sunkenthinker - Tumblr blog

sunkenthinker · 4 months

Text

The Evolution and The Creationism

29Apr024 بسم الله الرحمن الرحيم

اولا خلينا نتفق على مجموعة قواعد كدا قبل ما ابدأ كلامي فالموضوع نحطها في بالنا و احنا بنسمع اللي هقوله

١- كل الكلام اللي هقوله هي مجرد افكار من عندي بعد قراءة و تطلع لوثائقيات من ايام الجامعة تقريبا من اكتر من ١٥ سنة

٢- انا ما درستش علوم الاحياء و لا الفلك دراسة اكادمية علمية الموضوع كله اجتهاد مني

٣- في مصادر هسيبهالكم في التعليق الأول و هيكون معاها لينك بلوج بتاعي لو حابين تقروا الحاجات اللي كنت كتباها فالسنين اللي فاتت او الفيديوهات الحديثة اللي بدأتها بعنونا #أفلاـتتفكرون كدعوة للتفكر و التأمل فالكون و الخلق و القران و الخالق سبحانه و تعالى

٤- انا مش هدفي خالص الشهرة او الترندات او اي حاجة شبه كدا و لكن انا كل هدفي ان الناس تقرا و تسمع و تشغل عقلها هبة الله لينا و اللي بيفرقنا عن المخلوقات التانية و كرمنا ربنا سبحانه و تعالى بيه

٥- انا الحمدلله مسلمة و ان شاء الله مؤمنة بس طبعا الإيمان درجات كتير اتمنى اني يكون عندي درجة منه، بحاول افهم و اتطلع و افكر فالمخلوقات و الكون و الخلق و الخالق سبحانه و تعالى و اكيد دا عن طريق القران الكريم و السنة النبوية. ٦- بعتذر لكم قبل ما ابدأ عن اي لجلجة فالكلام او توتر لاني مش متعودة اصور فيديو و لا بحب التصوير اصلا بس هي مجرد وسيلة اسهل للناس للشرح و للناس عن القراءة.

٧- انا هقفل الكومنتات عن الفيديو انا مش عايزة يحصل جدالات او مناقشات عامة على صفحتي و لكن ممكن تدخلوا فالرسايل تبعتولي اللي انتم عايزينه او تعملوا شير بقى و تكتبوا فوقه اي حاجة حابينها

٨- نبدأ الكلام بدعاء سيدنا موسى اللي كانت ديما جدتي بتفكرني بيه و توصيني اقوله قبل اي امتحان او حاجة { رب اشرح لي صدري و يسر لي امر و احلل عقدة من لساني يفقهوا قولي}

بسم الله الرحمن الرحيم

موضوع الفيديو دا هو اني اعتقد و الله اعلم ان ما فيش تضاد او تعارض تام بين نظرية التطور و نظرية الخلق اللي هم The Evolution and The Creationism

طيب انا هناقش دا ازاي او هحاول اثباته ازاي… عن طريق معلومات من الوثائقيات و من مقالات قرأتها عربية او انجليزية و هحاول اسيب لكم لينكات المصادر زي ما قولت في الكومنت الاول اولا هنتكلم عن الموضوع من المنظور العلمي و دا لان في ناس مش مؤمنين بالقرآن الكريم سواء مسلمين الاسم او مسلمين بيقولوا ان القران و العلم في اختلاف بينهم او غير مسلمين على ديانات اخرى او غير ذلك من ملحدين بأنواعهم… و مع خطوة خطوة خطوة هشرحها عن طريق النظريات العلمية هقول دليلها من ايات القران.

عايزين نتفق بس على مجموعة اسس فكرية

١#

اولها ان العلوم و النظريات بيبقى في جانب كبير منها فرضي بمعنى ان العالم فالمعمل بيفترض حاجة و يبدأ على اساسها انه يثبت حاجات تانية زي مثلا فالعلوم الرياضية

ان لو قولنا ان في شخصين واحد راجل و واحدة ست و قعدناهم على كنبة مثلا فقولنا عايزين نجمع عدد المخلوقات البشرية الموجودة عالكنبة دي طبعا الاجابة 2

بس دا معناه اننا فرضنا ان الست دي مش حامل في طفل!

و ممكن الست دي تكون حامل في توأم و هي لسه مش عارفة او اكتر

ف اذا نستنتج ان الانسان عقله قاصر عن الادراك الكلي او الادراك المطلق

ودليل اخر على كدا ان الانسان موجود من ملايين السنين و لو كان عقله قادر على الادراك الكلي او المطلق كان زمانه فسر و عرف كل حاجة حواليه و في الكون و فالحياة و الطبيعة لكن لحد يومنا دا العلماء لسه بيكتشفوا حاجات و بيفسروا ظواهر و حاجات و بيصححوا حاجات اكتشفوها قبل كدا و نظريات تم وضعها قبل كدا فالقرون السابقة من علماء عباقرة!!

و مش هخوض في امثلة عن النظرات العلمية المنتاقدة انتم ممكن تبحثوا عنها لكن هقول مثال واحد بسيط ان في نظريات تانية غير نظرية الانفجار العظيم ممكن تبحثوا عنها و نظريات بتقول انها غلط و لكن فالنهاية هي الاشهر و الاقرب للصحة

ف سبحان الله الذي قال في كتابه الكريم

وَمَا أُوتِيتُمْ مِنَ الْعِلْمِ إِلَّا قَلِيلًا {الإسراء:85}

و القران اللي موجود من اكتر من ١٤٠٠ سنة

طيب يبقى احنا اتفقنا دلوقتي على ان الانسان عقله قاصر و العلماء كثير من نظرياتهم بتتبني على الفرضيات.

٢#

تاني حاجة هنتفق عليها ان شاء الله ان مش فرض على الانسان العاقل انه يتفق او يصدق تصديق تام كامل بأي نظرية علمية، لا اي انسان عاقل ناضج المفروض انه لما يسمع نظرية علمية او حتى تقرا كتاب او رواية مش فرض و لا ضروري يتفق معاها بشكل كامل!

ديما الانسان عنده نسبة من الخطأ و دا بناء عاللي استنتجناه و اتفقنا عليه فالنقطة السابقة… و حتى لو اي حد مسلم او غير مسلم حب يقرا القران الكريم لازم يدور عن معاني الايات و يحاول قد ما يقدر يتفكر فيها عشان ما يكونش كالحمار يحمل اسفارا مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا ۚ بِئْسَ مَثَلُ الْقَوْمِ الَّذِينَ كَذَّبُوا بِآيَاتِ اللَّهِ ۚ وَاللَّهُ لَا يَهْدِي الْقَوْمَ الظَّالِمِينَ (5) سورة الجمعة

يعني لو بتقرا رواية و الكاتب بيقول ان في انسان بيحب واحدة مثلا و كان نفسه يشوفها و هي مسافرة في بلد تانية فالانسان دا غمض عينه و طار و راح ليها في خمس ثواني!!

هل دا منطق يصدقه عقل! لا طبعا

فلازم نفكر و نتفكر و نصدق جزء و نعترض على جزء لو حابين زي ما هتعملوا معايا بعد الفيديو ان شاء الله تبعتولي تعليقاتكم و اعتراضكم في نقاط مفصلة

٣#

الحاجة الاخيرة اللي هنتفق عليها فالمقدمة دي قبل ما ابدأ فالموضوع الاساسي بتاعنا… ان قدرات الانسان العقلية و ادراكه زي البصمة الجينية للانسان اللي هي ما فيش انسان و انسان تاني متطابقين في الحمض النووي بتاعهم او الجينات بنسبة ١٠٠٪

يعني كل عقل بيدرك نسبة مختلفة تماما عن العقل التاني و اعتقد و الله اعلم ان دا في اي مخلوق مش بس الانسان!

يبقى اذا نستنتج ان اللي انا هقوله او اي مقال علمي او ديني مكتوب مثلا في خمس اشخاص مثلا يقره او يسمعوه هيكون الناتج اللي هيوصلهم مختلف من كل واحد عن التاني سبحان الله

العقول و الادراك و العلم ارزاق زي اي حاجة فالدنيا ما هي ارزاق ما حدش عنده نفس رزق التاني!

و بطبيعة الحياة الرزق فيها محتاج سعي سواء مال او اولاد او علم او سمعة طيبة اي حاجة محتاجة من الانسان السعي و دا هدفي اصلا الحث على السعي فالتفكير و التفكر و الاستزادة من العلوم و بالاخص القران الكريم

كدا اتفقنا على 3 اسس فكرية

١- ان ما فيش نظرية علمية صحيحة و حقيقية مطلقا و هناك نسبة خطأ حتمية في كل نظريات الانسان العلمية

٢- ان الاختلاف حق و التسليم بأي فكرة انسانية ليست ضرورة و النقد واجب

٣- ان الانسان قاصر العقل و غير متساوي في نعمة الفهم و الادراك مع انسان تاني

# ملحوظة مهمة قبل الدخول في صلب الموضوع هي ان كل اثباتاتي من القران فقط و ما اكلمتش عن الحديث لان انا للاسف علمي بالحديث قليل و اخاف اقول حديث يكون ضعيف او حاجة شبه كدا عشان كدا بتكلم من القران فقط لانه واحد و لا فيه منه نسخ او اختلافات و لكن دا مش معناه اني مش مؤمنه بالاحاديث اعوذ بالله. وللأسف انا لسه مش متطلعه بشكل كافي عالانجيل و التوراه عشان اجيب منهم اثباتات او امثلة دا غير ان في اكتر من نسخة من الانجيل او التوراة و دا يخليني ابعد عن اتخاذ الاثبات منهم!

نبدأ بقى كلامنا عن نظرية التطور و نظرية الخلق:

اولا شرح مبسط لنظرية التطور و هي معناها باختصار ان بعد نشأة الكون بفترة زمنية ما بدأت المخلوقات تتطور من خلية مائية واحدة و الخلية دي انقسمت و تطورت إلى اكثر من خلية ثم يحدث حاجة اسمها طفرة و الخلايا دي تتحول لكائن ما و هكذا و هكذا و هكذا إلى ان نصل الى المخلوقات كلها بفاصئلها و انواعها المختلفة و لعل اكثر شيئ جدلا في النظرية دي ان هي بتأيد و بتقول ان الانسان تطور من احد فصائل القرود…

و بيخلينا نطرح سؤال في عقولنا القاصرة لو الكلام دا صح بشكل كامل مطلق! طب ليه التطور وقف؟ و ليه القرود الحاليين عالارض مش بيتطوروا لبني ادم؟!!

هنجاوب على دا اخر الفيديو

و النظرية التانية هي الخلق:

ان في خالق و هو الله الخالق سبحانه و تعالى (زي ما في الديانات السماوية و الديانات الاخرى) خلق كل شيئ. دا اختصار النظرية

و يزيد على ذلك بعض العلماء في نظرياتهم و ابحاثهم ان كل المخلوقات بدأت من الماء.

و في الاديان السماوية تزيد على ذلك ان ادم و حواء عليهما السلام اتخلقوا فالسموات العلى و عاشوا فالجنة و بعدين غلطوا و عصوا الله سبحانه و تعالى فطردهم منها و نزلوا الارض و ما إلى ذلك

طيب جميل كدا فهمنا معنى كل نظرية منهم…

بعد ما قعدت سنين من التفكير و التفكر و البحث فالنظريتين و سنين اخرى من محاولات التفادي للمناقشات و التفكير و الجدالات المجدية او الغير مجدية خوفا من حاجتين و هم الشتات العقلي او الفكري اني كنت خايفة اتوه ما اعرفش ارجع لعقلي تاني او اوصل لحيطة سد! و الحاجة التانية اللي كنت بخاف منها هي الالحاد او الكفر بالله سبحانه و تعالى و بديني و القران

لم اجد مفر من اغلاق عيون عقلي عن التفكر و الشغف غلبني و رجعت تاني للتفكر و التفكير و البحث لحد ما وصلت لان اصلا النظريتين مش متنافرين بشكل كامل و لا متضاضين تضاد كلي!

طيب تعالوا نثبت دا:

مين اللي وضع النظريتين العلميتين ؟ الاجابة الانسان

و احنا في اسسنا الفكرية اللي اتفقنا عليها فالاول بنقول ايه ؟ ان ما فيش نظرية علمية صحيحة و حقيقية مطلقا و هناك نسبة خطأ حتمية في كل نظريات الانسان العلمية دا دا الاساس رقم واحد

اذا نستنتج ان هناك نسبة من الخطأ في النظرية الاولى و الثانية و لكن النسب مختلفة هناك واحدة اصح من التانية

نظرية التطور مش غلط و بدلائل من القران الكريم

وَجَعَلْنَا مِنَ الْمَاءِ كُلَّ شَيْءٍ حَيٍّ

أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا ۖ وَجَعَلْنَا مِنَ الْمَاءِ كُلَّ شَيْءٍ حَيٍّ ۖ أَفَلَا يُؤْمِنُونَ (30) سورة الانبياء

طيب ما دا اللي قاله علماء الداروينية و تأييد لنظرية التطور! صح؟!

(وَاللَّهُ خَلَقَ كُلَّ دَابَّةٍ مِنْ مَاءٍ فَمِنْهُمْ مَنْ يَمْشِي عَلَى بَطْنِهِ وَمِنْهُمْ مَنْ يَمْشِي عَلَى رِجْلَيْنِ وَمِنْهُمْ مَنْ يَمْشِي عَلَى أَرْبَعٍ يَخْلُقُ اللَّهُ مَا يَشَاءُ إِنَّ اللَّهَ عَلَى كُلِّ شَيْءٍ قَدِيرٌ) [النور: 45]

و طبعا الانسان و هو بيقرا القران مهما قراه مرارا و تكرارا مهما درسه دراسة اكادمية في علوم القران مش هعرف يفهم كل حاجة فيه بشكل مطلق لان احنا اتفقنا في الاساس الفكري الثالث ان عقل الانسان قاصر و ان فالقران

وَمَا أُوتِيتُمْ مِنَ الْعِلْمِ إِلَّا قَلِيلًا {الإسراء:85}

و هنا الله سبحانه و تعالى لو اراد ان يقول من علوم الدنيا الا قليل لقال و لكنه قال العلم بشكل مطلق لان في ألف و لام قبل كلمة علم و دا يشمل العلوم الاسلامية و القران

و قال ايضا سبحانه و تعالى (كَذَلِكَ يَضْرِبُ اللَّهُ الْأَمْثَالَ) [الرعد: 17]

يعني ان القران كامل طبعا لا ريب فيه و لكن المذكور فيه من امثلة الطير و المخلوقات و النخل و الاعناب كلها امثلة و ليس على سبيل الحصر!

دليل اخر من القران

خَلَقَ السَّمَاوَاتِ بِغَيْرِ عَمَدٍ تَرَوْنَهَا ۖ وَأَلْقَىٰ فِي الْأَرْضِ رَوَاسِيَ أَن تَمِيدَ بِكُمْ وَبَثَّ فِيهَا مِن كُلِّ دَابَّةٍ ۚ وَأَنزَلْنَا مِنَ السَّمَاءِ مَاءً فَأَنبَتْنَا فِيهَا مِن كُلِّ زَوْجٍ كَرِيمٍ ﴿١٠ لقمان﴾

كل زوج كريم يعني كل حاجة كل الازواج بمعنى الكل و ليس التخصيص او استثناء اي زوج و كل كل زوج عالارض و طبعا من ضمنها الحيوانات كلها و الانسان كمان! سبحان الله

دليل اخر

الَّذِي أَحْسَنَ كُلَّ شَيْءٍ خَلَقَهُ ۖ وَبَدَأَ خَلْقَ الْإِنْسَانِ مِنْ طِينٍ ﴿٧﴾ ثُمَّ جَعَلَ نَسْلَهُ مِنْ سُلَالَةٍ مِنْ مَاءٍ مَهِينٍ ﴿٨﴾ {سورة السجدة}

لحد هنا كان كلامنا كله عن نظرية التطور طبعا انا بدعوكم للبحث فيها و البحث في القران و اياته الكريمة و التفكير و التفكر فيهم استخدام هبة العقل

و لكن يجب التنويه ايضا ان داروين و من تبعوه من علماء الداروينية كل واحد كان بيجي يزود عاللي قبله بنظريات و ابحاث و زي ما اتفقنا منها الصح و منها الغلط مش كلهم صح و مش كلهم غلط

الشق التاني او النظرية التانية و هي الخلق:

في اديان سماوية او الاديان الابراهيمية وهي اليهودية و المسيحية و الاسلام

و في اديان تانية الانسان بيقول انها غير دول كمان زي ديانات هندية و ايرانية واسياوية و دول خارج موضوعنا عايزين تبحثوا عنهم طبعا هيكون افضل

فالاديان السماوية و بعض الاديان الاخرى العقيدة هي ان الله سبحانه واحد فالاصل…

يعني اصل الاديان دي ان الله واحد و هو الخالق

و ان يكن في بعض الاعتقادات ان مثلا فاليهودية عزير ابن الله زي ما في القران ان اليهود قالوا ان عزير ابن الله و لكن فالاسلام هو رجل صالح

و في المسيحية في اعتقاد ان عيسى عليه السلام ابن الله و اعتقاد اخر ان الله ثلاثة الاب و الابن و السيدة مريم عليها السلام

و في اديان اخرى غير السماوية ان هناك كبير الاله و في إله لكل حاجة إله للخلق و إله للماء و إله للرياح و ما إلى ذلك

طيب معنى كدا ان الطبيعة الجميلة اللي اتطورت دي في نظرية بتقول كمان ان هي ما جتش منها لنفسها كدا!! اللي هي نظرية الخلق

و ان هناك خالق واحد فالاديان السماوية و اكثر من إله فالاديان الاخرى!

نيجي للقران الكريم

"وَلَقَدْ خَلَقْنَا الْإِنسَانَ مِن سُلَالَةٍ مِّن طِينٍ * ثُمَّ جَعَلْنَاهُ نُطْفَةً فِي قَرَارٍ مَّكِينٍ * ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ فَتَبَارَكَ اللَّهُ أَحْسَنُ الْخَالِقِينَ" (المؤمنون، آية: 12 ـ 14)

شوفوا ايتين فالقران الكريم تعادل كام بحث و كان سنة خدها العلماء عشان يوصولوا للي مكتوب فيهم! سبحان الله!

طيب ايه اللي ربنا سبحانه و تعالى بيقوله فالايتين دول ان الانسان اول خله و هو سيدنا ادم عليه السلام كان من طين و الطين طعا عبارة عن تراب و ماء! نظرية التطور ان اصولنا من الماء!! سبحان الله

و بعد خلق ادم عليه السلام و حواء بقى خلق الانسان عن طريق التناسل من النطفة ثم العلقة ثم المضغة ثم العظام بعدها اللحم و العضلات ثم خلق اخر غير امه و ابوه يختلف عنهم في كل شيئ حتى الحمض النووي اللي هم الاتنين اصله! سبحان الله

و لو تأملنا اكتر هنلاقي مراحل تطور الجنين العلمية فالقران و اختلاف استخدام ثم عن ف (ثُمَّ جَعَلْنَاهُ نُطْفَةً فِي قَرَارٍ مَّكِينٍ * ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ) فاللغة العربية تدل على اختلاف الزمن في ثم عن ف و دا بردو لو بحثتم هتلاقوه علميا المدد الزمنية في مراحل تطور الجنين الفاء اسرع من ثم.

إعجاز حتى فاللغة سبحان الله

وَقُلْنَا يَٰٓـَٔادَمُ ٱسْكُنْ أَنتَ وَزَوْجُكَ ٱلْجَنَّةَ وَكُلَا مِنْهَا رَغَدًا حَيْثُ شِئْتُمَا وَلَا تَقْرَبَا هَٰذِهِ ٱلشَّجَرَةَ فَتَكُونَا مِنَ ٱلظَّٰلِمِينَ (35) فَأَزَلَّهُمَا ٱلشَّيْطَٰنُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا ٱهْبِطُوا۟ بَعْضُكُمْ لِبَعْضٍ عَدُوٌّ وَلَكُمْ فِى ٱلْأَرْضِ مُسْتَقَرٌّ وَمَتَٰعٌ إِلَىٰ حِينٍ (36) فَتَلَقَّىٰٓ ءَادَمُ مِن رَّبِّهِۦ كَلِمَٰتٍ فَتَابَ عَلَيْهِ إِنَّهُۥ هُوَ ٱلتَّوَّابُ ٱلرَّحِيمُ (37) قُلْنَا ٱهْبِطُوا۟ مِنْهَا جَمِيعًا فَإِمَّا يَأْتِيَنَّكُم مِّنِّى هُدًى فَمَن تَبِعَ هُدَاىَ فَلَا خَوْفٌ عَلَيْهِمْ وَلَا هُمْ يَحْزَنُونَ (38) (البقرة)

و دا اثبات لنظرية الخلق ان الله سبحانه و تعالى خلق ادم ثم حواء و اسكنهم الجنة و لكن لما غلطوا امرهم ربنا سبحانه و تعالى بالهبوط للأرض إذا الانسان خلقه الله و لم يتطور من الخلايا التي تطورت فالماء على الارض و لكن الارجح ان " بعض " المخلوقات تطورت من تلك الخلية و البعض الاخر خلقه الله زي ما هو حاليا و اولهم الانسان، الماء دخل في تكوين الانساء سواء فالطين الذي خلق منه ادم عليه السلام ثم حواء او الماء الذي يخرج من الرجل و المرأة لحمل المرأة في جنين جديد

و الله اعلى و اعلم سبحانه عما يصفون!!

دليل اخر:

هُوَ ٱلَّذِى خَلَقَكُم مِّن طِينٍ ثُمَّ قَضَىٰٓ أَجَلًا وَأَجَلٌ مُّسَمًّى عِندَهُۥ ثُمَّ أَنتُمْ تَمْتَرُونَ (2) (الأنعام)

دليل اخر:

قَالَ ٱهْبِطُوا۟ بَعْضُكُمْ لِبَعْضٍ عَدُوٌّ وَلَكُمْ فِى ٱلْأَرْضِ مُسْتَقَرٌّ وَمَتَٰعٌ إِلَىٰ حِينٍ (24) قَالَ فِيهَا تَحْيَوْنَ وَفِيهَا تَمُوتُونَ وَمِنْهَا تُخْرَجُونَ (25) (الأعراف)

و هنا فالاية دي اعجاز اخر

وَإِذْ أَخَذَ رَبُّكَ مِنۢ بَنِىٓ ءَادَمَ مِن ظُهُورِهِمْ ذُرِّيَّتَهُمْ وَأَشْهَدَهُمْ عَلَىٰٓ أَنفُسِهِمْ أَلَسْتُ بِرَبِّكُمْ قَالُوا۟ بَلَىٰ شَهِدْنَآ أَن تَقُولُوا۟ يَوْمَ ٱلْقِيَٰمَةِ إِنَّا كُنَّا عَنْ هَٰذَا غَٰفِلِينَ (172) (الأعراف)

ان سبحان الله العليم العظيم يقول في اياته الكريم ان نسل كل انسان من بني ادم يكون من ظهره و حديثا الابحاث العلمية اثبت ذلك بعد ان كانوا ينفوا الكلام دا و يقول عليه غلط!

في مقال هحطه فالمصادر من موقع انا اصدق العلم او I believe in science بيقول ان الكلام دا غلط و لا يوجد علاقة بين الظهر و التناسل و تاريخه ٢٠١٧

و لكن في مقال اخر فالمصادر بتاريخ ٢٠١٩ بيثبت علميا صحة الاية الكريمة

و مقال اخر فالمصادر بيقول ان لو حصل مشكلة او اصابة فالحبل الشوكي دا بيأثر بشكل كبير على الانتصاب عند الرجل و المهبل عند المرأة و القدرة الجنسية سبحان الله

دليل اخر من القران الكريم على صحة نظرية الخلق:

وَإِذْ قَالَ رَبُّكَ لِلْمَلَٰٓئِكَةِ إِنِّى خَٰلِقٌۢ بَشَرًا مِّن صَلْصَٰلٍ مِّنْ حَمَإٍ مَّسْنُونٍ (28) فَإِذَا سَوَّيْتُهُۥ وَنَفَخْتُ فِيهِ مِن رُّوحِى فَقَعُوا۟ لَهُۥ سَٰجِدِينَ (29) (الحجر)

و ايضا: خَلَقَ ٱلْإِنسَٰنَ مِن نُّطْفَةٍ فَإِذَا هُوَ خَصِيمٌ مُّبِينٌ (4) وَٱلْأَنْعَٰمَ خَلَقَهَا لَكُمْ فِيهَا دِفْءٌ وَمَنَٰفِعُ وَمِنْهَا تَأْكُلُونَ (5) (النحل) وَإِذْ قُلْ��َا لِلْمَلَٰٓئِكَةِ ٱسْجُدُوا۟ لِءَادَمَ فَسَجَدُوٓا۟ إِلَّآ إِبْلِيسَ قَالَ ءَأَسْجُدُ لِمَنْ خَلَقْتَ طِينًا (61) (الإسراء)

وَلَقَدْ عَهِدْنَآ إِلَىٰٓ ءَادَمَ مِن قَبْلُ فَنَسِىَ وَلَمْ نَجِدْ لَهُۥ عَزْمًا (115) وَإِذْ قُلْنَا لِلْمَلَٰٓئِكَةِ ٱسْجُدُوا۟ لِءَادَمَ فَسَجَدُوٓا۟ إِلَّآ إِبْلِيسَ أَبَىٰ (116) فَقُلْنَا يَٰٓـَٔادَمُ إِنَّ هَٰذَا عَدُوٌّ لَّكَ وَلِزَوْجِكَ فَلَا يُخْرِجَنَّكُمَا مِنَ ٱلْجَنَّةِ فَتَشْقَىٰٓ (117) إِنَّ لَكَ أَلَّا تَجُوعَ فِيهَا وَلَا تَعْرَىٰ (118) وَأَنَّكَ لَا تَظْمَؤُا۟ فِيهَا وَلَا تَضْحَىٰ (119) فَوَسْوَسَ إِلَيْهِ ٱلشَّيْطَٰنُ قَالَ يَٰٓـَٔادَمُ هَلْ أَدُلُّكَ عَلَىٰ شَجَرَةِ ٱلْخُلْدِ وَمُلْكٍ لَّا يَبْلَىٰ (120) فَأَكَلَا مِنْهَا فَبَدَتْ لَهُمَا سَوْءَٰتُهُمَا وَطَفِقَا يَخْصِفَانِ عَلَيْهِمَا مِن وَرَقِ ٱلْجَنَّةِ وَعَصَىٰٓ ءَادَمُ رَبَّهُۥ فَغَوَىٰ (121) ثُمَّ ٱجْتَبَٰهُ رَبُّهُۥ فَتَابَ عَلَيْهِ وَهَدَىٰ (122) قَالَ ٱهْبِطَا مِنْهَا جَمِيعًۢا بَعْضُكُمْ لِبَعْضٍ عَدُوٌّ فَإِمَّا يَأْتِيَنَّكُم مِّنِّى هُدًى فَمَنِ ٱتَّبَعَ هُدَاىَ فَلَا يَضِلُّ وَلَا يَشْقَىٰ (123) (طه)

ٱلَّذِىٓ أَحْسَنَ كُلَّ شَىْءٍ خَلَقَهُۥ وَبَدَأَ خَلْقَ ٱلْإِنسَٰنِ مِن طِينٍ (7) ثُمَّ جَعَلَ نَسْلَهُۥ مِن سُلَٰلَةٍ مِّن مَّآءٍ مَّهِينٍ (8) ثُمَّ سَوَّىٰهُ وَنَفَخَ فِيهِ مِن رُّوحِهِۦ وَجَعَلَ لَكُمُ ٱلسَّمْعَ وَٱلْأَبْصَٰرَ وَٱلْأَفْـِٔدَةَ قَلِيلًا مَّا تَشْكُرُونَ (9) (السجدة)

وَٱللَّهُ خَلَقَكُم مِّن تُرَابٍ ثُمَّ مِن نُّطْفَةٍ ثُمَّ جَعَلَكُمْ أَزْوَٰجًا وَمَا تَحْمِلُ مِنْ أُنثَىٰ وَلَا تَضَعُ إِلَّا بِعِلْمِهِۦ وَمَا يُعَمَّرُ مِن مُّعَمَّرٍ وَلَا يُنقَصُ مِنْ عُمُرِهِۦٓ إِلَّا فِى كِتَٰبٍ إِنَّ ذَٰلِكَ عَلَى ٱللَّهِ يَسِيرٌ (11) (فاطر)

أَوَلَمْ يَرَ ٱلْإِنسَٰنُ أَنَّا خَلَقْنَٰهُ مِن نُّطْفَةٍ فَإِذَا هُوَ خَصِيمٌ مُّبِينٌ (77) (يس)

فَٱسْتَفْتِهِمْ أَهُمْ أَشَدُّ خَلْقًا أَم مَّنْ خَلَقْنَآ إِنَّا خَلَقْنَٰهُم مِّن طِينٍ لَّازِبٍۭ (11) (الصافات)

إِذْ قَالَ رَبُّكَ لِلْمَلَٰٓئِكَةِ إِنِّى خَٰلِقٌۢ بَشَرًا مِّن طِينٍ (71) فَإِذَا سَوَّيْتُهُۥ وَنَفَخْتُ فِيهِ مِن رُّوحِى فَقَعُوا۟ لَهُۥ سَٰجِدِينَ (72) (ص)

هُوَ ٱلَّذِى خَلَقَكُم مِّن تُرَابٍ ثُمَّ مِن نُّطْفَةٍ ثُمَّ مِنْ عَلَقَةٍ ثُمَّ يُخْرِجُكُمْ طِفْلًا ثُمَّ لِتَبْلُغُوٓا۟ أَشُدَّكُمْ ثُمَّ لِتَكُونُوا۟ شُيُوخًا وَمِنكُم مَّن يُتَوَفَّىٰ مِن قَبْلُ وَلِتَبْلُغُوٓا۟ أَجَلًا مُّسَمًّى وَلَعَلَّكُمْ تَعْقِلُونَ (67) (غافر)

خَلَقَ ٱلْإِنسَٰنَ مِن صَلْصَٰلٍ كَٱلْفَخَّارِ (14) (الرحمن)

وَقَدْ خَلَقَكُمْ أَطْوَارًا (14) (نوح) دليل تطور مراحل الجنين في رحم امه

إِنَّا خَلَقْنَا ٱلْإِنسَٰنَ مِن نُّطْفَةٍ أَمْشَاجٍ نَّبْتَلِيهِ فَجَعَلْنَٰهُ سَمِيعًۢا بَصِيرًا (2) (الإنسان)

أَلَمْ نَخْلُقكُّم مِّن مَّآءٍ مَّهِينٍ (20) فَجَعَلْنَٰهُ فِى قَرَارٍ مَّكِينٍ (21) (المرسلات)

فَلْيَنظُرِ ٱلْإِنسَٰنُ مِمَّ خُلِقَ (5) خُلِقَ مِن مَّآءٍ دَافِقٍ (6) يَخْرُجُ مِنۢ بَيْنِ ٱلصُّلْبِ وَٱلتَّرَآئِبِ (7) إِنَّهُۥ عَلَىٰ رَجْعِهِۦ لَقَادِرٌ (8) (الطارق)

ٱقْرَأْ بِٱسْمِ رَبِّكَ ٱلَّذِى خَلَقَ (1) خَلَقَ ٱلْإِنسَٰنَ مِنْ عَلَقٍ (2) (العلق)

سبحان الله كل دي ايات من القران الكريم متفقه مع بعضها و مع العلم ايضا

يتبقى لنا حاجتين: # أولا موضوع ان الانسان تطور من احد فصائل القرود… و دا بيرجع لنظرية التطور و العلماء عندهم اثباتات علمية على كدا و حفريات و هياكل و غير ذلك، بكل اختصار دا كلام غلط و الصح ان كل الادلة اللي لاقاها العلماء حقيقية و لكن ترجع لبني اسرائيل عندما عصوا اوامر الله فمسخهم قردة و لكن في نقطة منهم جدااا ان هم بعد مسخهم لم يكن لهم نسل يعني اللي اتمسخوا ما خلفوش قردة و لا بني ادم من بعد المسخ دا! و ناخد بالنا بردو ان القرود كانت موجودة بالفعل و القرود الحيوانات العادية بيتناسلوا عادي جدا لان هو دا اصلهم و لا علاقة بين القردو العاديين و المسسخوين المقطوع نسلهم… و دا يودينا للسؤالين اللي قولتهم فالاول و اجابتهم هي تاني حاجة باقية

# ثانيا ١) لو كان الانسان اصله قرد ليه ما تطورش و كمل ما بعد الانسان لكائن اخر؟! ليه التطور وقف؟ ببساطة الاجابة لان الانسان مش اصله قرد اصلا! زي ما وضحنا خلال الكلام اللي فات كله

٢) ليه القرود الحاليين عالارض مش بيتطوروا لبني ادم؟!! لان الانسان مش اصله قرد و القرود اللي نعرفها دي حيوانات مالهاش علاقة بالانسان…

٣) بما اني قولت ان الكائنات الاخرى غير الانسان ناتجة عن التطور… هو في تطور لسه بيحصل؟ طيب لو في ليه احنا ما بنشوفوش او ما نعرفش عنه حاجة؟!! الاجابة التطور حصل فعلا لكائنات كتير و لسه بيحصل و لكن عشان يحصل في حاجات لازم تتوفر… زي مدة زمنية بقدر ما يسمح لطفرات جينية تحصل فالكائن الحي و يكون في دافع اصلا للطفرة دي… و الدليل كدا فيرس الانفلونزا اللي بتطور و يتحور كل فترة غير الفترة اللي قبلها لحد النهاردة زي فيرس الكورونا… لان الكائنات الدقيقة دي بنحاربها (عنصر السبب) و بنموتها مثلا بالادوية فقطريقة دفاعية عن نفسها بتطور نفسها و كل جيل جديد بيكون فيه طفرة جينية تخليه اقوى من اللي قبله قادر يتفادى المخاطر و يحاربها عشان يستمر و ما يموتش… و عشان هم كائنات دقيقة جدا بيكون المدة الزمنية لان دا يحصل قليلة مش كبيرة… زي ما حصل مع الكورونا و الانفلوانزا العادية اللي كل سنة بيكون ليها لقاح مختلف! سبحان الله

و بعض الحيوانات و الكائنات زي الافيال… (منقول من المصدر الثاني)

و التطور يكون أكثر وضوحا في الكائنات البسيطة، ولكنه يتطلب وقتا طويلا للغاية قبل أن تتضح آثاره في الكائنات المعقدة.

مؤخرا، توصلت دراسة نشرت في دورية "Science" (سايانس) العلمية إلى أن الأفيال الأفريقية تمر بمرحلة تطور جيني، حيث يولد بعضها بدون أنياب، بعد أن عانت من عقود من الصيد الجائر المخالف للقانون لاستخدام أنيابها في تجارة العاج الممنوعة دوليا. أصبحت تلك الحالة الوراثية أكثر شيوعا في أفيال متنزه غورونغوسا الوطني في موزمبيق. وقد تعرض حوالي 90 في المئة من أفيال البلاد للذبح بين عامي 1977 و1992 على يد مجموعات مسلحة تحمل بنادق الكلاشنيكوف لاستخدام أنيابها في تجارة العاج، ومن ثم تمويل الصراع الدموي الذي شهدته البلاد.

الأفيال التي نجت من أسلحة الصيادين كان معظمها يشترك في سمة واحدة مهمة: نصف الإناث ولد بدون أنياب، بينما قبل الحرب، كانت النسبة لا تتجاوز 20 في المئة، ما اعتبره باحثون بقعة ضوء وسط سيل من الأنباء المقلقة حول خطر تعرض تلك الحيوانات للانقراض.

لم يزعم داروين أن "الانتقاء الطبيعي" لديه القدرة على خلق تنويعات جديدة من الكائنات، ولكنه يستطيع فقط التأثير على التنويعات الموجودة بالفعل في الطبيعة.

داروين نفسه لم يكن على ما يبدو معارضا لفكرة وجود إله خالق، فقد كتب ضمن خاتمة كتابه "في أصل الأنواع": "..على الأرجح كل الكائنات الحية التي عاشت على هذه الأرض انحدرت من شكل بدائي واحد بعد أن نُفخت فيه الحياة من قبل الخالق". وقد فسر البعض ذلك بأن داروين كان يرى أن القدرة الإلهية هي التي خلقت الحياة، ثم أصبحت هذه الحياة عرضة للطفرات والتنوعات والانتقاء الطبيعي.

(نهاية النقل من المصدر الثاني)

بعد كل دا نطلع باهم استنتاج ان القران الكريم هو الكل من الحق سبحانه و تعالى و ان العلم اللي وصلنا له قليل جدا وهو الجزء و ليس الكل.

و ان في فرق كبير او مالوش نهاية بين ان انسان يكتشف نظرية حتى لو كان ابو العلماء او ان انسان يكتب مقال او اي حاجة زي كدا و ان يكون كلام إله الانسان ديما عنده قصور فكري و علمي و ادراك عشان كدا وارد جدا ان كل الكلام اللي قولته يكون كله غلط لكن الاكيد ان كلامي انا اللي قولته دا كله فيه نسبة خطأ : )

انتهى.

في نهاية الكلام الاجتهادي دا المصادر فالكومنت الاول

و هدفي كله ان الانسان يفكر و تفكر فالكون و الخلق كله و الخالق سبحانه و تعالى مش مهم هنوصل امتى المهم بدأ بالبحث…

و الحمدلله على نعمة الانترنت و الكتب

و ابعتولي رسايل فيها ارائكم و لكن لازم تعرفوا اني ان شاء الله لو عندي وقت كافي هتناقش و لكن مش هدخل في جدالات سفسطائية مالهاش نفع و وقتها بكون ديكتاتورية شوية 😂

شكرا لكل اللي وصل لهنا بجد شكرا و ربنا ينفعهم بكل النعم اللي عندكم من عقل و مال و اولاد و علم و يزيدكم جميعا فالخير ان شاء الله

تم بحمدالله

المصادر:

القرآن الكريم مكتوب كامل

https://surahquran.com/

نظرية التطور: بعد 162 عاما على صدوره، "في أصل الأنواع" ما زال واحدا من أهم الكتب العلمية في التاريخ https://t.ly/Um6LB

سرُّ الإعجاز الإلهي في النشأة الجنينية والخلق.. عِظة وعِبرة لكل إنسان

https://shorturl.at/pvzEL

نظرية التطور.. هل تعني الإلحاد؟

https://shorturl.at/joyBK

نظرية التطور في ضوء القرآن وفهم السلف

https://shorturl.at/deyBR

أطوار خلق الإنسان في القرآن بين الإعجاز التربوي والإعجاز العلمي https://shorturl.at/tCK29

المعجزة الإلهية في خلق الماء وكيفية الاستعمال القرآني لها

https://shorturl.at/kuPR9

إدارة الحياة الجنسية والخصوبة بعد إصابة الحبل الشوكي

https://rb.gy/kfavib

مصدر السائل المنوي هو ظهر الرجل، حقيقة أم مغالطة؟ (مصدر نظرية علمية خاطئة منفية فالمصدر القادم)

https://rb.gy/6ct3a6

الإعجاز العلمي للقرآن الكريم في ذِكْر العلاقة بين المني المقذوف وبين فقرات الظهر وأضلاع الصدر

https://rb.gy/95kxwn

ايات القران التي تتكلم عن: خلق ادم و الانسان

https://rb.gy/2dh3tf

هل القردة والخنازير الموجودة الآن بشر مسخوا https://t.ly/Z8pgQ

0 notes