و قيمة وقتك ..و عاطفتك ومشاعرك ما يروحوش غير لِـ شاريين حُبّك بروحهم ..

10_ كافئ نفسك من وقت للتاني بِـ حُسن إستيعابها ....مش بس بخروجة حلوة ...ولا بأكلة مُفضّلة ...لاء.. كافئها بُحسن إختيار الناس اللى يستاهلوها بجد ...

بالشخص اللى يستاهل في يوم من الأيام تقوله " انت نفسي " 👌👌👌

[smsemaso]

- عن اللطائف، والثواني الفاصلة، التي تصنع الفارقَ الأكبر.

الثانية التي تفصل بين عبورك الطريق ومرور السيَّارة، الثانية التي تصلك فيها رسالة"أحبك" وأنت على وشك النوم باكياً، فتضحك!، ثانيةُ "الحضن" التي تفصل بينك وبين الانفجار، ثانية الدُّعاء الذي يتلفظُ به قلبك فجأةً - دون ترتيب - فتفصل بينك وبين اليأس، الثانية التي تلمح فيها الأزرق فتفصل بينك وبين العالم، لقاءات الأعين وحديثها الذي يطول أثره وإن كانت مدته "ثانية"، الثانية التي تفصل بينك وبين السُّقوط حين تمسع كلمتيّ"أنا معك"!

*بعد يومٍ طويل، شديد، كدنا نفقدُ فيه معاني الوجود، ونرى تسلل السوءِ إلى أرواحنا، دخلنا المسجد لصلاة المغرب، وكانت الصلاة قد أُقيمت من دقائق، وضعنا أول قدمٍ بالداخل، فسمعنا الأمام يتلوا : "فانقلبو بنعمةٍ من الله وفضلٍ لم يمسسهم سوء واتَّبعوا رضوان الله .."

في ثانيةٍ فاصلةٍ جداً، بين موت القلب وحياته !