#احلى صوت

[ii2xj]

Ouch Something cute happened to me!

[jaunerevee]

بمناسبة مرض كندة علوش ربنا يشفيها وتأثير الكلمة على الانسان , اجازتي اللي فاتت في مصر كانت بعد ٨ شهور من كوني ماشية على مضادات الاكتئاب اللي وصلتني في ٨ شهور من وزني المثالي ٥٤ ل ٦٦ .. قبل ما انزل مصر كنت عارفة السيناريو اللي هيحصل فا وقفت ادوية الاكتئاب بطريقة اغبى ما يمكن من غير ما ارجع لدكتوري حتى وده وصلني لنوبات غضب وعياط مستمر واكتئاب وماكنتش قادرة اسيطر على مشاعري لمدة شهر ونص قبل اجازتي كل ده عشان وزني ينزل بسرعة مع الدايت بس طبعًا مالحقتش واول ما نزلت اجازة مافيش حد قابلته غير وسألني انتي حامل ؟ وزنك زاد وشكلك متغير ليه كده ؟ الا ماما حبيبتي ربنا يديها الصحة ويبارك لي في عمرها ما سألتنيش خالص بس لما قعدت معاها بعد كام يوم وحست اني زعلانة فضلت بصالي شوية وقالتلي انتي احلويتي كده ازاي ؟انتي عملتي عملية تجميل في مناخيرك ؟ دي صغرت وبقت شبه مناخيري اوي .. يومها روحت من عند ماما نفسيتي احسن وحسيت ان ما عادي اتخن يا جماعة مالكم ! ووقفت محاولاتي المؤذية في اني اخس اللي كان منها دايت كيميائي مش مسامحة نفسي اني فكرت فيه حتى وكل ده كان بيتزامن مع رحلتي في استكشاف طبيعة الكتلة اللي ظهرت في جسمي فجأة، هل هي حميدة؟ خبيثة؟ هبقى كويسة ولا لا ؟ ويطلع صوت حد سخيف فجأة بس انتي تخنتي ههه احنا كبرنا ولا ايه ههه وهكذا لمدة شهرين لحد ما سافرت تاني .. لحد النهاردة باي ذا واي مش عارفة انزل بوزني جرام واحد حتى وكل ما اشتكي لماما واقولها اني بعمل دايت تقولي هو فيه احلى من ان الست تبقى مالية مركزها كده اللي يقولك تخنتي قوليله من خير جوزي .. وفعلا بقيت بعمل كده اللي بيقولي تخنتي بقيت بقوله من خير جوزي وقلة الادب بتتحول لهاها وخلاص كده .

[fozdoaa]

الكوتش بتاعتى انهارده فى تمرين السباحه اعتذرت ونزلت مع واحده تانيه معرفهاش يمكن مكنتش مرعوبه والحمد لله بس كنت خايفه هى هتتعامل معايا ازاى، اكتفيت انى قولتلها انى مبعديش الحد ده واكدت عليها ،قالتلى اطلعى طلعت رجلى وقفت مكانتش بتش��غل خالص رجعتنى للستارت تانى وقالتلى شغلى رجلك كده نفذت لقيتها بتقولى انتى احلى واحده فيهم بتعملى ضربات رجلين كويس جدا ازاى بتدرب هنا لسه وازاى رجلى بتقف بالشكل ده ؟ حقيقه كانت مستغربه جدا يمكن استغرابها اثار فضولى او شجعنى بطريقه ما انى اجمد قلبى كنت عايزه اقولها ان ده حالى فى كل حاجه فى حياتى عارفه ماى ابيلتيز جدا وعارفه حدودى ورغم كده بفضل مكانى ، طلعتنى تانى بالبورد رجلى وقفت تانى فرجعتنى للستارت وكنوع من العقاب فوتت دورى سألتها قالتى هسيبك لما تبقى عايزه تطلعى الغريب انى متضايقتش الأغرب انى فضلت بهزار ازن عليها تطلعنى بالبورد لعند مقالتى لو جاهز يلا ظبطتلى حاجات وعملناها سوا ،

رجعت من التمرين وكل اللى مسيطر عليا لما انا كده والأبيلتيز بتاعتى كويسه ليه متخشبه مكانى بالشكل ده ! وليه محاولش انزل لعمق اكبر وهى كده كده معايا ! وحقيقه دى اول مره اتجاوز خوفى فى التفكير قبل كده كان ممكن اشجع نفس بس فى حدود المكان اللى انا متطمنه فيه انما اول مره اشطح بتفكيرى لكدا اصلا .معرفش دا هيبقى دافع حلو ليا فى المرات الجايه ولا لاءه بس انا متحمسه للمحاوله جدا .

مبسوطه قوى انى الحمد لله عديت مرحله الطفو ،مبسوطه اكبر انى مبقتش بخاف من صوت المايه او اللحظه اللى جسمى بيغطس فيها تحت المايه لعند مايرفع بالعكس انا مبقتش بفكر ولا اتوتر وبعملها من قبل ما الكوتش تقولى اطلعى او هوب حتى , ايفن انا مبقتش بخاف من كلمه هوب بالعكس جدا. الغريب ان الأول كان ممكن اصلا اخد استغاربها منى على انه استقلال بخوفى الأغرب انى سألت انهارده انى اكمل معاها هى بالذات برايڤت . حاسه ان السباحه بتشدنى قووى من كل النواحى حقيقه وفعلا حاسه انها علاج اكتر منه اكتيڤيتى وانى كنت صح وأنها بدأت فعلا تصدق معايا فعلا .

دو يو نو من المؤسف انى معنديش حد اشاركه انفعالاتى دى

[ebrahimx]

احلى تدريب رمايه على موسيقى فيلم ابراهيم الابيض حاجه في منتهى الروعه طبعا قبل ما عيني تتعبني كنت باخد ١٠ ايام على الدفعه بسبب الرمايه الطلقة بفرد اصلا اصلا كنت فرد RBJ قطع غيار بني ادمين بتطير في الجو ولا صوت النص بوصه وهو بيرن في عتمة الليل يااااااه يا جدعان انا عايز ارجع لأيام المداهمات

[samuraiiii]

مافيش صوت ممكن تسمعه دلوقتى احلى من صوت ششش

بتاعة زينة رمضان وانت ماشى فى الشارع بليل 🤍

[reyad-hussein]

احلى حاجة معدتش هسمع صوت مختار جمعة فى اذاعة القران الكريم

[nw589]

امس بنسبالي كان يوم حلو اتكلمت مع صديق ليا عرفته في الفتره اللي ما كنت اكلم حبيبي فيها، اللي يعجبني اني الاقي معه اشياء جداااا احبها تتسزه ليا مع كامل وعيي انه مو ليا مجرد صديق لا اكثر انا ابغى احد ليا فقط المهم يعرفني احب الاناقه و الشيب و وضحت له كم مره مفهومي على الاناقه و هو يشوف انه عادي لبسه مو انيق ابدا بعكسي ف صار لي شهر تقريبا و انا اتكلم معه صوت في الويك اند و يفتح ليا الكاميرا و هو في المكتب يخليها و يسولف معي و كل شي اقوله اشوف ردت فعله و هذاا الشي جدااااااااااا يعجبني طبعا انا ما افتح ولا يمكن افتح بس كونه يشاركني كذا يعجبني لدرجه فضيعه، كمان دائما يكون السبب انه يبي يوريني شي او اساعده في شي لشغله ف يفتح الكام يقلي مرحبا و يقلب الكام يوريني اللي بيوريني هو نفس الشي صار و بصراحه اشتاق كثير انه يصيور كذا حتى لما بيرجع البيت يخلي الفديو و هو يسوق ي الللله 😍😍😍😍.

لما اتصل عليا كان حاطط الجكيت على الكرسي و قاعد ب الجينز و القميص الساده اللي يتلبس تحت الجكت الكاجول قلت له والله لبسك حلو خاصه مع الجكيت اللي وراك ف التفتت وراه و قالي دقيقه و قلب الجوال على المكتب و قام لبس الجكيت و قال لي كيف شكلي انا صراحه خقيييييت و قلت اخ بس هذا الللي ابيه بس مع حبيبي ياالله حبيبي ما كان هذا الجو في باله اصلا المهم مدحت في و قلت له كذا خرجت من البيت؟ ف قال لي لا دقيقه مو كذا و بعد عن الكام و دخل طرف القميص في الجينز و رجع قالي كذا طلعت انا سالته كنت بقوله كيف زوجتك خرجتك كذا بدون ما تبوسك و تقول لك انه انت انيييييييييق بس استحيت و سكت ما ابي انفهم غلط و كمان انا دائما حالفه ما يكون عندي زوج يطلع كذا ي اني لاااااازم ابوسه و اشياء اخره 😂🙈، الله يرزقنا يارب، و قعد حق 6 دقائق و هو واقف عشان اشوف الاناقه قسم بالله معرف وش اقول لي حبيبي ما كان كذا يكلمني فديو كول و هو يسوي شغله ها صديق بس يقولي دقيقه بروح السياره و اخذ الجوال و يحطني و يكمل سواقه للبيت اتجنن قسم بالله لانه مره شغله حلوه و طول عمري كنت و ما زالت احبها،

صديقي اللي اول مره عيشني ذي الحركه كان يسويها و هو يطبخ و هو يغسل عاد ذاك عزابي و كان مع مجموعة شباب ساكن لكن كل واحد لوحده و احلى فقره لما كان يحلق شعره و يضبط لحيته و يكلمني فديو ااااااخ وقتها قلت بس يصير عندي حبيبي يارب يسوي لي كذا بس النتيجه مختلفه جداا سبحان الله. طبعا هذي الحركه تحسسني انه هذا الرجل بيشاركني كل تفصيله في يومه هذا الشي يشبع جدااا احتياجي لرجل يخليني قريبه منه و خاصه لو لبسه او شكله مثل ما احب ي لطيييييييف رحت ملح. و هذا شي صديقي جداااا يفهمه + دائما شي في اعماقي يخليني بين شهر او ثلاثه اسابيع احس بتاكد هل هو متمسك فيني ولا لا بس هذا التصرف غصب عني يقومه هما وش يسون؟؟ يبتعده طيب تقدر تقرب مني تقلي ولله هذا تصرفك جدااا ازعجني او ضايقني الخ بس انا احبك و متمسك فيك اااااه بيجيب رأسي وقتها خاصه لو يتقن لغة الجسد او بدل ما تخلوني اتصرف كذا كل فتره انت اعطوني من نفسك التوكيد اللي يهدني و يخليني ما اتصرف كذا مثلا يقرب مني يحضني بقوه يقلي انا احبك و اخاف عليك و انتي مهمه ليا، وكل الجمل اللي تشبع داخلي.

هذي صوره لرسالة ارسلها صديقي ليا اثرت فيني

و يوم سعيد لكم 🤍🤍

[acupof-coffee]

جرنا العزيز اللي بيشغل ام كلثوم كل يوم فى الوقت ده بيثبتلي نظرية ان صوت ام كلثوم من بعيد احلى قاعده اسمعهت وهي بتدندن "كفاية بقى تعذيب وشقى و دموع ف فراااق و دموع ف لقى" تعتب عليا لييييه

[lucid-dreamer-0]

4 ايام بلياليهم الانترو دي معلقة في دماغي ومش عارف اسمعها..

لما الشيطان حاول يفتن سيدنا المسيح على الجبل، سيدنا المسيح رد عليه في الفتنة الاولى رد عظيم أوي وهو بيقول: لَيْسَ بِالْخُبْزِ وَحْدَهُ يَحْيَا الإِنْسَانُ  .. أحلى تفسير قريته ليها في الكتاب المقدس كان: بل يحيا الانسان بالجمال، بالفن، بالحب، بالأدب، الخبز وحده غير كافي.

الفترة اللي فاتت كانت أطول فترة قضيتها في حياتي من غير ما اسمع مزيكا، وبجد ادركت قيمتها وقد إيه فيه لحظات في الحياة لا تستقيم من غير ما يكون لها موسيقى تصويرية في الخلفية تحطها في قالب وتدي للصمت معنى، زي ما الفراغات في الجملة بتدي للحروف معنى (الفراغاتفيالجملة -- شوفت من غير فراغات الحروف ملهاش لازمة ازاي؟) نفس الكلام بالظبط بينطبق على المزيكا وأي صوت تاني في الوجود، مينفعش حد منهم يسود طول الوقت، مينفعش تفضل الدنيا حروف بس ولا فراغات بس، لا اصوات بس ولا مزيكا بس، عشان ليس بالخبز وحده يحيا الانسان بالصلاة على النبي.

من كتر ما انا خرمان مزيكا اتعرفت على واحد اسمه أيمن كان في مسرح الكلية بتاعته وكنا بنقعد إحنا الاتنين نغني في آخر كل يوم، او بمعنى أصح كنت بخليه يراجعلي على الاغاني اللي بحبها عشان منساهاش. وفي مرة كنا قاعدين ورا خالص وخليته يغني واحدة بتشبهك وحرفيًا شقلبت كياني، بالذات في الحتة اللي بيقول فيها: كأني اشتقتلك، خايف أنسى شكلك .. واللي هو في الاول من كتر اللي بسمعه كنت خايف انسى شكل الناس اللي بحبها في المكان ده، اينعم منستهمش، بس ده مغيرش رغبتي أنا ومحمود ردايدة في إني ابوسك على كتفك واشم ريحة شعرك، عشان سكة ودغري كده مفيش احلى من هيك، مفيش أحلى منك

اولسو كنت بتكلم مع نبيل هناك عن التوب فايف المفضلين في الراب، وفضل يحكي ويتحاكى بأبيو وقد إيه هو  بروديوسر جامد وضرب المثل باعتقد كده أنسب (اللي بعشقها طبعا)، قولتله قشطة هو جامد بس مش كانيه يعني، وفي نفس ذات اللحظة لاقيت عمر (مكنتش اعرفه ساعتها) جاي من ورا وبيقولي وكانيه فين في التوب فايف؟ قولتله لا ده توب فايف وتين والف ، ده فوق في حتة لوحده وبعده يجي كل الرابرز، فالواد اتصدم وقالي انا عمري ما كنت متخيل إني ممكن اقابل حد هنا يعرف كانيه اصلا مش بس بيحبه زيي!

وبعدين قعدنا نتكلم عن تراكاته اللي بنحبها، كان لينا قعدة كده في سبوت معينة ساعة الغروب وجت سيرة التراك ده .. عارف لما تسمع غنوة وتخلي جسمك يقشعر؟ انا حرفيا قشعرت بمجرد ما افتكرت التراك، المهم ان عمر طلع شاف الدوكيومنتري بتاع كانيه وحبه زيي، وكمان شاف الدوكيومنتري بتاع ترافيس اللي هو Look mom I can fly واتبنت صداقتنا على الحوارين دول وعلى كانيه بالخصوص.

وعشان انا جدع هسيبك مع تاني تراك بحبه لكانيه ومش بلاقي كلام يوصفه زي كومنت على يوتيوب قال: ده الساوند تراك للتتر الختامي للحياة.

[fozdoaa]

انا حاسه انى لو رقعت بالصوت الحيانى صوت ولا اتنين كده يومى هيبقى احلى بكتير

[nana-20]

النهاردة في حضن اوضتى و سريري و ماما العزيزة ❤️

ليلة عادية عاااادية جدا الساعة 1 نص الليل دخلة الشتا إضاءة خافتة هدوء مش طبيعي و فيلم تسعيناتى و ماما معاها طبق فاكهة و ريحة ماندلين و انا تحت البطانية تعزم عليا بفص من احلى واحدة في الطبق هي تعرف تنقيها و دايما صح

شكرا يارب على ليلة عادية فيها ضحكة ماما و صوت أنس النايم جمبي و ريحة السفندى و البطانية في الشتا شوكرااااا❤️❤️❤️❤️❤️❤️❤️☘️☘️

[soull22]

معرفش ليه صوت الست لما بيكون جاي من بعيد بيبقى احلى و صوت الست جاي من بعيد حالا بيقول " و عمري ما أشكي من حبك مهما غرامك لوّعني"

حاضر يا ست حاضر

[fl-uoxetine]

حمادة احلى حاجة في الليلة دي والله، صوت وتربية واخلاق ودم خفيف وكل حاجة جميلة في الدنيا 🫰🏻❤️

[f-farah]

اليوم الصبح ولأسباب مجهولة كالعادة بيرافقني بيت لمحمد الماغوط بيقول "في الزحام الحزين، وحدي"، ومع استمرار صدى البيت براسي بأساليب مختلفة وبمشاعر مختلفة، بسمع حدا عم يقول: "يا الله الجامعة حلوة والجو حلو بس لو من دون امتحانات" ولأني عادةً إنسانة حدث وحكت مع حالها بصوت عالي بالشارع ونظراً لأنو صارت حالة طبيعية تسمع الناس عم يحكوا حالهم بصوت عالي فتجاهلت الصوت ورجعت لعصر راسي لأتذكر اذا البيت فعلاً للماغوط او هبدة جديدة من هبداتي الشعرية، بس، بس، بس يبدو انو الصوت كان عم يحكي معي او عم ينقذني من الزحام الحزين المحتشد داخل راسي، كانت صبية وعادت جملتها مرة ثانية وهون حسيت انو الجو اليوم حلو فعلاً، كل ورود الجامعة مفتحة واللون الأخضر رايق وكاسح الدنيا والعصافير تزقزق وهذا المشهد من السما اللي فيها شوية غيوم بيعملوا أشكال ظريفة عظيم، والشمس دافية، وانو الفترة الجاية رح حب اقضي أوقات كثيرة بالجامعة وإنو التعرف على أشخاص ومقاسمتهم أحاديث غير متوقعة بأوقات غير متوقعة قصة سهلة. وخلال أقل من خمس دقايق كانت الصبية عم تقفز فوق اعتياديات الأحاديث "وعم تحكي اكثر مني وبشكل أسرع كمان" وعم تخبرني انها عم تقرا رواية، اوك هون بقى صار الحديث يستهويني (نظراً لأني كنت عم اسأل حالي مين هي؟ شو بدها مني؟ وليش الإنسان ما بيقدر يعيش شوية دقايق صباحية غرقان مع حالو وبس بهالأجواء؟ وهل فعلاً كان الأفضل اقضيهن لحالي؟) سألت عن الرواية، بس يعني حسيت بالخيبة المعتادة لقضاء الناس، ونحنا أوقاتنا مع كتب سيئة ومكررة، مع إني ما بعرف الرواية بس عنوانها بيعطيك إحساس بإنها شي شبيه ب "أحببتك اكثر مما ينبغي" و"أنت لي" اللي اساساً ما قرأتهم لأنو بيعطوني إحساس بمغص، وهون نط صوت براسي وحكالي اذا فعلاً هذا سبب شعوري بالخيبة، او اذا كان السبب إني ما عرفت الرواية ومو سامعة فيها من قبل ولا حتى عندي فكرة عن الكاتبة وبالتالي مو منطقي تكوين صور مسبقة او نقد.. انو عنجد سيئة ومكررة! تو ماتش بجد. المهم إنو ما خطرلي اسأل عن تفاصيل الرواية لأني كنت غرقانة بنقاش مع حالي بالوقت اللي كانت عم تحكي فيه شي بس ما كنت مركزة معها وغالباً خبرتني انها ما درست للفحص لأنو قررت تقرا الرواية اللي موجودة عندا من شهور، وضحكت وضحكتها حلوة ورايقة وكلها طاقة. وبعدين حكتلي نقعد بالجنينة، اي وجنينة الصيدلة لطيفة كثير لأنو كلها نباتات طبية وورود وياسمين ونباتات غريبة الها اسماء غريبة وصعبة. شفت رفقاتي بالجنينة وخبرتا اذا بتحب نروح ندرس معن فقالتلي انو بدها تدرس لحالا احلى ما تلتهي، وتودعنا، اي وبس هيك.

[marmarika-world]

من احلى الحاجات اللى فى الدنيا صوت الشخص اللى بتحبه ❤️

[fallenleaf0]

كنت بقعد أقول امتى عمر يمسك الشخشيخه و امشي في الشقه اسمع صوت شخشيخه كدا .

بقى بيشخشخ بيها فيضحك .

و ضحكته احلى صوت في الدنيا 🥺💚